رواية رحل همي حين عرفتك للكاتبة زهراء أمجد الفصل الرابع
بعد ها ليوم اتكررت ازيارات حيدر النا
هواي أفرح بجيتة
جان دائما يكعد يسمعني شعر او نكت
نشاقة ونضحك
مرت سنة كاملة على صداقتنا اني وياة
اختي اية جانت بعدها ما متزوجة وهي الوحيدة بالبيت وياي...
ايوتة
هادئة وفقيرة كلش يعني بشكل مو طبيعي إذا ما أحد يحجي وياها هي متحجي...
هي خريجة تربية انكليزي
اجتي مرة وحدة من كرايب بابا من بعيد
وكالوا يردون مرآة للزواج من بيت أحمد
فااكيد وبدون شك المرشحة للزواج هي اية.
وفعلا اجوي...
أهل الولد والولد وياهم كذلك
على اساس يشوفها...
اية جانت متواترة وخايفة بشكل مو طبيعي واني أضحك عليها
واتشاقة وياها، لان طبعي ام السان شقاوجيه ههههههه
اية: - ازل كافي ضحك والقرآن كاعد اتوتريني أكثر وجع انفتحتي عليه اليوم شمالج...
ازل: - اكول اية إذا طلعتي الولد هيج يمكن يخترع صدك تجذبين قابل راح
ياخذج هسة هو بس ايشوفج شوية اتقوي لا ضلين فاهية، ورتبي رووحج جنج جبار ابو الشربت...
اية: - انجبي شهل اللسان مو عيب شنو ياخذج افتن عليج لبيبي واكلها تحجي حجي اكبر من عمرها...
ازل: - ولج الفاهية لسانج بس عليه
كومي طلعي للناس يلا...
طلعت اية قدمتلهم عصير وكيك من شغل ايدها هي كيكها يخبل...
صافنة على اختي
شلون خجلانة
والوجه صار طماطة حلوة بشكل
عيون وساع عسلي...
وجه ابيض لدرجة دمارات وجه مبينة شفايفها وردية...
طويلة بالنسبة إلى ورشيقة
كعدت شوية وكامت...
عاد اني اشتغل الفضول عندي شراح اتكول ام العريس شوكت العرس شوكت الخطبة أريد اشوف واعرف اني فضولية وحشرية كلش...
دخلت للغرفة كاعدة أمه الولد وخالتة طبيت عادي سلمت عليهن وكعدت...
امي اشرتلي عود
لا تضلين كاعدة
اني
مشكلجية مرات واحب اداهر الوالدة...
ازل: - تؤ تؤ ليش هيج امولة ترديني اطلع حتى ما عرف شسولفتي من وراي...
امل: - ازل مو وكت شقاج خوش ما تشوفين نسوان كاعدة عيب امي...
ازل: - حجيت واني أضحك اكولج خالة انتي من تشربين العصير شتفضلين الطبيعي لو المصنع.
ضحكت وحجت ليش هو اكو مجال للمقارنة اكيد الطبيعي حتى مفيد للجسم...
كملت كلامي فدوة لكلبج خالة اني هيج طبيعتي لعد مخبلة وفضولية وأم لسان
لا تاخذين نظرة علي عود...
ترى إني مو تربية امل
اني تربية تفطيم...
ام العريس: - يااا تبريتي من أمهج ام لسان فدوة لكلبج على هالحجايات
ام الولد: - شوف اني الصراحة مادري شلون احجي وياكم
بس اني كل جيتي على ازل مو على
اية...
لأن هو يريد ازغيرة يربيها على ايدة...
ازل: - فعلا الصدمة جانت قوية ما عرف شلون اجتي عيني على الشباك شفت أية الدمعة على خدها كونها نرفضت
واصلا
احنا عائلة كلها تدري بابا مينطي الزغيرة قبل الجبيرة...
بقيت صافنة وعيت على صوت خالة الولد وهي تحجي...
خالة العريس: - اية جبيرة شعجب ما مزوجينها
بس اكيد تجيها قسمه زينة خلي تنتظر...
ياسين ايريدها ازغيرونة...
أم كالتلة اخذلك الجبيرة وحلوة ونادرة وتعيني وتعينك...
وهو قفل إلا الزغيرة واحنا طالبين وصلكم...
اني عفت الكل وطلعت ما عرف حقدت على الياسين هذا...
والدتي
قنعت بابا باانو هو قسمه ما تتعوض وخلي بس يشوفها وتشوفة...
والنظرة الشرعية ومن هالخريط
الولد طلب يشوفني
ههه الله وكعك بيد منو حضرتك
ماعاش ولا انخلق إلى يبجي
وحدة من خواتي...
مو انوب اية الفطيرة
اشتعلت شرار الشر بداخلي وعزمت أمري انتقم لكرامه ايوو منه...
رغم اني اعرف
هو ماله ذنب...
