رواية زوجة القيصر الجزء الثاني للكاتبة رهف سيد الفصل الخامس
أنتهت من درس التانجو وهي تحاول التقاط انفاسها متحمسه لتسمع تصفيقاً حاراً من رحمه التي شجعتها لتبتسم روما بخجل ممزوج بحماس وهي تردف.
ايه رايك يا رورو
تجنني يا روحي
اتجهت إليها وهي تحمل حقيبتها حتى تبدل ثيابها مردفه
طب مش ناويه تشتكري معايا ف التانجو؟ بليز يا رحمه بليز
تؤتؤ قولتلك مبحبش الرقص اصلا يلا عشان تلحقي تغيري قبل ما البريك يخلص
اوكيه
اتجهت روما إلى دورة المياة الملحقه ب غرفه التدريبات الموجوده في مدرستها لتبدل ثيابها ثوان وخرجت وهي تعيد ملابسها إلى دولابها الخاص بها ثم امسكت يد رفيقتها واتجهتا إلى الخارج.
عرفتي مين كلمني امبارح؟
قالتها روما وهي تنظر إلى رحمه لتحرك رأسها نافيه لتردف بغيظ
يا بنتي انتي مش معاكي الباسوورد بتاع الاكونت بتاع الانستا
اه معايا بس مفتحتش انستا امبارح ليه؟
إيهاب كلمني!
اه طيب فيها اي، نعم؟ كلمك ازاي يعني مش فاهمه؟
ضحكت روما وهي تردف
مانتي غبيه لو فتحتي امبارح كنتي قرأتي كل الشات وبعدين إيهاب طلع دمو خفيف على فكره.
مش عارفه يا روما انا مش بحب احكم على الناس لا بخير ولا بشر طب وقالك ايه
ابتسمت روما وهي تتذكر محادثته واردفت
مفيش تصدقي قعدنا نتكلم يمكن ساعه ونص ومش عارفه قولنا ايه جمل، اااه
اطلقت تأوه نتيجة لأرتطامها بأحد الفتيات لتنظر لها روما وهي تعقد حاجبيها مردفه
مش تاخدي بالك يا بنتي؟
التفت مايا لتطالعها بنظرات مقززة وهي تردف
بنتك؟ انتي غبيه صح؟
نظرت لها رحمه بذهول وهي تردف.
لا والله انتي اللي خبطاها وجايه بتشتمي والله مفيش غبيه غي...
قاطعها وجود إيهاب في تلك اللحظه وهو يردف
في ايه يا بنات مالكوا؟
التفتت روما إليه لتردف بتبرير
خبطتني وجايه بتقول عليا غبيه معرفش ايه التخلف ده
احترمي نفسك مبقاش غيرك ياللي لسه مكملتيش اسبوع تكلميني كده؟
قالتها مايا بعنف وهي ترفع نبرات صوتها في الرواق كان يسير كل من حسام وإياد ليسمعوا صوت مايا ليردف حسام بحماس.
الله شكل في خناقه تعالا نروح نتفرج
يابني اعقل بقى بطل هطل
قالها إياد بنفاذ صبر ليردف حسام بإصرار
بالله بالله
انصت إياد له وهو يزفر بضيق واتجهو إلى الداخل ليتفاجئ ب روما تقف في مواجهة مايا وذاك البغيض يقف بجانبها اقترب مسرعاً وهو يتخطى حسام ليردف.
في ايه؟
إياد!
قالتها مايا لتتجه مسرعه وتطبع قبله على وجنته وهي تردف برقه مبالغه
وحشتني اوي
أقسمت روما ورحمه انها تعاني من (الشيزوفرينيا) هل هي كانت تصرخ قبل قليل لكن صدمه روما اكبر وهي تراها تتعلق به وتقبل وجنته وهي التي حبيبته وقريبتة لا تفعل هذا مطلقاً.
ايه اللي بيحصل هنا
قالها حسام وهو يتساؤل ثم نظر إلى روما الشارده لتتحدث مايا بقرف وهي تردف
مفيش دفعه أولى السنادي محدش مالي عينهم وعمالين يقلو أدبهم
بقولك ايه يا بتاعه انتي، انتي اللي خبطتني وغلطي فيا الاول واحترمي نفسك وانتي بتتكلمي.
قالتها روما بغيظ اطلقته في كلماتها لتردف مايا بغضب
بتاع...
