رواية زوجة القيصر الجزء الأول للكاتبة رهف سيد الفصل السادس
أغلقت معه ولم تقدر ان تكمل عملها نادت الممرضة
روما، لو سمحتي انا تعبانة ومش هقدر اكمل الشفت بتاعي
الممرضة، بس المد.
روما، لو حد سال عليا قولي تعبت و مقدرتش تكمل ومشيت
جمعت اشيائها وغادرت سريعا وصلت إلى المقابر وقفت امام مقبرة والدتها وانهارت قواها امامها.
روما، ااااه ي ماما ااااه ي حبيبتي انا تعبت يرضيكي اللي بابا بيعملو ده ي ماما كلو بيقولي ليه توافقي على واحد حاول يعتدي عليكي محدش يعرف بس اكيد انتي عارفة انتي وربنا
فلاش باك
ابراهيم، رومااا
خرجت من المطبخ وهي تدعو في سرها ان لا يطلب المال كالعادة
روما، نعم
ابراهيم. كتب الكتاب بعد اسبوعين
روما، نععععم بس انا مش موافقة ولا هوافق
ابراهيم، خلاص مريم
روما، مريم! مالها مريم.
ابراهيم، مريم لسة تحت طوعي وانا اقدر اغصبها على الجوازة من غير ما تنطق
روما، حرام ديه لسة صغيرة لسة مش فاهمه حاجة
ابراهيم، هو ده اللي عندي يانتي ياختك الخيار في ايدك
روما. طب نديلك اللي انتا عايزو بس بلاش انا واختي حرام
ابراهيم، مش عايز فلوس اخلصي انتي ولا اختك
روما، مش هينفع
ابراهيم، خلاص اختك
روما، لا لا خلاص انا موافقة بس بشرط الجواز بعد ما مريم تسافر شرم علشان متعرفش
ابراهيم، ماشي
عودة من الفلاش باك.
روما، مامااا انا تعبت خديني عندك مش قادرة استحمل خلاص
سمعت صوت امراة من خلفها، استغفري ربك ي بنتي مينفعش كده
فزعت روما وادارت وجهها ورجعت إلى الخلف قليلا
السيدة، متخافيش ي بنتي انا مش هاذيكي بتقولي كده ليه عايزة ربنا ياخدك ليه
روما، انا تعبت شايلة الحمل من صغري خلاص اكتفيت.
السيدة، واكيد جزاكي عند ربنا كتير استغفري ربنا علشان حرام غيرك بيتمني يرجع الدنيا علشان يتوب يلا ي حبيبتي ارجعي بيتك ربنا يصلحلك حالك
اومات لها روما ذهبت إلى منزلها ولكن قبل ان تدخل نفضت ثيابها من التراب ودخلت
مريم، كنتي فين ي روما خوفتيني
روما، معلش ي قلبي يلا روحي ذاكري خلاص اختباراتك هتبدا بعد بكرة
مريم، اخدتي الاجازة
روما، لا ي حبيبتي
مريم. ازاي انتي هتبداي اختبارات بعدي بيوم هتذاكري ازاي.
روما، متخافيش
اخرجت من حقيبتها حزمة من الاموال
روما، خدي ي قلبي ابوكي اول ما يجي هيسال على الفلوس اديلو الف وخدي انتي الباقي وانا هدخل انام
مريم، بس دول 4000جنية
روما، ايوة ادي ابوكي الف وخدي انتي الباقي ادفعي مصاريف الرحلة وهيتبقى 2000 جنية لو عايزة هدوم اشتري وخلي الباقي معاكي
ركضت مريم إلى حضنها وعانقتها بقوة، ربنا يخليكي ليا ي روما مش عارفة من غيرك كنت هبقى عاملة ازاي.
رتبت روما على ظهرها ودخلت إلى غرفتها لتنام.
سيف، اندهيلي الدكتورة روما
الممرضة، ر روما الدكتورة روما مشيت
سيف، مشيت راحت فين
الممرضة، استاذنت ومشيت علشان تعباتة
سيف، تعباانة ديه من شوية كانت كويسة
الممرضة. مش عارفة ي فندم
سيف. طب روحي
خرجت الممرضة اما سيف اراح ظهره على الكرسي وشرد بها مرة اخرى ثم امسك هاتفه
سيف، عايزكم تراقبو روما ابراهيم محمود بس من بعيد واي حد يتعرضلها تظبطوه.
