رواية رحل همي حين عرفتك للكاتبة زهراء أمجد الفصل السابع
حيدر: - شبيج ازل ترجفين ترى بعد ماخاطبين شسالفتج
ترجفين
ازل: - حاولت ابتسم بوجه واروح
مابقيت كاعدة
اجتني ايناس...
ايناس: - ازل شبيج ولج وجهج أصفر شصايرلج يولي...
ازل: - بنفس مكطوع ايناس صدري ماكدر أحس اكو شي بصدري ياذيني كوة اتنفس...
راحت تركض واجتي هي وهبة مرت اخوي سعد
دخلني للغرفة وهي تكلي اسم آلله شجاج ولج
عاطت ايناس وهي...
تشوف وجهي صار ازرك من الخنكة
صاحت بهبة...
ايناس: - ولج هبه اركضي صيحي عمتي راح تموت شوف حالها...
اشوفهم كلهم صاروا يمي امي وهبة وبيبي
بس ماكدر لا احجي ولا أتنفس كلش صعب علي
غمضت عيوني بضعف ماكدر اتحمل الوجع
بيبي جانت تقرأ سورة الفاتحة على المي سبع مرات وتشربني اياه ايزيل كل الوجع
لحظات وراح الألم من صدري وكعدت طبيعي...
امل: - ايناس اليوم اخذي ازل انتي وعيسى ودوها للدكتور...
العصر اني مابية أروح وأخوتي هنا يبقون ماكدر اطلع.
ايناس: - اي والله عمة هاي ثاني مرة هيج توكع خلي نشوف شبيها
خلي احجزلها من هسة احسن...
ازل: - راحت ايناس تحجزلي عند الدكتور
سمعت صوت
امي توجه بخواني شلون يوزعون الاكل على السفرة الساعة ب12ونص
حاليا وكت غدة
كمت اساعدهم
واني مستغربة ماكو اي ألم بجسمي ولا عبالك قبل شوية اختنكت
اتغدوا
وهبة تصب بالجاي وكالت
هبه: - ازل المواعين عوفيهن اني اغسلهن روحي اكلي انتي مريضة
ازل: - ولج والله ما أحس بأي شي ولا أي وجع.
هبة: - ميخالف عوفيهن علي...
شربوا جاي واني جنت كاعدة اشرب ببسي وماحس إلا ايناس
اجتي تعفت من بعيد
ايناس: - ولج ازززل تعالي
ازل: - شوراج احجي بدون مقدمات الله عليج
ايناس: - ولج جدج حاجة عمي أحمد على موضوعكم انتي وحيدر واحرجة لطلبة وما انطة اي حجة يعترض لذلك عمتي تريدج
عودك تقنعج باابن اخوها ما تدري انتي غركانة ورايحة...
من اتحاجيج بالبداية ارفضي
بعدين كليها براحتج ماما وافلتي عود خجلانة...
ازل: - شكد ضحكت على طريقة وصاياها الما تبطلهن عفتها تلغي ورحت لأمي لكيتها بالمطبخ كالت روحي لغرفتي وانتظري...
كعدت أنتظر امي على الجرباية اجتي
كعدت يصفي
امل: - شوفي ازل ماما
جدج وخوالج جايين اليوم يطلبوج من ابوج لحيدر وابوج كالي أخذ رايج
لأن جدج مصمم إذا انتي موافقة اليوم يقرأ فاتحتكم سوى
شوفي اني لا متعاجزة منج ولا اكلج الزواج ستر لا يا بنتي مو بحاجة انتي بس
هاي سنة الحياة وحيدر خوش حيدر بنتي
الزواج استقرار والولد متعهد يخليج تكملين دراسة شتكولين انتي.
ازل: - امي تحجي واني أضحك بداخلي ماما بدون مقدماتج اني موافقة ترى بس اتذكرت كلام ايناس
كتلها براحتج ماما
امل: - لا بنتي مو براحتي هاي حياتج إذا مقتنعة كولي اي وخلص
ازل: - اي ماما موافقة عفتها وطلعت...
