رواية زوجة القيصر الجزء الأول للكاتبة رهف سيد الفصل الأول
في صباح يوم جديد في مدينة القاهرة في احد الاحياء الشعبية منزل يدل على البساطة تقطن بطلتنا هي واسرتها استيقظت على صراخ اختها
مريم، رومااااااا ي روماااااا اصحى ي بت
روما، اصبحنا واصبح الملك لله ي ست مريم عايزة إيه بقى
مريم، يعني انا غلطانة قولت اصحيكي نصلي الفجر سوا
روما. لا ي ابلة مريم مش متنيلة غلطانة بس انتي مصحياني للفجر ولا علشان حاجة تانية
مريم، عايزك برة
روما، قولي كده وعايز إيه
مريم، وانا مالي.
روما. استر ي رب
نهضت روما من الفراش وهندمت ملابسها امام المرأه واخذت حزمة من المال وخرجت وجدت والدها يجلس على السفرة
روما. نعم ي بابا
ابراهيم، فين الفلوس
روما. عايز كام حضرتك
ابراهيم، على حسب بقى
روما، ي بابا مش هينفع كده احنا ورانا مصاريف كتير ومهمه وحضرتك عايز الفلوس للبيرة والقمار والزفت اللي بتشربو ده
ابراهيم، بقولك إيه ي ست الشيخة جيبي ام الفلوس ولا تاخدي اختك وتغورو من هنا
روما، استغفر الله العظيم.
اخرجت المال من جيبها و وضعته على الطاولة
ابراهيم، ايوة كده انتي بنتي حبيبتي يلا الفلوس الجاية امتى
روما، الشهر الجاي
ابراهيم، ليه ان شاء الله
روما، وانا مالي ي بابا هقبض الشهر الجاي
ابراهيم، طب غوري يلا
لوت شفتيها ودخلت إلى غرفتها
مريم، ي بنتي تعالي نسيب البيت ونمشي
روما، هنعيش فين ي اذكى أخواتك
مريم، ارض الله واسعة ي روما
روما، الله يرحمك ي ماما
مريم، الله يرحمها وحشتني.
روما، ي رب يلا علشان نصلي وبعدين اوصلك المدرسة وبعدين اروح الجامعة
مريم. ربنا يخليكي ليا ي رب
روما. و يخليكي و يخلي مروان
مريم، ربنا يرجعو بالسلامة
روما، ي رب
ادت الفتاتان فرضهم وقفت روما امام المرأه تهندم حجابها
روما، عقبالك ي ريمو
مريم. ان شاء الله ي روما
روما، عندك دروس انهرده
مريم، ايوة
روما، الساعة كام
مريم، الساعة 6
روما، ماشي انا هخلص جامعة على 2 الضهر وبعدها هاجي احضر الغدا والساعة 4 هروح المستشفى.
مريم. هتيجي امتى
روما، يمكن 12
مريم. بليل وهتلحقي تذاكري
روما، ان شاء الله يلا
ترررررن تررررن
امسكت مريم الهاتف وقفزت من مكانها
مريم، ده مروان
روما، جبيه. الوو ي مارو
مروان، روما حبيبتي ازيك ي قلبي
روما. انا كويسة انتا عامل إيه وحشتني اوي ي قلبي
مروان، وانتي كمان ي عمري
مريم، اديني بقى اكلمو
روما، تؤامك ولا تؤامي
مريم، انتي بتذليني علشان عندك تؤام وانا لا
مروان، خلاص ي روما اديلي العيلة ديه.
مريم، اخث عليك ي مارو انا مريم حبتك
مروان، ي بت ي لمضة وحشاني
مريم، وانتا ي قلب اللمضة اخبار امريكا معاك
مروان. اتاريكي بصة في السفرية
مريم، اخص عليك ي مروان ده انا بحبك اووي ي قلبي
مروان، ابوكم عامل إيه لسة زي ما هو
روما، الله يهديه ي مروان
مروان، ويهدي الجميع المهم انا هبعتلك فلوس
روما، لا ي مروان لما نحتاج هنطلب جمع انتا فلوسك علشان لما تنزل تتجوز
مروان، وصية امك استر البنات وبعدين اتجوز.
