رواية زوجة القيصر الجزء الأول للكاتبة رهف سيد الفصل الثالث والعشرون
استيقظ وهو يتحسسها بجانبه نهض بضجر وهو يبحث بعينيها في الغرفة نهض من الفراش واتجه إلى المرحاض وهو يبحث عنها لم يجدها في الحمام سمع صوت ضحكتها من غرفة صغيرته
فتح الباب قليلا ليجدها تضحك معها
روما. يلا نقول تاني يا قلبي
طبع قبله على راسها، صباح ياقلبي
روما، تعالا يا سيف بسرعة
سيف. بتقول إيه اي هبل زي العادة
روما، لالا يلا يا نونو ماما
نوران، ممما ممما
روما بفرح، شوفت
سيف، طب قولي بابا
نوران، ممماما.
سيف، ماما إيه بس بابا
روما، اسكت اسكت قولي ماما
سيف. بقى كده
روما. ايوة روح بقى يلا غير هدومك عشان نروح
سيف، ما اروح كده يا حياتي
روما. نعم ياخويا تروح كده فين
كان سيف مرتدي شورت يصل إلى الركبة وتي شيرت كب
سيف. اااه يعني انتي بتغيري
روما، سييييف
سيف، حياة وقلب وعمر سيف
روما. بتسبتني
وضع يده على كتفها وقربها اليه، بحبك
طبعت قبلة على وجنته، وأنا كمان روح بقى البس
سيف. طب ماتيجي انتي تختاريلي لبس.
روما، لا هقعد مع نونو اكمل تعليم
سيف، تعالي بقى
روما. يلا يا سيف بقى الله يهديك
سيف، ماشي يا ستي
ذهب سيف وارتدى احد البيجامات وخرج الاثنان كانت روما فرحة جدا بسبب نطق الطفلة حتى لو بكلمة صفيرة ولكن هل كان مصير هذه الفرحة البقاء دخل الاثنان الفلة وهم يضحكان
سيف، يلا قولي بابا
روما، لا لا مش هتقول الا ماما صح يا روحي.
تفاجات عندما وجدت سيدة ترتدي بنطال اسود وتي شيرت كب تبكي رفعت نظرها إلى سيف كي تساله وجدته ينظر لها بصدمة كرة غضب
فيروز، هتخرجي ولا اجبلك الحرس يرموكي برة
الفتاه ببكاء، يا ماما.
فيروز. اخرسي متقوليهاش ولا تنطقيها شكلك نسيتي عملتي إيه. سيف!
لفت الفتاه وجهها اليه وركضت اليه مسرعة واحتضنته تحت صدمة روما
الفتاه، سيف حبيبي وحشتني اوي عامل إيه يا قلبي انا وحشتك صح؟!
دفعها سيف بعيدا عنه ثم رفع يدة لتهبط على وجنتها بقوة وضعت روما يدها على فمه تكتم شهقتها
سيف بعصبية، انتي إيه اللي رجعك هنا تاني يا مكفكيش اللي عملتي
الفتاه، غصبن عني سامحني
احكم قبضته على شعرها، اسامحك ها اسامحك ازاي ردي عليا انتي واحد خاينة زبالا متسويش 3جنية
فيروز، لاخر مرة بقولك يا نرمين اخرجي برة بكرامتك
صدمة الجمت لسان روما هي الان عرفت من هذه نظرت إلى الطفلة بين يديها ثم عادت النظر اليهم.
نرمين، لا سيف مستحيل يسبني مستحيل سيف بيحبني
سيف، سيف إيه يا روح امك سيف مين ده اللي بيحبك ها سيف دلوقتي اكتر واحد بيكرهك في الكون فاهمه يعني إيه
افلته لتسقط ارضا ثم قال بانتصار، سيف بتاع زمان خلاص احب اعرفك بقى بمراتي حبيبتي روما
نرمين، انتا اتجوزت!
سيف بضحكة سخرية، اومال عوزاني اعيش على ذكراكي مثلا اعيش على ذكرة واحدة رخيصة زيك واحدة سابت جوزها وبنتها وخدت فلوس و هربت مع عشيقها اخرجي احسنلك احسن ما اموتك على ايدي
نرمين، طب وبنتي نوران
سيف، سمعيني كده تاني بنت مين لا يا ماما فوقي ديه بنتي انا و روما.
