رواية زوجة القيصر الجزء الثاني للكاتبة رهف سيد الفصل الثامن والعشرون
كان يصعد الدرج بملل ليقابل شقيقته وهي تخرج من غرفة حازم بينما صُدِمَت ريم وهي ترا شقيقها ف تلك اللحظه.
انتي بتعملي ايه هنا؟
قالها إياد وهو يتقدم ناحيتها ارتعش جسدها أثر جملته
في تلك اللحظه خرجت روما من غرفه حازم وهي تردف
ريم كانت جايه تقولي انا وحازم ننزل نقعد معاها تحت عشان زهقانه
عارفه ما اشوفك داخله أوضتو تاني هعمل فيكي ايه يا ريم
اومأت ريم بخوف ثم ركضت باتجاه غرفتها بينما كانت تنظر له روما بضيق ثم أعاد إياد النظر إليها ليمسك عضديها بعنف ثم قربها إليه بقوة مردفاً.
وانتي لو شوفتك عتبتي اوضتو هتشوفي مني حاجه مش هتعجبك
آآآه وانت مالك بي...
قاطعها وهو ينظر إلى عينيها بعنف مكملاً
انتي دلوقت ف حكم خطيبتي وانا مقبلش التجاوزات ديه منك احذري يا روما احسنلك
وانا مش موافقه اني ابقي خطيبتك مش عيزاك
مش بمزاجك والله خلاص
أبعدته عنها بعنف ثم نظرت له من الأعلى للأسفل بضيق وغادرت تابعه ل ريم.
انت بتقول ايه؟
قالتها نوران بصدمه لينظر لها متابع حديثه ب جديه
بسألك
امسكت ب ياقه قميصه بعنف وهي تردف
انت حيوان و حقير انا بسببك بقيت حامل بسببك خسرت كل حاجه وكمان جاي بتسألني؟
امسك يديها المحيطه ب عنقه مردفاً
انا مكنتش هسالك بس كان لازم اي حد مكاني يسألك السؤال ده فوقي يا ماما انا مش جايبك من على سجاده صلاه مغتصبك انا جايبك من كباريه ب قميص نوم وكان بمزاجك.
انا كنت شاربه مش ف وعي!
قالتها نوران و دموعها تزداد ليردف بسخريه
يعني لو مكنش انا كان راجل تاني ومكنش هيجي يصلح غلطتوا
نظرت له بحزن لتصعد على الدرج بقوة وهي تشعر ب حديثه يخنقها لم تنتبه سوا وهي تطرق ب ظهر إياد جائت لتخطيه ف هي تعرف انه لن يقوم سوا بتوبيخها معه.
ليمسك كفها متسائلاً بشده
بتعيطي ليه
لم تجد سوا ان تتشبث ب أحضانه فهي بحاجه إلى هذا الحضن فقط تفاجأ هو منها بشده ليقربها إليه وهو يردف بتوتر.
مالك يا نور في ايه في حاجه تعباكي حاسه ب حاجه؟ اوديكي المستشفى!
هزت رأسها وهي تدفن جسدها زياده به ليردف بتساؤل
طب ايه اللي حصل؟
ع عز قالي كلام وحش يا إياد انا مش عيزاه
مسح على رأسها بهدوء بينما كانت عينيه تتوعد بأن يرد حقها مهما حدث ف هي اخته ولن يدع اي شخص يؤذيها.
مد يده ليحيط بخصرها ثم قام برفعها ك طفله صغيره ثم بدأ يهبط الدرج بها حتى وقف أمام عز الدين لينزل اخته التي مسحت وجهها من الدموع ثم تخبأت خلف إياد الذي اردف بحده.
انا اختي محدش يقولها كلمه تدايقها وتكسر بخاطرها وتخليها معيطه ولو انت مش هتفرح اختي يبقي متستهلهاش وخد نفسك واطلع برا من سكات وانا هتصرف معاها ومع اللي ف بطنها ولا أنك تيجي تذلها انا اختي غاليه عندنا يا عز.
