رواية رحلة حب للكاتبة نورا عبدالعزيز الفصل الرابع
وتدخل خلفها وتجد رجل كبير ليس كبير اووى في حدود الستينات يجلس على مكتب تخرج السكرتيرة يشير لها بان تجلس وتجلس امامه.
محمد: اسمك
نور برقه: نور
محمد: ورينى كده الملف بتاعك او cv
تعطيه نور الملف كامل
محمد: ده انتى شاطرة بقا ما شاء الله تقديراتك فالجامعه كلها جميل
نور: اه انا بحب شغلى جدا
محمد: بس ليه مطرودة من خمس وظايف
نور: يعنى عايزين الشغل بالرشاوى والفساد وانا مبحبش الحال المايل
محمد بانبهار: ههه وبتقوليلى فوشى افرضى انا كده
نور: انا بقول الحق
محمد: هههه طيب سيبى الملف وهنرد عليكى قريب
نور: حاضر عن اذنك.
محمد: اتفضلى ههه
وتخرج من امامه وتمشى بالممر بسعادة وسرعان ما تختفى سعادتها عندما تصدم بيه كعادتها وتكاد ان تسقط ويمسكها من ذراعيها لتغضب منه وتدفعه بقوة.
نور: انت ايه العمى عندك مزاج متكشف بدل العمى ده
سيف بغضب: بت انتى زودتى اوووى وانا بعدى بمزاجى
نور: والله بمزاجك لا تعال اضربنى تعال والنبى
سيف: يووووووة انتى يازفته
السكرتيرة: نعم
سيف: البتاعه دى بتعمل ايه هنا
السكرتيرة: ده جايه تقدم على وظيفه
سيف: اتفضلى اطلعى برا مش عايزة مؤظفين
تتركه وترحل بغضب وهو يشعر بسعادة لانه اغضبها
يدخل لوالده المكتب ويجده يمسك ملفها
سيف: هو انت عايز مؤظفين.
محمد: اه بدل اللى حضرتك طردتهم
سيف: اه
محمد: اعمل حسابك الوفد الالمانى جاى بعد اسبوع حضر نفسك وادرس الصفقه كويس والعقد عشان دى اول صفقه ليكى لو خسرت...
يقطع سيف: خلاص حفظت
محمد: وشوفلك مدير اعمال يرتبلك مواعيدك انا مش هشتغل عندك
سيف: ابعت اى حد
محمد: ماهو كان الرجل موجود جت حضرتك فيوم وليله طردته
سيف: اووووه انا رايح المكتب
محمد: مع السلامه
ويخرج ويغلق الباب تاتى السكرتيرة وتخبره بما حدث ويسعد لذلك فهذه اول شخص يتحدى ابنه ويرد عليه يتصل بها فورا
ويطلب عودتها تعود له
نور: ايوة
محمد: انا قبلت بيكى
نور: بالسرعه دى حضرتك لاخقت تقرا الملف ده ممرش ساعه.
محمد: انتى زعلانه انى قبلت بيكى
نور: لا طبعا فرحانه
محمد: اه بس مش فالحسابات
نور باستغراب: امال ايه
محمد: مديره اعمال
نور: مرة واحده
محمد: مهاراتك ممتازة
نور: ميرسى
محمد: انتى هتكونى مسؤله عن كل كبيرة وصغيرة للمدير تخصص مواعيده كويس اووى وتهتمى بالشغل معاه وطبعا ممكن تساعديه.
نور: هو حضرتك مش المدير
محمد: ههه لا تعالى اعرفك عليه
تنظر لنور لاسمه الموجود بمقدمه المكتب ومكتوبه بجانبه المدير
نور: بس
محمد: سابقا تعالى اعرفك بالمدير
نور: اتفضل
تخرج معه
محمد: اعملى فحسابك انه عصبى جدا ومغرور
نور: ربنا يستر يافندم
محمد: ومبيحبش الشغل نهائى
نور باستغراب: ده ازاى
محمد: اصل انا ابوه وهو ابنى لسه مبتدا وميعرفش حاجه ومبيحبش االشغل
نور: ربنا يستر
محمد: استنى هنا
نور: حاضر.
يدخل لمكتبه ويجد يجلس ويضع قدمه فوق المكتب واللاب على قدمه ويجلس على الفيس
محمد: متقعد عدل في مدير يقعد كده
سيف: اعمل ايه
محمد: هخليهم يبعتولك اول ملف لشغل اه صح انا جبتلك مدير اعمال
سيف: بالسرعه دى
محمد بسعادة: طبعا...
ويتجه نحو الباب ليفتح لها وتدخل يقف سيف يعطيها ظهره ويرتدى جاكيت بدلته ويلف لها.
