رواية زوجة القيصر الجزء الأول للكاتبة رهف سيد الفصل الخامس عشر
ضحكت كل منهم واتجهو إلى الخارج دخلت روما إلى الفلة وبدات في اعداد الغداء حتى شعرت باب الفلة يفتح
روما، حمد لله على السلامة
سيف، الله يسلمك يا حبيبتي
كانت روما خائفة ومتوترة بسبب انه يمكن ان يتزوج غيرها دخلت إلى المطبخ وظلت واقفة امام الطاولة تفكر دخل إلى المطبخ لياخذ كاسا من الماء لاحظ هو شرودها
سيف، مالك!؟
روما، ماليش
سيف، بسم الله الرحمن الرحيم في إيه يا بنتي.
سحبت احد السكاكين التي على الطاولة ثم وقفت على اطراف اصابعها واشارت له بالسكين في وجهه
روما، انتا ممكن تتجوز عليا
سيف، اهدي يا بنت المجنونة اتجوز عليكي فين
روما، رد على السؤال انتا ممكن تتجوز عليا
سيف، هتبقي ارملة يخربيتك نزلي السكينة
روما، رد عليا بقولك
سيف، مش لما اتنيل على عين اهلي واتجوزك الاول
روما وهي تشوح بالسكين في وجهه، طب فكر بس يا سيف مجرد تفكير انك تتجوز عليا.
رفع حاجبة قائلا، وانتي مالك بقى اتجوز ولا لا الرسول علية الصلاة والسلام قال مثني وثلاث ورباع يعني حقي
روما، انا قولتلك فكر بس شوف هيحصل إيه وقد اعذر من انذر
سيف، ما اتجوز هو انتي بتحبيني؟!
روما، ها لا لا مش كده بس كرامتي
سيف، لا والله
روما، ايوة واخرج برة عقبال ما الاكل يجهز
سيف، مش هخرج واحتمال كمان اتجوز
روما، احتمال إيه
سيف، احتمال اخرج برة
روما، رجالة تخاف متختشيش
سيف، طب مش خارج
روما، احسن.
جائت لتذهب من امامه ولكنه سحبها واطبق بشفتيه على شفتيها ثم مد يده ليدها ليسقط السكين الذي في يدها ثم احتضنها لاحظ استسلامها بين يديها لم يبتعد الا عندما دفعتها بقوة لتصرخ
روما بصراخ، البصل اتحرررررق
دفعته واتجهت إلى البوتجاز واغلقته ثم وضعت يدها في خصرها
روما، الاكل اتحرق عاجبك كده
مد يده ليحاوط خصرها ثم همس في اذنها
سيف، مش مهم نجيب من برا
روما، ماشي جيب بقى بيتزا
سيف، ماشي.
اخرج هاتفه من جيبة واتصل باحد الحراس وامرة باحضار البيتزا
روما، تعالا نقعد في الجنينة عقبال ما تيجي
سيف، طيب
خرج الاثنان جلست روما على حافة المسبح وجلس بجوارها
روما، اممم سيف
سيف، خير
روما، هنزل المستشفي امتة
سيف، مستشفى إيه!
روما، شغلي يا سيف هنزل الشغل امتى
سيف، ااااه لا خلاص مفيش شغل
روما، نعععم ازاي يعني مفيش شغل مستحيل
سيف، ليه
روما، عشان شغلي هو كياني وهو حياتي
سيف، تقدري تخليني انا كيانك و حياتك.
روما بعصبية، سيف مش بهزر
سيف، متزعقيش انا مش اطرش انا قاعد جنبك وشغل لا
روما، وانا هنزل اشتغل غصبن عنك
امسكها من يدها بقوة، غصبن عن مين!
روما. غصبن عنك انا مش خايفة عشان ده حقي
سيف، مش فالحة غير انك تفتكري حقوقك وحقوق الناس طز ها
روما، مليش دعوة انا هشتغل يعني هشتغل
سيف، اشتغلي في بيتك وخروج من البيت مش هيحصل غير رجلك على رجلي
روما، لا بقى انتا كده زودتها وانا عايزة. اشتغل
سيف، لما ينقصك حاجة ابقى اشتغلي.
