رواية رحل همي حين عرفتك للكاتبة زهراء أمجد الفصل الخامس
احمد: - بس انتي راح تتعاقبين على فعلتج
وعقابج...
تبقين بلا مصرف خلال الأسبوع كله...
ولا تفكرين تطلبين من بيبتج لأن اني ابلغها بعقابج...
ازل: - براحتك بابا
احمد: - مرت الثانية ممنوع تطلعين لأي خطار
وشقاج...
تكتفين بي للعائلة مو لأي أحد...
ازل: - ماشي بابا
احمد: -
واريد...
أعتذار بخط ايدج من مئة كلمه...
خلال ساعة انتظرج
وهسة برة يله طلعي...
زعلان عليج...
ازل: بابا حبيبي فدوووة لتزعل وعقابك عسل على كلبي واني اسفة وهاي قبلة...
شوف بالفصحة اكولها خاف تكول البوس حرام
ضحكت، والله بعد مااعيدها...
وشردت منه...
دخلت للغرفة
اية اتخابر اتخوصرت كبالها وحجيت
وي منو تحجي...
ايه: - دااحجي ويه حيدر...
جان يسأل عليج ايكول شو ماكو ماما كالتلة عل سالفتج...
وهو طلب يحجي وياي...
ازل: - فديت امي نشرة أخبار صباحية ومسائية أسرع من قناة الحدث بنقل الأخبار...
اية: - احم ازل خاتون عندي سالوفة وياج خليني انسولف بيها...
ازل: - لا تتوسلين وتكعدين تبجين كلشي ما عندي اسوالفج احجيهن للحائط
مالي خلكج...
اية: - أخلاق سسز اني اختج الكبيرة شلون هيج تحجين وياي...
بعدين الموضوع يخصج...
ازل: - فديت الكبيرة اني عود صدك ليش تكولين (كبيرة ) مو جبيرة
اية: - انجبي واسمعي حيدر حاجاني عليج
وكالي هو يحبج...
رايدج زواج...
يعني مجرد ما اتزوج اني يتقدملج...
واني بلغتة بقرر ابوي ما ينطي اي وحدة إلا تكمل هو كال عادي اني أريدها تكمل دراسة حتى لو السادس والكلية يمي
بس يريدني اقنعج...
هو من عرف الخطابه عليج تخبل.
واني يا أختي اكول
اخذي وافقي علي
هم ابن خالج وهم يحبج...
والشين إلى تعرفي احسن من الغريب الماتعرفي
ازل: - ما اتفاجت بحجي اية
لأن كل تصرفات حيدر توحي هو يحبني
حجيت وياة واتفقنا...
كلشي من هنا اليوم بدت مرحلة جديدة
من حياتي هي مرحلة...
مرحلة حب حيدر...
حب المراهقة والطيش...
من هذا اليوم صار حيدر يهتم بكل شي يخصني
باادق التفاصيل بحياتي
دراستي...
اكلي...
شربي...
لكن كل حبي اله جان نقي ما بيوم من الأيام سويت شي غلط...
رغم شكد جان يزعل...
دائما ايريد صور ايكول اشتاقلج...
أكثر من مرة طلب انزع الحجاب كبالة
بس اني أرفض رفض قاطع...
دائما جنت اكله
حيدر الماترضى لأختك لا ترضى إلى يضحك وايكلي انتي مريتي المستقبلية...
واشتاقلج مو بيدي...
ازل: -ا كول حيدر عندي الك خبر هو يمكن يفرحك
حيدر: - كولي حبيبتي شنووو
ازل: - اليوم اجوي خطابة على أية وبشكل مبدئي كلها وافقت...
ولو تشوف الولد يجنن
وخريج وعندة مختبر
خطية اية شكد فرحتلها...
حيدر: - لا بربج لج صدك تحجين لج هذا احلى خبر وآلله...
انشالله ربي يتممها على خير
وتزوج اية حتى يجي دورج...
