رواية رحلة حب للكاتبة نورا عبدالعزيز الفصل الثالث
تفتح نور الباب وتصدم بسيف امامها وهو يحمل كوب عصير ونسكب على ملابسها
تنظر له بغضب
نور بغضب: مش تفتح يااعمى انت
سيف: انتى تانى انتى بتراقبنى ولا ايه
نور: من جمالك ولا من غباءك هراقبك
ملك: خلاص يانور حصل خير
سيف: بصى يابتاعة انتى قالت اسمك ايه اه نور انتى اللى غلطانه مش انا
نور: انا اللى غلطانه ليه هو اللى بيفتح الباب هو اللى غلطان اليومين دول
سيف: لو عندك مشكله فنظرك روحى عالجيها او البسى نظارة.
نور: والله لا المشلكه مش فنظرى المشكله فعمى الناس
وتمد يديها بدون انذار تخلع نظارته لتظهر عيونه العسليه وغضب وتكسر النظارة نصفين.
نور بكبرياء: طالما مبتشوفش بيها متلبسهاش
وتمد يديها وتدفعه بخفه لتدخل وخلفها ملك وهو يقف يشتعل غضب وعصبيه منها
معتز: اوبا ايه اللى حصل هنا الناس دى بتتفرج على ايه
لم يجيب عليه ويخرج من الكافى يركب سيارته ويقود بغضب منها.
تقف فالحمام تنظف قميصها
ملك: محصلش حاجه يانور لده كله
نور: اسكتى انتى مش عارفه حاجه وهو يستاهل
ملك: شكله ابن ناس
نور بهمس: ده شكله ابن ناس اوووى امال لو شوفتى عربيته تقولى ابن وزير
تسمعها ملك: يالهههوى ابن وزير
نور: اه الحمد لله انه ميعرفش عنى حاجه كان فصلنى من الدنيا كلها
ملك: مانتى زودتيها شويه
نور: يستاهل يعنى ينفع كده
ملك: لا مينفعش
نور: خلاص اسكتى بقا.
نور لنفسها: ربنا يستر، لالا انا هخاف ليه هو اللى غلطان مش انا، ايوة كده اجمدى يانور.
يصل على الفيلا وهو غاضب تراه سناء وهو يصعد لغرفته بغضب وتركض للمكتب وتخبر والده.
والده: وده جاى نافش ريشه علينا ليه
سناء: معرفش ده رزع باب الاوضه الصوت وصلي فالمطبخ
والده: تلاقى اتخانق مع حد سيبك منه
سناء: لا بس المرة دى مختلفه ده كاتم غضبه على طول بيجى يزعق فيا ويشتمنى ويهزقنى بس المرة دى كاتم خالص.
والده: تفتكرى الخناقه مع بت
سناء: ممكن
والده: طب روحى انتى تابعى وقوليلى
سناء: حاضر
وتخرج سناء من المكتب يخرج خلفها محمد ويخرج للجنينه حيث تجلس زوجته
والدة: انت جيت يامحمد
محمد: هو انتى شوفتى موضوع العروسه ده
والدته: لا لسه بدور
محمد: طيب
والدته: في حاجه
محمد: لا
محمد لنفسه: يعنى الخناقه مش مع البت العروسه امال مع مين.
يجلس فغرفته غاضب ويتذكر شجارهم
سيف بغضب: انا بت مفعوسه زى دى تعمل فيا كده
نفسه: لا ياسيف باشا انت مش زعلان عشان اللى حصل انت زعلان ان اللى عمل كده بت
سيف: لا طبعا ازاى واحده زى دى تهينى كده
نفسه: لا بردو انت زعلان عشان فيها من ملامح الخاينه التانيه اللى سابتك
سيف: لا انا مبفكرش فيها
نفسه: ههه هتكدب على مين انت لحد دلوقتى محتفظ بصورتها فمحفظتك
سيف: يمكن عشان جرحتنى.
نفسه: بردو لا عشان لسه متعلق بيها رغم انها خانتك
سيف: يااااااووووووووة بقا
ويكسر زجاج على الارض بغضب ويجلس يتذكر
#فلاش باك
سيف: حبيبى بيعمل ايه
نغم: ها سيف انت جيت
سيف: لا لسه ههه بتعملى ايه
نغم: مفيش بلعب فالموبايل على ماحضرتك تجى
سيف: متاخرتش كتير
نغم: عارفه بس اتاخرت
سيف: كل تاخيرة وفي خير
نغم: فين الخير ده
سيف: غمضى عيناك كده
تغمض نغم عيناه ليخرج سلسله من رقبتها ويعلقها فعنقها تفتح عيونها وتمسك السلسله.
