رواية سبرين امرأة من نار للكاتبة أماني فهمي الفصل الثالث عشر
توقفنا عندما هددت سابي جابر والعائلة وأعطت لهم يومين على موعد الانتقام
كما رتب عماد النجار مع زعيم المافيا البرت الفونس موعد للقدوم الى مصر
البداية في قصر النجار.
نزل عماد وطلب من الخدم القدوم أمامه وبعد حوالى 5 دقايق وقف الخدم أمامه صف واحد
عماد: يوم الثلاثاء في حفلة هتتعمل هنا عاوز كل حاجة تبقي على سنجه عشرة من اكل وشرب ونظافة وانا هكلم شركة التنظيم وهيبعتو الناس
الخدم: امرك يا فندم
عماد: الحفلة ديه فيها نفس مهمة وعلى أعلي مستوي وأي غلطة هتترمو برا ذي الكلاب مفهوم
الخدم: مفهوم
غادر الخدم لمباشرة أعمالهم وتوجه عماد الى الشركة.
في قصر الاعصر
استيقظ الجميع ونزلو الى الاسفل وغادر الشباب ومعهم سابي القصر
كان فارس ينظر على سابي من البلكونة الى ان اطمان بانها خرجت ولن تعود الان فخرج من غرفته وتوجه الى غرفتها ودخل
اخذ يبحث عن الاسكتش الخاص بالرسم الى ان وجده فقام بتصوير جميع الصور ووضع الاسكتش مكانه وخرج برا الاوضه ونزل الى المكتب.
فى المكتب
دخل فارس الى المكتب وكان يجلس جده ومعه اسلان وعمرو وجلس
اسلان: تفتكرو هي ممكن تعمل ايه
عمرو: الى ذي سابي بينفذ تهديدة
جابر: عوزكم تامنو كل حاجة مش عاوز مشاكل علشان لو عملت حاجة انا ههسحها من على وش الارض خالص
فارس بخبث: متخفش مش هتعمل حاجة لان الفترة الجاية هتلف حولين نفسها وممكن تجلط فيها وتموت وتريحنا
جابر: يا رب استريح منها هي وأبوها محدش عرف الذفت ابوها خد سلين وراحة فين.
اسلان: للأسف مفيش طيارة خرجت في اليوم ده
جابر: لا هما سافرو بطيارة خاصة لكوريا بعد كده اختفو
عمرو: كمان عمتو عملت ليها تفويض بإدارة الشركة وكل املاكها
جابر: انا مش عارف اذاي عيله ذي ديه بتملك منجم الماس وذهب
اسلان: عندك حق وفين الحكومة
فارس: يعني عشيقة زعيم المافيا الحكومة هتقدر تتكلم ماهو
اسلان: انا ماشي عندي شغل كتير
عمرو: وانا كمان هسافر شرم يومين اخلص القريه السياحية بس بالليل
جابر: هي لسه مخلصتش.
عمرو: لا خلاص في الفنش النهائي
غادر اسلان و عمرو المكتب وتركو فارس مع جدهم
جابر: تقصد ايه بكلامك
فارس بخبث: اقصد تجهز شيك محترم وعربية جديدة
جابر بفرحة: عملتها
فارس: طبعا وهطلع دلوقتي على مصمم معروف وهدياه التصاميم بس من غير ميعرفني علشان لو وقع يبقي احنا برا الليلة
جابر بفخر: تربيتي يا فارس
فارس: حبيبي يا اعصر
جابر: الليلة تخلص وعربيتك الجديدة هتبقي ادامك
فارس بسعادة: حبيبي يا ملك اخلع انا عاوزة حاجة.
جابر: سلامتك يا حبيبي
غادر فارس وفضل جابر يخطط في القضاء على حفيدته أجل حفيدته بالرغم من كره لها ولوالدها.