قائد الحرس خالد، تحت اوامرك ي فندم وبالنسبة للست نرمين خلاص مندورش عليها
سكت قليلا ثم اردف، ايوة خلاص مبقتش تلزمني
خالد، اوامر معاليك
اغلق معه ثم جمع اشيائه وغادر.
استيقظت روما في الصبح ارتدت ملابسها طرقت الباب على شهد جارتها
خرجت شهد وعلى وجهها القليل من الكاتشب ومازالت بملابس النوم وشعرها المبعثر
روما، اعااااا عفريت عفريت
شهد، فين فين
روما، ي ماما انتي مين
شهد. انا شهد
روما، اللي هتبقى مراات اخويا لا لا انا لازم اقولو على شكلك ده
شهد. طب ادخلي علشان معوركيش
دخلت روما وهي تضحك
روما. صبح صبح ي طنط ي عسل.
م شهد، صباح الخير على اهل الخير انا ماشية ي شهد مع السلامة ي روما
شهد، ماشي ي مامتي توصلي بالسلامة ي عمري
روما. امك رايحة فين
شهد، رايحة سينا لعمتي
روما، طب هتقعدي لوحدك تعالي اقعدي معايا
شهد، لا مش هينفع الصراحة انا مش بطيق ابوكي هاتي الزفتة اختك وتعالو عندي
روما، ماشي يلا نروح الجامعة انتي لسة ملبستيش
شهد، هلبس اهو
روما، خدي ي بت انتي إيه الاحمر اللي جمب بوقك ده.
شهد وهي تمسحة، ده كاتشب اصلي باكول على الفطار بطاطس بكاتشب
روما، اه طب غوري عقبال ما افطر انا مفطرتش
شهد، الحقي عندنا فراولة ماما جايباها اول امبارح ومحدش عايز ياكلهاوعلبة شوكلاتة كنت جيباها سرقة كده من مصروفي
روما، اه ي قلبي ي حمارة عندك فراولة ومتقوليش
شهد، مش انتي اللي عملالي حظر
دخلت روما إلى المطبخ وغسلت الفراولة ثم قالت بصوت عالي، يا باااااااااا انتي يا بااااا.
شهد، نهار اسوح مصاحبة جعفر إيه اللي يا با هي يا بنت او بت بااا ديه منين يا مؤمنة
روما، معلاش ثم اخذت حبة فراولة و وضعتها بفمها. ها فين الشوكلاوتة
شهد، مفيش زفت قبل ما تحلفي انك مش هتقولي لاخوكي على حاجة
روما، حاضر
دخلت شهد إلى المطبخ وتبعتها روما حتى رأتها تخرجها من خزانة المعكرونة
روما، يخربيتك حد يحط علبة نوتيلا في دارفة مكرونة.
شهد، ديه مش بتاعتي ديه بتاعتك وعلبة الفراولة بتاعك بردو ماما جيبالك علبة ليكم وعلبة لينا على ما اعتقد انتي كلتي العلبتين وانا شوفت عرض كان في السوبر ماركت 4 علب شوكلاتة ب100جنية جبتلنا 2 وانتو اتنين
روما، طب فكريني اجبلك الفلوس
شهد، عيب عليكي يلا اطفحي عقبال ما اسرح شعري.
اومات لها روما واخذت طبق صغير وضعت به معلقتان من الشوكولاتة وبدات تغمسه في الشوكلاتة فهي اكلتها المفضلة إلى ان خرج الاثنان معا وذهبو إلى الجامعة
روما، احنا عندنا إيه انهرده ي بت
شهد. باين انها محاضرة واحدة ياختي بعد ربع ساعة
روما، طب يلا.
دخل الاثنان إلى المحاضرة اما في المشفى دخل سيف على امل ان يراها توجه إلى مكتبها ثم ابتسم بخبث وفتح الباب دون ان يطرق وجد الغرفة مظلمة تنهد بضيق دخل واغلق الباب اتجه ال مكتبها جلس على الكرسي الخاص بها وجد الكثير من اوراق الملاحظة موضوع على بداية الادراج اغلبها كانت من الاذكار والقليل رسومات والبعض معلومات امسك جاء ليفتح الادراج ولكنها كانت مغلقة
سيف، إيه اللي بتعملو ده ي قيصر ملناش دعوة.