اريدج...
الي مليت ترى
بنت أحمد...
لعبتي بية و بأخلاقي...
ازل: - كم مرة كتلك لا تكول بنت أحمد بابا مو بكدك وتسمي باسمه...
حيدر: - فديت ابوج الخلفج لج والله مشتاقلج هاليومين اجيج...
الله عليج...
أريد اشوفج وحدج
مليت.
كلهم كاعدين يمج وريد نكعد ونسولف
الزم ايدج...
احط عيوني بعيونج...
ازل: - احجيلك وياة حيدر أفندي
هاي اللحظات...
خليهن للخطوبة
وهسة خلي انام اتأخر الوقت...
حيدر: نامي نوم العافية وروحي يمج غافية حبيبي
اموت عليج...
ازل: - اتفل على روحك
شكو يمي...
حيدر: الله يطيح حظج مو صوجج صوج إلى يغازلج ههههه، طايحت الحض دوم تخربين الرومانسيه برعونيتج ولج هذا لسان لو رشاشه، اخخخخ بس بسيطه...
ازل: - ما يحلى الغزل إلا بغزل كاظم الساهر مو روحك وغافية مخدة اني...
حيدر: حبيبي بنت المؤمن ترى كمت اغار من كاظم...
المصخم على اساس ما تسمعون اغاني...
ازل: مؤمن غصب عنك...
اغاني القيصر وناظم الغزالي اصلا مو حرام ههههههه هو بابا يغازل امي بيهن...
لذلك اتعملت احبهن على حبهم
مو مثل اغانيك الطربكه...
حيدر: - اي والله خاتون روحي نامي وعوفي الكاظم وناظم...
وتنكتين تراب...
ازل: - بيياي تصبح على خير انشالله كوابيس تأخذ عقلك طول الليل، واخلص منك...
حيدر: - وربي خبلة ههههه انتي ابد مو صاحيه يله انخمدي تمبل...
سديت الخط وانتهى اليوم
مرت ايام
عايشين
بين الحب والسعادة وبين تحضيرات زواج إيه
من سيف...
راح يصير زواجهم بعد ايام لأن ميريد سيف خطوبة الطول...
سمعت صوت بيبي
تهلي وتمرحب بالصهر العائلة الجديد...
هلا هلا اشتغلت تفطيم
خلي أشوف أية...
ايييييييييه اييييييييه وينج
امل: - كم مرة كلت صوتج لا تعلي من عدنا خطار بالبيت اشوية...
نصي يا أمي لشوكت ابقى وراج...
ازل: - والله يا أمي هذا صوتي من الله ماكدر انصي.
لأن بس انصي ما تسمعوني هو اني اصيح وانت
تكولون بطلي تنعوص
والمهم
ايو وين...
امل: - أية بغرفتة كاعد تجهز نفسها حتى تدخل لخطيبها
روحيلها خلي تستعجل عيب من الولد...
تمشيت وصلت لغرفتها
كاعدة على الميز وتلف بحجابها
لابسة فستان ماروني...
وبي شغل ذهبي من الردان ومن الصدر وجه صافي...
بدون قطرة مكياج
شكد احب هدوها وبساطتها...
أية أقرب أخت الي...
لأن هي الوحيدة إلى بقت وياي كل أخواتي اتزوجن اني زغيرة...
اتقربت علي وحجت...
ايه: - اكول ازولة شلوني حلوة مو...
ازل: - اتخبلين يروحي
شهل الجمال
الماروني ضارب وي بياضج فد شي
يلا ترى...
كاعد وأمي اتكول خلي تستعجل.
راحت اية واني وكفت اباوع على المراية
فجاة حسيت أنفاس على ركبتي
ونفس حار لفحني
ما شفت شي
مجرد حسيت بالانفاس ارتبعت
وطلعت من الغرفة ركض
كبل لبيبي...
