رواية زوجة القيصر الجزء الثاني للكاتبة رهف سيد الفصل السابع والعشرون
يعني مش هتديني فلوس؟
قالها عمران بصوت مرتفع لتردف نرمين بلامبالاه
مفيش فلوس اعملك ايه يعني ويلا غور عشان زهقت منك
قالتها وهي تغادر تاركه الصاله له ليجذبها من شعرها بقوة وهو يردف
زهقتي من مين يا انتي فاكره نفسك ست! ده انتي عتيقه انا هوريكي عشان تبقي تضحكي عليا تاني يا بنت ال.
انتفض من كابوسه المرعب هل حقاً قد تكون ل إيهاب ذات يوم
استعاذ من الشيطان الرجيم في سره ثم نهض باحثاً عن المياة ليروي حلقة الذي جف من كثر الخوف ليجد دورق المياه فارغاً تأفأف في سره ليرفع يده ناظراً إلى ساعته وجدها الثانيه بعد منتصف الليل وان الجميع بالتأكيد قد ذهبو إلى النوم.
هبط دون ان يرتدي سترته كما كان ف اعتقاده عندما قارب إلى المطبخ استمع إلى صوت ضحكات خافته تأتي منه وقف عند أعتاب المطبخ ليجد روما تتحدث ف الهاتف وهي تبتسم وتضحك مردفه.
وانا كمان بحبك وموافقه نتجوز!
روما!
نطق بها بعنف لتنفزع بخوف أنزلت الهاتف لتضعه على صدرها وهي تحاول تهدأت نفسها
حرام عليك خوفتني يا إياد
بتكلمي مين؟
نطق بها بنبره لا تقبل النقاش لتبتلع ريقها بتوتر ولكن دلوف حازم وهو غير منتبه لإياد مردفاً.
خلصتي كلام مع إيهاب وعملتي النسكافي، إياد
لعنته روما في سرها ألاف المرات لتنظر إلى إياد الذي بدأ يتقدم إليها بهدوء لتبتلع ريقها بتوتر وهي تردف.
انا هفهمك اص...
قاطع حديثها وهو يمسك فكها بعنف مردفاً
تفهميني ايه؟
تدخل حازم وهو يقف بينهم مردفاً بحده
مينفعش تمد أيدك على روما
نظر له إياد بسخريه وهو يردف
لا والنبي!
أعاد النظر إلى روما التي تمسكت ب ظهر حازم ليردف بثبات
انا كلامي معاكي هيبقي اما تبقي تحت حكمي وصدقيني مش بعيد.!
كانت جملته مبهمه قليلا لتنظر إلى حازم بخوف الذي كان يحاول هو تمثيل قوته.
نظر لهم إياد بسخريه ثم غادر وهو يتوعد لكليهما وأولهم حسام وإيهاب.
في الصباح اليوم التالي كان الجميع جالسون على طاوله السفره يتناولون إفطارهم بهدوء ليدلف إيهاب بابتسامه هادئه.
صباح الخير عليكوا
ابتسم الجميع باعتياد بينما أظلمت عيني إياد ليردف إيهاب بابتسامه وهو يجلس بجانب روما التي ابتلعت ريقها بتوتر وهي تنظر إلى عيني إياد.
انا جايلك يا أونكل سيف عشان قالولي اطلب ايدها منك انت
في تلك اللحظه وقف إياد مقاطعاً حديثه وهو يردف بابتسامه سمجه بارده
دقيقه يا إيهاب بعد اذنك خالو مروان انا امبارح اتكلمت مع روما عشان عايز اتجوزها وهي وافقت باقي انت.
سقطت الملعقه من بين يديها بصدمه اي زواج واي حديث ليردف مروان وهو يرفع كفيه
انا موافق والله بس ش...
