قصص و روايات - قصص رائعة :

رواية رحل همي حين عرفتك للكاتبة زهراء أمجد الفصل العاشر

رواية رحل همي حين عرفتك للكاتبة زهراء أمجد الفصل العاشر

رواية رحل همي حين عرفتك للكاتبة زهراء أمجد الفصل العاشر

ايناس: - ازل حيدر بالهول يسأل عليج
عوفي كلشي وروحيلة...
ازل: - ايناس والله مالي خلك ألتقي بااحد هسة حتى حيدر
إذا يشوفني هيج
يضوج ويضل يحجي والله نفسيتي ماتتحمل واحد يكعد ينصح هسه، مالي خلكه كوليله مشغوله شوفيلج شي حجه دبريها...

ايناس: - ازل عيب هالحجي خوش لا تصيرين زعطوطه
الولد جاي يأخذ من خاطرج كالي والله كلبي اتلوع عليها صار أسبوع ما سامع كلمه عنها...

روحي شوية كوليلة عندي شغل واستاذني...
ازل: - دخلت الهول جان كاعد على التخم
كام وكف بطولة وهو يباوع علي
من فوك ليجوة
من شفتة استهضمت حيل واني أتذكر
كلام بيبي وهي تكول
شلون هالفاهي راح يدبرها وي لسانج
حجيت...
حيدر بيبي عافتني وراحت طلعت الكلمة مني وبجيت...
حيدر: - اااخ يا منظرها زرف كلبي وشعلني شعل واني اشوفها
الوجه مصفر
والعيون حمر وجواهن سواد...
منظرها وجع كلبي.

ازولة حبيبي شدي حيلج واقوي لا انتي أول وحدة ولا آخر وحدة يمتولها عزيز صح هي إلى ربتج وكبرتج بس انتي اتاذينها هيج
وين حبيبتي الماتفارك وجه الضحكة
هذا اختبار رب العالمين الج
ولصبرج لاتتعترضين على الموت وثاني شي هيج تتعذب بالقبر بكل دمعة تنزل منج اقريهلها قرآن ادعيلها هيه جانت دوم تقره قرآن سوي الجانت تسويه هيج ترتاحين يعمري...

ازل: - حيدر راسي يوجعني ماكدر اوكف بعد
حيدر: - تعالي كعدي هنا شوفي شصاير بيج صدك تجذبين ازل
ازل: - دخيلك ياربي مو هسة وكت الخنكة
اخ يا يمه صدري...
حيدر: اسم الله ازل شجاج حبيبة شبيج...
ازل: - حيدر ابتعد مني لاتتقرب صيحلي امي أريد امي، بسرعه ااااخ صدري حيييدر اريييد ماما...

حيدر: - تقربت أريد اسندها وجه صار ازرك وهي تكلي صيح امي
اختنكت واني انخبصت شسوي
ردت الزمها
دفعتني
وهي تخزر أريد اصيح ايناس ودخلت امي علينا
وهي تحجي.
ام حيدر: - خايبة واني اكول أبني شمالة متسودن عليج
ولج شمنطيتة وهيج ملهيتة بيج
اثاريج ليل نهار تتكرصين بي
بعدكم ما عاقدين وانتي وياة مقفلة عليكم البوب
حيدر: يمة الله يخليج بلاية فضائح نصي صوتج ازل اختنكت وخري مني خلي اصيح عمتي عليها.

ام حيدر: - عساها بالموت هالحيالة اختنكت
كلشي ما بيها عيارة وانت المطي مصدك
تأكل حلوة براسك يالاغم، بس شلون بيك ياازل يا مااتزوج من طاح حضك، اي والله عله هل اخياار.

حيدر: لا اله إلا الله شلوون بيج يمه احنه وين وانتي وين البنيه بيااا حااال عفت امي تحجي وركضت على عمتي...

عمة وين عمة لج هبة فدوة لعينج تعالي على ازل اتخربطت
وما تقبل اكومها
لا يالله ماكدر ادخل للمطبخ بي نسوان وهاي الفاهية كوة تتحرك...
اجتي عمة...
امل: - ولك حويدر شبيها ازيلة قبل شوية عفتها بالمطبخ وينها...
حيدر: عمة بالهول وأمي يمها.
دخلنا اني وعمتي
لكيت ازل تبجي وتشهك امي ماكو لازمه صدرها وتبجي
امل: - يمة بنتيني ولج ازيلة شبيج بسم الله هسة عفتج يا يمة
ولك
عمة جيبلي مي صخام البنية راح تموت...

