رواية رحلة حب للكاتبة نورا عبدالعزيز الفصل الثامن
السكرتيرة: استاذ سيف جوا
نور بدهشه وهي تنظر فساعتها: دلوقتى ده ليه كده
السكرتيرة: معرفش
نور: طيب خلى الشنطه دى هنا
وتدخل وتصدم عندما تجده نائم على الاريكه
نور: ده اللى جه بدرى جاي ينام هنا
تمسك كوب مياة وتبلل يديها وترشى عليه ليفيق مفزوع
سيف بفزع: مين مين
نور: انت جاى تنام هنا
سيف: هو انتى يابومه
نور: متحترم نفسك مرة بتصحى يومك بالمشاكل
سيف: اه
نور: طيب كمل نومك.
وتضع كوب المياة بغضب على الترابيزة وتمشى تجاه الباب
سيف: خدى هنا يا، اسمك ايه عفاف
نور: لا عفيف
سيف: انتى راجل انا كنت شاكك من الاول
نور: يوووووه عايز ايه
سيف: تعالى اقعدى هنا قوليلى مواعيد النهاردة
تقترب منه بغضب وهي تتذكر مكالمه امبارح
نور: مواعيد ايه
سيف: هو مش انتى مديرة اعمالى بردو
نور: بيقولوا
سيف: عندى ايه النهاردة
نور...
يرن هاتفها
نور: لحظه. الو
ملك: الناس الواطيه اللى مبقتش اشوفها.
نور: وجايه تشوفنى يارخمه وانا فالشغل
ملك: اه مانت طول اليوم فالشغل
نور: خلاص ياظريفه تعالى اتعشى معايا بليل
ملك: اشطه
نور: يلا سلام
ملك: سلاموز
سيف: انتى ازاى تردى كده
نور: على فكرة قولت لحظه
سيف: وانا مقولتلكيش ردى
نور بغضب: اسفه لحضرتك
سيف: تقبلت
نور: عندك النهاردة معاد واحد مع مستشار الشركه تشوف موضوع القضيه و معاد برا الشركه فالشركه المشتركه فالمشروع واللى رافعه القضيه وده الساعه 3
سيف: وايه تانى.
نور: بس انت روح دول الاول
سيف: طيب ياختى
نور: اتفضل امضى الورق ده
وتعطيه الاوراق والقلم يمضى الاوراق ويدخل عليهم محمد ويندهش بابنه
محمد: الله ينور
نور: اهلا يافندم
وتقف من جانب سيف
محمد: ازيك يانور
نور: تمام يافندم
سيف: امال مبتحترمنيش كده ليه مانا مديرك
نور: اكتم خالص انت واشتغل
محمد: متنسوش الوفد الالمانى جاى بعد يومين ولازم بكرة تكونوا فالغردقه
نور: مش ناسيه والله بس حضرته ناسى.
سيف: بابا سيبك منها تعال عايزك
ويخبره شئ فاذنه
محمد بصوت عالى: خمر عايز خمر
لتنظر له نور
محمد: سامعه يانور
نور: سامعه
سيف: وهي مالها
نور: مفيش زفت من ده طول مانت بتشتغل
سيف: ليه متخافيش على نفسك
نور: انا اخاف منك انت
محمد: بطلوا خناق وكملوا الشغل يخرج ويتركهم معا يكمل شغلهم.
تصل ملك على البنك وتجد المدير فمكتبها
ملك لنفسها: خير على الصبح
المدير: انتى شرفتى
ملك: اه هو حضرتك عايزنى
المدير: اه فين المحروسه صاحبك
ملك: صاحبتى مين
المدير: انتى ليكى كام صاحبه
ملك: هي نور بس حضرتك طردتها فغريب انك تسال
المدير: لا قوليلى ترجع الشغل انا سامحتها
ملك لنفسها: هي مستنياك تسامحها
المدير: مبترديش ليه
ملك: اصل نور اشتغلت فمكان تانى
المدير: هي لحقت
ملك: اه
المدير: طيب
ويتركها ويخرج.
تدخل نور المكتب عليه وتجده يلعب بالورق ويشكله على شكل مراكب
نور بعصبيه: بتعمل ايه
سيف: زهقت من الملل ده
نور: مانت لو بتتعب فالشغل ده مش هتعمل كده
سيف: طب اعمل ايه
نور: اتفضل اجهز عشان تروح معادك
سيف: لوحدى
نور: امال اجبلك فرقة حصب الله
سيف: مش انتى مديرة اعمالى اتفضلى قدامى
نور: اتفضل
وتذهب معه لشركه وتصدم من حديثه معاهم فقد قلب القضيه عليهم بدل من منهم وتظل صامته.
سيف: انا مبديش اكتر من اسبوع تسحبه القضيه دى وتدفعه تعويض بدل مااحضر القضيه وادفعكم اضعاف مضعفه، يلا يانور ومن غير سلام
يخرج وهي بجانبه وتركب معاه السيارة
نور: امال عاملنا فاشل ليه مانت شاطر اهو
سيف: بمزاجى ياماما
نور: طيب اتفضل ودينى الشركه عندى شغل اخلصه قبل سفر بكرة
سيف: لا تعالى نشرب قهوة فاى حته سيبك من الشغل
نور: ايه لا طبعا هو انا قولتلك عايزة قهوة ولا شاى.
سيف: انا قولت وانتى مديرة اعمالى وتسمعى الكلام
نور: هو كل حاجه مديرة اعمالك
سيف: اه
يصلوا للكافى ويجلسوا على الترابيزة
سيف: تشربى ايه ولا نتغدا الاول
نور: اى حاجه
سيف: انا غلطان انى سالتلك انتى تعملى اللى اقول عليه وبس، لو سمحت
الجرسون: تحت امرك
سيف: عايز 2 بيتزا واحده بالفراخ بتطفحيها بايه
ينظر الجرسون له وهو يحدثها باستغراب
نور: بالسم
سيف: هاتلها واحده بالسم وكتره بقا
الجرسون: هو ايه السم.
سيف: اه قصدى بالفراخ
الجرسون: حاجه تانى اتنين بيبسى
نور: انا مبشربش البيبسى
سيف: هاتلها عشرة بيبسى، روح
يذهب الجرسون ويتعجب منهم ويحضر لهم الطلبات وياكلوا وهم يتحدثوا
سيف: كلى بالراحه ياماما
نور: اكل براحتى
سيف: يابت الاكل مش هيجرى
وقبل ان تجادله يقطعها صوت لتتغير تعبيرات وجهها بالكامل بصدمة...