رواية زوجة القيصر الجزء الثاني للكاتبة رهف سيد الفصل الحادي عشر
حملها ونظر إلى نوران الهاويه ارضاً بخوف ليصرخ بها قائلاً بعنف
لو حصلها حاجه صدقيني مش هرحمك ولا هرحم امك اللي خربت حياتي
ركض إلى الخارج ليضعها على الفراش الخاص بهم وه يحركها بتوتر ويحاول إفاقتها
روما عشان خاطري فوقي.
احضر احد زجاجات العطر وبدأ بنثره ليقرب يده إلى أنفها ولكن لم يجد استجابه أعاد طرق وجنتها ليتفاجأ ب البروده التي احتلت جسدها لم يمهل تفكيره ثوان ليحضر إسدالها الخاص وركض بها إلى المستشفي التي يعمل بها معاذ.
دقائق كان يطوف في الممر بخوف عقب ان دلفت إلى غرف الطوارئ كاد أن يشعر ب صعود روحه بسبب الخوف ولكن انقذه خروج معاذ ومعه احد الأطباء يتحدثون بعمليه.
تقدم مهرولاً وهو يتسائل عن حالتها ليأخذه معه إلى المكتب كي يشرح له الوضع بطريقه مبسطه
انتصب سيف وهو يمسك ب ياقته بعصبيه وصراخ عنيف
انت اتجنت يا معاااذ روما ازاي ازااااي
اهدا يا سيف لازم نحاول نساعد روما
ارتعش معاذ وهو يسمع صراخ سيف وهو يردف
مقولتش ليييه؟ حرااام عليك
جلس سيف على المقعد وهو يضع رأسه بين كفيه بحزن شعر بالدموع التي تشكلت في مُقلتيه ليردف بضياع.
كلو إلا ان روما تروح مني انا من غيرها هضيع والله
وضع معاذ يده على كتفه وهو يحاول تهدأته
سيف انت قوي ولازم تسند روما عشان هي محتجاك
روما قوتي يا معاذ روما سر قوتي انا اللي محتاجاها ف كل وقت
طب اسمعني عشان صحة روما
رفع سيف عينيه وهو يستمع بشده إلى تعليماته ليردف معاذ بعمليه.
احنا هنزود جرعات العلاج الكيميائي عشان نوقف نمو الخلايا السرطانية وبعد ما تتوقف هتسافر ألمانيا تعمل العمليه عشان ننهي كل حاجه وترجع زي الأول.
انا عايز تقرير مفصل عن حالتها هبعتو ل كذا مستشفى برا وكمان عايز اعرف المطلوب مني بالضبط من اول ما تصحى من النوم لحد ما انيمها.
حاضر يا سيف هكتبلك كل حاجه بس متنساش ان روما حاليا ف فتره انهيار ف خد بالك من.
قاطعهم صوت الممرضه وهي تدلف مردفه
دكتور معاذ مدام روما صحيت
تمام خدي الاستاذ سيف عقبال ما اكتبلو التقارير و اول ما تخلص المحلول تخرج
حاضر اتفضل يا فندم
وقف سيف وهو يحاول تهدئت نفسه وبدأ يتبع الممرضه
ما ان وقف أمام فراشها حتى طار كل ما كان يحاول اصطناعه اقترب منها بجمود وهو ينظر لها بأعين محمرة ولكنها تعلقت ب عنقه وهي تبكي.
نوران عايزة تسبني يا سيف نوران فكراني بكرها انا بحبها يا سيف هي بنتي اللي ربيتها من وهي ف اللفه يا سيف.
ملس على ظهرها وهو يضمها اكثر ليردف بهدوء
محدش هياخدها منك
ظلت بين أحضانه ريثما تهدأ بينما هو بداخله براكين العالم تثور في صدره مصدره أجيجاً قوياً.
وبس يا ستي ده اللي حصل
قالتها روما وهي تتنهد مخبره رحمه بكل ما حدث لتردف رحمه باستغراب
غريب إياد ده بس باين انو بيحبك
موت يا حمار
قالتها روما بسخريه ثم اكملت بصوت منخفض
ده يا بنتي مرضاش يخليني اقوم من جنبو خالص
بصي سيبك من كل حاجه ومشي الأمور وخلي كل حاجه على ربنا يلا عشان نشتري اكل
قالتها رحمه وهي تتنهد لتحرك روما رأسها بالإيجاب ثم شردت قليلا ولكن قاطعها إيهاب وهو ينادي بأسمها من الخلف.
