قصص و روايات - قصص رومانسية :

رواية زوجة القيصر الجزء الأول للكاتبة رهف سيد الفصل الرابع والعشرون

رواية زوجة القيصر الجزء الأول للكاتبة رهف سيد الفصل الرابع والعشرون

رواية زوجة القيصر الجزء الأول للكاتبة رهف سيد الفصل الرابع والعشرون

كان الجميع مجتمع على طاولة الغداء يتناولون وسط مزاحهم عدا روما التي كانت تنظر فقط وتبتسم
فيروز، والله اللمه دي مش ناقصها الا مروان ومقصوفة الرقبة شهد
جاسم، تلاقي مشهيص نفسو بقى اوعدني يا رب مع اللي في بالي
كان يلقي كلامته وهو ينظر إلى مريم لفت مريم وجهها سريعا بينما نكزتها ضحى في يدها
عمار، ايوة بقى اوعدنا يا رب
سيف، خلاص يا شباب بريك من الضحك انا بطني وجعتني
ضحى، بريك ولا كيت كات
عمار، لا جلاكسي.

مريم، جلاكسي ولا ايفون
سيف بنوع من الصرامة، ما قولت بس عيال ما بتصدق تقلش اي قلش رخيص
وضعت فيروز يدها غلى ظهر روما
فيروز، مالك يا حبيبتي
روما. سلامتك يا ماما انا بس دايخة شوية
فيروز، اطلعي ارتاحي يا قلبي كفاية انك اصريتي تعملي الغدا
روما، خلاص يا ماما مفيش حاجة يا حبيبتي
مسك سيف يدها من اسفل الطاولة وهمس لها
سيف، مالك يا قلبي
روما، سلامتك يا قلبي مفيش حاجة
سيف، تحبي آخدك فوق ترتاحي.

روما، لا يا حبيبي مفيش حاجة يلا يا بنات نشيل الاكل
بدات الفتيات بحمل الاطباق وجلس الجميع في الصالون
جاسم، وانتا بقى جاي تتجوز حضرتك
ضحك علية الجميع ولكن قطع ضحكتهم صوت انكسار الاطباق وصراخ الفتيات ركض الجميع إلى المطبخ وجدو روما ملقاه على الارض والفتيات يحالون افقاتها
سيف، روما روما مالك روما فوقي
جاسم، خد رش شوية ماية على وشها
وضع سيف راسها على فخذه وبدا برش الماء على وجهها.

فيروز، طلعها فوق يا سيف بسرعة عمار بيطلب الدكتور
حملها سيف وصعد بها إلى غرفته وهو يحاول افاقتها
نوران. ماما ماما
فيروز، ماما كويسة يا قلبي
حضرت الطبيبة وخرج الجميع من الغرفة
سيف، هو إيه اللي حصل
مريم، مش عارفة فجاة مسكت دماغها جامد
ضحى، وبعدين وقعت وندينالكم
عمار، اهدى ان شاء الله بخير
سيف، من الصبح شكلها تعبان وعمال اقولها ارتاحي مسمعتش الكلام.

فيروز، خلاص يا سيف اللي حصل حصل اول ما تخرج الدكتورة نمشي احنا كمان
عمار، والخطوبة!
سيف، يووو اسبوع الخطوبة بعد اسبوع خلاص
جاسم. عيل واطي البت جوة وانتا بتقول خطوبة
مريم، انتو بجد مش طبعيين اختي جوة وانتو بتتخانقو
جاسم، سبنالك العقل يا ست مريم
سيف، امشو دلوقتي
ضحى، يلا يا مريم بكرة نطمن عليها
فيروز، روحو انتو ال4 الفلة والدكتورة لما تخرج واطمن عليها واجي
طاع الجميع امرها وعادو إلى الفلة.

مريم، كل ده بسببك انتا لازم تفتح بوقك
جاسم، هو انتي اي مصيبة تقولي جاسم جاسم زفت جاسم ناقص تقولي ان انا اللي خليت اختك يغمي عليها وبعدين هو انا اللي همي على الخطوبة
عمار، ايوة ارمي الحق عليا
ضحى، بطلو خناق ولا العيال الصغيرة
مريم، سبنالك العقل ياست ضحى
جاسم، جملتي دي على فكرة
مريم، تصدق تصدق انك
جاسم، اني حيوان وقليل الادب ومش محترم ومتربتش واية كمان
عمار، ياعيني ده حافظ
ضحى، يلا يا مريم دول رخمين اوي.

مريم. اه والله
اما في الفلة الاخرى خرجت الطبيبة من الغرفة
سيف، طمنيني يا رودينا روما عاملة إيه
رودينا، متقلقش يا سيف بس بقالها فترة مش بتاكول ومرهقه وضغط بس
سيف، طيب شكرا عن اذنكم
انهى سيف جملته ودخل اليها
فيروز، وانا كنت اتمنى انك تبشريني زي ما بشرتيني في نوران
رودينا، ها لا حضرتك مفيش حمل يا طنط لو كان في كنت قلت ولو حتى 1/100
فيروز، ماشي يا حبيبتي امشي انتي.

غادر الاثنان اما في الداخل امسك سيف يدهت وطبع قبلة عليها
سيف، عاجبك كده مش ترتاحي
روما، يا حبيبي انا بس حسيت بهبوط مش اكتر
سيف، ماشي يا ستي ارتاحي يلا تحبي اعملك عصير او حاجة تاكليها انتي متغدتيش معانا
روما، لا يا حبيبي مش قادرة امممم
سيف، امممم إيه
روما، تعالا عايزة انام في حضنك ممكن
سيف، لسة بتستاذني طيب ياستي
جلس سيف بجانبها وهو يحضنها وتحدثو قليلا حتى تفاجا سيف انها نامت بين احضانة.