لكيتها كاعدة بالمطبخ
تصفط بالخبز ماحجيت شي مجرد كعدت بصفها مرعوبة...
ازل: - بيبي أريد اكولج شي.
بيبي: - كولي ازيلة شوراج
بيبي اني بالغرفة وحسيت انفاس صارت على ركبتي باوعت ما ورأي شي كلش خفت...
بيبي: - اسم الله يمه شلج بهل الفكر لا تخافين هاي لأن وحدج بالغرفه...
ازل: - اف والله مادري خلي اكوم اروح صدك بيبي اية شوكت تتزوج ما كالولج
بيبي: - يالغمه الأسبوع الجاي عرس اختج وانتي ما تدرين
ازل: - هلا هلا لعد أروح اتلوك لنعمان حتى يأخذني اشتري ملابس هل مرة حتى اية ما اشوفها ششتريت أريد أطلع أنيقة...
بيبي: - دولي يا الأنيقة عود خلي يقبل ياخذج الأول وبعدين فيكي علينا
ازل: - بيبي تدرين محد يكدر يرفضلي طلب
عفتهت تحجي ورحت خابرت علي نعمان اخوي
الووو...
نعمان: هلا ازليتي
ازل: يمن تروحلك فدوة ازل وجهالها المااجوا على الدنيا اخوي وحزام ضهري أبو الشدات نعمان البطل أخو خيتة السبع...
نعمان: - طنننن كولي من الأخير شرايدة ما طول هيج مقدمة يعني مصلحة مو...
ازل: - عاد والله تعرفني مصلحجية
وهسة اني اريد أروح اشتري ملابس وما اريد أروح وي نسوان حتى لا يشوفن ملابسي أريد أطلع مميزة...
عفية نعمان حباب لاتفشلني
نعمان: - دنجبي ام الفشلة
حضري روحج باجر الصبح نطلع العصر عندي شغل لاتضلين تنعين...
ازل: - يلا يا حلو بأي خلصت المصلحة...
نعمان: - خرررب غيرتج شكد مصلحجبه ولي...
ازل: - رحت ثاني يووم واشتريت للعرس ملابس تجنن...
مشت الأيام واجة يوم حنة اية
شكد متحمسة لزواجها...
بس اكو غصة بداخلي راح ابقى وحدي
وأختي شريكتي بكل شي راح تروح وتعيش بيت غير بيتنا...
راح تكوم تجينا مثل الخطار وتروح.
بس ماكدر ابجي
أخاف اخرب فرحتها امي مخبوصة بشغل البيت والحملات المتخلص...
وتحضير الحنة
أخواتي كلهن مجتمعات
بيتنا روضة...
اني وأختي سهى راح نروح وي اية للصالون
بقيت خواتي بقن وي امي بالبيت
اباوع لايو شلون مخبوصة تحضر بروحها والفرحة ما سايعتها
حبيبتي الله يتمم عليها على خير
جنت واكغة أنتظر
البنات يكملن
حتى يأخذنا عيسى للصالون
اني ما عندي شي مجرد لبست بنطرون وقميص على السريع وحجابي وطلعت
اية تأخرت لأن سرحت شعرها.
لأن حيل طويل كالت ام الصالون إذا تكعد تسرح بي ساعتين يلا تخلص
اضحك عليها واني اشوفها تتوعد انوا بس تتزوج راح تكصه
بهل الأثناء اتصل حيدر.
ازل: - الو
حيدر: - يبوو يكلبي شلون الوو تلعب لعب بحالي
شلونها حبيبة روحي شلونها بنت كلبي
ازل: - هلو بيك أبو الحب الحمد لله بخير وانت
حيدر: - مشتاقلج سنفورة شلوني يعني اليوم اية نشمر وراها سبع بلوكات مو سبع احجارات
غير تفضها حتى اتقدملج.
