رواية سهرة منتصف الليل للكاتبة يارا رشدي الفصل الأربعون
رفعت عينيها عندما شعرت بفتح الباب لتجد فارس امامها لم تصدق انه امامها حقآ اما هو جلس بجانبها قائلا:
لسه منمتيش؟
ثم تابع وهو ينظر الي ساعه يديه ;
الساعه اربعه الفجر
سايب العروسه وجاي عندي ليه؟
قالتها بتساول وعينيها تلمع بالدموع ليقول هو:
لو مضايقك وجودي امشي واروحلها عادي
لم تجيبه بشئ نهض هو من مكانه وهو يقول:
خلاص اروحلها
اوقفته وهي تجذب يديه قائله برجاء باكيه ;
بلاش تمشي.
جثي علي ركبته امامها وانحني الي مستواها قائلا:
خلاص مش همشي بس بلاش عياط
قام بمحو دموعها بانامله بخفه ثم قال:
ارحمي نفسك شويه من العياط عينك تعبت
لحقت تحبها وتنساني بسهوله دي؟! شويه اللبس العريان بتوعها وقعوك في حبها!
ابتسم فارس وهو ينظر اليها بحزن لتكمل هي ;
فضحتني قدام مين تاني يا فارس غيرها وعرفتهم انك عايش معايا بس علشان تستر عليا فضحتني قدام مين تاني
قالت جملتها الاخيره بانهيار ليقول هو.
طيب ممكن تهدي؟!
متقوليش اهدي انا مش مجنونه قدامك علشان
اهدي اتجوزتها ليه يا فارس علشان احلي مني صح؟! علي فكره انا الي احلي منها بس علشان مش باكل كويس الايام دي خاسه ووشي اصفر وباينه اني وحشه وهي حلوه ولا علشان شعرها طويل؟
تابعت وهي تضع يديها علي شعرها:
انا بردو شعري كان طويل وقصيته وبيطول بسرعه فتره وهيطول
اكملت بتساؤل:
حبيتها ونسيتني يا فارس صح؟
حرك راسه بنفي وهو يقول
انا مش بحب حد غيرك.
اتنيلت اتجوزتها ليه وانت مش بتحب حد غيري وحشك الماذون روحت قولت اتجوز تاني علشان اشوفه
خلاص بقي متكبريش الموضوع ما انا راميها في الفندق لوحدها وقاعد معاكي اهو
كل حاجه متكبريش الموضوع ترجع سكران طينه وتلمسني غصب عني وتقولي متكبريش الموضوع تتجوز عليا وتقولي متكبريش الموضوع امال اكبره امتي
قالتها وهي تصرخ به باكيه ابتسم وهو يضمها اليه ثم طبع قبله علي خديها وهو يقول:
انا اسف حقك عليا.
تشبتت بيه واخفت وجهها في احضانه وصاحت باكيه ليقول هو:
كفايه عياط ممكن؟ كل حاجه انتي عايزها هتحصل
رفعت عينيها اليه قائله:
طلق مريم ده الي انا عايزاه
تنهد فارس وهو يقول:
مينفعش
ابتعدت عنه وهي تهتف:
يبقي متكدبش عليا وتقول انك بتحبني مريم عجباك يا فارس وداخله مزاجكك علشان كده اتجوزتها
كاد ان يجيبها ولكن وصل اليهم صوت قرع الجرس تحرك ناحيه الباب ثم قام بفتحه ليجد عمر امامه هتف بدهشه:
في حاجه يا عمر ولا ايه؟
سايب اختي وهي لسه عروسه ملهاش كام ساعه وجاي تقعد مع مراتك الاولي؟!
قالها عمر بغضب واضح ليجيبه فارس بهدوء:
فريده كانت تعبانه واتصلت بيا اسيبها تعبانه يعني ولا اعمل ايه ظرف حصل
اختي منهاره هناك
انا هبقي اصالحها استاذنك بس اشوف فريده لانها فعلا تعبانه تصبح علي خير
قالها فارس ثم اغلق الباب واتجه ناحيه فريده قائلأ
طيب مش هنام ولا ايه نهارده؟
وفي صباح اليوم التالي
لم يغفو عمر من التفكير ما الذي جعل فارس يعود الي فريده ويترك مريم هكذا؟! برغم انه كان يشعر بالذنب من ناحيتها!
