رواية رحلة حب للكاتبة نورا عبدالعزيز الفصل الحادي والخمسون
الدكتور: استاذ سيف ازى حضرتك
سيف: تمام الحمد لله
الدكتور: طمنى مدام نور وصلت
سيف باستغراب: وصلت فين
الدكتور: هو حضرتك مش فالبيت انا كنت عايز اطمن عشان كانت تعبانه وهي هنا
سيف: اه لا مش فالبيت بس اكيد السواق وصلها
الدكتور: ماشى ربنا يقومها بالسلامه
سيف: يارب
ويغلق الخط ويتصل بالبيت لتخبره سناء انها عادت ونامت ليطمن عليها ويغلق الخط
وينهى عمله ويعود للقصر ويجلس بجانب امه يقبل يديها وراسها.
مريم: ربنا يخليك ليا ياحبيبى. غير هدومك بسرعه وخلى جيهان تحضرلك العشاء
سيف: لا مش جعان انا ميت نوم
مريم: بعد الشر ياحبيبى طب اطلع نام
سيف: هي نور لسه نايمه
مريم: ياحبة عينى تعبانه طول اليوم ابنك عمل يضرب فبطنها
يوسف: مش هي اللى حامل فتؤام
سيف: وانت مالك ربنا يقومهالى بالسلامه
مريم: يارب ياحبيبى
تاتى لوجى له
لوجى: حمه حمه
سيف: نعم ياحبيبة عمه
لوجى: هي نول هتجيب نونو الحب بيه.
سيف: هي هتجيب نونو بس مش للعب ياماما العبى مع ابوكى
يوسف: الله متسبها تلعب
سيف: بولادى
مريم: بس اطلع ياحبيبى ارتاح
سيف: تصبحى على خير ياماما
ويقبل جبينتها ويصعد للجناح يجدها نائمه على السرير وترتدى جلابيه بيتى قصيرة تصل لركبتها وبطنها منتفخه يغطيها بهدوء حتى لا تستقيظ ويقبل جبينتها ويقترب يطبع قبله على بطنها المنتفخه.
سيف بهمس: كده كده تعبين ماما، ينفع يعنى
تفتح عيونها عندما تشعر بيديه فوق بطنها
نور: سيف
يسندها لتجلس
سيف: قلبه من جوا
نور: مغيرتش هدومك ليه استن اجبلك هدوم
سيف: لالالا خليكى مرتاحه انا هجيب لنفسى متتعبيش نفسك
نور: طيب كلت
سيف: لا مش جعان
نور: انا مستنياك تاكل معايا خلاص مش مهم
سيف: لا خلاص ايه واسيبك جعانه انت والعيال دول هخلى سناء تجيب الاكل
نور: ماشى
يتعشوا سوا معا.
ملك: اتاخرت ليه ياعمر
عمر: ايه اتاخرت ليه دى كنت فالمستشفى
ملك: مانا عارفه انك فالزفته بس تتاخر 3 ساعات عن معادك ليه
عمر: انتى بتتكلمى كده ليه
ملك: ايه مالى بتكلم ببوءى
عمر: طب اهدى ياحبيبتى اتاخرت عشان جالنا حاله طارئه
ملك: طيب.
يجلس يفطر مع امه ومعه يوسف ويراقبها بنظره وهي تلعب مع لوجى بالكورة
سيف: انت مش تشوفلك شغل ولا هتفضل قاعد كده
يوسف: انا حر انا عندى فلوس تعيشى 100سنه ملك
سيف: انت بيعت كل حاجه
يوسف: اه.
تضرب نور الكورة بالارض لتمسكها لوجى وتضربها بقوة لترد فبطن نور لتصرخ بقوة وتسقط على الارض.
يسمع صرختها ليركض لها ويراها على الارض تصرخ وتمسك بطنها من الوجع
نور بصراخ: سيييف ااااااه الحقنى، بموت
سيف بلهفه: حصل ايه طب اعمل
يحملها لسيارته ببيجامتها ويذهب للمستشفى ويقود بسرعه وتجلس هي بالخلف مع مريم وتصرخ من الوجع تصدم مريم عندما ترى دماء على بيجامتها وكأنها حنفيه وفتحت.
