رواية رحل همي حين عرفتك للكاتبة زهراء أمجد الفصل الحادي عشر
ازل: - نزعت البدي واني اشوف خصري صاير ازرك على بنفسجي...
أثر كلش واضح
استغربت اني ما مضروبة شنو السالفة
بس ما اهتميت كلت اكيد
نضربت بالجرباية
ماريد اتخيل شي سي يكون سبب لهذا الزراك
كملت سبح...
والفستان فعلا طلع حلو عليه كلش
دخلت لغرفتي
ما شاء الله صايرة
كارثة كل البنات بيها وجهال خواتي يكمزون على الغراض...
ضحكت وصحت بنات انتبهلي لا اكوم اكرط أذان جهالجن
كلهن باوعن شكو
شسمه أريد.
اليوم اطلع حلوة ومرتبة أريد أكون مختلفة ممكن تساعدني
بعدني احجي وطفرت اية عليه
ايه: - يمه اسم الله ولج ازيلة مصخنة شبيج
ازل: - لا ولج ليش شبيج
اباوع
على أخواتي صافنات بوجهي شبيجن هيي
شكو تباوعن
تهاني: - ازل شنو هاي ممكن وطلب وكذا منيلج هالخلق الرفيع احجي شتردين...
أزل: - ضحكت على كلامهن مستغربات هدوئي.
اي شبيجن أريد اصالح بابا
بس محتاجة مساعدتجن
أريد وحدة منجن ادخل بابا للغرفة
بدون مايدري بية اني هناك...
سهى: - بالعافية عليج الفستان يخبل عليج
وبابا عوفي علي
اني ادخلة للغرفة
بس حطي شي لوجهج شو وجهج أصفر كلش
وبرزيلنا هالشفايف الحلوة
خلي حويدر يفرح شوية...
ازل: - هسة اية تعدل وجهي شوية اني أريد اجتمع بيكم مثل قبل يلا بين ما اكمل روحي صيحي بابا.
سهى: - ادللي ازولة رايحة ادخل بابا للغرفة بس انتي بساع خلصي...
ازل: - راحت سهى وأية رتبت جهي شوية حمرة
واحمر خدود لأن كلش مصفرة ها لفترة
كحل برز عيوني
لفيت الشال وحطيت عطر
شوية وجاني أيسر ابن سهى
كال ماما تكول
خلي تروح لغرفة جدو
جنت خايفة بابا من يزعل من أحد ما يسامحة بساع
واني صحت بوجه وزعلتة شلون شراح اعتذر
هسة لو بيبي موجودة جان حننت كلبة علي وصار الإعتذار سهل...
دخلت للغرفة.
جان بابا واكف ما عرف شيسوي بالكنتور
من سمع صوت الباب كال...
احمد: - امل حبيبة وين السبحة مالتي صار شكد ادور عليها...
ازل: - بابا ممكن تباوع عليه
التفت عليه وماحجة اصلا
رأسا نزلت دموعي واني اشوف بابا حتى ما اهتملي
صدك انكسر كلبي
راد يطلع
جلبت بي من زندة
شافني ابجي بقى يباوع علي
احمد: - امسحي دموعج بنت احمد ماعاش إلى ينزل دموعج.
ازل: - بابا اني اسفة والله العظيم مو قصدي اتجاوز عليك واعلي صوتي وياك ابد والله العظيم
بس بابا اني
كلش مضغوطة نفسيتي وتعبت...
احمد: - الاعتراف بالذنب فضيلة بس يا بابا
إذا كنتي مضغوطة او تعبانة تجين وتحجيلي
الي مضوجج ومأذيج ما تتنترين وتعلين صوتج
عقاب ما اعقابج اني بس بابا تعبج هيج اياذيني بالله...
أكل ماتاكلين ليش يا بابا تاذين نفسج هيج حرام والله
أريد اشوفج شبيج خليني اخذج للدكتور يا ازل...
ازل: - جنت مدنكة وابجي واني اشوف بابا شلون سامحني بساع وبدون كلشي
واعترف اني غلطت بحقة...
بابا حبيبي والله ماريد دكتور اريدكم انتم وبس
احمد: - ازولتي راح اعوفج براحتج هسة بس راح تكون النا كعدة ثانية خوش...
ازل: - ابتسمت حاضر بابا كلشي ماريد غير رضاتك حبيبي
احمد: - لج ازولة هاي شنو شو رفعي راسج
ازل: - عقدت حواجبي وباوعت على بابا
شنو بابا شكو.