حيدر: - من لبكتي نسيت حتى المي وين حالتها قهرتني...
ماكو دقائق وهي هيج
فجأة هدأت وأني اتخبلت عمة شبيها ازل ليش سكتت عمة...
كومي تأخذها للمستشفى
امل: - لا تنخبص وليدي هي من زمان هيج يصير بيها
ماطول غفت عوفها مابيهة شي نامت...
حيدر: شلون نامت عمة شنو ازل مريضة
امل: اي يمه هي عدها الالتهاب بالمريء وجع يصير بصدرها من ورة
صار لها ايام ما مأكل لها السبب تعبت...
حيدر: - استغفرالله
خلي أروح عمة وطمنيني عليها.

ازل: - حيدر يحجي وياي واني صرت اشوف إبليس كبالي مو حيدر
المرأة ام شعر واكفة بيني وبين حيدر
كلما يتقرب تتقرب وياة هيه الرعب احتل كلبي ماعرف شسوي اخر شي
طردتة لحيدر حتى لا يقتربون مني خالة ام حيدر
اجتي وصلت تصيح أحس جبل على كلبي صار أيدي اليسرى خدرت
بعد طلعت حيدر
أمه
عاطت بية
ولج كح...
سا...
والله اخرب عليج واخذلة جيهان وانتي اني أعرف شلون أخلص منج...
جنت ابجي بحركة
من كلامها
اجتي امي...

غمضت عيوني واني أحس أحد يمسد على شعري
ازليتي لا تبجين
ازليتي لا تبجين
شعور حلو كان غفيت على هل لمسات
خلص هل يوم إلى كله مشاكل وقلق
ومرت الأيام ورجع الدوام
كوابيس وقلقي وخوفي كلها حسبتها بداخلي
ماحجي شي لحد
رغم كل إلى أعاني منه يبقى شعور إلى أحس بي حلو
خصوصا وقت ما انام بغرفتي واكعد اسولف وي نفسي
شخص واحد كان ماجنت اعرف شنو هو أنس ولا جن حقيقة ولا وهم.

جنت مقتنعة بفكرة هذا إلى اعيشة هو عالم افتراضي مالة وجود بس بعقلي
وجنت راضية أعيش بي...
من ابجي بسبب وجع راسي ابدي اسمع صوت
ازل لا تبجين
ويهدا كلشي بية
اعتزلت عن الكل حتى اهلي دائما يتعاركون وياي بسبب ابتعادي عن الكل
مرة جنت بلاية ريوك ولا غدة واصلا رحت للمدرسة ورجعت مصرفي عايفتة بالبيت
للعشاء بابا ضل يصيح علي
اجيت نعم بابا تصيح علي
احمد: - تعالي اكلي بابا هذا وقت إلى تنحط بي السفرة شكو بغرفتج كاعدة.

ازل: - شكرا ما ريد رايحة أقرأ
عفت ومشيت وأسمع بابا يصيح.
احمد: - ازل ما كملت كلامي شنو هالقلة الاحترام هاي
الضاهر دللتج زيادة عن الازم
ازل: - ولا باوعت ولا التفت عليه اصلا دخلت لغرفتي وحياتي
حيدر ساعاتي مو سوى وياة وكتلة على كلام أمه
كالي معليج بيها
مدرستي اداوم بيها وتقريبا راح نعطل
عطلة الأربعين يوم
صرت هادئة وي الكل صديقتي أسيل
حيدر
امي ابوي أخواتي
مالي خلك نفسي
ولا إلى واهس اهتم بنفسي ولا بأي شي.

كالوا بعد أسبوع تعالوا أخذوا بطاقة الامتحانية
نوع ما مطمئنة على الدراسة يعني مضبطة أموري
الامتحانات ورة العيد راح تصير
جنت انام النهار واسهر الليل أقرأ وحدي
ما حب نوم الليل بالنسبة إلى عذاب روحي كله كوابيس وخوف وحدة
ماجنت احجي شي لأحد
حجة الدائمة على اللساني اني سادس لحد يحاجيني
كلما احجي ايكولون وهم ومحد يقتنع
لذلك بطلت احجي شي أكتفي بذاتي
بدأت صحتي تتداعى يومية الألم شكل...
يوم معدتي
يوم راسي.