صدك بهل اليوم تم قراءة فاتحتي على حيدر
بابا ما قبل عقد كامل كال مجرد فاتحة لحد ما تخلص السادس...
وهي بعد صارت مضمونة آلة
جدو هم وافق وكال لعد العقد والزواج ورة ما تخلص سادس
صاحتني امي جدو ايريدني.
دخلت للاستقبال
وبابا كام علي
وسحبني لحضنة بأس راسي وهو يكول...
أحمد: - فدوة للحبيبة أبوها إلى كبرت وصارت
حمل زواج ومسؤولية
بابا اني أجلت كلشي بموضوع ارتباطج لورة السادس اريدج...
تحققين حلمج بدراسة وتتخرجين وافرح بيج
اني انطيتج بعد ما امج كالت موافقة
وهاي كدامج احجي حيدر طلب
من عندي اخلي يتواصل وياج
حتى تكونون مستعدين لحياتكم الزوجية وتعرفون اطلاع بعض...
بس والله إذا تهاونتي بدراستج وانشغلتي عنها بي.
صدكيني اكتل حيدر
ازل: - ضحكت على كلام بابا وهو يهددني، ومنا كلام عيسى هههههه
عيسى: - اهووو هسة انتي شكو وافقتي عودك راح تتزوجين وتروحين...
نعمان: - والله اني ازل لو بيدي ما ازوجها بس هاي قسمتها بعد حيدر إذا فد يوم شفت ضوجة بوجه ازل اكسر ركبتك بذات الله...
لا تكول ابن خالنا ازولة أميرة عدنا ومدللتنا، ياويلك اذا مسيتها بكلمه لو زعلتها متحس اله امكسريك ههههههه.
حيدر: - هههههه ادري هاي بعدها يمكم وهي تهددون لو اخذتها شتسون ترى والله أخذها أميرة من يمكم اخليها ملكة بيتي، عمي ليكول داخل خرب العالميه الثالثه مو زواج هههههه شمالكم...
خالي: - لا توصون بعد خالكم اخذها حالها حال نور بالبيت الله شاهد
بس أبو عيسى من رخصتك خلي حيدر يحجي وي ازل كم كلمه قبل ما نتوكل...
احمد: - اي تامر ليش لا
بابا ازل اخذي حيدر واكعدوا بالحديقة خاف يريد يكول شي وبعدين هو ابن خالج لا تستحين.
ازل: - بصوت ناصي يالة حيدر تعال نكعد بمرجوحتي...
حيدر: - طلعت وراها واني اباوع لطولها فدوة لطولج أروح وأخيرا راح تصيرين الي.
كعدنا بالحديقة وعلى مرجوحتها
حاجيتها
ازولة حبيبي شكو شاردة لهناك تعالي اقربي...
ازل: - ما شاردة يمك والله بس عفية خلينا هيج احسن
حيدر: - اي وهسة شنو راح تبقى كاعدين هيج وساكتين انطيني ايدج على الأقل
ازل: - باارتباك لا ماريد عفية حيدر خلي نطب شو ما مرتاحة والله.
حيدر: - أستغفر الله ازل شنو ما مرتاحة وين لسانج
لعد
وين حبج اكو وحدة تكول للحبيبها ما مرتاحة يمك
اني متلهف عله شوفتج وحجاياتج تجين تضلين مدنكتلي واذا لزمت ايدج متقبلين وتردين تطبين شبيج...
ازل: - حيدر والله كوة كاعد اتنفس أحس اختنكت من وجودك يمي...
حيدر: - اننننجبي نترت بيها شنو اختنكتي من وجودي شبيج
هسة شكو ترجفين شمسويلج
نظرتلي نظرة بطارف عينها أحس كلبي وكف من نظرتها
وغرابتها
عافتني وراحت
عجييييب أول تالي هيج تعاملني ازل...
ازل: - كعدنا اني وحيدر على المرجوحة جان يريد يلزم ايدة أحس نفسي راح اطك كلش كرهت تصرررفة...
