رواية رحلة حب للكاتبة نورا عبدالعزيز الفصل التاسع
تنظر وتجد شاب متوسط الطول يرتدى تيشرت وبنطلون جينز وشعره قصير ويرتدى سلسله برقبته
ينظر سيف له باستغراب تكمل نور اكلها بدون مبالاة له
الشاب: ازيك يانور
تترك البيتزا من يديها
نور: افندم
الشاب: ايه اللهجه دى ده انا حمدى حبيبك بردو
نور: ح ايه لا يابابا انا معنديش حبيب ولا عدو
حمدى: ليه كده يانونو
سيف بغضب: في حاجه ياكابتن هو انت مش شايفها قاعدة مع راجل ولا ايه.
حمدى: مين ده الجو الجديد ولا ايه بس كويس بصيت لفوق شويه
نور بغضب: انت عبيط يالا ولا ايه وبعدان انت مالك
حمدى: يانور ده انا اللى فقلب
نور: قلب مين امشى من هنا
سيف: اظن كده تخلى عندك دم وتمشى
حمدى: ماشى همشى يانور بس هنتقابل تانى
نور: في ستين داهيه
يرحل حمدى بعد ان عكر مزاجها ويومها
سيف: ينفع اسال مين المتخلف ده
نور: وانت مالك انت التانى ياريت تلتزم حدودك
سيف بغضب: كده يعنى والله انا غلطان
نور: اه غلطان.
تقف وتتركه وتدخل الحمام تغسل يديها وتنظر للمرايه وتتجمع الدموع فعيونها
وتلعن حظها السئ الذي جمعها بيه مرة اخرى
تغسل وجهها وتخرج له تجلس ترتشف العصير وهو يرى دموعها المكتومه فعيونها ويلتزم الصمت.
سيف: انا خارج اغير جو تحبى تجى معايا لوحدى على فكرة
نور: شكرا
سيف: براحتك
نور: عن اذنك
وتتركه وتستقل سيارة تاكسى وتعود لبيتها.
يصل سيف على المنزل ويجد امه تتحدث مع والده بسعادة يقترب ليصعد السلم
والدته: سيف
سيف: نعم
محمد: تعال هنا احنا عايزينك
سيف: خير
والدته: انا جيبلك عروسه...
وقبل ان تكمل حديثها ينفجر غضبه
سيف: عروسه ليه حد قالك انى عايز اتجوز وبعدان يوم ماافكر اتجةز مش هقولك نقى ليا عروسه هختار واقولك انا عايز دى
والدته ياسيف انا عايزة افرح بيك
سيف: هو انا بت
محمد: هي الناس بتفرحش بولادهم غير البنات.
سيف: يااااوووووووه بقا عن اذنكم انا عايز انام عندى سفر بكرة
ويترك وهو غاضب ويصعد لغرفته يجلس على سريره يتذكر
فلاش باك
قرر ان لازم يتاكد من الرساله اللى على تلفونها وفضل يراقبها طول اليوم من بعيد لحد ماوصلت لكافى ونزلت من عربيتها ودخلت
لبس طاقيه ونظارة شمس وبالطو ونزل دخل وراها ليصدم بالحقيقه التي كسرت قلبه عندما راى تجلس مع شاب وتتحدث عنه.
الشاب: امتى هنخلص من موضوع سى سيف ده
نغم: استن شويه هانت فاضل كمان اسبوعين كده اكون جبت منه فلوس اللى فاضله للجواز.
ليصدم سيف فهى لم تحبه بل تمثل عليه ذلك لتاخذ اموال فقط
الشاب: لما اشوف بس اوعى تحبيه
نغم: احبه ايه هو عبط وخلاص ده لو عرف بس انى فقيرة مش غنيه زى ماهو فاكر هيموتنى.
الشاب: طيب ياحبيبتى متتاخريش على صاحب العربيه عايز الايجار
نغم: حاضر ياقلبى
ليخرج من الكافى بغضب وهو يفكر ماذا يفعل بها وبعد ان علم بالحقيقه فهى بتفكر بالاموال فقط اما هو يفكر بقلبه المكسور بسبب حبه لها.
سيف بوجع: ليه فكرتى فالغنى والفقر مفكرتش ليه فحبى ليكى.
يقطع شروده رنين هاتفه ويرى انه معتز لم يجيب عليه ويدخل الحمام ياخذ دوش ويغير ملابسه...
تصل للبيت وتجد اسر وملك ووالدتهم يجلسوا فشقتها مع جدتها
نور: سلام عليكم
الجميع: وعليكم السلام
ملك: انتى شرفتى ياهانم
والدتها: براحه عليها يابت دى جايه من الشغل
نور: لا عادى ياطنط. ازى حضرتك
والدتهم: بخير الحمد لله
اسر: ازيك يانور
نور: تمام
وتقترب تقبل يد جدتها وتجلس بجانبها
نور: احضر العشاء
ملك: هحضره انا وماما
نور: ده ليه الكرام ده
جدتها: قومى يانور اقفى مع اسر فالبلكونه عايزك فموضوع
نور بهمس: خير.
جدتها: انتى مش قولتلى اعملى اللى تشوفيه
نور بصدمه: بالسرعه دى
اسر: تعالى يانور
تقف نور وتدخل معه
اسر: احم اخيرا ربنا رضا عنى ووافقتى
نور: هي تيتا قالت ايه
اسر: قالت ان الخطوبه الخميس الجاى
نور: بسرعه كده
اسر: ده خطوبه مش جواز
نور: اه بس في حاجه كده
اسر: ايه
نور: انت عارف انى هتخطبلك خطوبه عاديه مش حب يعنى ولا حاجه
اسر بحزن: اه عارف
نور: يعنى متطلبش منى اقولك بحبك دى خالص
اسر: اه تمام.
نور: تمام وشغلى انا مش هسيبه
اسر: ماشى
نور: ماشى موافقه مبدئية
اسر: ماشى ممكن ننزل بكرة نجيب الدبل
نور: لا انا مسافرة الصبح الغردقه وهقعد 3ايام
اسر بصدمه: مسافرة ازاى لوحدك
نور: من اولها اه مسافرة مع الشركه
اسر: ازاى
تدخل ملك وتخبره ان العشاء جاهز يخرجوا يتعشوا وتتركهم نور وتدخل غرفتها لتنا وتجهز شنطتها وبعد ان تنتهى تخرج لجدتها.
نور: تيتا
جدتها: تعالى
نور: انا مسافرة بكرة بالله عليكى تخلى بالك من نفسك كويس وتاخدى العلاج كويس وهخلى ملك تتابع معاكى.
الجده: متقلقيش عليا ابقى طمنينى بس عليكى كل يوم
نور: حاضر
الجده: روحى نامى بقا عشان تقدرى تصحى
نور: حاضر
تدخل غرفتها لتنام.
يجلس محمد وزوجته يتعشوا سوا ويجدوا سيف ينزل وخلفه سناء تحمل شنطه سفر صغير
محمد: مش هتفطر
سيف: لا
محمد: طب خلى بالك ان الصفقه دى لازم تنجح
سيف: قول ان شاء الله
ويتركه ويخرج وهو غاضب منهم وهم يعلم ذلك بسبب موضوع الجواز.
تجلس جدتها تتحدث معه
تستقيظ نور وتخرج وهي تفرك عيونها من النوم وشعرها الاسود ناعم مفرود على ظهرها وترتدى بيجامه بنص كم وتنادى على جدتها.
نور بصوت نايم: تيتا
وتصدم عندما تجده امامها يجلس مع جدتها، تااابع...