اتقدم علي بابا وطلع جفية من جيبة
ورفع راسي بيدة.
احمد: - بنوتي حلوة ما تحتاج مكياج
وهاي الشفايف ما يحق لحد يباوع عليهن وهن هيج حلوات ماشي...
ازل: شكد خجلت من تصرف بابا عززة والله تورطت ضحكت
عفية بابا والله
حلكي صاير ابيض وحطيت حمرة شوية
احمد: - ههههه ولج من كل عقلج اعوف الناس تتمتع بالنظر هالعيون الحلوة
والشفايف أميرة ابوج انتي
ما حب المكياج يخربلي برائتج...
ازل: - حاضر بابا بعد ما احط اي شي منهم ادلل.
احمد: - فدوة يا بابا الله لا يحرمني من ضحكتج دلوعة ابوج انتي...
هسة دوريلي السبحة يا بعد شيب ابوج
أريدها
ازل: - ادلل تاج راسي ونضر عيني انت...
سبحتك عد سهى هي ضمتها حتى اكدر احجي وياك
احمد: - هههههه مسودانات مو بنات ولجن
حبيبة شوكت تردين تحجين تجين تحاجيني ما تحتاجين حجة يا بعد ابوج
ازل: - حضنت بابا
وانطيتة السبحة
ارتاحيت شوية وفرحت
طلعت على البنات
كلهن بالمطبخ مجتمعين شكد مشتاقة الهم اليوم ما عرف ليش...
دخلت للاستقبال سلمت على الكل خوالي وعمامي
كلهم
ولد عمامي ابتسمت واني اشوف عيونة مستقرة عليه واني أسلم على خوالي
عيون حيدر تمشي وتتحرك وياي لحد ما وصلت يمه
ازل: - هلو حيدر شلونك شخبارك
حيدر: - بهمس هلا برويحتة حيدر
هلا بالعافية شلونج مشتاقلج
ازل: - ابتسمت واني أكلة مو هسة عفته وطلعت
بدينا نحضر للعشاء كلنا مشغولين الوكت صار غروب
واحنا مخبوصين كلش بالتحضيرات.
عيسى ورياض يأخذون من عدنا الاكل يرتبون على السفرة اني وايناس
وهبة
ننقل من المطبخ لباب الإستقبال الاكل
حسن كاعد يقسم
بالدجاج واللحم وي امي على الصياني
أخواتي إلى واكفة على الطباخ تحضر الجاي والي
تغسل على ايد امي المواعين
الي ترتب بالفواكه
مشغولين كلنا
خلصنا
كلنا
كلشي سلمنا الهم بقى بس المي
صاح علي خالي
غزالة ديري بالج لا توكعين...
اني جنت شايلة سيت ابطالة مي من المجمدة طلعتة...
هو حجة هالكلمة
واني وكعت من طولي.
السواد سيطر على عيوني
أحس اكو سجين طعنت صدري من الوجع فقدت
مادري شصار بعدها
حسيت على روحي...
امي وابوي وحسن اخوي وسهى فوك راسي
ازل: - بابا اني وين...
احمد: - الف الحمد لله على سلامتج بنيتي
شجاج يابوية روحتي كلوبنا عليج...
حسن: - كولي بعد اخوج شتحسين احنا بالمستشفى
ازل: - شنو شكو بالمستشفى ماحس بشئ
بس جوعانة أريد أكل
امل: - يخس الجوع بنيتي كولي شمشتهية شتاكلين وهسه نجيبلج بعد كلبي...
ازل: - بابا أريد دجاجة...
احمد: - حسن بوجهك تجيبلها دجاجة وتجي يلا
حسن: -تدلل ازولة الحلوة جنها على دجاج
ازل: - سهى جانت لازمة أيدي
حجيت وياها
سهى أريد انزع
هذا الفستان عفية ضايقني...
سهى: - هسة نرجع للبيت وبدلي خوش
ازل: - اكول سهى حيدر ليش مو وياكم
شعجب ما اجى واني متخربطة...
سهى: - هااا مو مؤيد ما خلى يجي أخذا وياة ايريدة بشغلة...
ازل: - بااستفهام عجيب حيدر شلون اتخربط كدامة ومايجي وياي...
سهى: - معودة عندة شغلة الولد والله...
ازل: - سهى بيش الساعة الدكتور ماكلكم شبية
سهى: - الساعة ب 4 ونص الفجر
ازل: - شنووووو لعد شكد صار لي فاقدة
سهى: - والله من المغرب دختي وجبناج هنا
والدكتور انطاج منوم حتى ترتاحين...
