قصص و روايات - قصص رائعة :

رواية رحل همي حين عرفتك للكاتبة زهراء أمجد الفصل الثاني عشر

رواية رحل همي حين عرفتك للكاتبة زهراء أمجد الفصل الثاني عشر

رواية رحل همي حين عرفتك للكاتبة زهراء أمجد الفصل الثاني عشر

ايسر: - لا خالة اني ماريدج تلعبين ويانة اخاف
تذبحيني مثل خالو حسن...

ازل: - افترت بية الدنيا ايسر خايف مني ليش
شنو اذبح حسن...
شنو السالفة راسي وجعني
وصوت الضحكة بذني غمضت عيوني
بوجع
ايسر واكف كبالي خايف
كل عمرة خمس سنوات
هواجس اجتي برأسي
اقتل ايسر او اخنكة
جنت اشوف المرأءة بوجه ايسر وصوت تتكرر برأسي
أحاول أبعد ايسر عني
أريد
يشرد
بقى صافن علي واني تصارع وي الوجع
عطت بي
اطلع برررررررة
صرت اسمع صوت
ازززززل انتي الي
ازززل
ازززل اسمي يتكرر بذني صوت مزعج.

جنت اكو فتحة بين الحائط والثلاجة إلى بالغرفة
عرضها اقل النص متر
ما عرف شلون دخلت بيها واني لأزمة راسي
اسمع صوت اثنين يتعاركون بالغرفة
هذا الاسم وين سامعتة
ازل
وين يا ازل سامعة هالاسمين
وجع راسي صار لا يطاق
طلعت من مكاني
صرت اتقرب لهل الخيال
ما حسيت غير على راشدي بوجهي
على الجهة اليسرى بتحديد
بعدها صرت اسمع ضحكات المرأة
أحس نيران تلفح وجهي مكان الضربة.

أريد تقوى ماكدر اتحرك بغرفتي الباب هو الشئ الوحيد الماكدر او صلة
استهضمت وانكسر
خاطري
أول مرة انضرب بكل حياتي
خايفة ومرعوبة
وحيدة
كل الإحساس اجتاحني وصلت لحد المراية
واني اشوف...
خمس اصابع مطبوعة بوجهي اثرهن واضح بشكل مو طبيعي لدرجة خط الأصبع مو احمر لا زراك.

تلمست خدي حرارة حركت ايدي
صرت أضحك بهستريا بغرفتي بين الخوف وبين
الاحساس الغريب
ابجي
وضحك
مادري شريد
لهنا فقدت بعد مادري شصار وياي...
سهى: - اجاني ايسر يبجي
ايسر: - ماما ماما خالة ازل جان خنكتني مو كتلج ما أبقى أروح ويا بابا...
سهى: - استغربت كلام يسوري
ازل
عفناها نايمه بغرفتها
عفت ابني واتوجهت لغرفتة ازل
الباب مقفول
دكيتة مرة ومرتين واتلاثة ماردت
جان اكو زرف
صغير بالحايط
صرت اباوع منه.

أريد اشوف ازل ليش ما تفتحلي الباب
اتصنمت من منظر ازل
جانت
تفتر دائر مداير نفسها
ساعة تضرب روحها
وساعه تحجي بشئ ما فهمتة توكف كبالة المراية تحجي
وترجع تبجي
وانوب تركص
اتخبلت واني اعيط
بابا الحك ازل
كمت اعيط علي اهلي
اجة حسن وعيسى يركضون
احمد: - ولج سهيوة وين ازل شبيها
سهى: - ب بابا بغررفتها بابا الحك ازل
ماكملت حجي
إلا وعيسى كسر باب الغرفة...
دخلنا كلنا وهي بعدها بحالها
ركض عيسى عليها
دفعته
عيونها.

عبارة عن قطعة حمرة عطت واني أكلة بابا خد ازل...
هنا اتيقنت أختي حالها مو طبيعي وشغلها مو يم دكتور
اشوفها تتلوى وي الكل وتدفع بيهم وتعيط...
صرت أقرأ سورة يس بصوت عالي (بسم الله الرحمن الرحيم )
يس والقرآن الحكيم
بعدني حجيت الآيات وهي تخبلت بالعياط
تريد تهجم علي
صرت أقرأ سورة يس وارتل بيها
بحزني وادموعي عليها
وهي تعيط اسكككككككتتتتتتتتي كاااافي
رااااااسي...
صارت تدفع الكل وهي تحاول توصلي.

