رواية رحلة حب للكاتبة نورا عبدالعزيز الفصل الرابع عشر
البائع: جميل جدا على حضرتك
سيف: شكرا
نور: خلاص انا هخدها
البائع: ماشى الحساب فالكاشير برا
نور: ماشى
وتدفع الحساب وتخرج وتشترى صندل ذهبى كعب عالى وباقى اغراضها
سيف: تعالى نتغدا عشان تروحى تجهيز نفسك على طول
نور: ماشى
تجلس على الترابيزة وتضع الشنط بجانبها
سيف: تاكلى ايه
نور: بيتزا
سيف: انتى بتحبى البيتزا اوووى كده
نور: جدا وكمان اكله سريعه
سيف: ماشى. لو سمحت
ياتى الجرسون له.
سيف: واحد رز بالفراخ وبيتزا باللحمه صح
نور: اه
سيف: وواحد عصير مانجو وواحد شامبن...
نور بغضب: اتنين عصير مانجو وبس
سيف: انتى
نور: روح ياكابتن
يذهب الجرسون
سيف: ده ايه اصله ده
نور: مش احنا اتفقنا نبقى اصحاب بلاش الحاجات اللى تضر صحتك، ايه العصير مسكر انا غبية
سيف: لا عادى
نور: لا
ياتى الجرسون بالطلبات
نور: تشرب ايه
سيف: العصير اهو
نور: بس
سيف: مش هيضر والله
نور: على ضمانتك
سيف: اه
نور: ماشى كل بسرعه.
تاكل نور وسيف وتنتهى وتعود للفندق.
ملك: ماما هو ابنك فين
والدتها: راح ياكد على القاعه ويشوف النظام الخطوبه بعد بكرة عقبالك لما اشوفك عروسه
ملك: امين يارب بس هو هتاخر
والدتها: معرفش
ملك: امال انا اللى اعرف ماشى هكلمه
والدته: ايوة روحى كلميه وسيبنى اتفرج على المسلسل
وتدخل ملك لغرفتها.
يقف امام المرايه وهو ينظر لنفسه وهو يرتدى بدله سودة وقميص ابيض وجرافته حمراء ويرفع شعره للاعلى ويضع لمسته الراقيه بالبرفان الخاص بيه ويخرج من غرفته يصل للمكان الحفله وهي قاعه الفندق يقف يبحث عندها ويرحب بيه الاشخاص ويصافحه وهو يبحث عنها بنظره
سيف لنفسه: انا هربيكى يانور ازاى تتاخرى ومديرك هو اللى يجى قبلك.
حتى يتوقف نظره على تلك الفتاة التي تدخل من باب القاعةوالجميع ينظر لها وهو ينظر لجمالها بذات الفستان الاحمر الطويل بحماله مفتوح الصدر وعارى الظهر وشعرها البنى على كتقها وتضع مساحيق التجميل على وجهها ليدق قلبه بخفه فهو مازال يحبها ولكنه مكسور بسببها
سيف لنفسه: اهدى كده دى نغم يعنى اللى خانتك واللى كسرتك اهدى واوعى تدق متفضحنيش.
ولكن يصدم عندما يجدها تتقدم ولكن الجميع نظرهم مازال على باب القاعه ليتحرك هو خطوة لليمين ليندهش بذات الملاك الواقف هناك خلفها فهو الان علم لما الجميع ينظر للباب ليس لذات الخائنه ولكن لتلك الملاك ذات الفستان الاحمر الطويل وبكم ومطرز بشياكه وهدوء ذات لمسه رقيقه بفصوص ذهبية وشريط ذهبى حول خصرها وتلف حجابها الذهبى وتضع الطرفين على كتفيها وترسم عيونها الرماديه بكحل اسود وذهبى وتضع روج خفيف وترتدى عقد حول عنقها.
لم يستطيع ان يبعد نظره عنها ويتقدم نحوها
تقف نغم عندما تجده يقترب باتجاهها وتبتسم وسرعان ما تختفى ابتسامه عندما يمر من جانبها ولم يحدثها تلف لتجد نور واقفه تبتسم له لتغضب بقوة
يصل امامها ويصافحها
سيف باعجاب: كل ده تاخير اجى قبلك
نور: انا كنت هنا وطلعت ادور عليك
سيف: حصل خير بس ايه الحلاوة دى
نور بخجل: ميرسى
سيف: تعالى بقا خلينا تمضى الورق ده ونخلص
نور: يلا.