مريم بخوف: بسرعه ياسيف بسرعه
نور بعيط ووجع: ااااه بموت، بسسسسسرعه اااااااااه
يصل للمستشفى وتدخل للعمليات فورا
يقف على احر من النار ينتظر بفارغ الصبر
سيف بقلق: ياررب يارب قومها بالسلامه
يرى لوجى تبكى مع والدها يذهب لها وينحنى لمستواها
سيف: بس متعيطيش
لوجى: انا وحثه
سيف: لا مش وحشه انتى حلوة
لوجى: انت هتضلبنى
سيف: لا مش هضربك
يقف ويذهب امام غرفه العمليات ينتظر خروج اى شخص ليطمن قلبه على حبيبته
سيف: يارب.
مريم: يارب قومها بالسلامه
وتجلس تقرا لها قراءن
يخرج الدكتور
سيف بلهفه: خير يادكتور طمنى نور عامله ايه
الدكتور: عايز دم بس ليها عشان نزفت كتير
سيف: انا نفس فصيلتها
الدكتور: ماشى تعال
وياخذ منه كيسين دم
سيف: ها طمنى
الدكتور: لحظه بس
يدخل مرة اخرى مما زاد قلق سيف عليها ليسمع صوت بكاء طفل وبعد دقائق يرى الممرضه تخرج وهي تحمل طفلين.
سيف بابتسامه ولهفه: دول ولادى
الممرضه: اه
سيف بقلق: ونور
الممرضه: الدكتور خارج يطمن حضرتك
مريم: انتى واخدهم فين
الممرضه: الحضانه
تذهب ويخرج الدكتور
سيف: طمنى يادكتور
الدكتور: اطمن المدام بخير ونقلتها الاوضه هي تعبانه شويه بس عشان ولدت قبل معادها والاطفال اديتهم حقنه عشان الرئه مكملتش وهيروحوا الحضانه.
سيف: متشكر
ويركض لغرفتها كانها بعيد عنه منذ زمن
مريم بابتسامه: معلش يادكتور
الدكتور: ههه عادى عن اذنكم
يدخل غرفتها ويركض لسريرها ويرى جبينتها تتعرق من التعب
نور بتعب: سيف
سيف: حبيبى الف حمدلله على السلامه
نور: الله يسلمك ولادى فين انا دورت عليهم مش هنا
سيف: اه فالحضانه
نور: طب عايزة اشوفهم
تدخل مريم
مريم: حمدلله على السلامه
نور: الله يسلمك
لوجى وهي تصعد على سرير نور
لوجى: النونو صغنتوت اوووى.
نور: انتى شوفتيه
لوجى: اه ايده صغنتوته اووى
نور: بكرة يكبر
مريم: هتسموهم ايه
سيف: حليمه
تضربه نور بخفه: حليمه ايه انا هسمى ريتاج و انس
سيف: ودول اندلهم ازاى
نور: جيجى وانس
سيف: يا مصبرنى
مريم: حلوين والله
نور: شوفت بقا
يضحك الجميع وترحل مريم ويوسف
نور: انا عايزة اشوفهم
سيف: ده ازاى
نور: ودينى اشوفهم
سيف: اوديكى
نور: اه هسند عليك
سيف: طب تعالى.
ويحملها على ذراعيه ويذهب للحضانه ويعطي للممرضه اموال لتدخلها تراهم وتبتسم
نور: ده صغيرين اووى
سيف: مش انتى اللى والدهم
نور: الله حلوين اوووى
تعانقه بقوة ليبادلها العناق ويخرج بها ليعود لغرفتها.
يمر اسبوع وتنزل تركض خلفه
سيف: بس يانور
نور: اجى معاك والنبى
سيف: قولت لا
نور: عشان خاطرى
سيف: يلا ياسناء
نور: يعنى هتاخد سناء وماما وانا لا
سيف: انتى تعبانه
نور: انا زى القردة اهو
وتنط امامه وتقف من وجع بطنها
سيف: ارتاحى يانور
ويخرج ويتركها لتغضب وتتذمر كالاطفال
ياتى لها يوسف ويجلس بجانبها لتبعد عنه خطوة
يوسف: زعلانه ليه
نور: مش زعلانه
يوسف: ده انتى زعلانه ومكشرة كمان.
ويضغط باصابعه على خدها لتصدم وتنظر له بعدم تصديق وتقف وتصعد للجناح تجلس فالبلكونه تنظره على احر من الجمر تشعر بانفاس حاره خلفه تعتقد انه حبيبها احضر اطفالها تلف وتصدم بيوسف...