لا مفيش شوف ومش شوف بعد اذنك انت وبابا احنا كتب كتابنا مع نوران والفرح نستني شوية ايه رايك؟
ابتسم سيف وهو ينظر إلى لمعة الحب الموجوده في عينيه ولكن عندما اردف عن عقد قران نوران تذكر حديث عز معه مخبراً أياه عن حضورة اليوم في مكتبه.
صحيح انهرده عز هيجيلي المكتب
نظرت نوران إلى روما بخوف لتطمئنها روما بنظراتها وهي تردف بهمس
متخافيش عز مش هيتكلم ف حاجه.
بدأ الجميع يبارك ل روما بينما تنظر هي ل إياد بصدمه فهي لم تتوقع هذا الجنون ليردف إيهاب بابتسامه.
طب خلو الفرحه فرحتين بقا انا عايز اطلب ايد نادين!
ابتسم سيف وهو يخرج من المنزل مردفاً
انا هكلملك ابوها انهرده واقنعوا
بينما وقف إياد مصدوماً وهو يردف في سره
نادين؟ يعني إيهاب عايز يتجوز نادين مش روما؟
في تلك اللحظه نظر إلى حسام بأعين جاحظه ليجده ينسحب بهدوء وهو يخرج إلى الحديقه الخلفيه
صرخ بأسمه ليركض خلفه بينما هرب حسام منه بخفه وهو يردف
كنت لازم تتحرك عشان متفضلش جلنف كده كتير.
طب انا اسف حقك عليا
قالها حازم وهو يعترض طريق ريم لتردف هي بتأفأف
حازم لو سمحت عديني
طب لو سمحت انتي سامحيني وانا هعديكي
حازم عندي درس عايزة اروج زمان السواق مستنيني
طب هاجي معاكي
نظرت له بابتسامه ثوان وتحول وجهها للجمود وهي تردف
لا
يا بنت الناس والله روما هي اللي مسكت فيا انا مالي!
هو انت خروف عشان تمشي وراها؟
نطقت بها بعصبيه وحده ولكن انتبهت إلى حديثها عقب ان ألقته أُظلمت عيني حازم بحده هو يحاول استسماحها ولكن هي تهينه لتردف.
حازم انا اسفه مكنش قصدي
خلاص يا ريم روحي عندك درس
طب مش هتيجي معايا؟
قالتها وهي تمسك ذراعه بأعين مدمعه ليسحب يده بهدوء قاتل ثم صعد إلى الأعلى ليدلف الغرفه بهدوء صافكاً الباب خلفه بعنف.
لتذبذب برجلها بعنف وهي تنظر له بحزن ثم نزلت إلى الأسفل وهي تحاول كتم دموعها.
انت بتضحك علياا يا حسام؟
قالها وهو يدور حول الطاوله ليردف حسام متحامياً في الطاوله
ما انت اللي عمال تهزق ف البت وتزعقلها وهي ساكته وانت تزيد الحق عليا
لا ازاي طبعاً تروح تكذب عليا؟
نفعتك ولا لا
قالها حسام بحده ليردف إياد وهو يركض ممسكاً به
نفعتني فين يا ابن ال.
مدام روما
قالتها العامله لترفع روما عينها عن التلفاز وهي تنظر لها باستفهام لتردف العامله باستغراب.
في واحده برا اسمها نرمين بتقولي انها عيزاكي انتي والأنسه نوران
نظرت نوران إلى روما باستغراب لتنهض روما وهي تردف
ارتاحي انتي انا هقوم اتصرف معاها
لا هاجي معاكي
ذهبت روما إليها لتجدها جالسه تضع رجل فوق الأخرة بغرور لتعقد روما ساعديها بهدوء
اقدر أعرف سر زيارتك
ابتسمت نرمين بسخريه وهي تردف
فين استقبال الضيوف ده انا اعرف انك بتاعت أصول و ذوق وكلام كتير كده.
