رواية زوجة القيصر الجزء الأول للكاتبة رهف سيد الفصل الثاني والعشرون
انتهي الزفاف سريعا
مريم، هتسافرو فين بقا الهاني مون
روما، إيه ده طب خدوني معاكم
مروان، هي رحلة
روما. اه رحلة انتا غبي ياض
شهد، مسافرة شرم
روما، الله سيف تعالا احنا كمان
سيف، طب مش دلوقتي
مروان، يلا ياشاطرة مع جوزك
روما، بقى كده
مروان، اه يا بت ايدك تقيلة
شهد، لا حضرتك هو دلوقت بقى جوزي يعني ادفنك هنا
روما، واطية انا صحبتك
شهد، كان زمان الصراحة كانت صحوبية مصلحة عشان اوقع اخوكي.
روما، إيه يابنت المجنونة انتي لسانك فلت ولا إيه
شهد. اسكت يابن الكلب جوة
روما، خد الجاموسة ديه من هنا
مروان. يلا يا حبيبة قلبي هي شكلها توريطة هبله
ذهب الاثنان إلى المطار لتبدا الاقلام بكتابة قصة حبهم
عاد كل من روما وسيف إلى فلتهم
روما، طب واحنا يا سيف انا هموت واسافر
سيف، بعد الشر عليكي ده اولا تانيا حاضر عيني ديه قبل عيني ديه بس مروان يرجع ويمسك الشغل مع جاسم وعمار نسافر احنا بقا.
روما، طيب ياااه اخيرا اتجوزو بكرة بقا اشيل عيالهم هيييه على الجنان
سيف، طب ما نشيل عيالنا احنا يا قلبي
وضعت روما يدها على بطنها، يااااه يا سيف حلم والله
سيف، نخلية حقيقة ولا تزعلي نفسك يا قلبي
استيقظت روما وهي عازمة على ان تذهب إلى المشفى لتكتشف سبب تاخر الحمل فكأي فتاه ابسط احلامها ان تصبح ام ارتدت ثيابها وضعت الطفلة عند والدتها واتجهت إلى السائق ليغادر وقفت امام احد العيادات في احد العمارات.
روما، خليك هنا يا عم ادريس شوية ونازلة
ادريس، حاضر يا بنتي
اغلقت الباب وصعدت إلى العيادة بينما اخرج السائق هاتفه وهاتف القيصر
سيف، ايوة يا ادريس في حاجة
ادريس، الست هانم يا باشا كانت موجودة في عيادة
سيف، الست هانم مين؟ امي
ادريس، لا لا مش الست هانم الكبيرة المدام
سيف، روما! هي تعبانة عيادة إيه
ادريس، عيادة نسا يا باشا
سيف، العنوان يا ادريس وخليك عندك لحد ما اجي
ادريس، اوامرك.
اغلق معه سيف وهو قلق على حبيبته جمع اغراضه سريعا واتجه إلى العنوان
كانت تجلس في العيادة بخوف كان كل السيدات حولها ومعهم ازواجهم كانو ينظرون لها باستغراب
سيدة 1، وانتي حامل في شهر أية يا حبيبتي
روما، ها لا انا جاية بس اكشف
سيدة1، امممم
سيدة2، وانتي جوزك فين يا حلوة
روما، عندو شغل
سيدة1، شغل! خلاص ياختي انتي عارفة بنات اليومين دول
سيدة2، ايوة ياختي ربنا يستر على ولايانا.
وصل سيف إلى العيادة وصعد سريعا دخل وجدها تجلس على الكرسي بتوتر ركض إليها
روما، سيف!
اندهش كل من كان جالس من هذا الوسيم الذي دخل ببذلته الرسمية وجماله الجذاب جلس على ركبتيه امامها
سيف، انتي كويسة يا حبيبتي انتي بتعملي إيه هنا
روما، مفيش يا سيف بس انا كنت جاية اكشف
سيف، ليه انتي تعبانة من حاجة
روما. لا يا حبيبي مفيش اقعد خلاص قربنا ندخل
طبع قبلة على يدها وجلس بجانبها وهو ممسك بيدها ويحدثها.
وكزت احد السيدات زوجها موبخة، بص بيعامل مراتو ازاي هي ديه الرجالة جمال وحنية ودلع وخوف مش زيك
الممرضة، مدام روما دورك
دخل الاثنان كانت روما خائفة امسك سيف يدها مطمئنها
الدكتورة، اتفضلي يا حبيبتي
جلست روما امامها هي وسيف
دكتورة، مالك متوترة كده ليه
روما. ها لا بس عشان اول مرة
دكتورة، لا يا حبيبتي خدي راحتك ومتخافيش ها بتشتكي من إيه
روما، مفيش بس انا كنت عايزة اسال عن سبب تاخير الحمل.
دكتورة، انتي عندك كام سنة ومتجوزة من امتى
روما، عندي23 سنة ومتجوزة يعني من 4 شهور
دكتورة، طيب ديه مدة مش مقلقة خالص
سيف، معلش يا دكتور انتي عارفة
دكتورة، طب اتفضلي معايا اكشف عليكي
نهضت معها روما انتهت الدكتورة من فحصها وعادت مكانها
الدكتورة. مفيش حاجة يا حبيبتي تقلقي منها انتي سليمة100/100 ومفكيش حاجة هي مسالة وقت بس مش اكتر
روما، يعني انا ممكن احمل
الدكتورة، طبعا يا حبيبتي.
