رواية زوجة القيصر الجزء الثاني للكاتبة رهف سيد الفصل الرابع
اندفع كأن قلبه هو من هوى أرضاً وليس جسدها
حملها بين يديه واتجه إلى الاريكه.
ليردف بحده وهو يصرخ في أطفاله
اجرو جيبو برفيوم
كان إياد هو الأسرع بينهما بينما وقفت نوران ترمقها من بعيد ثوان وشعرت بقلبها يرق لها ولكن أجبرته على الجمود.
شعرت بهمساته وهو يردد بأسمها لتضغط على يده وهي تحرك رأسها بالإيجاب
طبع قبله على جبينها وهو يردد
انتي كويسه يا روحي!
اومأت بخفوت ليتقدم إياد وهو ممسك بكأس الماء مناولاً والدته وهو يربت على كتفيها.
سلامتك يا ماما
ساعدها سيف في شرب المياه ثم ضمها إلى صدره وهو يطبع عده قبلات على رأسها
الحمد لله انك بخير يا روحي
تقدم حمزة وهو يبكي ليجلس بجانب والدته بنحيب مردفاً
سوري يا مامي انا السبب انا اللي وقعتك على الأرض
فتحت ذراعيها وهي تضمه، ثم بدأت تمسح دموعه باصبعيها مردفه
متعيطش يا حبيبي انا دوخت بس مفيش حاجه
قومي البسي يلا عشان نروح المستشفى.
قالها سيف وهو يملس على شعيراتها ثم مد يده إلى خصرها كي يعاونها على النهوض لتتمسك بكفه وهي تطمئنه.
متقلقش انا كويسه يا سيف مفيش حاجه
سلامتك يا مامي
قالتها ريم وهي تقبل وجنتيها بحب
اهو شوفت بقى يا حج عايزة تعرف غلاوتها عندنا
احتضن كفها ليلثمه بحب وهو يؤكد على كلامه
هي غاليه عندي و عارفه
وضع إياد يداً على عينه والاخرى على قلبه مردفاً بحزن ممثل
ارحمو قلبي السنجل البرئ مش قدامي انا طاهر نقي
حمد لله على سلامتك يا مامي
قالتها نوران وهي تطبع قبله على رأسها بإبتسامة مجامله لتربت روما على يدها بحب وهي تردف.
ربنا يخليكي ليا انتي واخواتك
وابو أخواتها ملوش من الحب جانب
قالها إياد وهو يغمز لوالدته بعبث ليقطب سيف حاجبيه وهو يردف
اديكي خليتي العيال تشمت فيا
وضعت يدها على ذقنه ثم طبعت قبله على وجنته مردفه
ده انت الحب كلو!
مامي بتسبت بابي
قالتها ريم وهي تضحك ليشاركها الجميع قهقهاتها عدا نوران التي صعدت إلى غرفتها دون ان ينتبه لها أحد.
ليمسح حمزة آثار الدموع العالقه بين حاجبيه وهو يردف.
انا هنام انهرده مع مامي عشان لو تعبت بليل
وانا كمان يا مامي عشان متتعبيش بليل
قالتها ريم وهي تقفز بحماس ليردف إياد وهو يبتسم باتساع
وانا يا مامي
ظل سيف ينظر لهم بزهول ليردف بسخريه
و ابات انا بقى عند الجيران، اللي هشوفو يخطي الاوضه هعلقو على الباب برة
قالها بلهجه تحذيريه مهدداً ثم تابع وهو يردف ل إياد
يلا اطلب لينا غدا خلينا ناكول عشان مامتك.
اومأ إياد وهو يخرج هاتفه من جيبه ليضم سيف روما اكثر وهو يهمس لها بكلمات محببه.
انتي مجنونه يا نادو!
قالتها نوران بأنفعال وهي تصرخ في صديقتها عبر الهاتف
لتردف نادين بجديه
لا مش مجنونه يا نانو بس فكري معايا ايه اللي هيخلي طنط روما تعاملك كل ده كويس وكان بشهاده منك انتي قولتي ان هي بتعاملك زي صاحبتها مش ك أم وبنتها وكان نفسك ان كل الناس عندها ام زي مامتك.