ازل: - ههههههه نعم نعم لا تحجي على أبو ولك اصلا شايلة هم شلون حبقى وحدي
حيدر: - ولج خلي تزوج مو حمضت على كلبي بعدين بس تزوج اية اخذج ما تبقين وحدج
ازل: - اي كلش أخلص السادس يلا
حيدر: - عادي والله يخلص هو واهلة والكلية يمي تكملينها
صدك راح ترحين وي اية للصالون...
حبابة لبسي عباية ولاتلبسين شي يلفت لنظر
ازل: - أولا العباية البسها باليعجبني مو انتقاص منها بس أتضايق.
والبس هو حنة بنات فعادي اني محافظة على نفسي
حيدر: - ست ازولة روحي يلا لاتتفلسفين علي
ازل: - بيباي حب رايحة
طلعنا للصالون
مجان بعيد عنا مسافة نص ساعة بس
ام الصالون...
كالت لآية فتحي حجابج واكعدي وغمضي عيونج
اية فتحت حجابها
ونزل شعرها لركبتها وثخين وهي اصلا مسرحتة ام الصالون شهكت وكالت اللهم صل على الحبيب محمد شنو هاي
باروكة لو تشكيل
ضحكنا اني وآية وسهى كلنا
سهى كالت لعد لو تشوفين شعر ازل
تحجي بفخر وهي تكول.
احنا كلنا هيج شعرنا من الله منحط تشكيل
من صرنا لليوم امي معتنية بشعرنا وحتى إلى تتزوج
تبقى فوك رأسها لاتخلينا نكص ولا تصبغ
اتخاف علي يحترك
فلت شعرها سهى شعرها بني كلش حلو
واني نزعت الحجاب جان شعري بطولي بدون مبالغة
ام الصالون: - ابرني الذمه اخاف يصير بيجن شي ترى اني حسدتجن
عائلة كلها شعر فدوة
استلمت اية وبدت تشتغل بيها
زوجها كلساع يتصل
لاتحطولها مكياج هواي
عفية لا تكصون شعرها
ماريد تغيرون لونة.
بنات أكدوا على أم الصالون لاتحطلها سبري
أريدها طبيعية بالمعقول
من تطلع غطوها زين
آخر شي أخذت الموبايل ام الصالون ونترت بي
شدعواك عيني المن جايبها لصالون إذا ما تريد مكياج
تعال بعد انت مكيجها
شسالفتك
اية ماتت ضحك على رد فعلة وهي تسمعة
يمتمت بالحجي بسبب احراجة من ام الصالون
سد الخط وراح
واحنا نضحك علي
اية لبست بدلة ذهبية ردانها تول المكياج كله
ذهبي والحمرة وي شفتها وماروني كعدت فد شي روعة.
ماقبلنه نلبسها اي شي احنا عاداتنا
هو زوجها بالحنة يجي
يلبسها كل الذهب
حتى الحلقة
إلا بالحنة يلا تلبسها
سهى كالت إني مويد كلي حجاب ممنوع تنزعي يعني باختصار أريد مكياج هادئ وكذلك
لفة حجاب مرتبة
اني جنت القاعدة الشاذة عنهن لبست فستان احمر للركبه
اردانه والصدر كله تول
بي حزام كرستال كلش حلو
ونازك اني صاحبة خصر كلش نحيف وجسمي مرتب
شعري بس برمت اطرافة
وخلتلي ماشات على شكل فراشات كلش ناعمات.
طبعا لازم كعب لأن طولي ميساعد
ساعة ب4 خلصنا كلنا
اجة
اخوي ورجعنا للبيت
استقبلتنا بيبي بالباب
وهي تطش جكليت على أية
حش ماتكول جكليت حجار وركع علينا
اجتي عيني على السلطانة أمل كانت تمسح دموعها وتحاول ما تبينهن
دخلنا للاستقبال
وبدة الدك والركص
تكابلنا اني وبنات عمي ضلت كل النسوان تباوع علينا
بيبي صاحت علي ولج يالمصخمه انتي منو عاتب عليج تركصين اكعدي ولج فضحتينا
انتي وبنات سعيدان (عمي)
مصروعات لو كاولية.