روما، شهودة في انتظارك
مروان، لسة زي ما هي ي روما
روما، أيوة ي روميو
مروان، غوري ي بت والفلوس هبعتها انهردة روحي البنك خوديها
روما، ي حبيبي لما احتاج هقولك
مروان، براحتك ي روما بس ي ريت تقولي ومتنسيش اني بحس بيكي واني تؤامك
روما، حااضر ي مستر مروان حاجة تانية
مروان، سلامتك ي قلبي وسلميلي على الجذمة اللي جنبك و و
روما، ايوة مين
مروان، شهد
واغلق سريعا
مريم، ههههههه ي عيني اتكسف
روما، بس ي بت انتي لسة صغيرة.
مريم، تالتة ثانوي و صغيرة حرام عليكي
روما، لمضة هانم قدامي
خرجت الاثنتان من المنزل اوصلت روما اختها إلى مدرستها ثم ذهبت إلى جامعتها.
روما فتاه في 23 من عمرها تدرس طب توفيت والدتها وهي بعمر 12وهي التي اهتمت باختها لديها اخوان مروان اخيها التؤام وتحبة جدا هو و مريم والدها رجل مادي جدا ياخذ منهم الاموال لكي يصرفها على المخدرات و القمار لديها صديقتها الوحيدة شهد وهي ايضا حب اخاها.
ضحى، ماما ي ماما
فيروز، نعم ي ضحى
ضحى، نوران بتعيط خديها ي ماما
فيروز، بسم الله الله اكبر
نطقت عباراتها وهي تحمل الصغيرة ذو سنة من عمرها
ضحى، ي ماما واحنا مالنا امها...
فيروز، اوعي تكملي انتي عارفة اخوكي الله يسامحها بقى
ضحى، هي تطول المعفنة تبقى حرم سيف الأحمدي ي ماما ده القيصر
فيروز، ملكيش دعوة انتي لسة صغيرة
ضحى، ماشي ي ست ماما عن اذنك بقى باص المدرسة واقف برة امتى اخلص من ام الثانويةدية.
فيروز، يلا كلها كام شهر
ودعت فيروز ابنتها ثم نقلت نظرها إلى حفيدتها
فيروز، الله يسامح أمك منها لله
فلاش باك 7 شهور
ضحى، ماما اومال نرمين فين
فيروز، مش عارفة البت قاطعة النفس بس ي قلبي
الخادمة، الحقي ي ست هانم الست نرمين مش موجودة هنا ولا في الفلة التانية
ضحى، اومال هتكون راحت فين
الخادمة، سابت الورقة ديه ي هانم
فيروز، فيها إيه
اخذت ضحى الورقة وقراتها في سرها ثم شهقت بصدمة
فيروز، في إيه ي بت
ضحى. هربت.
فيروز، بتقولي إيه اقرائي
ضحى، سامحوني كلكم انا مش هقدر اعيش معاكم انتو ادتوني كل حاجة بس خلاص انا خدت اللي انا عايزاه سامحوني وياريت تخلو بالكم من نوران و ياريت تخلو سيف يسامحني
انتهت من قرائة الورقة انزلتها لتفاجا باخيها عند الباب و وجهه احمر من شدة الغضب
ضحى، سيف!
فيروز، سيف حبيبي...
قاطعها سيف بصوت جامد ملئ بالغضب، راحت فين
حكو له كل شئ ليمسك هاتفه ويحدث احد رجالة
سيف، اقلبو الدنيا عليها وتجبوهالي.
فيروز، لا ي ابني خلاص الله ياخدها مطرح ما راحت احنا مش عايزنها
سيف، و سمعتي ي امي وكل الحب اللي قدمتهولها انا عايز اعرف هربت ليه
فيروز، احسن بردو علشان خاطري ي ابني احنا مش عايزنها و اذا كان على بنتك احنا هنربيها
نظر سيف إلى الطفلة الصغيرة ذات ال4 اشهر بين ايدي والدته
عودة من الفلاش باك
فيروز، من يومها ابوكي مش طايق صنف الحريم ده خالص ي بنتي ده مستحملني انا واختو بالعافية ربنا يسامحها بقى مطرح ما راحت.