صمتت ثوان لتردف بسخريه مكمله
والست اللي جت بتقول انها امك ليه افتكرتك دلوقت و كانت سيباكي كل السنين ديه ل طنط روما الحوار واضح اوي يا نانو انتي اللي غبيه.
بدأت أنفاسها في التسارع وهي تردف
حوار ايه يا نادين حوار ايه ها انتي بنفسك شوفتي نتيجه التحليل اللي عملناها و ال DNA طلع نفس الشئ انا مكسورة اوي يا نادو حاسه اني كنت عايشه ف حلم كبير.
رأفت بحالها صديقتها لتردف بحنان
طب خلاص يا نانو متعيطيش ان شاء الله ربنا هيحلها، بصي هكلمك بعد شوية عشان مامي عيزاني.
اومأت نوران وهي تمسح بعض الدموع التي هبطت من عينها
ثوان وجدت قرعات خفيفه على باب الغرفه لتأذن بالدخول وهي تهندم شكلها
دلف إياد وهو يردف بهدؤ
نور طلبنا اكل و وصل يلا عشان تاكلي
مش عايزة اطفح اطلع برة!
صدم إياد بحديثها الفظ ليرفع حاجبه واردف بلهجه شبيه بالأمر
طب اتكلمي عدل
صكت على أسنانها وهي تردف
ملكش دعوة انت مش هتيجي تعلمني اتكلم ازاي واطلع بره قولت
عنك ما اكلتي اولعي!
قالها إياد بنبرة عنيفه ومرتفعه نسبيه ثم خرج وهو يصك الباب بعنف صدمها ولكن صمتت وهي تحاول كتم غيظها لتتجه إلى خزانتها وتاخذ احد ملابسها وهي تدلف إلى الحمام كي تأخذ حماماً هادئاً يزيل هذا التشنج عن وجهها.
بينما هبط إياد وهو يهذي بحديث مبهم ليقابله والده وقد لاحظ الضيق على وجهه ليردف متسائلاً.
في ايه؟
مش عايزة تاكول وعماله تقل ادبها يا بابا
طب خلاص سيبها وشويه وهطلعلها انا وانت
اومأ إياد وهو ينزل من الدرج بصحبة والده يتسامران.
جلست في غرفتها وترتسم على وجهها ابتسامه عقب ان انتهت من محادثة صديقتها رحمه وهي تخبرها عن ردة فعل إياد بعد هبوطها من الباص.
فلاش باك
بعد انتهاء يومها الدراسي الأول وقد جلست في ساحه المدرسه تتعرف على مرافقها و لقد علمت من احد المعلمات انهم سوف يبدؤن بالدراسه في اليوم الثالث حتى يكون حضر عددٍ لا بأس به من الطلاب
صعدت الحافله مع رحمه ليعودو إلى مقعدهم الصباحي لتتفاجئ ب إيهاب يجلس في المقعد المجاور لها ابتلعت ريقها بتوجس لتردف.
بقولك ايه يا رحمه تعالي نقعد ف مكان تاني
سحبتها رحمه إلى المكان وهي تردف بحزم
هنقعد هنا يا روما محدش ليه عندنا حاجه
جلست روما وبجانبها رحمه ليبتسم لها إيهاب ردت له تلك الابتسامه مجامله.
وقع كل هذا تحت انظار إياد الذي اقسم بداخله ألف مرة انه لم يتدخل في اي شوؤن لها واردف في سره.
انا قولتلها وهي حره مش هقعد اجري وراها واقولها تعمل ايه ومتعملش ايه انا نصحتها وبعدين هي كبيره.
وقف إياد مع عدة شبان من عمرة في منتصف الباص وهم يتحدثون
وقف الباص امام له روما لتودعها رحمه ثم هبطت بعد ان هبطت من الباص نظرت رحمه بجانبها لتجد سترة روما قد نستها حملتها وهي تردف.
يا روم...
قاطعت كلامها وهي تجد إيهاب تقدم مسرعاً وهو يسحب السترة من بين يديها ويركض إلى مقدمه الباص وهو يأمره بانتظاره دقيقتين فقط.
