رواية رحلة حب للكاتبة نورا عبدالعزيز الفصل الثاني
تقف السيارة امامها مباشرة قبل ان تصدمها وينزل شاب يرتدى بدلة رماديه ونظارة شمس.
سيف: مش تبصى لطريق وانتى ماشيه ولا هو غباء
نور بغضب: ده غباءك انت بص لطريق ولو مبتعرفش تسوق يكون احسن لو مركبتهاش
سيف: انا غبى
نور: واعمى كمان
سيف: لا ده انتى قليله الادب بقا
نور: ده على اساس انك محترم اوووى
يتجمع الناس حولهم وهم يتشاجروا
سيف: انت هبله يابت انتى مش عارفه بتكلمى مين
نور: هكون بكلم مين الوزير
سيف: متكلمى بادب يابتاعه انتى
نور: اصل الادب لناس المؤدبه وقلت الادب لناس قليله الادب.
سيف: ده اللى هم انتى
يرن هاتف نور لترد وتتركه
نور: ايوة ياملك
سيف: خد هنا يابت
تتركه وترحل تحدث ملك يركب سيارته.
ويقود سيارته للشركه يصل ويدخل يطلب قهوته تدخل له السكرتيرة بالقهوة
يرتشف منها القليل ويستفرغ ما بفمه بوجهها
سيف: دى قهوة ياغبيه
السكرتيرة باحراج: حضرتك طلبتها سادة
سيف: يعنى فاكرة امال ايه السكر ده انتى مبتفهميش
السكرتيرة: حضرتك مش انا اللى عملها وانا شغلى سكرتيرة مش ساعى شاى
سيف: وبتردى عليا اتفضلى اطلعى برا انتى مطرودة برا
تخرج وتغلق الباب وهي تبكى فقد فقدت وظيفتها مدخل رزقها فيومها الاول.
ملك: اتطردتى ليه
نور: هيكون ليه حب فالطرد عشان مدير غبي وبيحب الرشاوي
ملك: يخربيت لسانك اوعى تكونى قولتله كده
نور: اه قولت طالما بقول الحق خلاص بقا محدش يقدر يفتح بوا معايا
ملك: يانور الناس مش هتسيبك فحالك لو فضلتى كده وهتطردى من كل وظيفة يابنتى فكرى ده خامس وظيفة تطردى منها.
نور: يعنى اعمل ايه اسكت عن الحق
ملك: لا بس راعى وظيفتك ياحبيبتى
نور: اهو مبقاش في وظيفه ولا حتى صنعه
ملك: هههههههه بتهزرى ليكى نفس تهزرى وانتى عاطل
نور: عاطل طب غورى بقا بعد عاطل دى
وتغلق الخط وتعود لبيتها وتجد جدتها تشاهد التلفزيون
الجده: اتطردتى يا قلبى
نور: ههه هي لحقت تشتكى
وتقبل راس جدتها
الجده: نفسى تعمرى فوظيفه شهرين على بعض
تجلس على الاريكه بتعب.
نور: اعمل ايه ياتيتا اخد رشاوى حظى الفقرى كل وظيفة روحتها الشغل فيها زبالة
الجده: طب قومى خدى دوش واعملينا غداء مادام مش هتشتغل اخدمى بقا
نور: ههههه حاضر
وتدخل غرفتها وتاخذ دوش وترتدى بيجامه بيتى وتخرج تطبخ مكرونه وبانيه وبطاطس مقليه وتحضر العصير وتجلس تتاكل مع جدتها.
محمد بغضب: طردها، طب انا هتصرف، نزل اعلان واطلب مؤظفين مدير اعمال وسكرتيرة ومؤظفين حسابات. اه وسيب الباقى عليا.
ويغلق الخط وهو غاضب من افعال ابنه ويجده يدخل من الباب
محمد: انت شرفت
سيف: لا لسه
محمد: انت هتهزر يكون فعلمك الشركه لو نزلت عن المرتبه التانيه فالسوق والله لاخليك تاكل ملح انت فاهم فمن مصلحتك الشركه تفضل فمرتبتها او ترتفع فاهم انا سحبت كل رصيدك لو عايز فلوس شغل الشركه واللى يجى منها خده.
سيف: على فكرة انا مقولتش عايز اشتغل ولا عايزة شركات ولا حاجه
محمد: امال عايزة تقعد جنبى زى البنات
سيف: يوووووووووه بقا انا طالع
ويصعد لغرفته ويترك والده غاضب منه
محمد: شايفه ابنك حاله مش هيتعدل ابدا
والدته: ايه رايك نجوزه بيقولوا الجواز بيعدل المايل
محمد: هو بت هتجوزى لاى حد ده راجل.