غضب الله عليجن
جنت أضحك عليها وطكيتها بهلهولة والبنات كامن يصيحن ويضحكن
جنة متنونسين حيل
بيومها
اني واركص حسيت شي اسود ضرب على عيوني
أريد اشوف أريد اتوازن ماكدر
بعد...
هيئة سودة صارت بين عيوني
ونبضات كلبي زادت
قشعر جسمي...
مادري شصارلي
اسمع سهى تصيح علي
كالت
زوج اية راح يلبسها الذهب تعالي لبسي حجاب
ماتحركت إلا من جرتني هي
كعدت واني اتعوذ من الشيطان
مالحكت اشوف طقوس الحنة بعد
لليل...
كاعدين كل خواتي يمي بالغرفة اجتمعنا سبعتنا
ساعة نضحك
وساعة نبجي على أية لأن راح تتزوج
دخل علينا بابا الساعة بالعشرة بالليل
جان شايل علاكة بيدة
دخل وهوة يكول
يا فرحة ابوجن بلمتجن
اليوم أحس الجنة بيتي
أميرات ورجعن لمملكة ابوهن
سبعتنا وكفنا اله
اية راسن بجت
تقرب عليها وباسها من رأسها
وكال
أحمد: - ايوتي بنتي العاقلة والهادئة باجر تروحين لبيت زوجج
راح تبدين حياة جديدة
احنا كلنا موجودين بحياتج.
وهسة بدل العائلة راح تكون عندج عائلتين
عمج هو ابوج...
و عمتج امج الثانية انتي هناك
راح تمثليني وتمثلين تعبي عليج
اريدج ترفعين راسي مثل
كل مرة
كلمه ونعم ماربيت
أريد أسمعها عنج مثل ما سمعتها عن خواتج...
هو يحجي وكلنا مندمجين وياة...
حجيت اني عفية بابا هاي شنو اليوم كل الحب لأيه لعد احنا شنو على اليسار...
ضحك وفتحلنا حضنه التمينا علي سبعتنا وهو يضحك بنصنا...
سمعنا صوت اخوي نعمان من ورانا
وهو يكول...
نعمان: - هلا هلا اليوم أبو حاتم جامع بناتة
صدك جذب...
اجتي امولة وبيبي
واجتمعنا كلنا بقينا سهرانين لل12 بيومها
بابا جايب حلويات النا...
طبعا الجهال
شربتهم عصير خاص لذلك كلهم نامو من ال8 هههههه
هذا عصير سري بي منوم
نمنا واحنا وحدة بصف الثانية
ثاني يوم الصبح مارحت اني للصالون بس اية وسهى وايناس زوجة اخوي راحت وياهم
ل3 اجتي اية من الصالون كان اليوم شوية كيب كلنا ضايجين على أية.
اخذها زوجها وطلعوا كبل الفندق عرسها بفندق
بقيت وحدي
بليل نمت تعبانة كلش
سمعت صوت ضحكة بغرفتي
اني متاكدة وحدي لأن خواتي كلهن بمجرد ما طلعت اية هن راحن...
فزيت من النوم...
وعطت واني اشوف مرة عجوز بشعر طويل كاعدة كبالي وتضحك بطريقة مقرفة
اتخبلت بالعياط...
ما حسيت غير على مي على وجهي
باوعت امي وابوي فوك راسي وبابا يكعد بية
أحمد: - بسم الله الرحمن الرحيم
شبيج بنتي ليش تعيطين شفتي شجاج.
ازل: - شبكت بابا واني ارجف وابجي كتلة بابا شفت مرة عجوز تضحك علي
امي لطمت صدرها يمه اسم الرحمن منين اكو مرة وانتي نايمه
ازل: ?والله بابا شفتها جان شعرها طويل وأسود
خوفتتي حيل...