سمعت احد الأصوات مناديه لها وقفت لتجد إيهاب يحدث السائق طالباً منه ان يقف ابتلعت روما ريقها بتوتر ونظرت إلى رحمه عبر الزجاج لتطمئنها.
هبط إيهاب وهو يناولها سترتها بابتسامه
نسيتي چاكيتك
اخذته منه وهي تردف بابتسامة
مرسي يا إيهاب
العفو.
قالها بابتسامه ثم ركض إلى الباص وقف على مقدمته وتذكر شئ لف وجهه مرة اخرى وهو يردف.
الفيس ولا الانستا بتاعك ايه
قالها بطريقه كوميديه نوعاً ما لتضحك وهي تردف
اسال رحمه
ابتسم لها واكمل دخوله إلى الباص وهو يسمع جمل الشباب الذي معه وهم يتهامزون ويتغامزون
اتجه إيهاب وهو يتجاهل نظرات إياد التي كانت تفتك به جلس في المقعد أمام رحمه وهو يردف بابتسامه.
اديني حسابها لو سمحتي
هه
قالتها رحمه وهي تفتح عينيها وتغلقها تكراراً حرك إيهاب يده في الهواء وهو يردف
انتي سمعاني عايز حساب روما!
اه اه حاضر
أخرجت احد الاوراق الصغيرة (نوت) وبدأت تكتب حسابها ثم أعطته ليطبقها في جيب سترته بابتسامه.
شكرا يا رحمه
اومأت رحمه بابتسامه مجامله ثم انتقلت نظراته لتلتقي بتظرات إياد التي كانت عبارة عن حده و وعيد.
عوده.
ضمت هاتفها إلى صدرها بحب وهي تردف
يا لهوي عليه وهو متعصب
فزعت عندما وجدت صوت والدها يردد من خلفها
مين ده؟
وضعت يدها على صدرها وهي تحاول تهدئت نبضات قلبها المرتعبه
حرام عليك يا بابي خضتني
عادت إلى توترها لتردف بتردد
ده ممثل يا بابي كان بيغار على البطله و اتعصب عليها وشكلو كيوت اووي
ويا ترى بيغير عليكي زي م انا بغير عليكي
قالها مروان وهو يرفع احد حاجبيه لتقترب وهي تقبل وجنته بحب.
انت عارف يا بابي اني مش بحب حد غيرك وبغير عليك اوي اوي اوي
لف مروان كلتا يديه حولها وهو يضمها اكثر برحب
ليلتفت وجد رفيقه دربه وحبيبة عمره شهد تقف على الباب وتمثل معالم الانزعاج ليترك صغيرته فوراً وهو يردف.
الحكومه جت!
ازدادت روما تشبثاً بوالدها وهي تنظر لوالدتها وترفع حاجبيها بمرح لتصرخ شهد بانزعاج مضحك.
وانا اقول مروان فين مروان فين اتاريه عندك يا ضرتي!
وقفت روما امام والدها وهي تحجبه عن والدتها وترد بتمثيل
لا انهرده يومي يا حبيبتي انتي عارفه
بس بس بتزعقو ليه؟
اردف بهذه الجمله زيد الذي يبلغ الرابعة عشر عاماً من عمره عكس طباع عائلته تماماً ف هو جدي إلى حد كبير ويتميز بطوله وجسده العريض فقد اهتم ب لياقته البدنيه لطموحه بدخوله القوات الخاصه.
وضعت شهد يدها على كتف صغيرها وهي تردد
يرضيك كده يا زيزو اللي اختك وابوك بيعملوه فيا ده؟
ظل زيد ينظر إليها بضع ثوان ثم اردف
بيعملو ايه يعني يا ماما بيغظوكي وانتي بتصدقي علطول انا مالي
فتحت شهد عينيها بصدمه وهي تردف
قصدك انا هبله يا زيد؟
كبتت روما ضحكتها ف لو فلتت منها لأصبحت هي ضحيه الليله ثم عادت بجانب والدها وهي تنظر امامها.
انا مقولتش انك هبله يا ماما انتي اللي بتقولي
قالها زيد بمنتهى العقلانيه والثقه لترد والدته بحده
بس قصدك ايه بكلامك ده اتفضل قولي!
