رواية سهرة منتصف الليل للكاتبة يارا رشدي الفصل التاسع والثلاثون
التفتت اليه وهي تقول بعدم تصديق:
انت قولت هتجوز مريم؟
اوما راسه بنعم لتقول هي:
يعني ايه انت بتكلم ازاي هتجوز عليا ومريم انت في وعيك ولا سكران؟
لا في وعي يا فريده هتجوز احنا كده كده هنتطلق واهو بسهلهالك اكتر قوليلهم بضربك وبعذبك وكمان اتجوزت عليكي وهتطلعي قدامها الضحيه وانا المفتري
مبروك.
قالتها وهي ترحل والدموع تسقط من عينيها وصلت الي غرفتها ثم اغلقت باب خلفها جلست خلف الباب وصاحت باكيه لم تشعر بنفسها ظلت تصرخ بلا وعي وصوتها ذلك يصل الي فارس لم يتحمل غادر الشقه باكملها استقل سيارته وظل يقودها بلا هدف ليته لم يذهب لعمر من الاساس..
ضحكت مريم وهي تقوم بازاله الغطاء الموجود علي الفراش:
الغبي صدق ان ده دم
ابتسم عمر ثم هتف ;
غلبان عمر زي فريده بظبط الاتنين غلابه ووقعوا في بعض
بس كويس انه صدق ودخلت عليه يعني ومجالهوش لحظه شك انه كان نايم اساسا بسبب المنوم الي كان في العصير
مش بقولك غلبان عايزك بقي الايام دي تتمسكني عليه علي الاخر ومتخلهوش في اي لحظه يفكر في حاجه فهماني؟
وفي الصباح عاد الي منزله اقترب من غرفه فريده وقام بفتح الباب بخفه وجدها تغفو خلف الباب اقترب منها وحملها بين يديه ثم وضعها علي الفراش ثم هتف بقله حيله:
انتي الي عملتي فينا كده ضيعتي كل حاجه
نهض من جانبها ثم اتجه الي الغرفه الي يغفو بها القي بجسده علي الفراش ونظر الي سقف الغرفه يحاول تذكر كيف فعل شئ كهذا بمريم؟!
ايه رايك نسافر اسكندريه اسبوع كده نغير جو؟
قالها سيف وهو يتناول طعامه لتقول ليلي:
فكره حلوه انا من زمان اصلا نفسي اروح اسكندريه
طيب يا ستي اهو هنروح جهزي نفسك بقي
ابتسمت هي ثم هتفت:
سيف صحيح هو عمر صاحبك ده التنح الي كان بيرد عليا دايما ويقولي يا سنيور راح فين بطلت تكلمه ليه؟
وايه الي فكرك بيه يعني
اجابته هي:.
بصراحه ومتضحكش عليا انا دايما بحلم بيه وبنبقي قاعدين كلنا كده انا وانت وهو في مكان زي كباريه وهو قاعد يضحك ضحكه سمجه ومستفزه وانت قاعد بعيد زعلان وانا بردو ببقي قاعده كده زعلانه مش عارفه ليه دايما بحلم بيه
تنهدت سيف وهو يقول:
اقري المعوذات يا روحي قبل ما تنامي وانتي مش هتحلمي بيه نهائي تلاقيكي بتفكري كتير بس قبل ما تنامي
مش عارفه طب هو راح فين؟
قطعت علاقتي بيه من فتره يا لولو وعارف طبعآ هتسالي علي سبب انا كنت هقولك موضوع ده في وقته بس بما انك فتحتي موضوع يبقي احيكلك عمر غلط مع واحده اتجوزها عرفي وبعدين اتخلي عنها وسابها اتكلمت معاه علشان يستر علي بنت بس هو مفيش فايده علشان كده قطعت علاقتي بيه
حيوان والله دمر مستقبل البنت طب وهي هتعمل ايه دلوقتي؟
مش عارف بس ممكن تعمل عملبه ترقيع يعني اهو تستر نفسها وخلاص.