فى شركة الملكة
كانت تجلس على المكتب والشباب أمامها فتنهدت
سابي: ارغو عوزين تقولو ايه
لي: ايه سبب تعبك
سابي: خت دش بارد والجو ساقعة فتعبت كمان تغير الجو بين هنا وهناك
كيم: احنا هنستهبل جو ايه ديه كوريا تلج بالنسبة لهنا
لي: مين سابو خد منك اول بوسه
سابي: محدش اصلا ومين يجرء ويفكر يلمسني بالشكل ده شكلك متعرفش اختك ايه نسيتها ونسيت انها يستحيل تفرت في شرفها
جواد: والجرح الى على شفايفك من ايه.
سابي: شكل حشرة قرصتني علشان كنت نايمة في الجنينة من كام يوم ولما صحيت لقيت شفايفي وارمه كمان في مكان قرص حشرة في كذا حته في جسمي حتى شوف
ورتهم بالفعل كذا علامه على رجليها وذراعها مكان قرص حشرة فصدقها الكل ماعدا لي لانها بعدت نظرها عن نظرة كأنها تغشي منه ولما لا وهو شقيقها الأكبر
جيهاد: خلاص حبيبتي المهم عملتي ايه في العرض الجديد
سابي بفرحة: هيبقي جامد طحن لأني عملت ملابس للمحجبات و البنات التخان.
جهاد: ربنا يوفقك يا عمري امتي العرض
سابي: يوم الخميس بإذن الله
الباب خبط ودخل مكاندر
مكاندر: صباحو شباب
الشباب: صباحو ميكو
سابي: مالك ميكو
مكاندر: احم هو يعني هو
لي: في ايه انت بطقتع ليه
مكاندر: بصراحة كده ألبرت الفونس وصل مصر من ساعة
سابي برتح: نعم يا روح امك ألبرت في مصر ليه وجاي لمين
مكاندر: بعيد عن روح امك وأسلوب الرتح ده هو جاي لعماد النجار.
سابي: ديه احلوت اوي بقى عماد بيشتغل معاه وانا قولت انه بس عاوز فلوس العيلة لنفسه وبس
مكاندر: ومش بس كده عرفت ان ابن أخوه الدكتور أحمد المستشفي بتاعته بتاجر في الاعضاء
سابي: ينهار اسوح ومنيل على سنينه تجارة أعضاء هما نقسهم ايه فلوس ومعاهم وشهرة ومشهورين ليه يوسخو نفسهم بالشكل ده
لي: سابي اوعي تنسي أننا في المافيا
سابي: شكلك انت الى نسيت أننا ملناش في الأسلوب ده وملناش في الوساخة ديه
مكاندر: هتعملي ايه.
سابي: أحمد معاه ولا ميعرفش
مكاندر: معنديش خبر هعرف وهقولك بس اهدي انتى
سابي: تمام مكاندر اعرفلي بسرعة
غادر مكاندر ولقت سابي تليفونها بيرن وكان عماد وبعد مكالمه طويلة قفلت
جواد: عاوز ايه
سابي بسخرية: بيعزمني على حفلة يوم الثلاثاء
جهاد: هتروحي
سابي: اسمها هنروح
صول: اشطا عليكي
جواد: انا جعان اوى وعاوز اكل مصري
سابي: اشطا يالا بينا
خرجو وتوجهو الى إحدى المطاعم وطلبو اكلات مصرية.
وبعد انتهاء الاكل طلب كل واحد فيهم مشروب
لي: طفلتي هتعملي ايه في جابر
سابي: العمل عمل ربنا سبها عليه
كيم: هو هنا مفيش صالات جيم
سابي: تعالو انا عرفت مكان جامد طحن فرح قالتلي عليه
جهاد: والهدوم
سابي: نشتري وحنا مشين عادي
لي: تمام يالا
طلب صول الحساب وحاسب ولكن سحبت سابي الفلوس ودفعت هيا لختلاف العمله وغادرو وتوجهو الى النادي.