دخلت تركض إلى صديقتها كي تنقل الاخبار مسرعه
رودينا، نرمين نرمين الحقي
نرمين، في إيه سيف حصلو حاجة نوران حصلها حاجة
رودينا، لالا مراتو
نرمين، مالها اياكشي تولع خطافة الرجالة
رودينا، مراتو حامل!
نرمين، حامل ازاي يعني
رودينا، زي ما بقولك كده حامل في شهر ونص وانا مرضتش اقولهم قولت اقولك انتي تشوفي هتتصرفي ازاي.

نرمين بخبث، كويس اوي يا رودينا اتصلي بقى بالواد جبية عشان يشفي غليلو وقوليلو ان التنفيذ كمان يومين عشان نخلص من البلوة ديه
رودينا، بس انا مش جيبالك الاخبار لله وللوطن كده لا خالص
نرمين، هههه عارفة يا حبيبي بس اما ارجع لسيف
رودينا، طب خلصيني انا
نرمين، حاضر عيني انتي تامري.

استيقظ عندما سمع صوت قادم من الحمام نهض سريعا وقف عند الباب وجدها تتقيئ بالحمام
سيف، انتي مالك يا قلبي شكلك تعبانة خالص
روما. اه وديني بس السرير عايزة ارتاح يا سيف
حملها سيف بين يدية واتجه إلى الفراش وضعها علية وهو يهمس بكلامات العاشق
سيف، مالك يا حبيبتي تعالي اوديكي للدكتور
روما، الدكتورة كانت لسة هنا يا سيف مفيش حاجة متكبرش الموضوع
سيف. طب انزل اعملك لمون
روما، لا بس انا هنام شوية.

سيف، ماشي يا قلبي وانا هروح الشركة شوية
روما، ماشي يا قلبي تصبح على خير
سيف، وانتي من اهلي
في صباح يوم جديد تسلط الشمس نورها على الارض
روما، مش عارفة يا ماما انا بفكر اروح للدكتورة
فيروز، طب روحي وطمنيني
روما، طيب بس مش انهرده نخليها بكرة بس متقوليش لسيف عشان بحسو بيتدايق فخليني انا اروح اكشف عشان لو عندي حاجة
فيروز، ماشي يا حبيبتي
روما، كلمتي البت شهد
فيروز، اه ومبسووطة على الاخر.

روما، طول عمرها محظوظه بنت الآية
سيف، ليه بقا ياختي
روما، حمدلله على السلامة
فيروز، ازيك يا سيف
سيف وهو يريح ظهره، اااااخ ياني الله يسلمكم
فيروز، امشي انا بقى
روما، ما تخليكي يا ماما
فيروز، لا انا من الصبح معاكي وسيف لسة جاي
روما، ماشي
سيف، اه يانا
فيروز. شوفتي يلا سلام يا ولاد
نهضت فيروز وغادرت
سيف، اه يانا
روما، مالك يا حبيبي
سيف، ااه
روما. مالك
سيف، حاسس اني سخن تعالي كده شوفي.

نهضت روما وضعت يدها على جبهته كي تقيس حرارته ولكن سحبها لتقع على رجلة
روما، بقا كده
سيف وهو يمرر انفة على خدها، وحشتيني
روما، سيف!
سيف، وحشتيني
روما. سيف بس بقى انا تعبانة
سيف، لا مليش دعوة
روما. يا حبيبي.
طبع قبلة على شفتيها، بحبك
اليوم الثاني
غادر سيف إلى عمله وجلست روما تقلب التلفاز حتى رن هاتف الفلة
روما باستغراب، الو
مجهول، مدام روما!
روما، ايوة مين
مجهول، انا ابقى صاحبة مدام نرمين طليقة سيف.

روما، طب في حاجة
مجهول، نرمين انتحرت قطعت شراينها وطلبت تشوفك عشان تحكيلك حاجة مهمه
روما، نعم انتحرت ازاي!
مجهول. زي مابقولك كده حضرتك انتحرت والدكتور بيقول خلاص ديه على فراش الموت وعايزة حضرتك
روما، عيزاني! طب طب.
مجهول، العنوان شارع عن اذنك واتمنى ان انتي تيجي.

اغلق معها بينما كانت روما مصدومة لا تعرف ماذا تفعل هل تهاتف سيف وتخبرة ام تخرج هي حسمت امرها على الخروج ارتدت ثيابها وخرجت من الباب الخلفي دون معرفة الحرس اوقفت احد سيارات الأجرة واتجهت إلى العنوان وقفت امام البناية بخوف اتجهت إلى المصعد وقفت امامه ثم صعدت إلى الطابق دقت الجرس حتى فتحت لها فتاه
الفتاه، مدام روما
روما، ااه ايوة
الفتاه، اتفضلي بسرعة الدكتور جوة معاها من الصبح.

دخلت روما وجلست على الاريكة
روما، هو في اي إيه اللي حصل
الفتاه وبدات البكاء، نرمين الصبح بفتح الباب لقيتها غرقانة في دمها وطلبت الدكتور ومن ساعت مافتحت عنيها وهي عمالة تنده على اسم نوران وسيف وانا قولت اجيبك انتي احسن
روما، ماشي هو انا ممكن ادخلها عشان عايزة امشي لو سمحتي
الفتاه، دقيقة هجبلك مايه واروح اشوف الدكتور وصل لاية.

اومات لها روما وهي مستغربة كل شئ كانت ممسكة بهاتفها تفكر هل تتصل على سيف وتخبرة ام لا
الفتاه، اتفضلي ماية
روما. شكرا
شربت روما الماء واستاذنت الفتاه ودخلت إلى الغرفة.

الفصل التالي
جميع الفصول
روايات الكاتب
روايات مشابهة