شعر بالقلق ان يكون اكتشف اي شئ ربما من يسرا!
تناول هاتفه ثم قام بالاتصال بيسرا وعندما وصل اليه صوتها هتف:
انتي بلغتي فارس اي حاجه؟ واوعي تكدبي
زفرت يسرا بملل وهي تقول:
مبلغتش حد خليك انت اجري وراها كده لحد ما تقع علي بوزك
لو عرفت انك بلغتيه حاجه مش هرحمك يا يسرا.
قالها وانهي المكالمه..
استيقظت من نومها علي صوت فارس وهو يضع صنيه الطعام امامها هاتفآ:
كفايه نوم لحد كده وقومي افطري واجهزي علشان نلحق محاضره بتاعتك انا شوفت الجدول في جروب الدفعه مكتوب ان محاضره ساعه تلاته
ثم تابع وهو يتناول هاتفها ويزيل الاصق الذي تضعه علي كاميره الهاتف:
متخافيش محدش هيهكر موبيلك ويشوف حاجه
وفريده تتابع كل هذا باستغراب واضح جذبت هاتفها وهي تقول:
انت مسكت موبيلي؟!
امال عرفت جدول منين يعني؟ يلا افطري واجهزي علشان نلحق نروح
انا مش عايزه اروح كل حاجه ضايعه مجتش علي مستقبلي يعني
ممكن بلاش مقاوحه وتسمعي كلامي؟ يلا قومي افطري واجهزي
انت سايب مراتك الجديده وقاعد عندي ليه وفطار وسمر كورس مالك في ايه؟!
قالتها وهي تبعد صنيه الطعام عنها ليقول فارس:
وبعدين معاكي.
مش عايزه اكل انا حره مش بالعافيه الاكل ومش رايحه السمر كورس واتفضل كده روح لمراتك الجديده غلط سايبها لوحدها في فندق طويل عريض كده
يعني اروح لمريومه مش هتزعلي وارجع القيكي بتعيطي وبتكسري الشقه
ايه مريومه دي؟! ايه دلع المايع ده اتكلم عدل
ضحك وهو يقول:
حاضر ممكن تفطري بقي ولا ايه؟
تناولت فريده قطعه الخبز من جانبها وبدات في تناوله وهي تقول:
هفطر بس مش هروح احضر محاضرات لاني تعبانه ومش قادره بجد.
اوما راسه بفهم وبعد مرور الوقت هتف هو:
انا نقلت هدومك من اوضه الاطفال لعندي في الاوضه الكبيره جمب هدومي الي حضرتك قطعتيها امبارح
تسائلت باستغراب:
وده ليه عني
مش معقول هنفضل طول عمرنا كل واحد نايم في اوضه لوحده
وضعت يديها علي جبينه قائله ;
فارس انت سخن صح؟
لا يا روح قلب فارس
قالها وهو يجذب يديها برفق ثم طبع قبله عليها لتقول باستغراب ;
يا ابني مالك انت اتجننت عملت ايه مريم فيك؟!
انسي مريم وطلعيها من دماغك انسيها شويه
لا مش هنساها انا حره براحتي
قالتها بانفعال ليقول هو:
طيب عمومآ انا اهو قولتلك اكتر من مره اخدك القاهره علشان السمر كورس وانتي الي رافضه متجيش بعدين تحمليني ذنبك تمام، هقوم انا بقي البس واروح العياده باي يا جميل.
قالها جملته الاخيره ثم طبع قبله علي فروه راسها وغادر اما فريده تشعر بالحيره من تصرفات فارس معها كيف تحول لهذا الرفق معاها بعد عدده ساعات من زواجه من مريم؟!
يجلس كلآ من سيف وليلي في القطار المتجهه الي الاسكندريه شرد سيف بذكرياته قليلآ..