فى شركة الاعصر
كان اسلان و عمرو يجلسون يناقشون الشغل الى ان ترك اسلان كل شي
اسلان بخنقة: انا زهقت
عمرو: اسلان انت ليه لغاية دلوقتي ماذتش سابي
اسلان: معرفش
عمرو: اسلاااان
اسلان: يمكن علشان عمتو وانت عارف انى بحبها اوى
عمرو: لا اسلان مش علشان خاطر عمتو انت معجب بيها من قبل متشوفها حتي
اسلان: نعم الى هو اذاي.
عمرو: انت كنت بتشوف شغلها وكلام فرح عليها ابتديت تتخيل شكلها وصفاتها حتى يوم مجت هنا وكانت بالبس الغريب عننا كنت قاعد على نار وكمان من امتى اسلان الاعصر بيحضر عروض اذاي ولا كمان غير استيل لبسه وسمح لواحده تلبسه وغير كده لما دعتها بنفسك على الحفلة وطول الوقت كنت معاها لغاية مفجرت القنبلة وغير كده لما عرفت انها تبع المافيا الكورية وليها علاقة لواحد من الشباب دول وانت مش طايق نفسك وكمان يوم مدخلت ليها الاوضة بالليل من يومين.
اسلان بتنهيدة: مش عارف انا بكل سهوله بمجرد تليفون انهي كل شغلها ورجعها تقعد في البيت بس عجبني عندها وقوتها وصلابتها وجمالها
عمرو: خلي بالك اسلان لان لو جابر شم خبر هيقتلها بسهوله
اسلان بسخرية: لو قدر يا عسل سبرين غير طنط سمر سبرين قوية وجبروت وطنط سمر كانت ضعيفة وغلبانة وهو اذاها بسهوله عارف انا بدعي ربنا تكون سبرين هي سبب خلاص العليه ديه من ظلم جابر
عمرو: لسه منستش الى حصل زمان.
اسلان بشر: وعمري مهنسي إهانة أمنا وزلها وابونا وضعفة ادام جابر انا قويت ولسه هقوي لغاية مدمرة وقعده في البيت عاجز مش قادر يقف ادامي
عمرو بخوف: اسلان أعقل وحياتى عندك جابر مش سهل وعاوز الا يلعب معاه يلعب على ناره وحنا مش قد نارة وانت مجرب
اسلان: بقولك ايه تعال نروح النادي بقالنا كتير مرحناش
عمرو: اشطا اسلن
اسلان بغضب: متقولش اسلن ديه بتاعت فروحة وبس
عمرو: وسبرين كمان.
اسلان بنظرة غضب: ابعت حد من الرجالة يجيب فرح
عمرو: امرك يا كبير
اتصل عمرو على فرح وتوجهت بسرعة الى النادي وتوجه الشقيقان الى النادي.
في النادي
دخلت سابي و الشباب بعد ان علم المسؤل من تكون فهي حفيدة جابر الاعصر و محمود النجار
سابي: هنعمل ايه دوقتي
صول: اسمها دوقتي يا جاهلة
سابي: ده على اساس ان الكوتش مش نفس الجهل ولا ايه
لي: تعالو نقعد شوية وبعد كده نروح نلعب
سابي بضحكة: اشطا يا معلم
توجو وجلسو وبعد فترة صغيرة دخلت فرح حتى تجلس في انتظار اسلان و عمرو
سابي: ايه ده فروحة هنا.
توجهت سابي إلى فرح وسلمت عليها واخذتها معها الى التربيزة وفضلو يضحكو ويهزرو
فرح بجدية: سابو انا عارفة ان الشباب دول اخواتك
سابي بذهول: نعم وعرفتي اذاي
فرح: انا بحبك اوي وكنت عاوزة اعرف عنك كل حاجة فدورت وراكي وعرفت من الصور بتاعتكم كلكم
صول: فرحة ممكن محدش يعرف
فرح: وانا مش هقول لحد
لي: ليه فرح
فرح: علشان جدو هو السبب في بعد امي وابويا عني وخلانى انحرم من حنانهم وعطفهم
سابي: تقصدي ايه.