الحمد لله الحمد لله
قالتها ريم وهي تحاول تهدأت نفسها حتى وجدت روما تدلف هي الأخره وتضع يدها محاوله تهدأت نفسها وكأنها أخذت نفس وضعيتها منذ قليل لتردف روما.
الحمد لله متفقناش
قالتها روما بصوت خفيض لتنظر لريم بخبث
انتي هبله؟ احمدي ربنا اني شوفت إياد طالع
انتي دخلتي الأوضه بتاعت حازم ازاي؟
نطيت من الشباك وطلعت وراكي بسرعه
شكرا شكرا إياد كان هيعملني ع الغدا عجّه بشكرك
قالتها ريم وهي تقبل وجنتيها ب التتالي لتبعدها روما وهي تردف
يا رخمه مبحبش حد يبوسني أياكي تدخلي اوضه حازم تاني انتي حره
لا انا حرمت خلاص انا كرهت حازم نفسو
يا شيخه.
قالتها روما بسخريه لترفع ريم كتفيها بيأس متبوع بابتسامه خرقاء.
وانا مش موافقه يا سيف
روما
قالها بجديه عندما وجد رفضها ليرفع كفيه مردفاً
انا بديكي قرار مش باستشيرك يا روحي
سيف اول مرة تاخد قرار من غير موافقتي لا
روما انتي هتعملي زي مروان وتقولي لا وخلاص
اهو شوفت حتى مروان قالك لا مكمل ف الصفقه ليه؟
مروان رفض بس انا وابنك وحسام وافقنا؟
بس مينفعش حياتكم هتبقي ف خطر عشان صفقه مش مهمه
يا حبيبي مين قال انها مش مهمه روما افهميني انا مبتهددش
طب بلغ الشرطه ممكن؟
قالتها روما بترجي ليردف سيف وهو يملس على على وجنتها بحب
روما مفيش حاجه هتحصل صدقيني
نظرت إلى عينيه التي كانت تمدها بالثقه والحنان لتتشبث بعنقه وهي تردف بهمس
انا بحبك يا سيف وخايفه عليك؟
طول ما انا معاكي متخافيش من حاجه.
في المساء عقب ان ذهب الجميع للنوم
في غرفه إياد
عقب ان أخذ حمامه الهادئ ارتدي بنطاله القطني ليجلس في بلكونه وهو يحاول إزاله جميع ما في رأسه ليسمع الباب يطرق اردف باستغراب.
ادخل؟
دلفت نوران وهي تميل رأسها بالأسفل لتقف أمامه بتوتر
انا بس كنت عايزة اشكرك على اللي انت عاملتوا مع عز واعتذرلك عن كل حاجه وحشه وأذي عملتوا ليك.
ابتسم بخفه ليملس على وجنتها بحب مردفاً
نور انتي اختي! واللي يزعلك يزعلني
احتضنته وهي تردف بهدوء
انا بحبك اوي يا إي...
قاطع حديثهم طرق روما على باب الغرفه لتردف بخجل عقب أن رأتهم
احم انا اسفه كنت فاكره إياد لوحدو
ابتسمت نوران وهي تبتعد عن أخيها مردفه
تعالي يا روما انا هروح أنام
ابتسمت روما بخجل عندما خرجت نوران وكأن الأحوال انقلبت عندما خرجت لتنظر ل إياد بقرف.
استر نفسك عشان انا عيزاك تحت
ثم اغلقت الباب بقوة ليردف إياد بضحك
طلاق تلاته منها ان هي مجنونه.
عقب ان ارتدي احد السترات القطنيه هبط للأسفل ليجدها تجلس ف الحديقه على الأرجوحه بملل جلس بقوة بجانبها لتنفزع منه مردفه.
مش تكح ولا تعمل حاجه!