في يوم ما عاد الي منزله ثم طلب من ليلي تحضير الطعام له انتهت من وضع الطعام امامه ثم جلست علي المقعد المجاور له قائله:
هو انت امتي هتسامحني يا سيف؟!
مسامحك مين قال مش مسامحك؟!
لتقول هي:
لا مش مسامحني انت بعيد عني اوي يا سيف مش بتكلم معايا غير لطلب بس عايز فطار غداء
دي حياتنا الجديده سوا اتعودي عليها لانها مش هتتغير.
تنهدت بضيق وهي تقول ;
مش قادره اعيش فيها يا سيف انا اعتذرتلك كتير سامحني بقي وخلينا نرجع زي ما كنا زمان علي اقل علشان لما البيبي يجي يلاقي ابوه بيحب مامته مش بيكرها كده
صعب يا ليلي معلش خلينا كده احسن صدقيني انا قفلت منك ومش قادر بجد انا بالعافيه بستحمل الكام دقيقه الي بتحطيلي فيهم الاكل والكام دقيقه بتوع دلوقتي دول
يااااه يا سيف لدرجه دي انت مش طايقني؟!
انتي الي وصلتيني لكده وبعد اذنك اتفضلي قومي خلينا اكل عشان انزل شغلي
اومات راسها بالايجاب باسي ونهضت من جانبه دفنت وجهها بالوساده وصاحت باكيه توقف سيف عن تناول الطعام عندما وصل اليه صوت بكاءها هذا ثم تناول هاتفه ومفاتيحه وترك الشقه باكملها وغادر...
وصل الي البنايه التي يجلس بها عمر ثم صعد اليها وعندما وصل الي الشقه وجد فتاه ما تخرج منها خمن انها يسرا التي اخبره عمر بها من قبل ظل يتحرك خلفها حتي يتمكن من الوصول الي منزلها سوف ينتقم من عمر علي ما فعله به وتدمير حياته هو وليلي وبالفعل ظل يسير خلفها الي ان توصل الي عنوانها ابتسم بانتصار وهو يقول:
مش انت لوحدك الي بتعرف تلعب يا عمر
وفي يوم ما وقبل حادثه ليلي تحديدآ بساعات.
يقف تحت البنايه منتظرآ اياها وعندما ظهرت هي قال:
انسه يسرا عايز اتكلم معاكي في حاجه لو سمحتي
ضيقت بين حاجبيها باستغراب هاتفه:
حاجه ايه وانت مين؟
ممكن الاول تسيبي موبيلك في اي مكان علشان نعرف نتكلم بس
نعم؟! بقولك ايه انت لو مامشيتش من هنا انا هصوت والم عليك الناس
قال جملته وكادت ان ترحل ليقول هو:
انا جايلك في حاجه تخص عمر.
فعلت ما طلبه منها وقامت بترك هاتفها في الشقه ثم ذهبت مع سيف الي مكان عام جلس كلاهما ثم هتف سيف ;
بصي انا هقولك كلمتين وتصدقيهم متصدقهمش انتي حره عمر بيلعب بيكي وبيتسلي عايز ينسي واحده معينه بيحبها فبيسلي وقته معاكي علشان ينساها
لا والله
قالتها يسرا بسخط واضح ليقول هو:.
انا مليش مصلحه اني اكدب عليكي حبيت انصحك وخلاص وعلي فكره هو لي في شغل الهكر وكلام ده واكيد هكر موبيلك وشاف محادثات الي عليه وصورك وكل حاجه ده وانتي ماسكه موبيل في ايدك هو شايفك فكري فيها كده وشوفي ايه الدخله الي دخل عليكي بيها؟ انه يعرفك من زمان ويعرف كل حاجه عنك مش كده؟!
حركت يسرا راسها بنعم ليقول هو:.
شوفتي بقي اني مش كداب صدقيني كان بيتسلي بيكي علشان ينسي واحده اتجوزك عرفي ودمر مستقبلك بس علشان ينسي واحده بيحبها
اسمها فريده الي بيحبها صح؟!
تسائل سيف باستغراب ;
انتي عرفتي منين؟!