روما، وانا مش هستني حاجة تنقصني
سيف، بطلي تجادلي انا قولت مفيش
روما، وانا ميلزمنيش كلامك وهشتغل يعني هشتغل
ثم ركضت إلى فلة والدته لكي تختبئ من غضبة الشديد نهض من مكانه وركض خلفها دخلت وهي تركض وتخبات خلف فيروز
فيروز، مالك بتجري كده ليه
روما، مريم ضحى خدو نوران واطلعو فوق
مريم، في إيه
فيروز، اسمعو الكلام يلا فوق
حملت ضحى الصغيرة وصعدو بينما دلف هو كالاعصار
سيف، تعالي
روما، مش جاية.
سيف، تعالي بدل ما اجيبك من شعرك
روما، متقدرش
سيف، طييب
ركض لياخذها ولكن اعترضت والدته طريقة
فيروز، إيه يا ولد انتا اتجننت
سيف، بعد اذنك يا امي ديه مراتي ولما تغلط تاخد عقابها
روما، وانا مغلطش في حاجة ولا هو اللي بيدافع عن حقو بيبقى غلطان
سيف، بصي بتقاوح ازاي لو سمحتي يا ماما ابعدي
روما، لا لا يا ماما متبعديش
فيروز، ولد انتا وهي في إيه
روما، يا ماما عمال يزعق عشان قولت انا هنزل الشغل.
فيروز، طب اقعدو انتو الاتنين وانا هقول مين الغلطان
جلس وجلست هي امامه وحكو لها ما حدث
فيروز، انتي غلطانة يا رورو
روما، ليه
فيروز، غلطانة عشان عليتي صوتك وكمان عشان كلمة كلامك ده ميلزمنيش
سيف، قوليلها
فيروز، اخرس وانتا كمان غلطان مش عايزها تنزل الشغل ليه
سيف، اه عشان اللي داخل واللي خارج يفضل يشوفها
روما، شوفتي يا ماما مجنون
سيف، تحبي اوريكي الجنان اللي على اصولو.
روما، بصي يا ماما انا ممكن اقعد عن الشغل بس طالما هو عند معايا انا اعند منو ودلوقتي هنزل الشغل يعني هنزل
فيروز، خلاص يا روما اطلعي اقعدي مع البنات فوق وانا هجيبو واجي
صعدت إلى الاعلى وجلست مع الفتيات
فيروز، إيه اللي انتا عملتو ده يا سيف
سيف، اومال عيزاني اعمل إيه يا ماما
فيروز، تقولها بهدؤ بحب متزعلهاش هي طيبة وبنت حلال وبعدين ديه دكتورة اطفال رجالة منين
سيف، مليش دعوة انا...
فيروز، انتا فاكر انها ممكن تطلع زي نرمين زي ما خليت نرمين تشتغل وهربت خايف ديه كمان تهرب صح ولا لا
اطرق راسه للاسفل بحزن
فيروز، روما مش زي نرمين
سيف، يا امي انا بحب روما بجنون اكتر من نرمين حتى ومش عايز اخسرها
فيروز، مينفعش كده يا سيف كده انتا اللي هتخليها تسيبك
سيف، على جثتي
فيروز، مش بكيفك لان الستات بيصبرو كتير لكن لما يفيض امرها بيبقى خلاص
سيف، حاضر يا ماما بس شغل مفيش.
فيروز، كنت تقدر تقولها كده وهي هتوافق يلا اطلع اعتذرلها وخدها وامشي
سيف، طيب
اتجه إلى اعلى وجدها تجلس وتضع الصغيرة على رجلها وبعض الدموع مجتمعه في عينها
مريم، مالك يا رورو
روما، مفيش
ضحى، سيف عمل إيه
روما، مفيش حاجة يا بنات
مريم، إيه اللي حصل يا سيف
رفعت نظرها لتلقي بعينيه ادارت وجهها للجهه الاخرى اقترب وجلس بجانبها
سيف، انا اسف
فتح الثلاثة عينهم بصدمة
فيروز، اهو يا رورو خليتو يعتذرلك
سيف، انا اسف حقك عليا.