تصعد للمنصه وهي بجانبه ويعرف الناس عليها لتعلم نغم بانها مديرة اعماله وتبتسم فهى ليست حبيبته وتمضى الاوراق هو والعضو الالمانى وتصافحه ويقف يتحدث معه وعندما ينهى حديثه ينظر يبحث عنها ويصدم عندما يجدها تقف مع نغم يذهب لها
سيف: نور
تنظر له: ايوة
نغم: ازيك ياسيف
سيف: بتعملى ايه هنا يلا تعالى عايزك
نور: حاضر
نغم: مانا بكلمك.
نور: انتى بتقولى كلام مش مفهوم لو بحب واحد ينفع واحدة هو بيحبها تاخده منى ايه الجو ده هو انا اعرفك
سيف بنفاذ صبر: تعالى يانور
ويسحبها من يديها ويخرج بها من القاعه
نور: ياسيف استن هنا انت رايح فين
سيف: خلاص الحفله خلصت
نور: استن بس لسه
يقف بها امام البحر تلاحظ غضبه
نور: هو في ايه انا زعلتك فحاجه
سيف بغضب: نور متقفيش مع البنى ادمه دى تانى
نور: ليه
سيف: كده وخلاص
نور: انت تعرفها صح
سيف: اه.
نور: طب هي حد وحش عشان كده بتقولى متقفيش معاها تانى
سيف: حاجه زى كده
نور: لا انا مش هحكم على حد بكلام ده
يجلس على الارض ويحكى لهم القصه منذ ان احبها وعشقها حتى ان خانته وصدمته بحقيقتها
نور: اه عشان كده
سيف: اه
نور: طب وانت زعلان
سيف: حاجه زى كده مش كنت بحبها
نور: دى ميتزعلش عليها يابابا طب مانا اهو ولا زعلانه ولا حاجه
سيف: هو انتى حد خانك.
نور: اه فاكر حمدى اللى شفنا فالكافى وقاعد يتكلم ده ماهو كان خطيبى بس اكتشفت انه خطبنى عشان اهلى ميتين وهيعيش فالشقه معايا واصرف عليه وبيشرب بقا وبيسكر وكمان بتاع بنات وحبته على فكرة بس خلاص مش هفضل زعلانه كتير يعنى الناس دى ميتزعلش عليها الناس دى تعتبر ها عطس خرجت من حياتك وتعيش حياتك عادى، اوعى تقولى انك متجوزتش لحد دلوقتى عشان الموضوع ده
سيف: اه طبعا بالنسبه ليا كل البنات خاينين.
نور: لالالا راعى ان كلامك جارح ها مانا قدامك خونت لا خالص والله
سيف: وانتى بقا مخطوبة لاسر عشان كده قررتى متحبيش تانى
نور: لا بس هو بيحبنى ومادام بيحبنى لا هيجرحنى ولا هيزعلنى بس
سيف: انتى لو خدتى باللى بيحبك هتلاقى كتير لازم تخدى باللى بتحبيه
نور: كتير هم فين دول
سيف: انا بتكلم عموما انا مثلا بنات كتير بتحبنى ده معناه انى اتجوزهم كلهم.
نور: لا بس اكيد واحده بس اللى بتحبك بجد ممكن تلاقى اللى بيحبك مصلحه واللى بتحبك عشان فلوسك كده يعنى
سيف: بالفعل
نور: يلا انا هروح انام عشان اقدر اصحى الصبح
سيف: مش هنصحى بدرى احنا هنمشى على المغرب كده
نور: ليه والخطوبه دى مش لازم اشوفهم عملوا ايه هو انا مش عروسه ولا لا
سيف: عروسه ههههه عروسه ايه ده انتى معفنه
نور: زيك بالظبط يلا بقا
سيف: هههه طب يلا ياختى
يصعدوا لغرفهم.
وتجلس نغم مع شاب وتشرب وتسكر على اخرها وهي تلفظ باسم سيف و...