سيف، شكرا يا دكتورة يلا يا رومي
غادرت روما وعلى وجهها ابتسامه ركب الاثنان السيارة وقاد سيف متجه إلى منزله
سيف، ليه مقولتليش يا قلبي
روما. كنت عايزة اطمن بس عشان لو في حاجة وكدة
سيف، يا قلبي حتى لو فيه انا مش هسيبك
روما، ربنا يخليك ليا
سيف، اما نروح بقى هقولك البيبي بيجي ازاي
وضعت يدها اسفل ذقنها ومدت شغتيها بحزن واقتربت منه، بيجي ازاي
نظر سيف بجانبه طبع قبله على شفتيها سريعا
سيف. اهي ديه اول خطوة.
تفاجات هي من قبلته بشدة وكزتة في كتفه
روما، قليل الادب
سيف، انا بردو ده انتي
روما. انا
سيف. ايو والله انتي انتي بتتغرغري بيا وبتستغلي طيبتي
روما، طيبتك! انتا طيب انتا
سيف، هو انا في اطيب مني
روما. معلش بتبلا عليك انا بنت البطة السودة معلش
سيف، تؤتؤتؤتؤ يا قلبي مامتك مش بطة سودة مامتك نحلة عشان جابت العسل ده
روما، بس بقى باوحرج
سيف. باية؟ يا بنتي انا مش عارف هتصرف معاكي ازاي.
روما، سهله يا حبيبي ابقى اجبلك كاتلوج
سيف، يا بت بس بقى انتي إيه كمية الظرافة اللي عندك انهرده ديه
روما، يوة عجبا امركم ايها الرجال اذا بقينا مفرفشين تدايقو واذا بقينا نكديين تدايقو نعمل إيه نولع في نفسنا
ركن سيارته في جراش الفلة ليردف، طب هسالك سؤال لو انتي ولعتي في نفسك انا حياتي هتستمر ازاي
نزلت من السيارة وهي تضحك، زي السكر في الشاي
سيف، طب استني يا سكر
روما، عايز إيه.
سيف وهو يضع يده على كتفها، بما انك خرجتيني من الشركة على ملا وشي لازم عقاب
روما، عقاب! اهون عليك يا سوسو
سيف، سوسو! انتي بتكلمي ابن اختك سوسو إيه انتي غلطاتك كترت اووي انهرده
روما، انا! ازاي بقى يا فالح
سيف، اول حاجة خرجتي من غير ما تقولي
روما، مكنتش عايزة اقلقك
سيف. مش موضوعي غلطة ولا مش غلطة
روما، ماشي يا سيدي الغلطة التانية
سيف. انك خرجتيني من الشركة
روما، لا بقى انا مقولتلكش تخرج
سيف، هو كده غلطة تحسب.
روما، ماشي يا سيدي ها اللي بعدو
سيف، انك قولتيلي سوسو
روما. مش بدلعك يا قلبي
سيف، لا
روما، اممم ماشي يا سي سيف ايه العقاب بقى
روما. ما تخلي العقاب كوباية النسكافية ديه
سيف، لا
اقتربت وهي تحاوط عنقة بدلال، حبيبي
سحبها من ضهرها ليرتطم صدرها بصدرة قائلا، عيون حبيبك
همست في اذنه بصوت انثوي مغري، مش عايزة اتعاقب
همس سيف في اذنها، عند امك يا قلبي
وكزتة في كتفة، بقى كده
سيف، انتي اللي محاولات اغرائك فاشلة اعمل إيه.
روما، العب بالية
سيف، شبسي وكارتية
روما. وفراخ بانية
سيف، وباتون سالية
روما، وخضار سوتية
سيف، انتي يا بت خدتي عليا اوي
روما، جوزي يا جدع الله
سيف، يعني انا جوزك صح
روما. لا جوز الجيران إيه ياض الظرافة ديه
سيف، ياض! طب انا هوريكي الياض ده
روما، قلبك ابيض يا ابو الاياسيف
سيف، الاياسيف! يالهوي وربنا منا سايبك
حملها وصعد إلى الاعلى بخطوات اشبه بالركض
روما، هقع يا سيف
سيف، سيف إيه بس مش كنت شوية ياض.
دخل إلى الغرفة والقاها على الفراش واتجه إلى الباب واغلقة بالمفتاح
سيف، انا هوريكي بقى الياض ده هيعمل أية
روما، اوعي يا سوسو الشيطان شاطر
سيف، شيطان إيه ده ان اخاف اقول اعوذو بالله من الشيطان الرجيم الاقيكي اختفيتي من حياتي
وقفت في منتصف الفراش متوسطة خصرها، نعم ياخويا شيطان مين ده
سيف، زي ما بقولك كده والله
شدت حجابها من على راسها وقفزت من الفراش وتعلقت به مد يده خلف ظهرها كي لا تسقط.
روما، بقى انا شيطان يا سيف ابعد ايدك
سيف، اسبتي بقى انتي جنية
روما، لا لا سبني نزلني
سيف، لا يا حبيبتي
روما، بقولك نزلني
سيف، لا
اتجه على الفراش و وضعها علية وحاصر جسدها بجسدة
سيف. بحبك
روما، معلش أصل الشيطان مش بيتجمع مع الملايكة يا ملاك
مرر اناملة بحب على وجنتها وطبع قبله على وجنتها الآخرة
سيف، خلاص بقى يا حياتي
روما، سيف!
سيف، قلب وحياة وعمر سيف فكي بقى.
نزل بشفتيه على عنقها واصبح يقبلها بهدؤ استسلمت لمالك قلبها وعقلها.