علشان كده مختفي طبعا سافرلها اسكندريه
انتي تعرفيها وتعرفي عنوانها؟ طب هي اخبارها ايه عايشه حياتها ازاي يعني
قالها سيف بلهفه لتقول هي.
وانت مالك انت كمان ملهوف علي بت الصفره دي ليه هو انتو كلكم ملهوفين عليها ليه؟! امال لو كانت حلوه شويه
تنهدت سيف بنفاذ صبر ثم اخبرها بكل شئ من البدايه الي ليله الحادث عندما قامت بحرق نفسها هتفت يسرا باستغراب ;
دي متجوزه من فتره قرييه لو كلامك صح اتجوزت ازاي!
يمكن عملت عمليه وسترت نفسها ولا اي حاجه
هتفت يسرا بتفكير:
علشان كده البنات بيقولو انها مش مبسوطه مع جوزها ومبتردش علي حد ولا بتكلم حد.
انتي تعرفي عنوانها؟!
اومات راسها بنعم قائله ;
ايوه هي في اسكندريه والعنوان اديته لعمر من كام يوم
ضرب علي وجه بكفيه يديه وهو يقول:
يخرب بيتك هي البت ناقصه حرام عليكي
وانا اعرف منين
تنهد سيف ثم قال:
جوزها لازم يعرف الحقيقه ويعرف كمان ان عمر هو الي ورا كل ده ويتصرف معاه بقي بمعرفتوا ويجيلي حقي وحقك وحق فريده كمان بس الاول لازم نعرف ايه الي بيحصل في اسكندريه وعمر وصلها ولا لسه.
فاق من شروده علي صوت ليلي وهي تقول:
حبيبي روحت فين؟ احنا وصلنا والقطر وقف
ابتسم وهو ينظر الي ليلي ويمسك كف يديها برفق:
معلش سرحت شويه يلا ننزل.
وصل كلاهما الي الشقه التي قام سيف بتاجيرها لمده عدده ايام ثم قال:
لولو فضي الشنط وانا هروح اجيب شويه اكل وكده مش هتاخر
قال جملته تلك ثم طبع قبله علي شفتيها ورحل.
استقل سياره الاجره وطلب منه ان يوصله الي مكان ما وبعد مرور الوقت توقفت سياره الاجره هبط منها سيف ثم نظر الي اعلي البنايه ليجد مكتوب لافته عياده الدكتور فارس احمد دلف الي تلك البنايه ثم صعد الي شقه الخاصه بعياده فارس لم تكن العياده ممتلئه بالكشوفات فقط شخصين وشخص بالداخل
قام بدفع كشف الي الممرضه وانتظر قدوم دوره وبعد مرور الوقت هتفت الممرضه:
استاذ سيف اتفضل
دلف الي غرفه فارس وجلس علي مقعد وهتف:.
انا مش جاي اكشف ولا حاجه
امال جاي ليه؟
قالها فارس باستغراب ليقول هو:
ممكن تقفل موبيلك علشان نعرف نتفاهم مع بعض
اقفل موبيلي ليه؟ هو في ايه انا مش فاهم
يا دكتور اقفل موبيلك واسمع كلامي لو معجبكش اطردني
تنهدت فارس بنفاذ صبر قائلا:
الموبيل مش معايا المادام بتاعتي رمته من الدور الخامس اتفضل قول الي عندك
ابتسم سيف ثم قال:
هي فريده لسه لحد دلوقتي مجنونه
ضيق فارس بين حاجببه وهو هيقول بغضب:
انت عرفت اسم مراتي منين؟
لا ما هو انا عارف كل حاجه مش بس اسمها
صغط علي شفتيه بضيق وهو يقول:
يا تقول الي عندك من غير لف ودوران يا تتفضل تخرج براه
انا جيت اسكندريه من اسبوع وعرفت ان علاقتك مع جار الهنا عمر وعلاقه الصداقه الرهيبه الي بينكم
- وبعدين
قالها فارس بملل واضح ليقول سيف:
عمر هكر موبيل فريده من مده كبيره ومسك عليها صور كتير ليها يعني وكان في صور وهي كانت يعني واخده راحتها شويه اللبس و
قاطعه فارس بغضب مكتوم:
اختصر.