استنشق زيد كميه من الهواء وزفرة بهدوء واردف
لا يا حبيبتي قصدي فكك من روما عشان هي متخلفه وانتي عارفه ان بابا بيحبك انتي يا حلوة.
انت صح يا حبيب امك
قالتها شهد وهي تضمه اكثر إلى صدرها وتطبع قبله على رأسه بينما نظرت روما بسخريه لهم وهمست لوالدها.
لو انا مكانو كان الفون اتسحب واتهزقت واتعاقبت خليه هو فرخه بكشك عند ماما
بس انتي حبيبتي يا روح ابوكي انتي
ازدادت تعلقاً ف والدها، وهي تدعو الله داخلها ان يديم لها سندها الأول والأخير.
صمتت بحزن لا تعرف كيف سوف تصبح حياتها مستقبلاً هل سوف تحظى بنفس ما حدث لوالدتها وتموت،! ام سوف يلعب القدر لعبةً معها
تنبهت ل سيف الذي كان يراقبها ويحاول فهم ما بها من تعابير وجهها لتبتسم له بحب بينما اقترب هو منها مردفاً.
مالك يا روما عمرك ما خبيتي حاجه حاسك بتخبي عليا حاجه
لم تعرف بما تجيبة هل تخبره ما تشعر به هي تعلم لو اخبرته لأقام هو الحرب العالمية الثالثة عليها كأن الله عرف ما بها ف ألقي تلك الفكره في رأسها لتردف بحزن.
مريم وضحى وحشوني اوي يا سيف هما مش ناويين يرجعوا؟
هو ده اللي مزعلك يا حياة الروح؟
سألها وهو يمسح على وجنتها لتهز رأسها بالتأكيد تابع بهدؤ مازحاً
هيجو يا حبيبتي حتى لو مش ناويين اخطفهم وارجعهملك ولا إنك تزعلي
ابتسمت وهي تتشبث بيده اكثر لتفكر في شقيقته التي ربتها كأنها ابنتها منذ ان فتح سيف احد فروع شركاته في الخارج أصروا على الذهاب والاستقرار هناك ولا يأتون إلا قليلاً.
دق جرس الباب لينهض إياد بهدوء وهو يفتحه ليجد نادين صديقه اخته تقف مبتسمه ليردف مازحاً.
مش عايزين لبن انهرده
دفعته بمزاح وهي تردف بتكبر
يابني بطل هزارك ده وبعدين يعني ده انا ادخل واطردك من البيت، البيت بيتي يا حبيبي ولا ايه يا طنط؟
قالتها وهي تميل بجسدها لتقبل وجنتيها ليوافقها سيف بسرعه وهو يردف
ده تبقي عملتي فيا جميل يا نادين والله
فتح إياد فمه بصدمه وهو يردف
بتبعني بسهوله يا والدي؟
اتقبل الفكره يا إياد محدش عايزك
قالتها نادين وهي تضحك ليردف بغيظ
لا ياختي عايزني بس اطلعي انتي منها
ضحك سيف بخفوت ثم تابع بجديه خفيفه
روح وصل نادين لأوضه اختك
اومأ بالموافقه ثم انحني بتمثيل محبب
اتفضلي قدامي برنسيس زفت
ولد!
قالتها روما بحده قليله ليردف مصححاً
سوري برنسيس نادو
اتجهت إلى الدرج وهي تضحك بينما تبعها هو ليردف في منتصف الدرج بصوت منخفض
مش عارف ازاي مستحمله نوران ده انا اخوها وشوية وهجبها من شعرها
معلش يا إياد هي الفتره ديه مخنوقه
يا بنتي طب تيجي معايا نتكلم نحكي مش تتعامل بالأسلوب الزفت ده
صمت قليلاً وهو ينظر إلى نادين ليردف بتساؤل
هو ايه سبب التغيير اللي حصلها ده يا نادين اكيد انتي عارفه
هتبقي كويسه متقلقش.
قالتها نادين وهي تبتسم له بلطف ليتنهد وهو يردف
اتمني عشان بابا ميتخانقش معاها.