بس ذنب هو يدري انو الجبيرة هي إلى راح ينعرض عليها الزواج...
وهي إلى المفروض تطلع لاهلة
بس هو أتجاهل هالشي واتقدم...
دخلت للمطبخ شوية طحين رشيت على شعري صار لون ابيض وصخ...
ابتسمت بشر واني ادخل
للمخزن أخذت...
دشداشه ماما إلى تخبز بيها...
النظارة اهم شي كنت
لبسها القراية
لبست النظارة...
وكفت على المراية واني أدور على كحلة
ضحكة شريرة انرسمت بوجهي
ثخنت حواجبي...
بشكل مقرف.
ولبست النظارة والدشاشة الحجاب لفيتة بطريقة كوميديه...
عزمت أمري ما اخلي امي تشوفني ادري بيها إذا شافتني موتي على ايدها...
بعدني ألبس بالعباية إلى راح ادخل للولد بيها وما
حسيت إلا على شهكة بيبي
وهي تكول...
تفطيم: - عززة بعينج ولج ازل شنو هاي شمسوية مو الولد ينتظرج يمصخمه...
اتنفست براحة بيبي راح تساندني ادري بيها هم زين مو امل خاتون...
جان انسحلت كرامتي...
تقدمت على بيبي وصرت ارمش بعيوني وحجيت.
ازل: - بيبي حبيبتي
ادري بيج انتي دائما بضهري وسندي على الغلط قبل الصح...
بس اليوم هم اريدج توكفين وياي
بيبي اني كولش انقهرت من
شفتهم شلون رفضوا ايوتة
وهي ضلت تبجي وانقهرت...
اني ما اعذرهم ابد ولا أسمح لأي شخص يكون سبب بدموع وحدة من أخواتي صح اني الزغيرة بس ما يمنع هالشي أكون سند الهن...
واني أريد أعلم هذا إلى جاي وطالب وحدة ازغيرة يربيها على ايدة
أريد أعلم...
أن أحمد خميس ربى كل بناتة الزغيرة قبل الجبيرة
واحنا ما نحتاج تربية زوج او غيرة
أحمد خميس عرف يربينا...
بيبي: - ازل مثل كل مرة اني وياج ولوا ادري هالشي غلط
بس اني يا يمة انقهرت عل اخيتج وهسة تعالي ادخلج على الولد بدون ما تشوفج امج وتكب العيطة...
ازل: - اويلي يتفطيم شكد احبج...
أخذت دولكة مي واكلاص ووو
دخلت الإستقبال جان الولد شاب
مرتب طول بعرض...
وي دخولي كأم وكف
كلت السلام عليكم واني منزلة راسي والعباية مغطية أغلب وجهي...
وجسمي
بابا كاعد
وأم الولد كذلك
حجة هو وطلب من والدي يشوفني وحدي
حتى يعرف رأيي بدون ضغط او إجبار عشتو
بابا
طلب من الكل يتركنا وكال هذا حقك أن تشوفها وتشوفك...
و تحجي وياها
بابا يحجي على اعصابة ما قابل بس طبعا.
ميكدر يرفض للسلطانة أمل طلب هههههه...
اي اي عوفونا خلي اربي شوية
نطت خالتة من يمها وحجت...
وليدي ياسين حتى شعرها حلال تشوفة ترى
باوع زين...
ياسين: - ماشي خاله ان شاء الله.
ازل: - هو هذا إلى اني اعرفة
لازم يطلب يشوفني على طبيعتي
مجان يهمني بوقتها
غير اخرع الولد
وشردة
طلعوا كلهم...
حجة هو...
ياسين: ليش مدنكة راسج ترى اني أريد اشوفج بعدين ذبي العباية...
ازل: - ضحكت بكلبي وسويت عيوني حول
وحجيت بطرف خشمي...
صراحة اني اتقززت من صوتي
بهاي اللحظة...
حجيت بلهجة مادري وين سامعتة
لا هي تنعوص ولا هي خشونة
ياعوووينتي
تريدنة اتشوفننننني انااا هم أريدن اشوفنك
رفعت عيوني وترقبت علي اتعمدت اللطخ راسي بالحياط...
عود ما شوفة
أريد اتقرب عليه...
عثرت بطرف العباية وانجبحت على وجهي
صدك توجعت...
حجيت يااا كلة من هاي وصلة المسح انه موش كلتهلهم اريد
اطلعلة...
على حقيقتي إلا عباية يعني
اباوع الولد مصدوم...
ياسين: - على كيفج شجاج انتي متأكدة
انتي بنت أحمد الزغيرة أخاف غلطانين...
ازل: - رمشت بعيوني ورفعت الحجاب من وجهي بينت الصخام إلى بحواجبي
خطية الولد اخترع
صراحة انقهرت علي...
رجع طلب يشوف شعري
نزعت الحجاب
اني جنت بوقتها صاحبة شعر كلش
طويل يعني ركبتي يوصل
واني ترستة طحين...