هددها بالصور دي وقتها كنا انا وهو فاتحين night club وبنجيب بنات تشتغل فيه بس كلهم كانوا جاين بمزاجهم ماعدا فريده جابها غصب عنها بالصور الي ماسكهها عليها جات اشتغلت فيه قعدت شهر تقريبا وطول المده دي كانت بتحاول تاخد صورها وتخلص منه عملت خطط غبيه بصراحه كلها فشلت وجات علي دماغها اخر مره نجحت وجابت الصور بتاعتها وبتاعه البنات ومشتهم من ال Night club وكسرت المكان وكاميرات وكل حاجه بس عمر معجبهوش كده وفريده كانت داخله مزاجه.
وبعدين؟
قالها ان لسه ليها صور عنده ولو عايزهم تيجي معاع الشقه وتستلمهم وفعلا فريده صدقته وهناك بقي حصل الي حصل اكيد انت فاهمني مقدرتش تستحمل الي حصلها ولعت في نفسها ولحقناها علي اخر لحظه والحريق مسك في دراعها خدناها المستشفي وبعدين هربت ومعرفناش حاجه عنها بعد كده عمر كان هيتجنن ويوصلها وعلشان حظ فريده النحس كالعاده يعني عمر وقع في واحده تعرف فريده في كليه وعرفته مكانها.
جاي دلوقتي تحكيلي القصه دي مجتش ليه من بدري!
لاني مكنتش عارف اوصل لفريده هي قطعت كل حاجه توصلنا ليها
ابتسم بحسره ثم قال:
وايه مصلحتك بقي ولا دي خدمه عاملها لوجهه الله كده
عمر مسك عليا صور خطيبتي وهددني ياما اجيبها تشتغل في ال Night club يا هينشر صورها وانا خوفت عليها ووديتها هناك تشتغل بس فريده كانت جدعه ودايما معاها حتي لما جابت صورها مانقذتش نفسها وخلعت جابت صور ليلي معاها
تنهد فارس وهو يقول:.
هو انتو معداش عليكم حاجه اسمها مباحث الانترنت! ايه الغباء الي انتو فيه ده
لو بلغنا الصور هتنزل بردو ولحد ما المباحث تحذف الصور هتكون الدنيا كلها شافتها
حرك فارس راسه بعدم رضا وهو يقول ;
مفيش كلام ده اكيد الشرطه ليها شغلها في مواقف الي زي كده
ثم تابع بتساول:
طب فريده وواحده هكر موبيلها ومسك عليها صور انت بقي من كلامك فهمت انك شريكه في ال Night club مسك عليك ليه صور خطيبتك؟
لا انا شريكه وصاحب عمره كمان اما بقي بخصوص سؤال فاجابته انه مبيحبش يشوف اي اتنين بيحبوا بعض قدامه عنده عقده في الحته دي من صغره وكل ناس يتكرهه
وبيجري ليه ورا فريده لحد دلوقتي؟!
لانه بيحبها ومش هيسيبها في حالها ابدا يا دكتور.
ممده علي الاريكه ناحيه جانبها الايمن تشاهد التلفاز وعقلها شارد في فارس وسبب تغيره المفاجئ...
وبداخلها قهرتها من زواجه من مريم برغم انه تركها بالامس وظل معاها ولكنها مازلت تشعر بالقهر بداخلها شعرت بفتح الباب وقدومه جلس بجانبها علي الاريكه بعدما ازاح قدميها ثم وضع حقيبه ما كبيره بجانبه علي الارضيه قائلا:
وسعي رجلك دي
رفعتها مره اخرب ووضعتها علي فخديه وهي تقول:.
والله انا قاعده كده لوحدي من بدري انت الي جاي تبوظ قعدتي الاماكن فاضيه قدامك اهي وايه الي في كيس ده؟ جايب ايه معاك
ولا حاجه دي شويه هدوم ليا بدل الي حضرتك قطعتيهم
قالها وهو يسند يديه علي قدميها ثم قال:
انا عايز اقعد جمبك فيها ايه دي
ما تجيب من الاخر يا فارس الروقان بتاعك ده وراه ايه؟ هو كل واحد بيتجوز علي مراته بيحن للقديمه من اول كام ساعه ولا ايه؟
تجاهل كلماتها تلك ثم قال:.