نهضت لتقول بقوة، لا يا سيف فوق ديه بنتي انا فاهم يعني إيه يعني الزبالا اللي انتا جايبها من الشارع ديه متقرنهاش بيا ابدا ديه شكلها واحدة زبالا تربية حواري وشوارع
صفعه ثانية هبطت على وجهها
سيف، الزبالا اللي مش عجباكي ديه انضف واحسن منك ومن اللي خلفوكي واضح انك مش هتفهمي بالزوق لاخر مرة هتخرجي ولا اجبلك الحرس.
اقتربت منه بقوة واشارات على قلبة، ماشي يا سيف بس افتكر القلمين دول انا هوريك ردهم هيبقى عامل ازاي واعرف انك عمري ما هتحب زي
روما وقد نطقت بالنبرة مليئة بالغيرة والغضب، إيه يا مااما مش بتفهمي خلاص قالك برة غوري يلا معندكيش كرامة خالص
نرمين. اخرسي انتي
امسكها سيف من شعرها، شكل الزوق مش بيجي مع اشكالك
سحبها سيف وخرج إلى البوابه جائت روما لتخرج خلفه من شدة خوفها عليه وعلى تهورة نظر لها سيف بنبرة مميتة.
سيف، ادخلي جوة انتي مش لابسة حجاب
انتبهت روما لنفسها وعادت إلى الفلة مرة اخرى كي لا تثير غضبة اكثر من هذا
روما، ماما انا خايفة على سيف اوي ليعمل حاجة
رتبت على ظهرها قائلة، متخافيش يا حبيبتي سيف هيرميها برة زي الكلبة
روما، استر يا رب
فيروز، تعالي اقعدي يا حبيبتي متخافيش استريحي
جلست روما وهي خائفة
فيروز، ونونو عاملة إيه
روما. كويسة الحمد لله بدات تقول ماما وبابا.
فيروز وهي تحملها، ماشاء الله ماشاء الله يلا وبكرة نكبر شوية كمان ونروح المدرسة
دخل سيف من باب الفلة وهو غاضب للغاية امسك يد روما بقوة
سيف، انتي طالعة ورايا وانتي مش لابسة حجاب ليه
روما، انا انا نسيت من كتر الخوف
فيروز، خلاص يا سيف انتا هتطلع عصبيتك على البت
ترك سيف يدها ومسح على شعره بقوة بقوة، وهي الزفتة ديه إيه اللي جابها هنا
فيروز، مش عارفة فجاة لقيتها بتخبط لما الخدم فتحو لاقوها.
سيف، انا نبهت الحرس لو دخلت يبلغو البوليس
ما أن انتهى من جملته خرج من الفلة سريعا
روما، هو رايح فين
فيروز، هيروح الفلة بتاعتكم
روما، طب انا هرو...
فيروز، لا لا استني شوية يهدى وبعدين روحي
روما. ماشي اومال البنات فين
فيروز، راحو يشترو لبس للجامعة
روما، اوكية انا هروح اشوفو ممكن يا ماما تخلي نونو معاكي
فيروز، ماشي يا حبيبتي بس عشان خاطري سيف دلوقتي ممكن يبقى يك...
روما، متخافيش يا ماما سيف في عيوني.
فيروز، ربنا يكرمكم يا حبيبتي
عادت روما إلى الفلة وهي تقدم خطوة وتاخر خطوة تريد ان تكون بجانبه وفي نفس الوقت خائفة من ردة فعله
وقفت على عتبة باب غرفتهم تنظر له بآسى وحزن
تقدمت بهدؤ وخفة جلست على الفراش تنظر له كان يدخن السجارة وما ان تنتهي يشعل الاخرة
تقدمت بهدؤ واحتضنته من الخلف
روما، خلاص يا سيف عشاني.
القى سجارته والتفت اليها احتضنها من خصرها ورفعها إلية شعرت روما بعظامها التي سوف تتكسر بين يديه ولكن بادلته احتضانه كي تهدئه شعرت بشفتيه على رقبتها سلمت امرها اليه بهدؤ
في صباح يوم جديد استيقظ سيف وجد نفسة نائما بين احضان روما نائما كطفل صغير بين احضان والدته يحتمي من اذى العالم من حوله
ضمها اكثر إلى صدرة وظل يمسد على شعرها حتى استيقظت
روما، صباح الخير
سيف. صباح النور انا اسف يا حبيبتي.
روما باستغراب، اسف على إيه!