إلى أن وصلت كلمة مبين ازل
اغمى عليها
بدينا
امي بالكاع تبجي وايدها مجروحة من دفعت ازل انضربت بل شباك
صرت ادور بعيوني على ابوي...
عمري ما انسى منظر ازل ولا منظر ابوي وهو يبجي...
اي ابوي الرجال المؤمن الراضي بقدر الله سبحان بكل الأحوال...
جان يبجي على حال بنتة وحبيبة كلبة
دخل مؤيد شايل ايسر بيدي...
ايناس أخذت ايسر من ايدة وطلعت.

مويد: - عمي ازل حالة مو حال دكتور لا تقنعوني بسالفة انهيار كوموا ناخذها للإمام الكاظم هسة
هناك اكو سادة يشوفون حالها...
احمد: - سهى كومي بوية كومي حضري روحج
ترحين ويانة عيسى استر أختك
ازل فاقدة هسة...
امل: - أحمد ما تطلعون رجلي على رجلك أروح وي بنتي ماكدر اعوفها...
احمد: - امل حبيبة سهى وياي
ومؤيد وعيسى وحسن
وين اخذج
فدوة أبقي هنا انتي تعبانة...
امل: - ابد أحمد.

هاي بنتي شنو ابقى هنا تشوفها بهل حاله وكلبي متكطع عليها وتريد اعوفها هسه انجلط واموت اروح اروح...

مؤيد: - عمي صدك جذب توكلي عمة لبسي عباتج
عمي خلي أمها وياها...
احمد: - طلعنا كبل للإمام الكاظم
بنوتي طول الطريق ما صحت...
طول الطريق واني أدعي ربي ما يختبرني باازل
هاي
عزيزة كلبي
اباوع على
الأثر بوجه
بعد ابوج شسواج هيجي شنو علتج يا بعد اهلي
اني ماخذج لأبو الجوادين
وطالبج منه.
وصلنا للأمام
حسن شايل ازل سهى وأمل يمشن وراي
وآمل تبجي
مؤيد كال عمي خلي ناخذها للكيمين (سادة إلى يصيرون بالكاظمية)
يلا ندخلها للحضرة.

رحنا جان
اكو سيد عمرة بداية الخمسينات الوقار مبين على وجه
كام وكف لحيلة
سلمت علي ودخلنا لمكان مثل المضيف جبير
سأل شعدكم حجيناله على حالة ازل
اتقرب منها
حط ايدة على رأسها وبدة يقرأ قرآن
هو نطق ومانحس إلا ازل دفعت السيد نضرب بالكاع...
صحت وضلت تعيط اني ومؤيد وحسن وسهى
كوة لازمينها وهي تصرخ صوتها يسطر الراس...
السيد: - طلعووووووها منا طلعوووها
لا تاخذونها للحرم الشريف.

البنية ممسوسة تموت على اديكم لو اخذتوها للحضرة...
أحمد: - مولاي وين اوديها وين أخذها اني جايبها لباب الحوائج موسى ابن جعفر...
السيد: - أخذها لنفس الشخص إلى سوة بيها هيج اخذها للمسؤول عن حالها...
أحمد: - طلعت واني احجي على السيد مولاي هو اني لو اعرف السبب بحال بنتي والسواها هيج المن جايبها الك...

طلعت واني اشوف ازل بدين اخوها جثه هامدة
لا تتحرك ولا شي
شكد حركت كلبي واني هيج اشوف وردتي...
مؤيد: - عمي هسة شنو وين نروح وين نوديها اخاف ناخذها للحضرة وصدك تتاذى...
أحمد: - وليدي نطلع بيها لدكتور نفسي اتوكل ابني هم يلا نلحك عوف الزيارة هسة
اني هم اخاف تتاذى...
مؤيد: - دخلنا للدكتور بغداد ماجان اكو ناس هواي علي...
شاف حالت ازل حجيناله كلشي من يوم وفاة بيبتها لليوم.

الدكتور: - المريضة عدها نوع من أنواع انفصام الشخصي
في هذا الحال المريض يوصل حتى لاذية نفسة او قتل نفسة...
يحس هو ما مرغوب من الكل لنقص بذاتة
ايريد يسوي كلشي يستدعى انتباه الكل اله بوعي او بدون وعي...
حالة المريضة متقدمة كتبت لها مجموع علاجات تستمر عليهن وكل أحد تجيبونها إلى جلسة...

سهى: - اني اعرف هالدكتور شيمسلت
أختي لا مريضة نفسيا ولا شي...
أختي وكعوها المايخافون الله
وعساها حوبة ازل ما تتعدى
شنو ذنبها هيج يصير بيها...
رجعنا للبيت وهي فاتحة عيونها وتباوع الفراغ
مويد ما قبل ارجع كال اهلج بحاجتج هسة
اصلا اني عازلة من عيالي...
ودوام مؤيد قريب على اهلي كال كلبي ما ينطيني اشوف ازل هيج بحاجتكم هي ابقي
يمها عيني اهلج والجهال ماعدهم دوام...
يلوموني من احبة هذا مؤيد الحنين.