خلاص يا مايا انتي اللي غلطانه اصلا وانا كنت واقف شايف ايه اللي بيحصل روما مغلطتش انتي اللي خبطي كتفها واضح انك ماشيه مش مركزة.
قالها إيهاب بحزم دليلاً على انتهاء الحوار لتردف روما بابتسامه وغيظ عامده عن كل كلمة تردفها.
مرسي ليك يا إيهاب جدا بس انا معنديش وقت اضيعو مع اشكال أمثالها يلا يا رحمه عشان الجو قلب خنقه.
تعالي يا روما عايزك في موضوع
قالها إيهاب ليذهبن معه لتردف مايا بغيظ
هي لحقت تلف على إيهاب وهو زي الخروف مشي وراها وبيدافعلها
نظر لها حسام وهو يردف باستغراب
مش حضرتك اللي خبطتيها عن اذنكم
قالها حسام وهو يلحق ب روما ورحمه فهو لا يطيق التواجد معها في نفس المكان لثوان قليله
ما ان خرج حتى وجد رحمه تقف بالجانب مستنده على الجدار وهي تنظر إلى اظافرها بملل ليقترب بتساؤل.
هي روما فين يا رحمه؟
رفعت عينها وهي تشير بعينها إلى احد الأماكن
اهي واقفه مع إيهاب اهي
نظر ليجدها تستمع لحديث إيهاب بجديه ليلوي فمه بسخريه
مصرة تخلي إياد يتخانق معاها
اعتدلت في وقفتها مسرعه وهي تردف
حسام هي ايه سر العداوة اللي بينكم وبين إيهاب.
مدام روما
رفعت روما رأسها بتلقائيه لتقترب الممرضه منها وهي تعطيها هذا الظرف لتردف روما بتساؤل.
النتيجه؟
اومأت الممرضه ليقترب معاذ وهو يلتقف الظرف من كف روما وهو يردف
نفتحو في المكتب يا روما احسن!
اومأت روما وهي تتبعه بهدوء وهي تدعو الله سراً ان تعود قبل عودة احد اطفالها او قبل عودة زوجها وهذا سوف يسبب لها عده مصائب متلاحقه دلفت إلى المكتب واغلقت الباب خلفها ليردف معاذ بهدوء.
اول حاجه مهما حصل في نتيجه التحليل لازم سيف يعرف
سيف اهم واحد ميعرفش سيف لو عرف هيقلب الدنيا مش هيقعدها المهم شوف نتيجة التحليل.
اومأ معاذ بهدوء وبدأ يفتح الظرف ثوان وتبدلت معالم وجهه إلى ذهول لتصل الإجابه إلى روما وهي تردف.
الحمد لله على كل حال الحمد لله في السراء والضراء
روما انتي عارفه ان الطب اتطور خلاص ونقدر بعمليه نشيل الكانسر وهو وهو ف مرحله مبتدئة.
يسير خير ان شاء الله المهم متقولش ل سيف
روما لو فضلتي على عنادك هقول ل سيف
تمام
تحبي اوصلك؟
لا لا شكرا سلام
اومأ معاذ بهدؤ فهو يعلم كم تحتاج وقت حتى تراجع حساباتها وتعلم ماذا سوف تفعل في مستقبلها المجهول...
صدم من جملتها ف حقاً لا تتكون اي عداوة بينهما ربما بعض المشاحنات ولكن ليست بالعداوة ولم يعتب على حديثها ف حقاً من ينظر لهم لا يرا سوا انهم اعداء.
مفيش بينا عداوة يا رحمه انتي فاهمه غلط هو مش بيحبنا والشعور متبادل زي ما بيقولوا من القلب للقلب رسول.
قالها حسام بسخريه لتنظر له باستخفاف وهي تردف بسخريه
على اساس انو هيكرهكم من الباب للطاق
لف حسام وجهه وهو ينظر لها عن كثب مردفاً
بتقولي ايه؟
سلامتك!
قالتها رحمه بابتسامه لم تبرز انيابها ثم أعادت النظر إلى صديقتها التي كانت تستمع إلى حديث إيهاب بتركيز.
حاولي متحتكيش بيها كتير ديه بنت بتاعت مشاكل و مغرورة ومناخيرها ف السما ف ابعدي عنها بكل جهدك ولا حتى صباح الخير ولا مساء الخير.