ثم نظرت للخلف لتجد نوران تقف خلف روما لتردف باستهزاء
وانتي مش هتيجي تسلمي على ماما يا نور
ابتسمت روما بسخريه وهي تردف
ماما؟ لا هي واقفه جنب مامتها ملكيش دعوه وبالنسبه للضيوف ف انتي مش مرحب بيكي
وانتي سايباها تقولي انو مش مرحب بيا
كلامها صح انتي مش مرحب بيكي هنا يا ريت اتفضلي زي ما جيتي اطلعي برا
ابتسمت نرمين بسخريه وهي تردف.
اطلع برا؟ انا لو طلعت برا هروح اقول ل سيف انك pregnant (حامل) واظن هو ميعرفش مش كده؟
نظرت روما إلى نوران التي ظهر عليها ملامح الخوف لتتأكد نرمين من حديثها لترد روما بثبات.
فرح نور بعد كام يوم ابقي تعالي و وريني هتثبتي ازاي انها حامل
اممم انتي صح بس اظن انتي اكتر واحده عشتي مع سيف وعارفه ان الدم الشرقي عندو مرتفع ممكن ياخد بنتو ويكشف عليها وهو يقرر بقى مين الصادق ومين الكذاب.
لم تمهلهم حتى فرصه للرد لتنطلق مسرعه لكي تلحق ب سيف عند شركته.
بص ده كده
قالها مروان وهو يناول الأوراق ل سيف ليعيد هو ارتداء نظارته الطبيه ليبدأ بفحص الأوراق ما ان انهي ليضعها سيف على المكتب مردفا.
وانا المفروض أصدق الهبل ده؟
كلام بابا صح يا خالو سيف
ده تهديد رسمي يا مروان ولو عملوا حاجه هيبقي معانا دليل ضدهم
انا بتفق مع كلام أونكل سيف و إياد والتهديد ده كلام فاضي
قالها حسام باتفاق معهم لينفعل مروان وهو يردف
يا جماعه افهموني انتو واخدين الموضوع عِند وده مينفعش ده تهديد بالقتل ان احنا ننسحب من المناقصة.
مروان المناقصه عالميه احنا داخلين بأغلب شركاتنا اللي ف العالم ولو سبناها هتاخدها الشركه ديه وانت عارف ان المناقصه مفيهاش غيرنا وغيرهم وانت عارف مصدر الحاجات بتاعتهم ايه؟
يا خالو الموضوع غير انو مناقصه وشركتنا هتترفع زياده الموضوع إنساني شوية
براحتكم
كمل معانا يا مروان خلينا نروح البيت عشان نتغدا انا جعان
يلا.
اوقفت سيارتها في احد الاماكن الفارغه ما ان نزلت حتى وجدت سيف على الجهة الأخره استأذن إياد مبتعداً عن والده قليلاً عندما وجد والدته تتصل.
ايوة يا ماما
إياد مهما حصل اوعي تخلي نرمين تقابل سيف مهما حصل عايزة تقولو ان نوران حامل
حاض...
قطع حديثه ارتفاع نبرة صوتها وهي تناديه
سيف
ماما جت انا هقفل
استوقف سيف ليتأفأف وهو يجدها على الجهة الأخره اسرع إياد كي يحاول منعها إذا بدأت الحديث.
ما ان تقدمت نرمين حتى قابلتها سيارة عمران على الجهة الأخرة لتضربها لتسقط متوفيه انتفض جميع من ف الشارع بينما سيف هو وإياد محاولين اللحاق بالسياره وأنقاذها ولكن كانت حكمة الله لتسقط صريعه أعمالها.
ازاي حصل فهمني انت مش كنت حاضر امتى اتكلم معايا امتى انا وافقت ولا انا وافقت ومش واخده بالي؟
قالتها روما وهي تسير في غرفه حازم بينما كان هو يلعب على جهاز الحاسب الخاص به ليردف بعدم اهتمام.
