رواية رحلة حب للكاتبة نورا عبدالعزيز الفصل الأربعون
تصدم عندما تفتح الرساله وتجدها من نفس الرقم المجهول جوزك مبيحبكش وبيخونك
تنظر نور لهاتفها ثم لسيف ثم لهاتفها وهي غير مستوعب ماتقراه تتجمع الدموع فعيونها وتسحب الروب بتاعها وترتديه وتدخل البلكونه وهي تبكى بصمت وتسند ظهرها على السور وتنظر لسيف الغارق في نومه.
نور لنفسها: لا يانور اوعى رساله زى دى متعرفيش من مين تخسرك سيف او ان تشكك فيه اهدى كده، بس مين اللى بيعمل كده وعايز منى ايه، وايه مصلحته انى اعرف حتى لو الكلام ده حقيقى، مين له مصلحه، يارب انا تعبت بقا
يقطع شرودها عندما تسمع اذن الفجر تستغفر ربها وتدخل تتؤضى وتصلى الفجر وتدعى ربها.
نور: يارب انا ماليش غيرك نورلى طريقى يارب وارشدنى لطريق الصح واحميلى سيف يارب انت العالم يارب انا بحبه قد ايه يارب متبعدهوش عنى
تنتهى من صلاتها وتخرج للبلكونه وتنظر لسماء وهي تفكر حتى شروق الشمس.
تستقيظ ملك على صوت هاتفها وتجيب دون ان ترى المتصل
ملك: الو
عمر: صباح الخير ياملوكتى
ملك بسعادة: صباح النور
وتعتدل فجلستها
عمر: واحشتنى
ملك: لحقت اوحشك مانا كنت معاك امبارح
عمر: بتوحشنى وانتى معايا
ملك: ماشى روحت الشغل
عمر: اه
ملك: بدرى كده
عمر: جت حاله طارئه
ملك: ماشى انا هقوم البس اهو عشان الشغل
عمر: ماشى
ملك: يلا سلام
عمر: سلام ياحبى
ويغلق معاها وتقوم تدخل الحمام تاخذ دوشها.
يفتح عيونه على صوت المنبه يحرك يديه بجانبه على السرير ولم يجدها يعتدل فجلسته ويبعثر شعره بيديه ويراها تقف فالبلكونه يبعد الغطاء عنها ويذهب لها يجدها تقف شاردة تتأمل السماء ليحوطها بيديه ويلف يديه حول خصرها لتشعر بيه وتفيق من شرودها
سيف: صباح الخير ياحبيبتى
نور بتعب: صباح النور ياقلبى
سيف: ايه اللى مصحيكى بدرى كده
تلف له وتنظر له تجده عارى الصدر بدون تيشرت تهرب من سؤاله.
نور: تعال ادخل عشان متخدش برد
سيف: عادى يعنى
نور: لا مش عادى يلا
وتسحبه وتدخل ليدخل الحمام ويأخذ دوش ويخرج يحدها تحضر ملابسه
نور: انا هروح لملك النهاردة
سيف: اشمعنا
نور: عادى عايزة اقعد معاها وهي طلبتنى اروحلها
سيف: ماشى خلى عم عبده يوصلك
نور: ماشى البس بقا عشان متتاخرش
تخرج وتتركه يرتدى ملابسه وهي تفكر بان لا تستسلم لصاحب المزحه السخيفه معاها وقررت بان لا تتغير مع زوجها لانها متاكده من حبه واخلاصه لها.
فكافي فالزمالك تجلس حنان مع معتز
حنان: وانت بقا كنت معجب بنور
معتز: لا طبعا مش الاعجاب ده انا بس كان عجبنى...
حنان: جسمها مفهوم مفهوم ماهو لما تقول اسبوع وتكون فالشقه تبقى معجب بجسمها مش حب
معتز: اه من غير كدب البت طلقه يعنى
حنان: والمطلوب
معتز: ولا حاجه تقلبى سيف عليها
حنان: ههههه سيف هههه سيف يابابا المكان اللى بيشوفنى فيه بسيبه ويمشى.
معتز: تصدقى انك واطيه عشان قولتلى عايزة رقم صاحبك بتاع الاعلانات واديتك الرقم وارتبطوا دلوقتى تقوليلى لا
حنان: ياعم انا مش قد سيف ولا امه وبعدان امه لو قالت بم امى هتطلعى عينى
معتز: ماشى
حنان: بس انا عندى اللى يساعدك
معتز: مش عايز منك حاجه
ويتركها ويذهب.