سيف، عشان كنت قاسي معاكي امبارح وطلعت كل عصبيتي عليكي
روما، لا يا حبيبي ولا يهمك
طبع قبله على راسها قائلا، طب بصي قومي خدي دش وانا هعمل حاجة نفطرها
روما سريعا، لا لا لا هو حد قالك اني متنازلة عن حياتي
سيف، بقى كده طييييب
بدا يحرك يداه على جانبيها مزغزغها بمزاح
سيف، بقى انا هموتك ده انا هموتك دلوقتي
روما، هههه خلاص ههههه خلاص يا سيف وحياتي بس بقى
سيف، ماشي ياستي.
نهض سيف وخرج من الغرفة نهضت هي الاخرة واتجهت إلى المرحاض لكي تنعم بحمام دافئ
اما في الأسفل صنع سيف شطيرتان ثم اخذ كاسان من العصير وصعد إلى الأعلى وجدها تخرج من الحمام وتنشف شعرها
روما، سندوتشات اممم ياخوفي تكون حطيت سكر عليها
سيف، انتي كفاية يا سكر
روما، يا عسل طب حطو في الفرندا عقبال ما اسرح شعري
سيف، اممم طب بصي انا بفكر اسرحلك وهو ابقى اتصدقت عليكي
روما. ايووووة يبقى شعري راح فيها.
وضع الصينية على الطاولة واتجه اليها اجلسها على الكرسي امام التسريحة
سيف، طب اقعدي يا ستي هاتي بقى المشطة
روما، طب براحة يا سوسو
سيف، شكلي كده هشدهولك
روما، ههه خلاص خلاص
بدا سيف بتسريح شعرها وهو يحاول ان يظبطة انتبه إلى الاحمرار الذي يوجد عند رقبتها ثم رفع شعرها على شكل كعكه
سيف، ها ياستي ظبط كده
روما، ماشي يا سيدي
سيف. طيب هاتي الكريم ده خليني احطهولك
ناولته روما الكريم بدا بتدليك رقبتها بخفة.
سيف، إيه رايك خدمة ولا 6 نجوم
روما، ربنا يخليك ليا
سيف، ويخليكي يا قلبي. اجهزي بقى بعد بكرة عشان عمار جاي يتقدم لضحى
روما، بجد
سيف. ايوة
روما، يا عيني ديه بت، اممم ماشي
سيف. لا لا كملي ديه اية؟!
روما، ها لا لا لا مفيش
سيف، يا بت
روما، ايون هو ده
سيف، منا عارف ان الاتنين بيحبو بعض
روما. اخص عليك مش كنت تقول
سيف، ده على اساس انك متعرفيش يا سوسا انتي
روما، احم هو مش كده حترتك
سيف، طب قومي ياختي خلينا نفطر.
روما، ها عامل سندوتشات إيه
سيف، جبنة رومي و جبنة بيضا
روما، وعصير إيه ده
سيف. عصير برتقان
روما، ماشي ياخويا
سيف، اخوكي بامارة إيه ها كلميني هنا زي ما بكلمك اخوكي باماره إيه
روما، طب سيبك انتا بس دلوقتي عمار قالك ايةة
سيف، بقالو مدة بيزن على ودني عايز اتجوز عايز اتجوز وشكل البت هي كمان بتحبو خلاص خليني اخلص هيجي هو وخالتي بعد بكرة وعزمت الواد جاسم بس قوليلي هي ليه اختك بيركبها عفريت لما تشوفو.
روما، مش عارفة بس هو واد عسل ومز كده وتحسو ظريف في نفسو كده
سيف، تحبي اخطبهولك بالمرة ماتلمي نفسك
روما، إيه ده حبيبي بيغير
سيف. تعرفي انا بسيبك علشان الغمازات دول بس
روما، غمازاتي محدش يقدر يقاومها يا روحي
سيف، هههه انتي كلك محدش يقدر يقاومك طفلة هبله في نفسك كده
روما، طفلة هبله! بقى كده ماشي
امسكت روما يده وغرزت اسنانها فيها ولكنها لم تاثر به كان ينظر لها بضحك
روما، اعااا انتا مستفز
سيف، طالعلك يا قلبي.
روما، سيف، لسانك ده هقصو
روما، اهو اهو اهو
سيف. مااشي يا رورو ماشي
روما، يلا عشان نشوف نونو عشان مقالتليش من امبارح يا ماما
سيف، انتي بتغظيني عشان لسة مقالتش بابا
روما، بالضبط كده
سيف، طب امشي.