حاضر المره الجايه نعم دلوقت عايز انام
اعتدلت لتجلس متربعه بجانبه ثم قامت بإدارة جسدها ليقابله مكمله
إياد بليز متاخدش موضوع الخطوبه عِّنّد انا مش عايزة اتجوز دلوقت؟
كأنه لم يستمع لنصف حديثه ليردف بملل وهو يتلاعب بأصابعه بسخريه
وأيه أسباب الهانم إنها مش عايزة تتجوز دلوقت أوعي نكون هنعطلها عن الديوان
اصدرت صوت دليل على ضيقها ثم نهضت وهي تذبذب ف الأرض بقوة
اهو ده أكبر سبب انك دبش.
ثم رفعت انفها بغرور وهي تكمل
وعندي كليه انا لسه باقيلي سنتين
نحولهم هنا ولا نأجلهم
وانا مش عايزة أأجل مستقبلي يا إياد
نحولهم قولنا
عقدت ساعديها وهي تمد شفتيها بضيق
انا مش عايزة أحول حاجه انا اول ما الدراسه تبدأ هسافر
ابتسم بسخريه وسماجه ليردف
هتدرسي هنا بكرامتك ولا احلف مودكيش جامعات ولا يحزنون
انت من الاول بتتحكم فيا اهو وبتقولي مفيش دراسه وبتلغي طموحي
وحافظه الكلمتين دول من اي فيلم؟
إياد مبهزرش بعد اذنك؟
روما الوضع انتهي كتب كتابنا مع نوران والفرح بعدها ب شهرين
وانا مش موافقه وهقول ل بابا كده الص...
قبل ان تتحدث روما تحدثت اضواء الحديقه لتنطفأ جميعها عقب ان تخطت الساعه الثانيه بعد منتصف الليل ركضت لتمسك ب يد إياد وهي تردف بخوف.
هو النور طفي ليه؟
نظر لها وهو يبتسم بسخريه
المشهد ده مش بيفكرك ب حاجه
ركزت في جملته لتفاجأها ذكري قد مضى عليها خمس سنين ابتعدت عنه بقوة وهي تنظر له بغل ثم اردفت وهي ترفع سبابتها بقوة.
انا بكره هقول ل بابا و أونكل سيف يلغي كل حاجه
امسك أصبعها ليثنيه للجهة الأخرى وهو يردف بثقه
اعمليها وشوفي هعمل ايه!
كانت نبرته مليئه بالتحدي ثم نظر إلى أصبعها المرفوع ليطبع قبلة بسيطه عليه
سحبت أصبعها بقوة وهي تنظر له نظرات مبهمه لتغادر وهي تضرب قدميها ف الأرض
بدأ إياد يتابعها بابتسامه لعبيه ثم تحولت نظراته الاستفهام وهو يجدها تعود مره اخرى لتردف بنبرة يأسه.
تعالا وديني انا خايفه اروح ف الضلمه
مد يده ليحيط كتفها ثم قربها إليه وهو يردف
هوديكي بشرط ان أيدي تفضل محوطاكي كده
مستغل اوي.
قالتها بصوت منخفض لكن ألتقطته أذنه ليردف بضحك
الواحد يبقي أهبل لو مستغلش موضوع زي كده بس لو كنا كاتبين الكتاب كنت عرفت استغلوا صح.
ف صباح يوم جديد قبل ان يستقيظ الجميع هبطت نوران عقب أن جهزت نفسها لتقابل نادين عند الباب لتركب بجانبها لتردف بابتسامه هادئه.
صباح الخير
ابتسمت نادين وهي تزيل نضارتها بحب
صباح النور قولي بقا يا ستي مصحياني ليه
لوت نور شفتيها بضيق ثم تنهدت لتردف بثبات
انا قررت اعمل miscarriage (إجهاض)
فتحت نادين فمها من الصدمه و هي تردف
تعملي ايه يا نن عين امك؟
اعتدلت نادين في جلستها وهي تردف بتساؤل وهي تضحك محاوله استيعاب الموقف
إجهاض ازاي معلش؟ يعني انتي كل ما تشوفيني يبقي في مصيبه؟
نادين افهميني عز قالي كلام يوجع وان.