قالها إيهاب وهو يحذر روما من التعامل مع مايا لتومئ بصمت ثم أردفت وهي تضيق بعينها.
وهي تعرف إياد منين؟
تعجب إيهاب من تساؤلها ليردف مجيباً
هي بتحبو
نعم!
اومأ إيهاب وهو يردد
ايوة ده اللي سمعتو واللي واضح ممكن مش حب بس إعجاب
اومأت روما بغيظ لتقع عينها عليهما وهم يخرجان معاً ثم وقفا بالقرب من حسام ورحمه لفت بجسدها لتعود إلى صديقتها مع إيهاب الذي اردف.
بس اتمنى مكونش دايقتك امبارح في الشات او تقلت عليكي؟
ابتسمت بود وهي تردف بعفويه
لا عادي مش اتدايقت واظنك مقولتش حاجه تدايق بالعكس الشات كان لطيف!
وضع إيهاب كفيه الاثنان في چيبه وهو يبتسم لينضمو إليهم ثم اتبعها إيهاب بابتسامه محبه.
ماهو اصل انا لقيتك قفلتي فجأه امبارح خوفت
ضحكت بخفه وهي تردف
لا الفون فصل شحن وانا واخويا عملنا حرب عليه
انطلقت ضحكة إيهاب وهو يردد
عارف انا المشاكل ديه حافظها
وقفت مايا وهي تنظر لهم بدناءة وخبث
اول مرة يا إيهاب اشوفك بتضحك مع بنات أولى! دايماً تقيل زي ايدو
انا اتقل مع الكل لكن عند روما معرفش!
قالها إيهاب بتلقائيه وابتسامه لتقابله روما باستحياء ورحمه وحسام اللذان تقاسما نظرات الصدمه اما إياد ف كانت نظراته تعبر عن اجيج غضبه ومشاعره الداخليه.
دلفت إلى الكافيه مع صديقتها وهم يبحثون عن احد الأماكن الشاغرة لتجد طاولة بالزوايه اشارت لصديقتها بعينها إليها ليتقدمو لها.
تحبو تشربوا حاجه؟
قالها النادل وهو ينظر لهم لتردف نادين بابتسامه
شوية مستنين حد
تحت امرك يا فندم
قالها النادل بعمليه ثم غادر ادارت نوران وجهها وهي تنظر لها بابتسامة
شكراً يا نادو انك جيتي معايا
انا جيت معاكي بس مش قابله اللي بتعمليه خالص يا نور حطي تحتها مية خط! وافتكري ان طنط روما مش تستاهل كده.
ابتسمت نوران باستهزاء وهي تتذكر موجز ما حدث في الأسابيع الماضيه
فلاش باك
انهت اخر اختبار لها في تلك المرحله لتخرج مسرعه وهي تجد صديقتها ممسكه بكتاب تلك الماده تراجع اجابتها ركضت نوران إليها وهي تردف.
الحمد لله الExam (الامتحان) جه سهل اوي وريني الإجابات كده
بدأ الاثنان بمراجعه اجابتهم وهم يتأكدون من اجابتهم.
في تلك اللحظه جائت سيدة تسير بهدؤ وهي تبحث بعينها حتى وقعتا على نوران وهي تبتسم أعادت نظارتها الشمسيه إلى شعرها ذو اللون الأشقر المصبوغ ثم تقدمت لها بخطوات ثابته حتى وقفت أمامها لتردف بابتسامة.
انتي نوران؟
رفعت نوران وجهه لتتفاجئ بالملامح الشبيه قليلاً بها لتردف بهدؤ وابتسامتها المعتاده.
ايوة انا حضرتك مين؟
كنت متوقعه اكيد سيف مش هيجبلك سيرة عني
قالتها نرمين بسخريه وهي تقلب عينها لتنظر الفتاتان إلى بعضهم باستغراب
هو حضرتك تعرفي بابايا؟
شوور يا حبيبتي مين ميعرفش باباكي
عقب ان انهت نرمين جملتها توقعت نوران معرفتها بسبب شهرة والدها الواسعه في مجال البيزنس ولكن لم تدع نرمين تفكيرها يحوم كثيراً لتجيبها بقطع جازمه.
ايوة يا حبيبتي انا ابقي مامتك مرات سيف او طليقتو!