ازل: صدك جذب شو كلشي ما تذكر
رفعت ايدي حطيتها على رأسي
نزلت الردن شوية من ايدي
انتبهت
آثار زرك مال لزم بيدي شنو الفلم منين اجني
اتلمستهن...
بألم
صرت أرفع الردن واني اشوف الآثار تقريبا على كل ايدي...
احمد: - دكتور هي صار إلها فترة لا تأكل ولا تشرب زين ولا منتبه لشي حيل تغيرت
خصوصا بعد وفاة بيبتها...
الدكتور: - حجي الله يخليك البنية جبتوها منهارة أعصابها
اني انصحك تأخذها على دكتور نفسي...
البنية ابدا مو طبيعية حالتها
انت توعى الحجم المشكلة إلى انتم بيها
البنية محاولة تقتل أخوها بسجين وحاليا هي ما تتذكر اي شي من الصار...
إضافة للقوة إلى جانت بيها
انتم اتلاث زلم كوة لزمينها.
احنا مستشفى حكومي ماعدنا غير ننطيها مهدا
او منوم...
ما عرف شكلك حجي البنية جدا ضروري تنعرض لدكتور نفسي...
أحمد: - اكيد دكتور اني راح اخذها لدكتور
أريد اعرف شنو هاي الأسماء إلى تحجي بيهم
وليش هيج حالها
نكدر نطلعها مو...
الدكتور: - اكيد حجي تكدرون بس كونون حذرين بتعاملكم وياها...
احمد: - رحت امشي للطوارئ إلى جانت بيها ازل
صرت اباوع على وردتي وهي تأكل بشراهة
فخذ الدجاج جان كلة بحلكة
وهي تأكل.
استغربت طريقتها بالأكل
خصوصا ازل حيل تهتم بطريقة اكلها واتكيت
بأ أسوء حالتها ما أكلت هيج...
ماحجيتلها شي وبلغت الكل محد يسولف اي شي لازل
لحد
ما أعرضها على دكتور نفسي...
سهى: - خلصنا صب العشاء وجنا كلنا بالمطبخ
عدا ازل
دزيناها تطلع سيتات المي من المجمدة
فجأة
سمعنا عيطة ازل
طفرنا كلنا عليها
انصدمت من منظر أختي نايمه بالكاع والشعر مفلول بدون حجاب
نايمه على ضهرها وايدها ورجليها
صايرات مثل العقرب تماما
منظرها مرعب.
أتقدم بابا عليها وهو يسحبها
بدت تضحك بشكل هستيريا
دفعت أبوي بحيث انضرب بالحايط من قوتها
كامت تعيط وانكلب ضحكها بجي صارت تضرب رأسها بالحايط وهي تصيح لحد يقترب مني
لحد يوصل يمي...
حسن طفر راد يلزمها
جنت اكو سجين قريبة عليها راد تقتل بيها حسن
عيسى ورياض وحسن ومويد كلهم
يلا كدروا يسيطرون عليها
امي تعيط بنتي إلا ما بنتي
خواتي كلهن يبجن
خوالي مستغربين الوضع...
اجتي عيني على حيدر واني اشوفة واكف ومصدوم ما عندة اي رد فعل...
زهير رجل تهاني جاب السيارة
اخذناها كبل
للمستشفى
وهي تعيط اطلعوا من رأسي
تتمتم بكلمات ما فهمتها مسامعي
بالمستشفى كالوا عدها انهيار عصبي
ضربوها مهدات
وماصحت لل4 ونص
طلبت دجاج تأكل
بعدها طلعنا من المستشفى...
ام حيدر: - هااااا يالغم شكتلك مو كتلك اني هالازل ما أرتاح الها ولا يطمن كلبي الها
ولك يمة اني متاكدة هذا سحورتهن انكلبت عليهن...
حيدر: - يمة والله لو تشوفين شصار بيها
يمه كسرت كلبي منظرها...
ام حيدر: - ولك أحمد ربك كشفها كبالك من هسة قبل لا تتزوج...
حيدر: - يمة شدا تحجين ازل ماعوفها لو شيصير صدك تحجين سحريش هذا إلى تسوي ازل
يمة ازل اصلا ما تعرف شنو السحر
عبالها مثل افلام الكارتون باردا كبرا...
ام حيدر: - وحق رب العزة وحق من رفع السماء بدون عمد ياحيدر
إذا فكرت تبقى وي هالمسودنة أكون مطلكة من ابوك وما أرضى عليك ليوم الدنيا...