سيف: اسمك ايه يابتاع انت، انتى
نور بغضب: انت
محمد بسعادة: انتوا تعرفوا بعض
سيف: مين دى وايه اللى جابها هنا امشى اطلعى برا
محمد: نور مديرة اعمالك
نور: نعم انا لايمكن اشتغل مع البنى ادم ده
سيف: حووشى يابت انا اللى هموت واشغلك عندى
نور: انت تطول يابتاع انت اصلا
سيف: اطول ايه ياقزمه انتى ده انتى مش باينه من الارض
محمد: باااااس اسكتوا العقد اتمضى خلاص انت وهي
نور: كده طب انا مستقيله.
محمد: وانا مقبلتش الاستقاله
سيف: انا مش عايزها مشيها
نور: طب عند فيك لاقعد مش عجبك امشى انت
سيف: انتى هتطردينى من شركتى
نور: اذا عاجبك وادينى قاعده على قلبك اهو
وتجلس على الكرسى يبتسم محمد وهو يعلم بانها من ستصلح حاله بالفعل
سيف: انت رايح فين خدها معاك
يخرج محمد ولم يجيب عليه يقف ينظر لها بغضب تبتسم بكبريائه لتكيده اكثر وتعصبه ليغضب ويرمى الاوراق فالارض
تقف لتقترب من المكتب وتغلق اللاب.
سيف: انتى مين سمحلك...
تقطعه: هات الورق اللى رميته
سيف بصدمه: حضرتك انا هنا المدير وانتى اللى شاغله عندى
نور: مش انت اللى رميته
سيف: انا حر
تدخل السكرتيرة وهي تحمل ملفات كثيره
سيف: انتى رايحه فين يازفته
السكرتيرة: محمد بيه قال ده شغل الاسبوع لحضرتك واختبار لنور
سيف: انا مبشتغلش اطلعى برا وخديهم معاكى
نور: حطى يابنتى الحاجه على الترابيزة وروحى
تقف السكرتيرة وهي لم تعلم بما تفعل.
تقترب نور وتاخذهم منها وتركض السكرتيرة للخارج حتى لا يطردها تهتز نور بهم من ثقلهم وتمشى بحذر وتضعهم على الترابيزة.
سيف: والله لاطفشك فثلاثه ايام
نور: انت حلفت وخليك قد حلفانك بقا انا مش همشى من هنا غير لما مده العقد تخلص واتفضل بقا تعال اقعد هنا.
سيف: انتى هتأمرينى
نور: انا مبأمرش الامر لله وحده ده شغل وانا جايه هنا عشان اشتغل لا عشان اتخانق مع حضرتك ولا اقعد اتونس معاك.
سيف: عايزة ايه انا مبشتغلش عايزة تشتغلى الورق قدامك
نور: براحتك
وتقف وتسحبه من يديه بالغصب وتجعله يجلس على ترابيزة الاجتماعات بالمقدمه وهي بجانبه وتبدا تفرز الاوراق بدقه.
سيف: ايه التقسيمات دى
نور: دى اوراق خاصه بالحسابات ودى اوراق خاصه بالصفقات القديمه ودى اوراق لمشروع جديد للشركه وده بقا ملف خاصه بمشروع قديمه الشركه المشتركه فيه رافعه عليكم قضيه بسبب السيؤله.
سيف بدهشه: انا مش فاهم حاجه
نور: افهمك احنا هنبدا بالقضيه انا هشوف الحسابات وايه حكايه السيؤله وانت تقعد تفهم من المستشار القانونى بتاعكم الوضع.
تدخل السكرتيرة بالقهوة وتضعها امامه
سيف بجديه: سادة
السكرتيرة: معرفش محمد بيه اللى باعتها
سيف: طيب
وتخرج
نور: معلش بس دى قهوتى
سيف: جايبه من بيتكم
نور بغضب مكتوم: لا بس طلبت هناك وحضرته قال هيبعتهالى
سيف: هشربها
ويرتشف منها القليل ويبلعه بصعوبه وهي تبتسم
نور: قهوتى زيادة مش سادة
سيف: اشتغلى ياماما انا هشربها
نور: براحتك.
يشربها بغضب حتى لا ينكسر غروره وهو يعلم انها ستضره لان لديه السكر ورثه من والده ورغم ذلك يشربها وتجلس هي تراجع حسابات المشروع.
نور: بص كده احنا ممكن نخليهم...
وتصمت عندما تنظر له وتجده يتعرق بشده وراسه تهتز من الدوخه وعيونه تنغلق وتنفتح ببطئ...