اقسمت ان فمها كاد ان يصل إلى الارض بسبب تلك الصدمة لتردف بابتسامه بلهاء
مرات بابا ازاي ومامتي منين؟ انتي بتقولي ايه
ايوة يا حبيبتي مرات باباكي وامك اللي خطفك من حضنها عشان مراتو التانيه اللي فضلت تلعب ف دماغو لحد ما خلتو يطلقني ويسجلك بأسمها.
انتي بتقولي ايه يا ست انتي؟
قالتها نادين بصوت مرتفع اشبه بالصراخ لتتجاهلها نرمين وهي تكمل
طب مسألتيش نفسك ازاي الفرق بينك وبين اخوكي التاني سنه بس! ازاي فيه شبه بينا للدرجادي ولو مش مصدقاني في دلوقتي البصمه الچينيه وال DNA نروح نعمل وتش...
قاطع حديثهم هاتف نوران شعرت برجفه تسير في جسدها اغمضت عينها وهي تحاول استيعاب ما يقال امامها اخذت هاتفها وهي ترا من المتصل.
دفع نرمين الفضول لتلقي بعينها في الهاتف وهي تراها تسجل روما تحت مسمى (Dear mom) امي العزيزة ابتسمت نرمين بسخريه وهي تقلب وجهها.
لترفع نوران الهاتف بأصابع مرتعشه وهي تردف بخفوت.
ايوة يا مامي
قابلها صوت روما الملئ باللهفه والخوف
طمنيني عملتي ايه يا روح مامي
الحمد لله حليت كويس
تنهدت روما بارتياح وهي تردف
ياه ده انا قلبي كان واجعني بشكل عليكي وحاسه ان فيكي حاجه ما صدقت المعاد بتاعك جه واتصلت بيكي.
صمتت قليلاً لتردف نوران بهدؤ
مامي ممكن اروح مع نادين واتغدا معاها انهرده؟
طيب يا روحي سلميلي عليها وخدي بالك من نفسك وطمنيني عنك اوكيه!
قالتها روما بابتسامه لتردف نوران بهدؤ
حاضر يا مامي سلام
سلام يا روحي.
اغلقت معها لتنظر إلى نرمين التي نظراتها كلها حنقه وغيظ لتردف بتحذير
انا هاجي معاكي المستشفى واش...
قاطعتها نادين بنبرة منفعله صارخه
انتي بتقولي ايه يا نوران انتي مصدقه؟
لو سمحتي يا نادو سبيني.
قالتها نوران بجزم وهي تنظر إلى نادين التي القت نظرات غيظ إلى نرمين بينما نقلت نوران وجهها لنرمين وهي تردف.
ولو عرفت ان كلامك غلط الكلام هيوصل لبابي
أومات نرمين بوثوق لتردف نادين برفض
خلاص يبقي اجي معاكي
تمام يلاا
ذهب الثلاثه إلى المشفى وجلسوا في الاستقبال مطالبين بالنتيجه باقصى سرعة حتى اخبرتها الممرضة بأقصى شئ هو خمس ساعات.
خمس ساعات قضتهم نورات بخوف وتوتر وبدأت نرمين تلقي العديد من السموم في اذنها قائله.
والدك قرر يشتري المستشفي روما كانت شغاله هناك قعدت تلف وتدور عليه لحد ما حبها وطلقني ومش اكتفت بكده لا كمان خليتو يكتبك بأسمها ويدخلني السجن.
صدمتها الاخرى كانت عندما خرجت نتيجه التحليل وهي تؤكد حديث نرمين الذي جعلت نوران تشعر بالأرض تدور من حولها حتى كادت ان تهوي من صدمتها.
عودة
فاقت من ذكرياتها على صوت نادين وهي تلكزها في كتفها مشيرة إلى الباب
خدي بالك اهي جت
ازيك يا مامي وحشتيني
قالتها نوران وهي تركض إلى احضانها لتحتضنها نرمين بحزن متقن تمثيله
وانتي اكتر يا روح مامي
جلس الاثنان بينما ابتعدت نادين عنهم تاركه لهم خصوصيه.
كانت تتحدث مع والدتها وهي تحكي لها عن تمنياتها بالقدوم للعيش معها لتشهق بخوف وهي تتمني ان تنشق الارض وتبتلعها في جوفها وهي تسمع صراخ والدها بأسمها.
نوووررااان.