رواية رحلة حب للكاتبة نورا عبدالعزيز الفصل الخامس والأربعون
ويبتعد عنها بسرعه حينما يفتح الباب ليجد لوجى تدخل وهي تركض وخلفها يوسف
يوسف: تعالى هنا، احنا اسفين ياجماعه
لوجى بطفوليه لا هتضلب
سيف: اهدى بس في ايه
لوجى: بابى حايز يضلبنى
سيف: ليه
يوسف: مش عايزة تنام فاوضتها
سيف: لسه صغيرة متنيمها معاك
لوجى بعيط: اشحايز
تنحنى نور لها وتمسح دموعها: خلاص متعيطيش طيب
لوجى بابتسامه: انتى اثمك ايه
نور بابتسامه: نور
لوجى: خلاث انا هنام مع نول
سيف بفزع: لا نور لا.
يوسف باستفزاز: خليكى ياحبيبتى
ويتركها ويخرج
لوجى: هيبيه هنام معاكى
نور وهي تنظر لسيف: ماشى
وتحملها على ذراعيها وتدخل لغرفه النوم ليغضب سيف ويحلس على الاريكه بغضب تعود نور له بعد نص ساعه وتجده نائم على الاريكه وينظر لسقف لتجلس على الارض وتضع راسها امام صدره.
نور: حبيبى زعلان ومكشر ليه
سيف بغضب مكتوم: مفيش
نور: لا في
سيف: قولتلك مفيش
لتضع قبله على خديه
نور: اوعى كده عايزة انام فحضن حبيبى
تنام بجانبه ليطوق ذراعيه حول اكتافها بحب
نور: سيف
سيف: امممم
نور: تفتكر لما نجيب بيبى هعمل زى لوجى كده ويجننك
سيف: اه كل الاطفال رخمين
نور: دول احلى حاجه
سيف: انا هستحمل تصرفاته عشان هيكون منك.
ترفع راسه لتنظر له بابتسامه ليطبع قبله على شفتيها بحنان ويبتعد ليغرقوا في نومها بهذه الوضعيه.
سلمى باستفزاز: هههههههه يعنى الخطه فشلت دى تانى خطه ليكى تفشل
نغم بغضب: انتى فرحانه فيا انتى صاحبتى انا ولا هو
سلمى: لا انتى ياقلبى بس انتى مش قادرة تفهمى ان كل الفشل اللى بيحصل ده بيدل على ان ربنا واقف معاهم عشان هو مبيرضاش بالظلم وهم مجوش عليكى وسيف اللى بتجرى وراءه دلوقتى كان بتاعك زمان بس انتى اللى ضيعته.
نغم بعصبيه: طب نقطتى بسكوتك خلينى اعرف افكر
سلمى: هههههههه هتفكر تانى وهتفشل
نغم: لو نجحت المرة دى تعملى ايه
سلمى: مش هعمل
وتاخذ هاتفها وتدخل تكلم حبيبها وهي مستعجبه من تصرفات نغم.
يستقيظ سيف على اشعه الشمس الذهبيه وهي تحتل مكانها بوجههم ليراها نائمه بحضنه وتمسك بتيشرته كالطفل الصغير يحملها برفق ويدخل بها الغرفه يضعها على السرير بجانب لوجى ويضع قبله على جيبنتها ويدخل الحمام لياخذ دوشه.
ينزل يوسف على السلم لتقابله سناء
يوسف: امال فين لوجى
سناء: لسه نايمه
يوسف: طيب روحى اعمليلى شاى
سناء: حاضر
يجلس على الاريكه يتامل البيت واختلافه والتغيرات التي حدثت ليرى صورة لنور عبار عن وجهها فقط يقف ويذهب امامها ويحرك اصابعه على وجهها وكأنه يتاملها ويشرد فجمالها ليفوق على صوت سناء.
سناء تحضر له الشاى وتراه يقف يضع يديه فوق صورة نور لتصدم وتتجاهل ذلك
سناء: الشاى
يلتفت لها ببرود: حطيه وروحى
تضعه وتذهب يجلس ليرتشف القليل منه وهو ينظر على صورتها.