وأحس اختنكت بحيث ما اتحمل وجودنا سوى وحدنا
عفت وطلعت أروح أكد على ايناس على الروحة
شكل الخنكة مراح تعوفني
مجرد ابتعدت عن حيدر راحت خنكة صدري والوجع
والله راح اتخبل شنو الفلم...
الوجع يجي فجأة ويروح فجأة
كووومي ايناس
يلا دا نتحضر نولي للدكتور صدري موتني والله...
ايناس: - وجه المصخمة هسة نام عباس انلطمي اتحضري هسة أجي اني...
بس أوصي بيبي على عبوسي راح اعوفة نايم.
ازل: - أولي ابدل وانتي خلصي يلا خوالي راحوا
امشي ننكلع ترى الخنكة موتتني
عفتها تدردم ورحت بدلت ملابسي مال طلعة
واجتي ايناس كالت يلا
طلعنا اني وياها كان اكو دكتور ما تذكر اسم زين بس هو مقابيل الحذاء الذهبي
رحنالة
واحنا دائما نراجع عدنة
جان اكو ازدحام علي بس احنا حاجزين ورقمنا اتلاثة
يعني كدامنا بس اثنين
جانت وحدة مرأة عجوز كلش تعبانة والكبر مبين عليها...
والأول ولد شاب يكح وكوة يجر النفس.
دخل الولد واني ووالحجية كاعدين ننتظر
دورنا ماكو دقائق
وطلع الشاب
الحجي أصرت انو ندخل اني وياها سوة
ايناس بقت برة انتظرني
الدكتور كام على الحجية وكعدها على السدية
وهو يحجي وياها ويسالها عن إلى يوجعها
كال الحجية عدها الالتهاب يصدرها قوي شلون ما تنتبهون عليها...
كان يعتقد اني مرافقة الحجية
ابتسمت الحجية وهي اتكول البنية هم مريضة...
ترى مو مرافقتي
التفت علي الدكتور واتوسعت عيونة وكال.
حجية كولي غيرها هاي الوردة مريضة
الحجية: - يا دكتور صدك جذب غير مريضة هي حتى عدها ورقة
الدكتور: - ها اي اي مريضة هسة افحصها
كامت الحجية واني صرت بدالها
الدكتور: - شنو إلى يوجعج احجيلي
ازل: - دكتور والله صدري كاعد اختنك اكوم كوة أجر النفس بس ما عندي لا كحة ولا صخونة مجرد الألم بصدري.
دكتور: - من شوكت عندج الحالة
ازل: - والله صار فترة فجأة يوجعني صدري بحيث اختنك كلش اطلب النفس وما حصلة
ما طول كلها دقائق وتروح الخنكة من صدري
حط السماعة الطبية على صدري وهو ايكولي اتنفسي
اتنفست
رجع حطها على ضهري وهو ايكول جري نفس طويل
سويت مثل ما كالي
الدكتور: - تنفسج كلش طبيعي بس أريد تسويلي أشعة لصدرج وكذلك تخطيط قلب خلي نتأكد من القلب الأول
والرئة لأن هي بشكل رئيسي تسبب ضيق تنفس.
ازل: - كتبلي مجموعة الفحوصات أروح اسويهن وارجع
طلعت وكفت ايناس على طولها وحجت.
ايناس: - ها ازل شكال الدكتور
أزل: - نروح نسوي هاي الفحوصات ونجي حتى يشخصني
يلا امشي
طلعنا سويت تخطيط القلب وكذلك أشعة لصدري ورجعت اشوفهن للدكتور
الدكتور: - الف الحمد لله القلب سليم وكذلك الرئة ما بيها اي الالتهاب
معناها الاحتمال الثالث
الالتهاب المرى هو إلى يسبب وجع الصدر.
ممنوع تاكلين اي شي حار او حامض سوالفجن مال الاندومي عوفها مو زين عليج وطرشي لا تتقربيلة اصلا
وهذا علاج
كتبتلج استمري علي وتروح الخنكة
طلعنا اني ايناس أخذنا العلاج من الصيدلية
ومارجعت حتى يكلي علي اكتفيت باارشادات الصيدلي
رجعنا للبيت.