مفيش حاجه عايزه تحكهالي اي حاجه يعني
ايه وحشتك القصص الي بالفها عليك كل شويه؟
حركت راسه بنعم وهو يقول بهمس وهو يميل ناحيتها:
وحشتني اووووي
ابتعدت بتوتر واعتدلت في جلستها وهي تقول:
لا معنديش حاجه اقولها
اممممم احسن بردو
زفرت بضيق ليقول وهو يمرر انامله علي الكدمات التي في يديها اثر الحزام:
انا اسف
ابتسمت بسخريه وهي تقول:.
يا شيخ بقي مشكلتك في الحزام يعني؟! وشد شعري وضربي بالاقلام اكتر من مره ولما لمستني غصب عني واتجوزت عليا وفضحتني قدام مريم بتاعتك كل ده شايفه عادي ومشكله في الحزام؟
اصدر تنهيده وهو يقول:
اسف علي كل حاجه يا فريده حلو كده
ثم تابع عندما لاحظ شئ ما:
وبعدين لحظه كده مين قال اني فضحتك قدام مريم؟
اجابته بتلعثم:
انا حسيت
مكشوف عنك الحجاب مثلا؟!
اومات راسها وهي تقول:.
اه حاجه زي كده واقولك كمان ايه الي حصل بينكم بظبط امبارح
قولي ابهريني
قعدت تقولها بحبك وتمسك ايديها كده
قالتها وهي تتمسك بيد فارس وتقول:
بحبك يا مريم ومقدرش اعيش من غيرك حقيقي انتي عوضتيني عن كل ايام سوده الي شوفتها مع الي متسماش فريده
هي لحقت تعوضني في نص ساعه جواز؟
حركت فريده كتفيه بلا مبالاه وهي تقول:
معرفش بقي
وقولتها ايه كمان؟
عاجبني اوي اللبس العريان بتاعك هو الي شدني ليكي بجد
ضحك فارس وهو يقول:.
ياادي اللبس بتاعها الي واكل دماغك غيرانه من لبسها اجبلك زيه يا روحي
تركت يديه وهي تقول:
اغير من لبس واحده بيئه زي دي؟ وبعدين انا دولابي مليان لبس اشكال والالوان
يااختي من يوم ما اتجوزتك وانا مش شايف حاجه غير عبايات وبيجامات كم وقبل الجواز في الفيلا بردو كان عبايات هي مفيش غير مرتين تلاته الي شوفتك لابسه زي البنات
ابتسمت ببرود وهي تهتف:
اهو انا كده لبسي وانا حره فيه ملكش دعوه انت
طيب انا كلمتك براحتك.
هو تغيرك المفاجي ده طبيبعي وعادي يعني!
قالتها باستفهام ليجيبها هو ;
اه طبيعي جداا انا اصلي زهقت من النكد الي عايشين فيه من يوم ما اتجوزنا
واثناء حديثهم قرع الجرس نهض فارس وهو يقول:
ده اكيد عمر طبعا
اتجه ناحيه الباب وقام بفتحه وبالفعل وجده عمر وبجانبه مريم خرج فارس وقام ياغلاق ليقول عمر:
سايب اختي في الفندق لوحدها وقاعد هنا جمب مراتك الاولانيه
حرك فارس راسه باسف وهو يقول:.
انا اسف يا مريومه اعذريني بس فريده محتاجتاني جمبها الايام دي معلش استحمليني كام يوم وانا هعوضك
انا مفروص واحده لسه عروسه
قالتها مريم بضيق ليقول هو:
معلش بقي يا مريم عديها عن اذنك بس عايز اتكلم مع عمر كلمتيين
رحلت مريم ليهتف فارس الي عمر:.