وفي المساء
وجدته يقف امام المراءه يرتدي ثيابه ويضع العطر لاتدري لما شعرت انه سوف يذهب لخطبه مريم
هتفت هي بتلعثم وخوف من اجابته ;
انت رايح لمريم؟
التفت اليها وهو يقول:
اه هتكلم مع اخوها ونشوف الدنيا ايه
وما ان سمعت تلك الجمله شعرت بان كل شئ حولها يدور اقتربت منه هاتفه برجاء:
بلاش تعمل كده فيا يا فارس
احنا اصلا هنتطلق خليني اشوف حياتي من دلوقتي
احتضنت وجه بكفه يديها وهي تقول هامسه:.
لو اتجوزتها انا هموت من القهره بلاش تعمل فيا كده
فريده بلاش تصعبيها عليا اكتر من كده من فضلك
قالها وهو يبعد يديها عنه ثم القي نظره اخيره علي هيئته في المرأه ورحل.
ومادام فريده؟
قالها عمر بتساؤل ليجيبه فارس:
هنتطلق قريب بس مش هنيفع الفتره دي علشان اهلنا
هتف عمر وهو ينهض من مكانه:
هشوف راي مريم
لو وافقت احنا ممكن نكتب كتاب الكتاب نهارده
وليه الاستعجال ده وبعدين مريم اكيد هتعوز تعمل فرح وتلبس فستان زي اي بنت بتحلم تلبس فستان ابيض ويتعملها فرح ولا انت رايك ايه؟
شوف مريم هتعوز ايه وانا هعمله.
حطمت كل شئ بغرفه لم تترك اي شئ بها سليم ثم اخرجت ثياب فارس وقامت بتمزيقها وعندما شعرت بالتعب وصعوبه التنفس اخفت وجهها بالفراش وصاحت باكيه شعرت بفتح الباب من الخارج معلنآ عن وصول فارس..
لم تتحرك من مكانها فقط اعتدلت في جلستها ومحت دموعها دلف الي غرفه ونظر حوله باستغراب قائلا:
ايه الي عملتيه ده؟!
خطبتها خلاص؟
نطقتها بحسره واضحه ليجيبها هو:.
لا اتجوزتها الماذون لسه نازل دولوقتي وانا جيت علشان اخد هدومي لاننا هنروح نقعد في فندق كام يوم لحد ما اشوف شقه كويسه ليها
اتجوزتها؟
اه عندك اعتراض ولا ايه؟
قالها وهو يبعث بالخزينه عن ثيابه ثم قال:
انتي عملتي ايه في هدومي؟
التفت عندما سمع صوت صرخاتها المكتومه وهي تخفي وجهها في الفراش اغمض عينيه بنفاذ صبر ثم قال:
مش عايز زفت هدوم
قالها ورحل من الشقه لم يتحمل سماع بكاءها ولا رويتها في تلك الحاله.
وصل كلاهما الي الفندق قاموا بحجز غرفه لهما ثم صعدوا اليها
جلست مريم علي الاريكه بتوتر مزيف وبدات في العبث بهاتفها اما فارس اغلق الباب وجلس بجانبها قائلا:
كويس الامور عدت واخوكي مخدتش باله من حاجه
بس انا حياتي باظت اتورطت في جوازه من واحد متجوز وبيحب مراته واتجوزني بس علشان يصلح غلطته وكام شهر ويطلقني
قالتها بحسره ليقول هو:.
انا وفريده هنتطلق قريب وكلام ده من قبل ما انتي تظهري اصلا، الحياه بيني وبين فريده مستحيله
ليه؟!
تنهد فارس ثم قال:
ليله فرحنا اكتشفت انها مش بنت اخترعت عليا كذه قصه كان عندي امل تطلع اي قصه منهم صح علي اقل كانت هتبقي مظلومه بس لاسف بعدين عرفت الحقيقه انها كانت متجوزه عرفي والي كانت متجوزاه ده خلع وسابها
هتفت مريم باستغراب:
ازاي يطلع منها كده؟ ميبانش عليها خالص.