حبه لأهلي واحترامهم دائما موجود
خصوصا ازل يعزها حيل لأن دائما تتشاقة وياي وتضحك...
دائما تتلكى بضحكتها التارسة وجه
ما يفوت يوم
إذا هي ما تخابر علي و تحجي وياة
اصلا وي كل خواتنا هي هيج
احنا بيناتنا...
دائما مخابرات جماعية مرات نحط زوج وحدة من خواتي ونكعد نحشش علي
لو ننصب عل وحدة بينا
بجيت بحركة واني
اشوفها هيج ضحكة البيت هاي
كمنا اني ونعمان وحسن نام وياها بالغرفة...
اني على يمنتها
ونعمان بيسرتها
وحسن يم رأسها.

انوسة وداها نعمان لأهلها
هي بشهرها وأمي تخاف عليها لهل السبب هو ينام يمنى...
البارحة كلنا نمنا ب1 بليل يلا خلصت نوبة الفزع عد ازل والعياط
هذا حالها يومية صريخ واعياط واذية لروحها
ماكو شي يفيدها لا بقى سيد يعتب
علينا ولا دكتور...
كل دكتور يحجي شكل كل سيد يكول شي حرنا باامرنا بيها
عدت هاليلة للفجر
كعدت اصلي
ازل ماكو كمزت واني ادور عليها
كلبت البيت وهي ماكو.

دخلت للمطبخ واني اشوفها شاعلة الطباخ وهي تردد بهذا الكلام ( العين من النار والشيطان من النار وكلنا يعود لاصله).

فزعت واني اشوف النار تجلب باردانات ثوبها
وهي مو حاسة وتضحك
جريت اختي من النار واني اطفي نار إلى أخذت ملابسها بدية وبشالي ربي رحمني وخلالي
دولكة مي كلبتها علي وهي مستمرة تضحك
عل صوتنا كعدوا أهلي كلهم...
شافها ابوي
وشاف حالها
ملابسها محروكة
الأثر لهسة ما راح من وجهة
تضحك بطريقة مرعبة
ابوي بجة اي اليوم بجة الأب على بنتة
طول عمري اشوف ابوي قوي
مؤمن، صابر،.

اليوم حال ازل بجى اسمع ينادي لا حول ولا قوة لا بالله العلي العظيم...
امي تبجي شسوي
والله احتاريت باامري بين امي وابوي وبين
حال اختي
شالها نعمان للغرفة
وهي مازالت تضحك فجأة بدت تبجي وهي
تحجي محمد...
كل من وراك ليش متت انت
كل من سارة
كل منك زاك، اني ماحبكم اطلللللعووووا من راسيييي...
احمد: - سهى شجاب محمد على لسان ازل منو زاك...
سارة شعليها اختج راح تخبلني وياها بالله العظيم
سهى: - والله يا بابا مادري.

مادري شجابهم على بالها
بابا
البارحة خابرت خالتي ام حيدر على امي وحجيت وياها...
احمد: - شعجب هم من يوم إلى طش خبر مرض ازيله...
وهم لا اجوا ولا وصلوا حتى بالجذب ما اطمنوا عليها
سهى: - بابا والله مادري شكلك بس خالة ام حيدر لعبت لعب بية...
ضلت تحجي
سحورتجن عاميات ابني وهو بعد ما يريد اختجن المخبلة...
خالة هواي كثرت حجي
احمد: - بعصبية شنو سحورة شنو خبلة
بنية مريضة
والله إلا اطيح حظهم.

شنو هي تخابر ماكو زلم هاي هم خوالها
وهيج يحجون لعد وين حويدر الكتل روحة عليها
هسة صارت ازل خبلة
جيبلي التلفون من الغرفة...
سهى: - جبت التلفون البابا
وخابر على حيدر
اسمعة يحجي وعصبي واني...
أحمد: - بنيتي أعقل منكم كلكم
بس هو مو صوجك حيدر
صوجي اني إلى انطيت بنتي لو واحد مو كدها...
بعدنا بالبر الحمد لله
بنتي ترجع تصير زينة وتكضيها حسافة عليها
بس بذات الله تحلم تشوف اضفر ازل
ومن هاللحظة
مالك شي عدنا بعد...

الفصل التالي
جميع الفصول
روايات الكاتب
روايات مشابهة