حيدر: - يمة لا تسوين هيج ارحميني والقرآن ازل
لا مسوية سحر ولا شي هي انهارت وتعبت حالتها النفسية...
ام حيدر: - روح ولا توصل حدي منا لمن تقرر تعوفها وتأخذ جيهان
تربات أيدي واعرف شبيها ما بيها
مو مثل صخيمة...
حيدر: - امي لكت حجة على ازل وماصدكت
بعد
ادري باازل ماعدها هيج شي ابد الله يشهد علي
كل موقف اني اسجلة على ازل من ساعة إلى عرفتها...
وشفتها كبالي وردة مفتحة
صايمه مصلية
قراءة قرآن.
عمرها ما سوت غلط لا وياي ولا وي غيري حبيت
برائتها وروحها، الضحكة المرسومة على وجهة
بس هي هاي امي
من يوم يومها
تتخبل ولا نلتقي بااهل ابوي
تكره كل عماتي
وحتى جدي ماتحبة
امي أتريد اهلها فقط وهي راسمه على جيهان اتريدها الي
صح اني احب ازل بس والله تعبت من رفض امي المستمر الها ازل بعدها بيت اهلها وامي
هيج تحجي عليها.
اليوم من اتخربطت اتمنيت أخذها بين اذراعي
اتمنيت اعرف شوصل أزل هيج
خصوصا بعد نظراتها الي
مرعبة بشكل.
وكلبة عيونها خل الشك يتوغل بكلبي...
حاجيت اية كالت عدها انهيار عصبي وضغط نفسي
والله ما عرف شنو الحل وشراح يصير شلون وتعالج...
ازل: - رجعنا للبيت ما شاء لله اهلي كلها كاعدة
خواتي وحتى الجهال
ايناس وهبة كلهن كاعدت
دخلت واني أضحك عليهن
ها ولجن اليوم سهرانات للصبح بدوني حقيرات
ايناس: - دخلت عمتي وازل وعمي وسهى
ازل جانت تضحك وكامت تحجي عبالها سهرانين بدونها.
ايناس: - رحت شبكتها واني اكلها الف الحمد لله على سلامتج
سنفورة والله خفنا عليج...
ازل: - يااا ولج ولي شكو تحضنين هاي بيها حرمة شريعة...
وخري خفت لهل الوجه الزريكة
شهل المشاعر...
ايناس: - اهوووو ردت حليمة لعادتها القديمة
خايبة ومرض عودك جاي اتحمد سلامتج...
ازل: - ولج الزريكة ما يجوز المس يالخايبة
هسة اني ميتة على سلامتج بعدين هل تشوفيني
سنيوريتا بكل وقت...
احمد: - راح اطردجن اثنينجن.
كافي ولجن شكد تلغن يلا يلا سهى وتهاني ويمامة افرشن افراش خلن
هالروضة مال الجهال
تنام
ومثل ما وصيتكم...
ازل: - بابا اشو اني ما وصيتني علي شي...
احمد: - انتي الأميرة ما تتوصين
حطي راسج ونامي بين اخواتج...
ازل: - لو أدري من زمان متخربطة شهل الدلال
حسن: - تف من حلكج اتخربطي وتعال يا حسن شيل وحدة بقرة مثل ازل...
ازل: - عزة بعين ايناس
اني ثكيلة ولك كل وزني 56
نعمان: - خرب بيج انتي وزنج وطولج كل
نصب واحتيال.
ازل: - عادي عادي اخوي الجبير وتاج راسي
عيسى: - اهووو بدت اللواكة كومن ولن نامن
انوسة حبيبي
شمري الجهال بغرفة ازل وتعالي للغرفة
ازل: - والله عمي حظوظ الزرك
ايناس: - شبكت عيسى واني اكلها
موتي بقهرج أزليه...
ازل: - نمت وكعدت أااااخ يمة راسي والله موتني من الوجع
ايسر ايسر
عود انت ليش ما تجي رب الحلو مو كاعد اصيح عليك
ايسر: - ماريدج خالة ما أجي يمج انتي تخوفين...
ازل عقدت حواجبي باستفهام شنووو.
شبيك يسوري شنو أخوف من شوكت اخوفكم
احنا مو نلعب سوة...
ايسر: - لا خالة اني ماريدج تلعبين ويانة اخاف
تذبحيني مثل خالو حسن...
ازل: - افترت بية الدنيا ايسر خايف مني ليش
شنو اذبح حسن.