اهو طلع يا ستي علشان كده بقولك حياتنا مع بعض مستحيله
بس اكيد لسه بتحبها
حرك راسه فارس بنفي قائلا:
ابدا انا كرهتها ومبقتش قادر ابص في وشها وكلها فتره ونتطلق وانتي يا مريم سامحيني علي الي عملتوه معاكي اقسملكلا بالله انا مش فاكر عملت كده ازاي ولا ايه الي حصل في الليله دي
حركت مريم راسها بنعم ليقول هو:
وانا مش هطلقك بعد فتره ولا حاجه جوازنا هيستمر لابد
يعني ايه؟!
قالتها مريم باستفهام ليقول هو:.
يعني هنفضل مع بعض وانسي الي حصل في الليله دي وسامحيني
ثم تابع وهو ينهض من مكانه:
هسيبك تاخدي راحتك شويه وهرجعلك
قال جملته وغادر الغرفه اما هي قامت بانهاء التسجيل الذي كانت تقوم به منذ البدايه ثم ارسلته الي عمر القت الهاتف بجانبها وهي تقول:
ده انت طلعت غلبان اوي يا فارس هنعيش مع بعض لابد طيب ومالو يعني البت فريده تطلع مظلومه تطلقها وانا الي كنت مدورها تعيش معايا العمر كله دنيا غريبه فعلا.
ظل يقود سيارته بلا هدف ولا يدري ما تلك الكلمات التي اخبر بها مريم كيف كشف سر فريده امامها؟! بالاضافه انه سيظل معها بقيه حياته وحبه لفريده الذي برغم ما حدث لم يستطيع اخراجه من داخله؟!
وايضآ شعور بالذنب من ناحيه مريم يلاحقه الكثير من الاشياء حوله ولا يستطيع التخلص منها
حبه لفريده والشعور بالذنب ناحيه مريم..
اعتدلت من الفراش ومحت دموعها عندما استمعت الي قرع الجرس شعرت انه فارس ركضت الي الباب وفتحته بلهفه واضحه وجدته عمر كادت ان تغلق الباب ولكنه منعها ودلف الي الشقه واغلق الباب خلفه وهو يقول:
عيب يا برنسيسه تقفلي الباب في وش ضيوف
يا اخي يلعن ابو اليوم الي مسكت فيه موبيل
تفحص ملامحها وهو يقول:
شكلك معيطه جامد كل ده علشان فارس اتجوز اختي مريومه
ضحكت ساخره وهي تقول:
اختك ااااه
ابتسم فارس وهو يقول:.
بس ايه رايك؟! وقع في غرامها في اقل من شهر ده طلع مبيحبكيش خالص بجد
بس انا بحبه ولو عمل ايه يا عمر هفضل احبه طلعني من دماغك بقي
احسن مني في ايه هو علشان تحبيه وانا لا؟
صرخت به:.
انضف منك يا عمر انضف منك مهكرش موبيلي وساومني علي صوري وياما تييجي تتشغلي في نايت زفت يا اما صورك تنزل، مدمرش حياتي واعتدي عليا واوعي تكون فاكر بجواز فارس من مريم انا هكرهه ولا هطلب حتي طلاق منه واجري عليك ونعيش سوا يا ابني انا بكرهكك بكرهك انت ليه مش قادر تفهمها بشوفك في كل كوابيس بتاعتي الحب مش بالعافيه مفيش حد بيخلي حد يحبه بالعافيه انت ايه يا اخي معندكش دم.
وكلماتها تلك الالمته كثيرآ من الداخل اخفي حزنه ذلك ثم اخرج هاتفه وهو يقول:
هسمعك حاجه تثبلك قد ايه فارس واحد نضيف فعلا ويستاهل حبك كمان
وبالفعل قام بتشغيل شئ ما ليظهر صوت فارس وهو يقول
ليله فرحنا اكتشفت انها مش بنت اخترعت عليا كذه قصه كان عندي امل تطلع اي قصه منهم صح علي اقل كانت هتبقي مظلومه بس لاسف بعدين عرفت الحقيقه انها كانت متجوزه عرفي والي كانت متجوزاه ده خلع وسابها.