يوم أيدي اليسرى
يوم رجلي ياذني صح يشوفوني تعبانة اهلي
وشكد حاولوا وياي أروح دكتور او غيرة ماجنت أقبل نهائيا
أحمد: ازل كافي دلال غصب عنج ترحين للدكتور فهمني كافي زعططة
شوفي معدتج شتاكلين تتقين دم
عندج قرحة صخام
ازل: - بابا لا تلح ما أروح خوووووش مارررروح لأي مكان عوووفوني بحالي معليكم مني.

أحمد: - اززززززل شنو هالصوت العالي وين احترامج
ضاع تعبي بيج
والله
طلعي من وجهي مو صوجج صوج إلى خايف عليج
طبج مرض
ازل: - اول مرة بحياتي
بابا يغلط علي والله موبيدي اصيح علي
مجرد أريد ابقى وحدي
كلشي ماريد
صح أحس روحي مريضة وخصوصا ها بفترة
هاي
أكثر من مرة تقيت دم...
أحس روحي تعبانة ملجي ما عرف منو غرفتي هي عالمي الخاص
أحس بنقص بذاتي
أحس أهلي ميحبوني
شكد صعب الضياع والوحدة والظلام
مرت الأيام واني على هالحال.

بابا قرر يسوي عزيمة عل روح بيبي
صار أسبوع من
طلع الأربعين مالتها
بابا أمرنا كلنا ننزع الأسود بنات عمي وأخواتي والجناين...
بس عماتي بقن
كال هاي وصية امي محد يلبس عليها اسود غير بناتها
ولازم تتنفذ
فعلا بعد اربعينها كلنا نزعنا الأسود
الخميس
بابا مسوي
ثواب على روح بيبي...
عزم الكل حتى خوالي حيدر كال راح يجي
رغم كل تعبي حسيت اني ما لازم أبين ضعفي كبال أحد
وخالة ام حيدر بعد كلامها الجرحتني بي صار لازم اشوفها.

ازل مو دلوعة ولا عيارة
اني قوية
واكفت كبال المراية واني اباوع على وجهي شلون
تعبان صاير أصفر ها لفترة كلش اليوم
راح أعتذر من بابا على صوتي العالي
أريد ارجع ازل الشقاوجية مليت من النكد
فتحت شعري
ونزل وي طولي.
صارلي يومين ما مشطتة اطرافة معكودة ومتشابكة بعضها
سمعت صوت
سهى دخلت للبيت هي وبناتها ولدها
ردت ارجع ألفة بدون تمشيط
لكن هي دخلت للغرفتي والابتسامة بوجه
سهى: - هلو سنيوريتا شلونج.

ازل: - كمت بوجه وشبكتها أحس نفسي محتاجة خواتي اليوم
خانتني العبرة وبجبت واني بحضن سهى...

سهى: - ازولتي بدون دموع
أخيتي الحبيبة كومي واغسلي وجهج
عوفي الكتب
وعوفي كلشي اليوم حبيب كلبج يجي
هواي مرت عليج مشاكل وياة
خصوصا بعد وفاة بيبي
بس ازولة مايصير هيج تبقين
كومي اسبحي
وتعالي اليوم البنات كلهن يجن
واية حامل ترى
بس محد يدري بس اني
كالت اليوم اكلهم...
ازل: - أحس نفسي اليوم مرتاحة حيل
خصوصا بعد كلام سهى
وفرحت اية راح تصير أمه
خطية...

سهى اني عليت صوتي علي بابا واحس الندم اكلني أكل بس والله مو بيدي اتعصبت فجأة...

سهى: - روحي سبحي وتلكيني محضرتلج فستان حلو شفتة بالسوك وحلى بعيني الج
ألبسي ورتبي روحج
بابا يفرح من يشوفج زينة وتضحكين وراح يسامحج إذا اعتذرتي...
ازل: - شكرا الج هواي سهاوي ابقي هنا انتظري حتى تمشطيلي...
شعري مكفش لأن ما مشطتة صار يومين
واي وحدة من البنات تجي خلي تبقى غرفتي اريدجن كلجن هنا مشتاقة الجن...
سهى: - هسة غير تولي تسبح انتظرج والله
ومويد ايكول مفتقد هوسة ازل وكطعها لكل لحظة حلوة بحياتي.

ازل: - هههههههه شعلي انتم لقطاتكم دائما بالوقت الغلط
خلي أروح اسبح
عفت سهى غرفتي واني طبيت أسبح
احنا حاطين مراية كلش جبيرة بالحمام على طول الواحد تقريبا
نزعت البدي واني اشوف خصري.

الفصل التالي
جميع الفصول
روايات الكاتب
روايات مشابهة