اما في احد الشقق الكبيرة استيقظ بطلنا وهو ممسك براسه بسبب الصداع الذي سببه شرب الخمر نظر إلى هذه العاهره النائمة بجانبة رمقها بنظرة سخرية وقرف توجه إلى الحمام واخذ دش سريعا وارتدى بنطال قصير خرج وتوجه إلى المطبخ اخذ كوبا من القهوه وجلس على احد الكراسي وامسك علبة السجائر وبدا يدخنها بشراسة حتى وجد الفتاه تخرج من الغرفة و هي تهندم ملابسها
الفتاه، صباح الخير ي حبيبي
سيف، صباح النور.
مد يدة في بنطالة وأخرج الكثير من المال والقاه على الطاولة
سيف، خدي ده حق ليلة امبارح و مشوفش وشك مرة تانية
الفتاه، ليه بس ي حبيبي
سيف، وانتي مال امك غوري من هنا مش ناقصة قرف على الصبح
اخذت الفتاه النقود وهي خائفة بسبب غضبة وشكله وغادرت مسرعة اما هو رمى بالكاس الذي في يدية في الجدار ليصبح فتات ثم هدر بصوت ملئ بالتهديد و الوعيد
سيف، ماشي ي نرمين وربنا منا سايبك ومسيرك تقعي تحت إيديا وساعتها مش هرحمك.
سيف الاحمدي الملقب بالقيصر لصغر سنة و شهرته الكبيرة في مجال البيزنس في العالم ذو 29 عام أصبح لا يطيق جنس حواء منذ ان تركته زوجتة وهو يسعى للانتقام ويبحث عنها لدية طفلة واحدة وهي نوران.
دخلت روما الجامعة وجدت صديقتها في الكافتيرا تنتظرها
روما، صبح صبح ي عم الحج
شهد، اهو صباح
روما، مالو القمر قالب وشو علينا ليه
شهد، فيش
روما بخبث، امممم طب مارو بيسلم عليكي
شهد مسرعة، مروان طب كويس هو يعني جاي ولا شوية ولا...
روما، بس ي ماما يا ريتني ما قولتلك وبعدين طب كويس هو ازاي يعني اسمها هو كويس
شهد. اخص عليكي ي روما
روما، ماشي ي اختي
شهد، هيييييح بقى
روما، مرارتي بقى عقبال ما اخلص منكم
شهد، موافقة.
روما، طب وريني محاضرة امبارح
بدا الاثنان في مراجعة المحاضرة قبل الدخول رفعت شهد نظرها وجدت معاذ احد زملائهم ينظر لروما بحب
شهد. ي واد انتا بصة او حتى نص ده ان...
روما، بس بس متكمليش صوتك مسرسع
شهد، هو ده كل اللي همك بصي وانتي تعرفي
روما، معاذ مش كده
شهد، كدةو ابو كده كمان
روما، ربنا يهدية
شهد، و يحنن قلبك الواد استوى 4 سنين
روما، ولا 4 قرون حتى
شهد، انتي تطولي
روما، لمي نفسك ي مرات اخويا.
شهد، من بوقك لباب السما
نهضت روما من مكانها، مدلوقة هانم قدامي هنترفد من المحاضرة
شهد، اوامر سموك ي برنسيس روما بس روما ولا ايطاليا ههههه
طرقتها روما بالكتاب على ظهرها
روما، لا ابو زعبل ي روح طنط وبعدين جيبي بنت في اسمي ولا جمالي
شهد، جمال واد ي جمال شوفتي بندة عليه ومش بيرد
روما، قدامي ي شهد بدل ما اخلص عليكي قبل ما تدخلي دنيا او دنيا تدخل فيكي
شهد، لو دنيا سمير غانم انا موافقة.
روما، اعااااالصبر من عندك ي رب
شهد، ربنا يخليني ليكي.