بس انا عايز اعرف يعني مش حكاية
بردو ميصحش ملكش فيه انتا عرفت حاجات عنها في الملف بتاع عمار
ايوة بس انا عايز اعرف اكتر
لا ميصحش عيب تفتش في حاجات حد افرض حد دخل ولا هي دخلت
مش مهم بقى
براحتك بس هتندم
خليك في نفسك.
بدا يدور في المكتب عسى ان يجد المفتاح رفع احد الكتب وجد العديد من المفاتيح بدا يدخلها واحد خلف الاخر عسى ان تفتح مرت أكثر من10 دقائق وهو يحاول حتى انفتح الدرج سحب الاول وجد به القرآن الكريم واسفله كتب دراستها
اغلق الدرج الاول وفتح الثاني وجد اوراق لشغلها ولم يجد شئ مهم امسك الدرج الثالث ليبتسم بخفة كان محتوى الدرج العديد من الحلوى والشوكولاتة.
سيف، دكتورة اطفال إيه اذا كانت هي نفسها طفلة وبعدين مش يمكن جيباها للمرضى يمكن
اغلق الادراج واعاد المفتاح مكانه انتظر في مكتبها حتى تاتي هي وتصتدم به ولكنها لم تاتي نظر في ساعتة كانت الساعة تشير إلى 11 ظهرا
سيف، هي اتاخرت كده ليه
خرج من المكتب واتجه إلى مكتبه واحضر احد الممرضات
سيف، هي الدكتورة روما مجتش ليه.
الممرضة، الدكتورة روما الشفت بتاعها مسائي علشان الجامعة بتاعتها لكن لما بتاخد الاجازة بتبقى مسائي وصباحي
سيف، وهي بتشتغل ليه وتدرس مع بعض
الممرضة. واضح ان حضرتك متعرفش اصل امها ماتت وهي عندها 18 سنة ومن وقتها وهي بتشتغل
سيف، عارف كانت جاية هنا تحت التدريب
الممرضة، ايوة جت مع صاحب المستشفى وكانت واخدة بالها من اختها
سيف، أيوة وابوها مش بيصرف عليها قصدي عليهم يعني.
الممرضة، ابوها ثم لوت شفتيها في الجهتين بسخرية ابوها ده ايدك منو للقبر ملوش لازمة غير انو واخد فلوس منها وبيصرفها على الممنوعات
سيف، وانتي عرفتي كل ده منين
الممرضة، اصل انا عايشة معاها في نفس الحارة
سيف، ماشي اتفضلي انتي
خرجت الممرضة اما هو هاتف خالد
سيف، ايوة يا خالد هي فين دلوقتي
خالد، هي دلوقتي عندها محاضرة يا باشا وعرفنا ان هي عندها محاضرة ديه بس وهتروح بس في حد كان بيسال عليها.
سيف باستغراب، حد مين ده بقى
خالد، معرفش يا فندم بس هو واقف عند باب الجامعة تقريبا خطيبها ولا جوزها
سيف بغضب وهو يصرخ به، مش متجوزة ولا مخطوبة ولا مرتبطة والواد ده لو هوب نحيتها تظبطوه
خالد، حاضر حاضر ي فندم
اغلق الهاتف ثم اخذ اشيائة واتجه إلى السيارة متجه إلى الجامعة
خرجت هي بعد مدة من المحاضرة
شهد، كانت محاضرة بنت كلب
روما، هي الكلمة ديه لبانة في بوقك كل حاجة بقيت بنت كلب بنت كلب في إيه ي ماما مش كده.
شهد. مش عارفة تعالي نقعد في الكافتيريا شوية وبعدين نروح
روما، لا تلمي نفسك عندنا امتحانات قدامي علي البيت
شهد، ي روما
روما، بلا روما بلا بتاع يلا ي كلبة الجرابيع قدامي
شهد، كلبة الجرابيع! ازاي يعني معلش
روما. هو كده يلا بلاش قلة ادب ولكاعة ومسخرة
شهد، انتي هبله ي به
روما، ههههه شكل الفراولة والشوكلاتة عملو مفعولهم
شهد، قولتيلي علشان كده
روما، ربنا يستر من الل...
اختفت باقي الاحرف والكلمات عندما شاهدته امامها.