قاطعتها بحده وهي تردف بعنف
نور خلص الكلام لا يوجع ولا ميوجعش إجهاض مفيش
انا كنت عارفه
قالتها نور ب ثقه لتهبط من السياره متجه لهذا التاكسي الذي يقف أمامها لتركبه لتطرق نادين الدريكسيون بكفها وهي تردف بعنف.
غبيه هتضيع كل حاجه
أمرت نوران السائق ان يقود بسرعه بينما لبى هو طلبها كي لا تحاول نادين ملاحقتها
بعد ساعتين كانت تنتظرهم نوران ان يقومو ب منادة اسمها لتنهض بملل لتلك الموظفه مردفه.
انا بقالي ساعه ونص هنا مستنيه الدكتورة ممكن اعرف هدخل امتى
رمقتها الموظفه بنظرات غريبه ثم لاكت العلكه التي في فمها بطريقه غبيه وهي تردف
عشر دقايق وهتدخلي
تأفأفت نوران لتجلس على الكرسي وبالفعل صدقت تلك المرة لتدلف إلى الغرفه المخصصه ل العمليات بدأت الطبيبه تجهز المعدات وهي تردف.
حامل ف قد ايه
توترت نوران وهي ترا أدواتها الحاده لتردف وهي تمسح العرق الذي تجمع على جبهتها
اقل من شهرين
جوزك برا او حد من اهلك
بدأ تنفسها يزداد لتردف
أآ لا انا جايه من وراهم عشان انا مش عايزة الجنين ده
بتشربي ممنوعات عندك أمراض!
أأ قبل الحمل ب فتره كنت موقفه الكحول بس مكنتش بشربها كتير يعني غير ف المناسبات.
اتفضلي هنا على السرير
صعدت نوران على السرير بتوتر لتقوم بابتلاع ريقها بتوتر ألتفت الطبيبه لتقوم برفع قدمها ثم قامت برفع قدمها الاخره ليزداد بكاء نوران.
قبل ان تقوم الطبيبه ب إعطائها الإبره استمعت ل ضجة كبيره ف الخارج حتى وجدت عز يفتح الغرفه لتنتصب الطبيبه بعصبيه.
ايه الهمجيه اللي انت بتعملها ديه
لم يستمع لحديثها بل توجه إلى نوران التي أخفت وجهها ليسحبها وهو يردف
امشي معايا من سكات
انت ازاي تعمل كده اطلع برا
قالتها الطبيبه بحده ليردف عز بتهديد
لو مبعدتيش عن وشي دلوقت هكسر ام القرف ده فوق دماغك ابعدي عن وشي
تأثرت الطبيبه بجملته لتبتعد قليلاً عن كليهما أخذها عز من يدها ليلقيها ف السياره بضيق لتصرخ به مكمله.
انت عايز ايه مني انا مش عايزة اتجوزك انا هخلص من اللي ف بطني ده عشان متجوزكش.
بحبك انا بحبك
قالها عز بصراخ أمام وجهها لتسكت نوران بصدمه ليمسك وجهيها بين كفيه وهو يردف بحب.
انا بحبك يا نور وبموت فيكي و انا اسف على الكلام الأهبل اللي قولتو امبارح انتي اول واحده قلبي دقلها هربت بعيد عنك بس القدر ربطني بيكي.
وضع يده على معدتها وهو يردف بحنان وإشراقه
ربطني بيكي وب حته منك وانتي بكل بساطه عايزة تقطعي الرابط قبل ما يبدأ انا بحبك.
نظرت إلى عينيه لتجد نبرته الصداقه لتجده يجذبها إلى أحضانه لتتعلق هي به أكثر ليردف وهو يمسح على خصلاتها.
انا معاكي ودلوقت هنطلع عند الدكتورة ونشوف البيبي عامل ايه!