روما ممكن تقومي اتكلم معاكي شوية
نطرت إلى رحمه بحزن كبير واستياء ف هي تكاد تموت جوعاً ولكن نهضت عنوةً لتقف بالقرب من طاولتها مردفه.
ايوة يا إيهاب
ممكن اعرف يا روما مقولتليش ليه انك قريبة إياد
هتفرق يعني
قالتها بسخريه وهي ترفع حاجبيها ليردف بتأكيد
ايوة يا روما هتفرق كتير اوي
داهمها فجأه الدوار لعدم تناولها شئ لتردف محاولةً الاتزان
انا اسفه
تنهد بضيق ثم اظهر ابتسامه رائعه مردفاً
خلاص محصلش حاجه
شعرت روما ب ثقل كبير في دماغها ليتسائل إيهاب بفضول طفيف
هو انتي كنتي عند إياد امب...
نحر باقي حديثه عندما وجدها تترنح قليلاً ليمسك عضدها بقوة وهو يردف
روما انتي كويسه
مش عارفه مصدعه ودايخه
نهضت رحمه فوراً عقب ان رأت روما تكاد ان تسقط امسكتها من الخلف وهي تردف
روما انتي دوختي؟
اكلتي
قالها إيهاب وهو يسألها بخوف واضح في نظره لتحرك رأسها بالنفي ليسندها وهو يعيدها إلى الكرسي ونظر لها مردفاً.
ازاي متاكليش يعني عايزة تتعبي
قالها ثم غادر فوراً لتردف رحمه وهي تنظر لها بخوف
روما امسكي نفسك هروح اجيبلك اكل واجي طيب؟
امسكت روما بها وهي تردف بتعب
انا كويسه استني اجي معاكي
لا خليكي هنا طب استني اش...
قاطعها إيهاب وهو يضع حقيبه على الطاولة سحب كرسيه ليقترب من كرسيها بشده ثم اخرج شطيرة ليبدأ بفحتها قليلاً ونظر إلى روما بابتسامه.
كولي يلا عشان ترجعي تاني تقفي على رجليكي
إيهاب بليز خليك معاها اروح جيب ازازة المايه بتاعتها من فوق واجي
اومأ لها بهدوء مصحوب بابتسامة خفيفه لتركض رحمه إلى المبني الداخلي بينما جلس إيهاب يقطع الشطيرة ل روما ويساندها في تناول طعامها.
سحبت رحمه حقيبة روما لتأخذ قارورة المياة الخاصه بها ثم غادرت بطريقه مسرعه كانت تتفحص قارورة المياة ولم تنتبه إلى الدرج أمامها كادت ان تسقط ولكن سحبها حسام وهو يعنفها بقوة.
خدي بالك يا هبله هتقعي
طرقت رحمه رأسها في صدره لتتألم وهي تردف
آآه انا اللي هبله ولا انت ما تفتح
نظر لها حسام بصدمه وهو يحرك رأسه نافياً ثم اردف وهو يدفعها
انا اللي افتح ولا انتي اللي بتجري وكأنك عامله مصيبه وبعدين ده انا انقذت حياتك ما تقولي شكراً حتى.
اه انقذت حياتي بأمارة الارتجاج اللي جالي ف دماغي يا شيخ اتوكل اتوكل خليني اشوف البت زمانها ماتت.
قالتها رحمه وهي تتخطى درجتين في درجه واحده ليتسأل حسام مردفاً بصوت مرتفع قليلاً.
بت مين؟
روما
قالتها رحمه وهي تكمل نزول ليتسائل حسام وهو يهبط خلفها مردفاً
عملتي ايه ف قريبتي
يا شيخ اتنيل
انهت روما الشطيرة بهدوء ليردف إيهاب بعتاب
طب مكلتيش ليه ينفع اللي عملتيه ده؟
كنت هاكول بس انت جيت
قالتها روما وهي تبتسم ببساطه ليردف إيهاب بتمثيل
يقطعني الف قطيعه
بعد الشر.