والدته: نختار عروسه ونقولها على الاماكن اللى بيروح وتروح على انها صدف يمكن يحبها وانا هقولها على الاستايل اللى بيحبه سيف يعنى تهتم بشعر وجماله تلبس قصير كده.
محمد: وابنك هينفع معاه ده مانتى عارفه ابنك صايع وفاسد بس مبيكرهش قد البنات
والدته: كله بسبب الحيوانه الرخصيه اللى حبها وخانته بس سيبك انت تعال نجرب
محمد: انتى حرة انت وابنك، اتفضل البيه المحترم
تنظر وتجد سيف ينزل وهو يرتدى قميص اسود وبنطلون جينز ويخرج
والدته: رايح سهرة كل يوم شوفت لما يتجوز هيكون معاه حد يسلى ويبعده عن السهرات دى.
محمد: انتى حرة انا طالع انام
والدته: تصبح على خير، طب والله فكرة لازم اشوفله عروسه.
تستقيظ نور على صوت دقات باب الشقه تذهب وتفتح وتجد ملك تدخل المطبخ تشرب وخلفها ملك.
ملك: كل ده نوم يلا عشان الشغل
نور: انتى هبله يابت شغل ايه انا اترفد يابت اغنيهالك
ملك: مانتى لو صاحيه كده معايا هتعرفى ان النهاردة الجمعه اجازة انا قصدى ندورلك على شغل.
نور: لا انا قررت اقعد فالبيت
ملك: وانا اصرف عليكى ولا ايه ده انتى راجل البيت ده
تضرب نور على راسها
نور: انا راجل ياكلبه
ملك: سورى سورى ده انتى ارق بنت خلقها ربنا
نور: ايوة كده
ملك: اجرى غيرى هدومك واجهزى وانا هحضر فطار لتيتا كده كده انت مبتفطريش
نور: اشطه
تخرج نور من المطبخ تاخذ دوش وتغير ملابسها وترتدى بنطلون جينز وقميص بكم طويل وتلف حجابها وتخرج تجد ملك تفطر جدتها.
نور: عايزة حاجه ياتيتا
الجده: لا ياحبيبتى عايزة سلامتك
نور: خلى بالك من نفسك
الجده: حاضر
تخرج هي وملك وينزلوا يقابلوا شاب على باب العمارة يرتدى جلابيه بيضاء وبشرته الفاتحه وعيونه الخضراء طويل.
ملك: انت جيت اطلع لماما بقا
اسر: اتنيلى اسكتى ازيك يانور
نور برقه: تمام الحمد لله
اسر: انا دعيتلك تلاقى شغل وانا بصلى الجمعه
نور: ميرسى ربنا يخليك
ملك: سيبك من نور وكلمنى انا هنا اطلع لماما هتبعتك تجيب حاجات واطبخلنا النهاردة عشاء حلو كده ياعم الشيف انت.
اسر: بس كده من عينيا تحبى تاكلى ايه يانور
نور: اى حاجه مش هتفرق
اسر: طب هعملكم...
ملك: انت لسه هتحكى اطلع بقا وخلينا نمشى مستعجلين
اسر: طب خلى بالكم من نفسكم
ملك: حاضر
اسر: سلام يانور
نور: سلام
يصعد اسر لشقته
نور: اخوكى راغي اووووى
ملك: طالع لاخته
نور: هو اللى طالع هو الكبير ياماما
ملك: اه صح انا اللى طالعه
نور: لا اصحى كده معايا
ملك: بس خدتى بالك الواد اخويا بيثبل حلو
نور: هههههههه.
ملك: ما ترضى عنه يابت الواد معجب من يوم ما رجع من السفر
نور: وانا قولتله يعجب
ملك: يخربيت دبشك امشى.
اسر اخو ملك الكبير عنده 27 سنه كان مسافر الامارات ورجع من 3 سنين معجب بنور جدا وخايف يحبها ويتعلق بيها وهي بتعبره اخ بس بيشتغل شيف ففندق كبير.
تلف ملك ونور ساعات يبحثوا على عمل لها ولم يجده
ملك: انا تعبت تعالى ندخل نشرب حاجه بقا
نور: تعالى
تفتح نور باب الكافى وخلفها ملك وتصدم...