حيدر: - طلعنا من بيت عمتي واني كاره روحي بسبب كلام ازل وياي المفروض هذا أول يوم النا بموافقة أهلنا
المفروض نكضي بحبنا...
مادري ليش هيج تصرفها.
هسة استحرمي عادي بس مو هيج يا ازل
حلفت ما احجي وياها إلا تجي تعتذر وصلت للبيت وامي بدت تزن برأسي...
ام حيدر: - سويتها حويدر مووو مشيت كلمتك انت وأبوك...
رحت فرحت السعدانة بنت امولة
والله ما أرضى عليك ليوم الدنيا
وعاب كلبك على هالحب مالكيت غير ازيلة
حيدر: - يمة رحمة لدينج كليلي شعندج وياها
والقرآن ازل وردة وفقيرة يا امي ليش هيج رافضتها...
بعدين لخاطري اني والله يمه احبها احترامي قراري اني إلى راح أعيش وياها ترى...
ام حيدر: - حبتك حية هاي بنت اخوي صارلها سنين كبالك ما حبيتها إلا ازل العرمة
ماريدها بيتي...
حيدر: - ازل اريدها لو شيصير وهذا قراري وهسه قرينا الفاتحه يعني ازل الي، غصباا عله اليرضه والميرضه، اذا تحبيني احترمي قراري وفرحي لفرحتي...
في مكان اخر...
ازل: - اكلج هبة اشو حيدر غلس حتى ماخابرني البارحة
ولا دزلي رسالة
هبة: - صدك اشو هو البارحة طلع وجهة مدخن ويناكت شبي
ازل: - صفنت بكلمة هبة وضربت كصتي بيدي
خررب بحضي حيدر اكيد زعلان لأن ماخليتة يلمسني
واني الثولة حتى ما خابرتة
خرب بحضي عفت هبة ورحت اركض الغرفتي أخذت الجهاز
ادك عليه
مارد عليه
دكيت مرتين واتلاثة وأربعة مارد عليه...
ضحكت بشر واني اكتبله رسالة...
حيدر الحكلي.
كلمتين خلت حيدر يحرك الجهاز عليه بالاتصال
عفتة مارديت عليه لحد...
المكالمة العاشرة
أول ما فتحت خط
اجاني صوتة يرعد
حيدر: - شبييييييييييج اززززل وينج صار وياج
سويت روحي ابجي واني اكله
حيددددر الحكلي راح أموت صدري ياذيني
الوجع ما ينحمل...
بعدني امثل علي ودخلت ايناس علي
فتحت عيونها على وسعهن وهي تشوف حيدر يتوسل بية أهدأ...
واحجي وياة متت ضحك واني اكله بكلبي تستاهل
مو ازل أحمد إلى ما يردون عليها.
عجبتني خباثتي كلش...
حيدر: - خرب هاي البنية ما تخليني ازعل براحتي ولا تخليني
اضوج منها
صح خفت من رسالتها ومتت رعبة عليها
بس كشفتها جذابة من
صوت ايناس إلى تحجي وياها بهمس
صدك ضحكتني والله
كملت الفلم وياها وسويت روحي خايف عليها
زعطوطة ما تكبر
ههه...
كلت خلي اعوف موضوع ما احجي بي على الأغلب لأن أول مرة خافت...
بس بنت اللذين لهسة خزرتها بالي.
ازل: - حيدر شسمه هذا اني sorry الك هواي.
حيدر: - يعني ليش ما تكولين اسفة بالعربي وتسكتين وتعترفين بغلطج
ازل: لا مو أحس صعبة بالعربي تنسحل الكرامه
حيدر: - طاح حظج وحظ الكرامه على العموم أنسي السالفة كلها متستاهل كليلي شوكت النتيجه السنة التجي سادس اريدج قوية
وتطلعين من أول سنة حتى ازفج لغرفتي...
ازل: - انشالله الأحد النتائج يعني عكب باجر
وهو بابا كال ادخلج دورات تقوية السادس من هسة أفضل...
يعني أجيب النتيجة الأحد وأرجع الأحد الورة اداوم دورات حتى عطلة ماكو لح ابجي والله.
حيدر: - أزلية.