فيروز، بوس راسها
سيف، ماشي يا ستي
اقترب وطبع قبلة على راسها
سيف، خلاص بقى
اقترب وطبع قبلة على وجنتها
روما، خلاص
سيف، لا شكلك لسة زعلانة
فيروز، اختشي يا واد يلا خد مراتك و روح
سيف، ماشي يا ماما يلا يا حبيبتي
روما، لا انا هبات انهرده عند ماما
سيف، شوفتي بقى يا ماما
فيروز، يلا يا بت مع جوزك
روما، لا انا هقعد انهرده هنا
سحبت ضحى نوران من يدي روما
ضحى، يلا يا رورو قومي مع سيف
روما. لا
مال بجسده وحملها بين يديه.
سيف، اخدك انا
روما، سيف نزلني
سيف، لا يلا تصبحو على خير خلي يا ماما نونو معاكي انهرده
فيروز، ماشي
نزل وهو يحمل روما بين يديه ثم اتجه إلى منزله
روما، ابعد انا مش مسمحاك
سيف، خلاص بقى انا اسف حقك عليا
روما، ماشي
سيف، وانتي مش هتصالحيني
روما، عايز إيه
سيف، تنامي انهرده جنبي
نظرت له ليكمل
سيف، مش هاجي جمبك
روما، ماشي
صعد إلى غرفته و وضعها على فراشه الدائري ثم نزل واخذ علبة البيتزا ثم صعد لها
سيف، يلا خدي عشان تاكلي.
روما، مش هاكول
سيف، براحتك
وضع العلبة على الطاولة ثم اتجه بجانبها ونام
روما في سرها، اوف كان لازم اعمل زعلانة انا هنام يووة بس مش هعرف انام وانا جعانة وريحة البيتزا طالعة
نظرت بجانبه وجدته نائم نهضت بخفة من جانبه واتجهت إلى العلبة واخذتها وخرجت إلى البالكون فتحت العلبة وهي تستنشق رائحتها وبدات في اكلها بجوع وفجاء جائتها حازوقة وضعت يدها على فمها كي تمنعها من الظهور
روما، انا هعمل إيه دلوقتي.
اصبحت الحازوقة تزداد وهي تحاول منعها ثم وجدت يد تمد لها كاس الماء رفعت وجهها لتجدة ينظر لها بحب اخذت منه كوب الماء وشربته جلس امامها
سيف، طالما جعانة مكلتيش من الاول ليةمنظرك بقى وحش اوي
روما مقلدته، منظرك بقى وحش اوي ملكش دعوة
سيف، انا بعمل كده
روما، شوف نفسك
سيف، طب كملي اكلك يا هبله كملي.
رمقته بنظرة غضب ثم اكملت اكلها. كان يسند يده على الصور ويضعها تحت خده ويراقبها وهي تاكل، احست بالاحراج لعيونه التي تراقبها
روما، مش هتاكول
سيف، والله انا نفسي اكول حاجة تانية بس مستني الحاجة ديه تحن عليا
روما بسذاجة، حاجة اية؟!
سيف، لما تكبري هقولك
روما. احسن بردو وعنك ما كلت
سيف. لسانك محتاج قص
روما وهي تتمتم، وانتا كمان
سيف، بتقولي إيه
روما بابتسامة صفراء، سلامتك
اغلقت العلبة وضعتها على الطاولة بجانبها.
سيف، في كاتشب على بوقك
روما وهي تحاول مسحة، فين
اقترب سيف ملتهما الكاتشب حول فمها بقبلة عابرة تفاجات من قبلته بشدة ابتعد عنها ليردف، كده خلاص اتمسح
قبل ان ترد نهض هو ودخل إلى الفراش
فاقت من صدمتها ودخلت هي الاخرة ونامت من الخجل.