نغم: الله حلو اوووى ياسيف انا بحبك
وتعانقه بقوة
سيف: وانا بحبك
تبتعد عنها
نغم: انا هروح اجيب عصير
سيف: ماشى
نغم: اشطه
وتتركه جالس وتذهب وتنسى هاتفها يجلس سيف ينظر للقمر ويقطع تأمله صوت الهاتف معلن عن رساله يفتحها بنيه صافيه ويصدم من الرساله
(القميص ده كان حلو عليكى البسى بكرة اعملى حسابك بقا ياقلبى ).
لتتغير ملامحه بغضب ويقلب فرسايل نفس الرقم ويصدم من الرسايل (حبيبى ابعتلى كارت شحن. حبيبى بكرة عيد ميلادى هاتلى هديه ) واخرهم رساله بعنوان شقه فالمعادى يغلق الهاتف بغضب بعد ان حفظ العنوان وقرر ان يذهب لشقه
تعود نغم ومعاها العصير يمتلك اعصابه معاها
نغم: اشرب
سيف: لا معلش الضغط واطى لو شربت هتعب يلا نروح
نغم: احنا لحقنا ياسيفو
سيف: اه يلا
نغم: طيب فين مصروفى
تنظر لها سيف ويخرج 2000 ج من محفظته ويعطيهم لها.
نغم بسعادة: حبيبى ياسيفو
وتضع قبله على خديه وتمشى امامه ليمسح قبلتها بقرف...
تتدخل والدته عليه ليفيق من شروده
والدته: سيف مالك
سيف: مفيش تعبان وعايز انام
والدته: متاكد
سيف: اه
والدته: طيب نام ياحبيبى
وتتركه وتخرج.
تجلس نور وملك واسر فالصالون يبحثوا فالجرايد عن وظيفه ليها
ملك: ربه منزل
نور: بت متعصبنيش
اسر: انتى هبله ياملك
ملك: لا عبيطه
اسر: في شركه اهى طالبه محاسبين
نور: ورينى، لا دى بعيده اووى عن هنا
ملك: اهى اهى شركه عايزة سكرتيرة
نور: خلاص اعملى عليها دايرة تعالى نتصل بيها
تتصل نور بالرقم تجيب عليها فتاة
نور: كنت عايزة استفسار عن الوظيفه اللى فالاعلان
الفتاة: اسفه الوظيفه اتملت
نور: اه شكرا واسفه على الازعاج.
الفتاة: لا عادى
وتغلق الخط
نور: عجبك يافقر
ملك: وانا مالى
اسر: بصى دى طالبه سكرتيرة ومحاسبين
نور: ماشى هتصل بيهم بكرة عشان تعبت اتصالات كده
اسر: هاتى اتصلك انا
نور: اتصل
يخرج اسر فالخارج وهي خلفه
اسر: اه السن
نور بهمس: 25
اسر: 25 سنه المؤهلات
نور: خريجه كليه تجارة ومعايا انجليزى وايطالى وكمبيوتر
اسر: خريجه كليه تجارة ومعاها انجليزى وايطالى وكمبيوتر، تمام شكرا
ويغلق الخط
نور: ها
اسر: المقابله بتاعك الاسبوع الجاى.
نور بسعادة: اوك
ينظر اسر لها نظرات اعجاب وتخجل منه
نور: انا هدخل لملك
وتتركه وتدخل.
يمر الاسبوع باحر من الجمر عليها وتستقيظ لليوم الموعود تستحتم وترتدى بنطلون جينز وقميص بكم وعليه بلزر وتلف حجابها وتضع طرفيه على كتفها بعد ان رسمت عيناها بالكحل وتنزل.
تدخل لسوبر ماركت تشترى اغراض لها وتدفع الحساب وهي خارجه تصدم به وهو داخل يلعب بهاتفه.
نور: انت تانى
سيف: انتى
نور: هو انت عندك مرض يمنعك انك تبص قدام وانت ماشى
يرفع يديه امام وجهه: انتى...
نور: عن اذنك كده عشان معنديش وقت اتجدل مع امثالك
وتتركه وتذهب وهو كعادته يغضب ويلعن كبريائها المنتصر عليه.
تصل امام الشركه وتبهر من جمالها وتدخل تسأل فالاستعلامات عن مكان المقابل
المؤظف: الدور التانى اخر مكتب على ايدك الشمال
نور: شكرا
تصعد على السلالم لان لديها فوبيا من المصاعد وتصل امام المكتب
نور: لو سمحتى كنت جايه اقدم فالوظيفه اللى فالاعلان
السكرتيرة: خدتى معاد
نور: اه المفروض الساعه 9
السكرتيرة: ده ايه المواعيد المظبوطه دى بدايه خير ليكى اتفضلى
نور: يارب.
وتدخل خلفها وتجد رجل كبير ليس كبير اووى في حدود الستينات يجلس على مكتب تخرج السكرتيرة يشير لها بان تجلس وتجلس امامه...