رواية زوجتي الحسناء للكاتبة لولو الصياد الفصل الثالث
كانت دنيا وامير يجلسون في احدى الكافيهات ينتظرون شخص ما...
امير، اتاخرت أوي دى قالت الساعه 5 هتكون هنا...
دنيا، استنى شويه يعنى أنتي وراك ايه ما انت فاضى ولا دلوقتي هتعملى فيها عم المشغول...
امير، هههههههه كده يا دودو انت اللي فهمنى دايما يا عسل...
دنيا وهي تنظر الى باب الكافيه، هش اسكت بئه خلاص اهى جت...
دخلت عليهن فتاه ترتدى فستان باللون الاسود يصل الى الركبه عارى الكتفين وتضع مكياج صارخ وتتركت شعرها الغجرى للعنان، وقفت دنيا تستقبلها...
دنيا، اهلا شيري وحشتيني...
شيرى: وانتى كمان دودو ليكى وحشه من زمان مشفناش بعض.
دنيا، هنشوف بعض كتير اعرفك وكانت تنظر الى امير ده امير صديقى المقرب...
جلسوا يتسامرون قليلا، الى ان تحدثت شيرى...
شيرى، دودو احنا فاهمين بعض كويس وعارفه انك اكيد طلبتينى لهدف محدد خير...
دنيا، بصى يا سيرى انا عرفت انك صديقه مقربه لفريده صح...
شيرى، اه طبعا ده حتى كنت لسه في فرحها بس بتسالى ليه...
دنيا: بصى انا سمعت عن حالتكم الماديه بعد وفاه والد وعاوزه اساعدك...
شيرى: ازاي عاوزه ايه...
أمير متحدثا، عاوزين حاجه بسيطه أوي واى حتجه تطلبيها تتنفذ...
شيرى: من غير أي كلام وقبل ما اعرف أي حاجه عاوزه مليون جنيه...
دنيا، موافقه بس هتعملى...
شيرى، ده تفكير شيطانى بس انا هاخد نص الفلوس قبل التنفيذ ونص بعد التنفيذ...
دنيا: اوك...
في غرفه النوم تيمور يرتدى ملابسه عندما سمع صوت تكسير كبير قادم من المطبخ وصوت صراخ عالى، كان قد ارتدى شورت فقط ونزل الى الاسفل مسرعا بيرى ما حدث، وجد تيمور رنا تجلس ارضا وتبكى بصوت عالى جدا والمطبخ في حاله فوضى عارمه وهي مغطاه من الاعلى الى الاسفل بالدقيق...
تيمور، ايه ده المطبخ انفجر وبتعيطى ليه...
نزل الى مستواها واوقغها على قدميها ومسح دموعها...
تيمور، ها مالك وعملتى ايه في المطبخ...
فريده، اهىء اهىء كنت عاوزه اعمل كيك عااااااا وبكت بصوت عالى...
انفجر تيمور في حاله ضحك هيستيريه نتيجه لحديثها ومنظرها...
فريده: وهي تبتعد عنه، انت بتضحك طيب وتناولت كيس الدقيق وقامت بكب الكيس بالكامل على تيمور المصدوم مما حدث للتو...
فريده: بتشفى، تستاهل ههههههههه وجريت مسرعه الى الاعلى لحقها تيمور مسرعا حاولت ان تغلق الباب بالمفتاح ولكن تيمةر يفوقها قوه بدنيه ففتح الباب بسهوله...
تيمور، استعدى لاخد الثأر يا حلوه...
فريده، تيمور، اعقل هتعمل ايه...
كان تيمور يقترب منها عندما فجاءه سمع صوت باب الفيلا بطرق وبشده استغرب تيمور من يطرق الباب هكذا، فغسل وجهه مسرعا وكان يتوجه للاسفل ولكن نظر الى فريدة أولا.
تيمور، حسابنا لسه مخلصش هشوف مين ورجعلك...
نزل تيمور الى الاسفل ولكن صعق مما امامه...
انصدم تبمور وبشده مما وجد امامه فقد وجد ثلاثه اشخاص يحملون الكثير من الاكياس والعلب...
تيمور، خير مين انتم وايه ده...
احد الاشخاص، حضرتك احنا من بيت ازياء، ودى الحاجات اللي اشترتها مدام فريده انهارده وقالت نوصلها على هنا والحساب من حضرتك، وسلم تيمور الفاتوره...
نظر لها وجد المبلغ 100000 مائه الف جنيه...
تيمور، نعم ليه...
الشخص، خير يا فندم...
تيمور بحنق، خلاص مفيش دخلوها جوه وانا هكتب ليكم شيك...
ادخلوا الأشياء الى الداخل وقام تيمور بكتابه شيك بالمبلغ وتوجه الى الطابق العلوى حيث توجد فريده وجدها تخرج وهي تلبس برنس الحمام وكانت تجفف شئ شعرها...
فريده، مين اللي كان بيخبط...
تيمور، يعنى مش عارفه مين...
فريده: ببرود هشم على ضهر ايدى ولا هشوف في البلوره ما تقول مين وخلاص...
رمى لها الفاتوره وانتظر ردها.
فريده، اخيرا وصلوا كويس اصلهم اتاخروا...
تيمور، وجايبه كل الحاجات دى ليه...
فريده وهي تقترب منه بدلع والتصقت به وقامت بتمشيه ا صابعها على وجهه...
فريده بدلع، خساره فيا
تيمور وهو يحكم قبضته عليها، لا خساره ليا...
فريده، طيب سيب بئه مخصماك...
تيمور، ههههههههههههههه اموت انا في الدلع بتاعك ده...
فريده، طيب شيل ايدك بئه يا خفه ومتخدش على كده...
تيمور، توء توء عيب وبعدين أنتي ناسيه انى لسه مخدتش بتارى منك ولا ايه...
فريده، ولا تعرف تعمل حاجه اصلا انت اخرك بوق وخلاص...
تيمور، انا طيب هنشوف وحملها فجاءه وبسرعه.
فريده، انت هتعمل ايه...
تيمور، هنخليها فعل زهقنا من الكلام بئه ووضع على السرير...
فريده، بصوت هامس، انا بهزر على فكره...
تيمور، وهو يقبلها وانا اموت في الهزار ده...
ونسيبهم بئه ونروح مكان تانى...
هدى، عمر يا عمر اصحى بئه عاوزين نروح عند فريده وتيمور...
عمر، ايه الرزاله دى عريس وعروسه سبوهم في حالهم...
هدى، مش نطمن عليهم وناخد لهم الاكل...
عمر، يعنى الدليفرى خلص خلاص وتتطمنوا على ايه تلاقيهم مس عاوزين يشوفوا حد اصلا...
هدى، طيب قوم يا اخويا واخلص علشان منتاخرش...
عمر، طيب طيب ربنا على الظالم وكان يتحدث بهمس...
هدى، بتقول حاجه يا حبيبي.
عمر، لا يا روحى بقول ربنا يخليكى ليا...
عند تيمور وفريده كان فريده تضع راسها على صدر تيمور وهو يحتضنها بقوه...
تيمور: رنا ممكن اطلب منك كذا حاجه وتنفذيهم علشان حياتنا تكون كويسه...
فريده، اتفضل...
كان تيمور سوف يتحدث ولكن جرس الباب دق فذهب مسرعا بعد ارتداء ملابسه سمعت فريده صوت هاتف تيمور يعلن عن وصول رساله فتحت الرساله وصدمت مما بها...