وعندما انتهي ذلك قام بتشغيل شئ اخر وظهر صوت فارس
ابدا انا كرهتها ومبقتش قادر ابص في وشها وكلها فتره ونتطلق
لم تصدق انه كشفها امام مريم بهذه السهوله اما عمر قال:
تحبي اعيد ليكي تسجيل تاني يمكن مسمعتيش كويس ولا استني اسمعك حاجه تانيه
متقلقش علي مريم دي في عيني
انا بحب مريم وعايز اكمل حياتي معاها ولو علي فريده احنا حياتنا مع بعض مؤقته
قامت بمحو الدموع بكفه يديها وهي تحرك راسها بالنفي ثم هتفت باكيه.
مش عايزه اسمع حاجه سيبني في حالي حرام عليك سيبني في حالي انت بتعمل فيا كده ليه بتعذبني ليه حرام عليك اموتلك نفسي علشان ترتاح وتطلعني من دماغك ضيعت مني كل حاجه حياتي وفارس وكل حاجه ليه كده حرام عليك ليه كده
ظلت تردد الكلمات بلا وعي وشعور وهي تصرخ به ثم تناولت الاشياء التي امامها وقامت بالقاها عليه قائله:
اخرج من حياتي وارحمني
اوقفها عمر عما تفعله وهو يقيد يديها قائلا:.
ارحميني انتي يا فريده وحسي بيا انا مش عايز غيرك في الدنيا دي اديني فرصه اتغير وابقي احسن من فارس ده هعيشك اسعد واحده في الدنيا مش ههكر موبيلات حد تاني ولا هعرف بنات تانيه واشغلهم في شغل شمال حتي مريم هقطع معرفتي بيها خالص هتاخد بس باقي فلوسها علشان تمثليه انها اختي ومليش دعوه بيها بعد كده هعملك كل حاجه انتي عايزاها يا فريده هبقي واحد تاني وهنسيكي كل حاجه وحشه عملتها فيكي بس اديني فرصه، فرصه واحده بس مش عايز غيرها.
انت ايه معندكش دم؟ بقولك بكرهك مش طايقه ابص في وشك خلي عندك كرامه انا بكرهك يا عمر بكرهك
قالت جملتها تلك وهي تجذب يديها من حصاره ليبتسم هو بالم قائلا:.
ليه الي زي ملهوش فرصه؟ عارفه لو فارس جالك وقالك بس اسف علشان اتجوزت عليكي وعلشان فضحتك قدام واحده غريبه هسامحيه وتاخديه بالحضن وتديله فرصه تانيه وتالته والف لكن انا مستخسره فيا فرصه واحده بس انا همشي يا فريده بس مش هسيبك في حالك هفضل ادمرلك في حياتك لحد ما تيجي لحد عندي وتقوليلي انا موافقه يا عمر اديك فرصه علي فكره جواز فارس من مريم دي اسهل حاجه عندي التقيل كله جاي ورا.
قال جملته تلك ثم رحل وتركها اسندت راسها علي الاريكه وصدرها يعلو ويهبط سريعآ..
عاد الي الفندق ثم وصل الي الغرفه التي يمكث بها هو ومريم خلع سترته باهمال ثم جلس علي المقعد بشرود تام انتبه علي صوت مريم وهي تقول:
انت مجبتش هدوم ليك؟
لا فريده قطعت كل هدومي
ايه شغل الجنان بتاعها ده
قالها مريم باستفهام ليقول فارس:
انتي وعمر ملكمش اهل قرايب من بعيد من قريب اي حاجه؟
حركت مريم راسها بالنفي ليكمل هو:.
ايه الي حصل بينا يعني انا شربت العصير من هنا وهجمت عليكي من هنا في جزء ده فقدت الذاكره؟!
تلعثمت مريم هاتفه:
معرفش اسال نفسك ومن فضلك بلاش تفكرني بالليله دي
حرك راسه وهو يقول:
يارتني كنت سالت نفسي من بدري يمكن وقتها حاجات هتتغير
مش فاهمه تقصد ايه؟
نهض من مكانه وهو يقول:
ولا حاجه انا رايح لفريده اول مره تبات لوحدها في الشقه واكيد دلوقتي خايفه
وانا يعني ابات في الفندق لوحدي عادي؟
قالتها بغضب مكتوم ليقول هو:.
انتي غير فريده مظنش انك هتخافي تبقي لوحدك لكن هي بتخاف وبتخاف اووي كمان...