وبسبب الزيت صار يلعب النفس
سمعت شهكة للولد واني متت ضحك بداخلي اي حيل تستاهل محد
كلك اندك...
بنات أحمد...
ياسين: - يا بنت الناس اني ردت وحدة ازغيرة اربيها على أيدي
وعملها الصح من الغلط
أريد
طفلة تتعلق بية...
وتحبني أريد وحدة مغمضة على كل الدنيا
والصراحة اني جنت
مختارج لأن كالوا...
بنت أحمد زغيرة وحلوة
ومن وصفولي اياج كلت لو هي لو ما أخذ
رغم ادري ابوج ما يزوجن إلا بالسرة...
وادري عندج
أخت اكبر منج
واني شفت صورتها
بس اني ردت الزغيرة
بس الصراحة
اختج احلى منج
ولو قابل بيها
ولا طالب شوفتج
صراحة ما توقعت هيج تلعبين النفس...
ازل: - اسمع كلامة وأحس بالنصر
وكفت واني أمسح وجهي بطرف العباية
زلت كل الكحل من وجهي
نزعت النظارات
وبانت عيوني
السود الوساع
نكتت شعري ولفيت حجابي
وحجيت
أولا انت جاي طالب زوجة
معناها لازم تعرف انو كل بنات هالبيت متربايات احسن تربية
منحتاج تربيتك
ثانيا انك تتزوج طفلة قاصر كل عمرها 16 سنة فهذا
انتهاك للطفولتها
سالفة تفتح عيناها عليك نكعها واشرب ميها
ثالثا: احنا بزمان ازغر وحدة تربيك وتربي
عشرة مثلك.
لا تعتبر كلامي تجاوز
بس انت تستاهل
انعرضت عليك وردة كاملة والكمال لله
القسمة والنصيب
بيد رب العالمين بس هذا ما ينطيك
حق لا انت ولا أمك تتجاوز على أختي
وتجرح إحساسها
رابعا من تريد
تاخذ من بيت وانت تعرف مبادئ هذا البيت ترفض
الي انت تريدة لا توصل يمهم...
حتى لا ينحرجون منك بسبب قرابة او صداقة واني مستحيل اخلي دمعت اختي تعبر بسهوله اذا مااخذ حقها تشوفني جوز زغيره وهم لساني طويل بس مو بلتجاوز وانما حته اخذ حقي والساكت عن الحق شيطان اخرس هسه انته بلحالتين خسرتني وخسرت اختي...
وهسة من رخصتك
واني راح أبلغ اهلي
اني ما موافقة
وانت رفضت
بس خلي هالكلمات حلقة بذنك...
الطفلة حقها لعابة وبيت أبو بيوت
حقها دراسة وتحقيق مستقبل مو
زواج ومسؤولية تتحملها فوك طاقتها...
وهسة من رخصتك
عفت وطلعت
لكيت بابا واكف باب الإستقبال
طنن...
عبالك راح اتعاقب وتنمسح بكرامتي الكاع
هلا هلا...
حمودي سمع كلشي
الهروب نصف الرجولة
خلي اشرد...
احمد: - سمعت كل خبال ازل وأعترف بغلط تصرفها وناويلها على عقاب معدل بس خلي احل موضوع الناس
خطابة الكشرة...
اتأسف الولد وأخذ عائلة وطلع
اعتذرت منه
على تصرف الوكحة
هو ماحجة شي
اكتفى بالسلام وطلع
دخلت...
للغرفة وكتلهم صيحولي ازل
ازل: - صاحني بابا واني
اشبك بااية.
واودع بيها...
اية حبيبي اتاكدي اني احبج أكثر من كلشي
وسامحيني
اترجاج ملابسي واغراضي لا توزعينهن لأن هواي توسلت يلا جبتهن
بيبي حبيبتي لا دللين
اية واريدج...
تبجين هواي عليه
بعدني أودع بيهم وسمعت صيحت ابوي
ازززززززل
ركضت ها ها بابا اجيت
وصلت للباب وبيبي تضحك علي
وتكلي تستاهلين
سيميت بسم الله ودخلت
بابا كاعد على الجرباية
أتقدم علي وقبل لا يحجي هيج
بابا والله اني اسفة والقرآن مو قصدي احطك بهيج موقف.
وبس والله انقهرت من شفت
خالتة تحجي...
وتجرح بااية وكلساع وكالت ليش ما مزوجينها
وشفت اية تبجي بسببهم ما اتحملت
احمد: - وتكعدين هيج تسوين يعني
ليش بابا هذا تصرف غلط حطيتني بموقف الإحراج وي الولد...
اني اصلا رفضت
الموضوع كله
بس ماشيت امج خاطر ما تزعل
اية ما عجزت كل عمرها
23 سنة...
بس انتي راح تتعاقبين على فعلتج
وعقابج.