تصل ملك على الكافى المحدد وتجد نور تجلس تذهب لها
ملك: حبيبى
نور بتعب: ازيك
ملك: اووووبا مالك
نور: معرفش تشربى ايه الاول
ملك: عصير
نور: لو سمحت اتنين عصير
ملك: ها في ايه
نور تاخذ نفس عميق: ملك انا بيحصلى حاجه غريبه اوووى
ملك: ايه هي مالك يانور طول عمرك شايله المسئوليه امال مرة الاقيكى كده
نور: في رقم غريب كل شويه يبعتلى رسايل غريبه
ملك: مش فاهمه
تخرج نور هاتفها وتريها الرسايل
ملك: ايه الغباء ده مين ده.
نور: معرفش مين
ملك: اوعى يانور تسمعى الكلام ده وتاثرى مع جوزك او اى حاجه، صح هو يعرف
نور: لا انا قولت من اول رساله وبعد كده لا
ملك: طب اسمعى بقا اللى هقولك عليه ده
نور: قولى.
يصل سيف على الفيلا ويجد امه تشاهد التلفزيون كعادتها
سيف: ازيك ياماما
ويقبل راسها
مريم: الحمد لله ياحبيبى
سيف: امال بابا ونور فين
مريم: ابوك فالمكتب ونور فاوضتكم
سيف: طيب
ويدخل المكتب لوالده
محمد: تعال
سيف: انا عملت اللى انت قولت عليه
محمد: جدع حجز كام كرسى
سيف: 4
محمد: ليه
سيف: يعنى انت عايز تفسح مراتك وانا لا معلش زى زيك
محمد: ههههههه طيب
سيف: التذاكر اهى انا طالع
محمد: ماشى.
يصعد سيف لجناحهم ويجدها تجلس على الاريكه تقرا كتاب لتراه نور وتبتسم
نور: سيف
سيف: حبيبى
ويضع قبله على جبينتها.
سيف: بتعملى ايه
نور: بقرا كتبك
سيف: كتبى ليه حد. قالك ان انا اللى مألفهم
نور: هههههه عملت ايه فشغلك
سيف: الحمد لله انتى عامله ايه
ويمسك كفيها بين يديه
نور: انا بخير طول مانت بخير ومبسوط
سيف: تسلميلى ياقلبى
ويضع قبله على كفيها
نور: واحشتنى
سيف: انتى اكتر
نور: طب يلا عشان تغير هدومك.
وتقف وتمسك يديه وتسحبه لتفتح له باب الغرفه ويجدها مزينه تماما بالورد والبلالين والشموع وموسيقى هاديه
سيف بدهشه: ايه ده
نور: جو رومانسى عشان حبيبى واحشنى
سيف: وانتى والله واحشتيه اوووى
تسحب من جاكيته وتدخل للغرفه وهي يتأملها بنظره وتقف بمنتصف الغرفه وتلف يديها حول عنقه
نور بدلع: رقصنى
سيف: بس كده عينى
ويرقص معاها سلو
سيف: بحبك اووووى لا بعشقك
نور: وانا بموت فيك.
يجذبها لحضنه ليلتصق جسدها بجسده ويطبع قبله على شفتيها بحب وهي تبادله بحب لتعمق بقبلته بقوة ويغوصوا فعالمهم الخاص...
تستقيظ نور على صوته العالى بالغرفه تفتح عيونها وتجده يحضر شنطه هدوم لتفزع
نور بلهفه وقلق: سيف انت بتعمل ايه
سيف: متخافيش كده ياقلبى طالعين اجازة انا وانتى وبابا وماما
نور: براحه خضتنى
وتحتضنه بقوة
سيف: مش وقت رومانسيات ياحجه يلا عشان هنتاخر البسى
نور: ههههه حاضر
وتطبع قبله على خديه.
تنزل مريم للاسفل وتجد محمد يقف وبجانبه شنطه سفر
مريم: ايه ده انت مسافر
محمد: احنا مسافرين
مريم بدهشه: احنا
محمد: اه مش كان نفسك تروحى جزيرة جيجو فكوريا انا هوديكى
مريم بسعادة: بجد ربنا يخليك ليا
وتحتضنه بسعادة وتصعد لغرفتها تغير ملابسها وتنزل
مريم: يلا ياسيف بقا
سيف: اهو ياماما
وينزل وهو يمسك نور فيديه وامامه سناء تحمل شنطتهم يصلوا للمطار ويركبوا الطيارة
سيف: راحه فين
نور: التواليت وجايه
سيف: ماشى.
تذهب نور للحمام وتصدم...