يخرج من الحمام ويجدها تجلس على السرير وتبعثر شعرها الحرير على ظهرها بيديها
سيف: صباح الخير ياحبيبتى
ترفع الغطاء وتقوم من السرير صباح النور ياقلبى، انت رايح لماما
سيف: اه
نور: طب عايزة اجى معاك
سيف: طيب البسى على مشرب قهوتى
نور: حاضر
وتدخل الحمام وتاخذ دوشها وتخرج لتجد لوجى استيقظت
نور: صباح الخير
لوجى: ثباح النول
نور: راحه فين
لوجى: هنزل لبابا.
وتنزل لوجى تركض لوالدها ترتدى نور بنطلون جينز وفيست يصل للركبه بكم وتلف حجابها وتنزل لتجده يتحدث مع اخوه
سيف يلا طيب
يوسف: كبر بقا
سيف: اكبر ايه ده جنان رسمى مش عايز تشوف امك
يوسف لما ترجع هبقى اشوفها
يرن هاتف ويرد: . الو، طب الحمد لله، وهي عامله ايه، طيب، النهاردة، ماشى، سلام.
ويغلق الخط
سيف: نور
نور: ايوة
سيف: اقعدى بقا عشان ماما هتخرج النهاردة هجبها وهجي على ماتعملها الاكل اللى بتحبه.
نور: طب حمدلله على سلامتها
تاتى جيهان لها
جيهان بمياصه: ياستى عايزين طلبات للمطبخ
نور بغضب: ايه ستى دى اسمى مدام نور وقولتلك مليون مرة بطل الاسلوب الزفت ده
جيهان: حاضر
نور: ايه القرف اللى لبسه ده امشى انجرى البس لبس محترم بدل قلت الادب ده متقلعيهم احسن، سناء ياسناء.
تاتى سناء لها
سيف: اهدى يانور
تنظر له نظرة غضب
سناء: نعم
نور: ايه القرف ده
سناء: والله قولتلها تلبس البنطلون وهي اللى راكبه دماغها
تنظر نور لها بغضب وتتفحصها وهي ترتدى جيبه قصير تصل لاعلى ركبتها
نور: امشى يابت البس هدوم عدله واتعدلى
جيهان: ماهو...
تقطعها نور بغضب: انتى هتردى عليا ولا ايه
تنظر جيهان للارض: حاضر
نور: اتفضلى غورى من وشى
وتدخل جيهان.
نور بنرفزة: الله يحرقها عكرت مزاجى على الصبح، خير ياسناء محتاجين ايه
سناء: اكل وحاجات
نور: طب متجيبوا
سناء: ماهى مريم هانم بتحب تجيب بنفسها
نور: خلاص البسى ونروح انا وانتى
سناء: حاضر
وتدخل سناء لغرفتها
سيف: اهدى يانور
نور بغضب ونرفزة: هو انت شايفنى بشد فشعرى قدامك ولا هي منظرها عجبك كده
سيف: لا مش عاجبنى بس المهم عندى صحتك انتى
نور: انا كويسه
يوسف: انا بقول نفطر
نور: افطروا انتوا انا مش جعانه
سيف: نعم.
نور: مش جعانه ياسيف مش جعانه
تاتى لها سناء ويذهبوا سوا ليخرج هو ويذهب لشركته.
تمشى نور بجانب سناء وتشترى كل الاغراض الناقصه للمطبخ لتصدم بنغم امامها
نغم باستفزاز: مش تفتحى ياضلمه قصدى نور
نور: يلا ياسناء
نغم: هو القط كل لسانك ولا ايه ده حتى لسه المحروس جانبك
نور بغضب ونرفزة: وانتى مال اهلك بيه واوعى تجيبه سيرته على لسانك تانى
نغم: هههههههه ده انا هجيب واجيب لحد ما ازهقك بس مش دلوقتى بعد. ماتستلم الصدمه اللى جايه واحمدى ربنا انها مجتش فيه وانه لسه عايش.
لتصدم بصفعه قويه على وجهها من نور
نور بغضب: ده اقل رد ممكن ارده على اشكالك يارخيصه والله لو قربتى منه لانا اللى قفلك.
تدفعها نغم بقوة من صدرها
نغم بغضب: والله لادفعك ثمن القلم ده غالى ومعتقدش ان في اغلى منه
تتركها نور غاضبه وترحل.
يجلس سيف فمكتبه ينهى اجتماعه ويتصل ليطمن على نور اذا كانت عادت للبيت ام لا ولم تجيب يرن مرة واتنين وخمسه ولم تجيب ويرن على هاتف سناء ولم تجيب ليمتلكه جزء من القلق...