قالتها روما وهي تضحك علي اسلوبه المرح قليلا ادارت روما وجهه لتجد رحمه تأتي بخطوات مسرعه وخلفها حسام.
ناولتها رحمه قاروره المياه وهي تردف
اتفضلي يا حبيبتي
مالك يا روما؟
قالها حسام وهو يربت على كتفها بقلق لتمسك كفه باطمئنان مردفه بخفوت
انا كويسه يا حسام متقلقش
وجهت بصرها إلى إيهاب وابتسمت بهدوء و ود
مرسي جداً يا إيهاب
ابتسم إيهاب مجاملةً ثم اردف وهو ينظر إلى حسام بخبث
ايه الروچ اللي على قميصك ده يا حُسّ.
نظر الجميع سريعاً إلى قميصه بينما وضعت رحمه يدها على شفتيها وهي ترا انه نفس اللون بينما غمضت روما عيناها بخبث وهي تردد.
ايه الحكايه يا حسام يا شقي
نظر حسام إلى رحمه بقوة وهو يشير إليها بحده
عجبك اللي عملتيه ف التيشيرت ده!
انفجر كل من إيهاب و روما ضحكاً بينما نظرت رحمه له بإحراج وهي تردف
تستاهل
هو انتو كنتو بتعملوا ايه يا حسحس
قالتها روما وهي تسحبه ليجلس بجانبها بينما اردف وهو يحاول إزاله طبعة الحمرة الخاصه بها.
يا بنتي كانت هتتكفي على وشها سحبتها راحت مخبوطه في التيشيرت
امممم يا منقذ انت يا حلو
قالها إيهاب وهو يغمز لها ليردف حسام مازحاً
يا عم انا منقذ بس هاتلي ناس عدله
قصدك ايه
قالتها رحمه وهي تلكمه في كتفه ليتأوه مردد
يخربيت ايدك اهي ديه يا إيهاب بذمتك مش كنت سبتها وقعت على وشها وكنت ريحت البشريه منها.
حقك والله
قالها إيهاب ليركض كل منهم بعيداً عن رحمه التي قفزت شرارات الغضب من عينها لتسقط روما على الأرض ضحكاً بينما طرق كل من حسام وإيهاب كفيهم ببعض مازحين.
بس يا حيوان انت و هو كلو إلا رحومه
أعاد الاثنان الجلوس وهم يضحكون ليردف إيهاب بابتسامه معتذرة
مش قصدي يا رحمه متزعليش
لوت شفتيها بضجر بينما تقدم حسام وهو يردف
انا اسف بس ينفع اللي عملتيه في التيشيرت ده
انا مكنش قصدي
قالتها رحمه بغضب لتغمز روما ل حسام وهي تناوله احد أكياس الشوكولاتة من النوع المفضل لها ليتناولها حسام بسرعه ورفعها إلى رحمه ليردف.
طب وكده؟
ابتسمت رحمه بخفوت وهزت رأسها بالرفض ليردف حسام باستنكار
طب ماهو انتي كمان غليطتي خلاص بقى
خلاص يا رحومه بقى ميبقاش قلبك اسود
ابتسمت رحمه وهي ترد
خلاص عشان خاطر روما
أعاد حسام قطعه الشوكولاتة إلى جيبة لتردف رحمه باستنكار
ايه ده هات الشوكولاتة
مش عشان روما خلاص عيزاها ليه؟
قالها حسام باستهزاء لتردف بحزن
بطل بواخه بقى يا حسام
خلاص اتفضلي
تناولها رحمه ليكمل الأربعه ضحكهمم وتسامرهم.
حمدلله على سلامتك يا مدام
قالتها الممرضه وهي تضع اللاصق الطبي على كفها
ابتسمت روما بوهن مجامله بينما حاوط سيف خصرها واتجهو إلى الخارج قابله عند باب الغرفة معاذ وهو يناوله الأوراق.
اتفضل يا سيف الورق اهو
تناوله سيف وأعاد إمساك روما مرة اخرى ب وجهٍ جم ليمسك يد روما وهو يمشي بها إلى الخارج.
يلا يا روما ونتفاهم ف البيت على اللي عملتيه
قالها سيف بخفوت بينما ارتعد جسد روما بالكامل.