لا موافقتيش
اومال هو بيقول من دماغوا يعني؟
نظر إلى انفعالها المبالغه ليردف ببرود
انزلي قولي انك مش موافقه وهو كذاب
يا حازم افهمني هو لو كان قالي واتفاهمنا كنت وافقت بس هو حطني قدام الامر الواقع.
انزلي اتكلمي معاه لما يجي
يا حازم انا مش بحبو ومش عايزة اتكلم معاه ولا اتفاهم معاه
شوووط يا اهبل
قالها باهتمام وهو يتابع تلك اللعبه لتطرقه روما بوساده الفراش لتردف بعنف
انت يا حيوان ركز معايا
نظر لها ببرود عقب ان ألقت الوساده ليردف وهو يشير إلى الخارج
اطلعي برا يا عره
بدأت تقلد حديثه بسخريه ليشير مرة اخرى إلى الباب لتخرج وهي تذبذب بقدمها أرضاً.
عادت ريم من درسها لتجد روما تخرج من غرفه حازم وهي تمتم بحديث مبهم لتترك روما الغرفه منفتحه
تقدمت ريم لتشرأب وهي تنظر له حتى وجدته يجلس ويتابع الحاسب بشده أخذت نفساً عميقاً لتدلف بهدوء وهي تردف.
حازم ممكن اتكلم معاك
نظر إليها بطرف عينها ثم قام بالتحرك قليلاً تاركاً لها المكان دلفت بهدوء ثم جلست على الجانب من الأريكه ليردف وهو ينظر إلى اللعبه.
خير في حاجه؟ عندك إهانه تانيه؟
لم تتحدث بل اطلقت شهيقاً دالاً على بكائها وضع حازم ذراع اللعبه جانباً وهو يردف.
بتعيطي ليه دلوقت؟
انا اسفه على اللي قولتو يا حازم انا آسفه بجد
امسك كفيها بابتسامه ليردف بحب
ريم انا مزعلش منك انا عمري ما ازعل منك انا بحبك.
اختتم حديثه ب قُبله خفيفه على كف يدها لتبتسم هي بحب وخجل.
ماما انا خايفه إياد متصلش وقال حاجه وخايفه لتكون قال...
قاطع حديث نوران دلوف سيف بوجه متخشب وخلفه إياد نهضت نوران وتخبأت خلف روما التي نهضت وهي ترتجف هي الآخره.
ايوة يا سيف
نور تعالي دقيقه
تمسكت نوران زياده في روما لتردف بتوتر
في ايه يا سيف
تقدم سيف لتظهر ابتسامه خفيفه وهو يردف
حبيبتي انتي مؤمنه ب قضاء الله وقدرة نرمين ماتت انهرده ف حادثه عربيه
الحمد لله الحمد لله
قالتها نوران في نفسها لتردف روما بحزن خفيف
البقاء لله اومال عز فين افتكرتو هيجي يتغدا معانا؟
بدأ سيف يصعد الدرج بخفوت وهو يزيل جاكيته
جاي بعد شوية.
طرقت روما على كتف نوران ثم صعدت خلف سيف بينما تنهدت نوران وهي تحاول تهدأت نفسها ليردف إياد بسخريه.
ربنا سترها متقلقيش للدرجادي؟
نظرت له بحزن ولكن في تلك اللحظه طُرِق الباب ليتجه إياد ليقوم بفتحه حتى وجد عز الدين أمام المنزل.
تركه إياد ليتجه إلى الدرج صاعداً إلى الأعلى
بينما دلف عز الدين بهدوء ليجد نوران تجلس على الأريكه ويدها موجوده على صدرها تحاول تهدأت نفسها جلس بجانبها ليردف بخفوت.
نوران؟
انتفضت وهي تنظر له ليردف بهدوء وهو يجلس بجانبها
انتي عارفه ان خلاص فرحنا قرب هو سؤال اللي انا عايز اسألو اللي ف بطنك ده مني؟