فرح: معرفش بس انا في يوم سمعت طنط هدى وهي بتتكلم مع جدو
كيم: ممكن فرح تكوني سمعتي غلط
فرح بسخرية: سمعت غلط يا عمو هو مش اول مرة يعملها زمان بعد سابي عن مامي سلي وجي دلوقتي تقولى سمعت غلط
جهاد: خلاص فرحة
فرح: هو ينفع نلعب مع بعض
سابي: طبعا يالا
توجهو الى الحمامات وابدلو ملابسه الى ملابس رياضية
ارتدت سابي طقم رياضي كما تعودت في كوريا ولكن لم تسلم من نظرات الإعجاب و المعاكسات.
اتصل اسلان على فرح وابلغته بأنها في ملعب التنس فتوجه الى هناك بعد تبديل ملابسه
عمرو: هو في ايه في النادي
اسلان: معرفش بس يمكن في حد من الوزار ولا حاجة
عمرو بتصفير: لا وانت الصادق ده في صاروخ أرض جو على جوده عاليه حتى بص
نظر اسلان على المكان شاهد فتاه تقف بملابس رياضية وعندما دقق النظر وشاهد الشعر الأحمر غضب بشدة وتوجه الى الداخل
اسلان بغضب: ده منظر لبس
سابي: اهلا اسلن اخبارك.
اسلان: سبرين لبسك ملفت بطريقة فظيعة
سابي ببراءة: بس ده لبس الرياضة والله
اسلان: ممكن تلبسي جاكت الترنج
سابي: ملهوش و النعمة تعال نلعب وننسي شوية الخلاف قولت ايه
فرح بزعل: ايوه اسلن تعال العب معاها علشان بتغلبني وانا هعيط
كيم: لا فرحة بلاش عياط
سابي بسخرية: يمكن خايف يخسر ادامي فرحة
اسلان: لا تعالى نلعب كونج فو قولتي ايه
سابي بفرحة: اشطا عليك يا كوتش
اسلان: انتى متأكده انك متربيه برا مصر.
سابي بتأكيد: أوريك الجنسية
فرح: يالا بقي اسلن
توجو الى صاله الألعاب وجلسو على الكراسي ووقف في المنتصف سابي و اسلان
أمرت سابي الحرس بإغلاق الصالة ومنعت اى شخص يدخل
ابتدي الاثنين في الضرب واستمرت المباراة وبعد اكثر من ساعة كان اسلان يعلن استسلامه أمامها فصاحت سابي بانتصار وأخذت تضحك بشدة
اخذو الجميع يلعب ويضحكو ونسو تماما أي خلاف.
عند فارس
طبع فارس التصاميم وارسلها إلى احدي مصممي الازياء الذي يكره سابي بشدة لاحتلالها السوق وأمره بسرعة التجهيز للعرض بأقرب وقت.
مر باقي اليوم واليوم التالي بدون أحداث تذكر وأخيرا جاء يوم الاحد الذي كان يترقبه الجميع ولكن المفاجأة أنه لم يحدث شي مما جعل جابر ينفرد أكثر ويسخر من سابي بشدة
توجه الجميع الى أعمالهم
ولكن المفاجأة حصل داخل شركة الاعصر عندما كان جابر يعقد اجتماع مع الرؤساء فؤج الجميع بدخول قوه من الشرطة وجاءو لمقابلة ملك الاعصر
فستقبلهم جابر في المكتب.
الضابط: اسف جابر بيه معانا امر بالقبض على الآنسة ملك حفيدته حضرتك
ملك بعصبية: انت مجنون انا ملك الاعصر عاوز تقبض عليا
الضابط: انا عامل اعتبار لجدك ولولدك بس الظاهر انك متعرفيش تتعاملي باحترام
جابر: انت بتقول ايه
الضابط بحده: هاتها يا عسكري
تم وضع الكلبشات في يد ملك وسحبت خلفت الظابط بكل إهانة وركبت البوكس بعد ان اخذ وسائل الإعلام لقطات لها وهي في البوكس.