رواية شاطئ الجمر للكاتبة لولو الصياد الفصل التاسع
نادر: نعم...
نظر له والده نظر شر واقترب منه وهمس له...
منصور: انت تسكت خالص مش شايف المصيبه اللى وتين حطتنا فيها وخودها من هنا بدل نا تكذبنى ومن غير اى نقاش حتى لو هتاخدها بالقوه...
نادر بغضب: طيب: بس مش معنى كده...
منصور: خلصنا مش وقت كلامك واتفضل امشوا من هنا جتكم القرف...
نادر: طيب طيب...
وتين: هى مين...
وضع نادر يده على فمها ومنعها من الكلام وقام بسحبها بقوه وغصب عنها بعيدا عن التجمهر...
مارلين: اونكل: دى المتوحشه بتهرب الحق...
مؤمن: انا مش قلت خلاص تسكتى...
مارلين: سورى اونكل...
منصور: مؤمن انت عارف انى مرضاش اللى حصل بس كل الحكايه ان والدتها توفت من ايام قليلة واعصابها تعبانه بس وارجوك قدر الظروف...
مؤمن: وهو يربت على كتف صديقه: محصلش حاجه: بس هو نادر اتجوزها امتى...
منصور: ها احنا كتبنا الكتاب قبل الوفاه بايام واجلنا كل حاجه علشان بس الوفاه وكده ما انت فاهم...
مؤمن: فعلا على العموم البقاء لله ومش علشان حاجه تافهه هنخسر بعض...
منصور: طبعا طبعا...
باسل: بابا انت ازاى تتنازل عن حقى بسهوله كده
مؤمن: انت تخرس خالص اكيد انت عملت الشويتن بتوعك معاها وكويس انها ربتك...
باسل: بس...
مؤمن: خلصنا...
منصور: احم: انا عازمك بكره ان شاء الله على العشاء انت والاسره الكريمه...
مؤمن: طبعا وكمان علشان نبارك للعرسان...
منصور: احم: الله يبارك فيك...
: سوزان: هو انا بحلم ولا ايه...
سيف: لا واضح انه كابوس: وتين ونادر سوا دا البيت هيولع يالهوى عليك يانادر يا خسارتك يا اخويا هنخسرك بدرى يا حبيبى...
شهيره: اخرس يا ولد: بعد الشر على اخوك...
سيف: عاوزك يا امى تبقى تتطمنى على ابنك يوميا علشان لو اتشغلتى عنه ممكن وتين تقتله اهىء اهىء اهىء...
سوزان: هههههه يخربيتك ده وقت هزار ده زمانهم بيكلوا بعض دلوقتي...
سيف: فعلا...
منصور: يله بينا...
وتين: سيبنى خلينى اروح اقول للناس دى انى ابوك كداب...
نادر: وهو يدخلها السيارة غصبا: اسمها والدك واتعلمى الادب...
وتين: يا عم انت فاضى تصلحلى الكلام ومش واخد بالك ابوك قال انى مراتك انت...
نادر: وايه يعنى...
وتين بغضب: انا اتجوز عيل خرع زيك...
وجدت صفعه تنزل على وجهها بشده المتها كثيرا وانصدمت بشده لاول مره فى حياتها أحد يرفع يده عليها...
وتين: انت بتضربنى يا ابن...
وجدت صفعه اخرى تنزل على وجهها...
نادر بعصبيه: كل ما هتغلطى هادبك كده لان واضح ان ده الاسلوب اللى ينفع معاكى وواضح انك متربتيش وانتى صغيرة بس انا هربيكى من اول وجديد...
وتين لم تتحدث وانما نظرت الى خارج السياره من خلال الزجاج ولكن لم ترى شىء كانت فى حاله صدمه شديدة...
اقترب منصور منهم: وقتح الباب وركب بالخلف...
منصور: اطلع...
نادر: حاضر على الفيلا...
منصور: لا على الماذون...
نادر: يا بابا...
منصور: بغضب مش عاوز كلام كتير...
لم تكن وتين تسمع ما يحدث حولها وإنما كانت مصدومه وبشده من صفع نادر لها...
وصل نادر امام الماذون ونزل الجميع ووتين فى عالم اخر لاتدرى ما يحدث حولها وبالفعل تم القران واصبحت زوجته بالفعل كانت مثل الدميه تفعل ما يقولون دون ان تعى ذلك...
لم تفيق الى على صوت شهيره...
شهيره: وهى تحتضنها بقوه: مبروووك يا حبيبتي الف مبروك...
وتين بعدم فهم: الله يبارك فيكى على ايه...
سوزان: وهى تحضنها على جوازك...
وتين: هههههههههه جواز ايه انتى شاربه حاجه...
سوزان: وتين احنا عند الماذون مش واخده بالك انتى بقيتى مرات نادر ووفقتى ووقعتى كمان...
وتين: بعصبيه: ايه الهبل ده مين ده اللى جوزى وتركتهم وخرجت مسرعه...
منصور: وراها يا نادر دى مجنونه...
خرج نادر خلفها: وامسك يدها: على فين...
وتين: وانت مالك...
نادر: يا بنتى اتقى شرى وانتى دلوقتى مراتى...
وتين: العب بعيد يا شاطر ال مراتى قال...
نادر: بصى كده على القسيمه دى...
نظرت بها وتين ووجدت توقيعها وبالفعل هى زوجته...
وتين: انا مكنتش مركزه لا لا انا مستحيل اتجوز اصلا واعتبره محصلش...
نادر: هو ايه اللى محصلش اوعى تكونى فاكره انى دايب فيكى لا يا ماما انا اتجوزتك علشان ابويا بس انما انتى ولا تفرقى معايا انا اصلا قلبى وعقلى فى حبيبه ومش واحده زيك اللى هفكر فيها فهمتى: وتركها وذهب...
وتين: حاضر يا نادر بيه وكل واحد يعمل اللى هو عاوزه وانا هوريك انت بالنسبه ليا ولا حاجه ومبقاش وتين ان ما خليتك تلف حوالين نفسك...