جوازي من اختك كان غلط من الاول انا بحب فريده ومش هقدر اعيش من غيرها اه في مشاكل بينا بسيطه بس احنا حليناها سوا خلاص ياريت تفهم موقفي مش هقدر ابعد عنها واكمل مع اختك انا بحب فريده وهي كمان بتحبني ومش هتقدر تعيش من غيري
هتف عمر بضيق:
واختي الي اتجوزتها دي ذنبها ايه
رتب فارس علي كتفيه برفق وهو يقول:
حاول تفهمها وانا هطلقها بعد فتره بسيطه كده ومعلش سامحني بس انا مش هعرف ابقي مع حد غير فريده.
لاحظ الحزن الذي في عينيه والضيق الذي يظهر في ملامحه كلما اخبره انه يحب فريده هتف عمر:
الموضوع مش هيخلص بسهوله دي يا فارس بنات الناس مش لعبه
قالها عمر ورحل اما فارس ابتسم بانتصار ثم دلف الي الداخل ليجد فريده امامه ومن الواضح انها كانت تقف وتستمع الي كل شئ
متعلمتيش ان التصنت علي الناس حرام وعيب؟
ابتسمت وعينيها تلمع بالدموع والسعاده قائله:
هو انا الي سمعته بجد ولا انت بتقول كده علشان تخلص من مريم.
انتي شايفه ايه؟
هو انت سامحتني علي الغلطه بتاعتي وجواز العرفي؟
قالتها بتساؤل واضح مط شفتيه بعدم رضا اطلاقآ ثم قال:
هو حوار كله بس جواز عرفي مفيش حاجه تانيه مخبيها يعني؟
حركت راسها بالنفي هاتفه بتوتر:
لا مفيش
حرك راسه باستنكار ثم هتف:
اه يا فريده سامحتك علي الغلطه بتاعتك والجواز العرفي
لم تصدق ما تسمعه اخيرا تخلصت من ذلك الكابوس سيظل فارس معها لابد احتضنته بقوه ولفت ذراعيها حول عنقه هاتفه:.
انا بحبك اووي يا فارس اووي
ضحك وهو يضمها اليه ويرفع قدميها قليلآ عن مستوي الارض.
هتفت به مريم وهي تحاول تهدائته عما يقوم بتحطيمه:
اهدي يا عمر اكيد هنلاقي حل
حل ايه بيقولك بيحبها وهي بتحبه يعني خلاص كده كل حاجه باظت
ما تسيبها يا عمر في حياتها طيب الحب مش بالعافيه دور علي حد يكون بيحبك ويستاهل حبك مش واحده قلبها مشغول بحد تاني
هتف هو بزعيق:
انا عايز فريده مش عايز غيرها عايزها هي وبس فيها ايه لو كانت ادتني فرصه واحده ليه استخسرتها فيا ليه.
قال جملته الاخيره بانهيار واضح ومريم تتابعه بملل وتلعن ذلك اليوم الذي تعرفت به علي عمر..
وفي المساء
اخرج من الحقيبه فستان ابيض اللون هاتفآ ;
قيسي ده كده
تناولته وهي تنظر اليه باستغراب قائله:
وايه المناسبه يعني
هو انتي متعرفيش تقولي كلمتين كويسين ابدا
ايوه ايه مناسبه وبعدين انت كدبت عليا وقولتلي الكيس في هدوم ليك مش فستان
بلاش مقاوحه عايزك تلبسي الفستان وتجهزي علشان هنروح سهره كده انا عاملها ومش عايز اي كلمه اتفضلي كده الاوضه والبسيه وجهزي نفسك.
وبالفعل استمعت الي كلماته بصمت ودلفت الي الغرفه ثم قامت بارتداء ذلك الفستان ابتسمت وهي تنظر الي هيئتها في المراة كل شئ اصبح جيدآ في غمضه عين لا تدري كيف تحلت كل الامور ولكن لا يهم يكفي انها انتهت..
جلست امام المراة ثم قامت بتمشيط شعرها ووضع بعض المستحضرات في وجهها دلف فارس الي الغرفه قائلا:
اكيد خلصتي لبس بقالك ساعه
نهض من امام المراة والتفتت اليه قائله بابتسامه ;
خلصت ايه رايك؟!
ابتسم فارس وهو يقترب منها:
تحفه.