أحمد: - تعالي بابا نامي يم ببيتج عوفي الغرفة
وهذا القرآن حطي جوة راسج
هاي لأن وحدج بقيتي تتخيلين...
جنت خايفة حيل شبكت بيبي وغفيت للقرآن جوة راسي
اووووف طبعا اكيد خفت
صارلي أربع ايام ماقارية قرآن مخبوصة وي اية
والدك والركص.
هاي آثار الشيطان
ضليت أستغفر وغفيت...
مرت كم يوم واني ما مرتاحة
خابرت حيدر
الوو...
حيدر: - هلا بريم الفلك هلا بالحبيبة وينج صارلج كم يوم غايبة عني بذاتة.
وآلله ياحيدوري تعبانة حيل من يوم زواج اية واني مخنوكة...
اسم الله يروحي شبيج
والله مادري اسمع صوت أطفال برأسي لو اشوف مرة صاحبة شعر تضحك علي بطريقة تخوف
أحس أنفاس على جسمي
واخاف.
دخيلك ربي شجاج حبيبي شلج بها السالفة اكيد لأن تعبتي هاي هوسة العرس بعدها براسج لا تفكرين هسة
خليني اكولج خبر...
كول حبي شنو الخبر
امممم اية اتزوجت واستقرت هسة صار دور حيدر يستقر مو...
ازل: - شنوووووووو حضرتك تريد تزوج هم والقرآن اكلب الدنيا عليك زواجيش...
شنو تلعب عليه انت والله حيدر اقتلك مو اني إلى يستغلوني...
حيدر: - دخيلك ربي ولج شبيج تسودنتي طبعا ازوج لعد شنو اباوع لطولج ابقى...
ازل: - حيدر اني ماكعد اتوسل بيك حتى ما تعوفني بس والله اقتلك فهمت مو اني إلى ينلعب عليها...
حيدر. اموت عليج من تصيرين غبية لج ثولة قصدي زواجي اني وياج اليوم راح أحاجي امي
وابوي...
اكلهم رايد ازل بنت عمتي أمل اكيد يكيفون
حتى بعد نحجي وي حمودي الحب...
ازل: - حيييييدرر بابا اسمه أبو عيسى مو حمودي احترم
حيدر: - خررب بيومج عفتي كل الحجي ولزكتي حمودي فديييت العصبيه يا خبله
كاعد اكلج راح اخطبج...
ازل: - اي خوش حاجيهم وفكر شلون تقنع بابا بالخطوبة قبل التخرج...
وكلي أهلك شيكولون
عوفني هسة أريد انطمر...
حيدر: - انجبي لا تكولين انطمر بليل اكلج شكالوا هسة نامي سنيورتيا أحمد...
ازل: - غصب عنك سنيورتيا أحمد وملكة حيدر يلا أفلت...
حيدر: - خبلة احبج ولي
ازل: - واني هم باييييي
سديت الخط منه وعفتة الموبايل وطلعت...
حيدر: - يمه أريد احجي وياج بموضوع
ام حيدر: - كول يمه شكو...
حيدر: - والله يوم اني أريد ازوج
ام حيدر: - اي شكو بيها حبيبي هذا حقك عروستك جيهان موجودة...
اني من زمان محاجية اخوي عليها...
حيدر: - يمه شدا تحجين ياجيهان يا بطيخ اني عاجبتني ازل بنت عمتي أمل واريدها...
ام حيدر: - شنووووووو من كللللل عقللللك جايبللللللي هاي العاااااق على بيتي ولك هي حتتتتتتى عباية ما تلبس...
عرمه وااام لسان على موتي متاخذها تتزوج جيهان وتسكت...
حيدر: - يوووووم لا تخبليني خوش اني جاي ابلغج لا أكثر ولا اقل اني رايد ازل والقرار بيد ابوي
هو شنو حجة قابل مالابسة عباية شلج بهل السالفة ام حيدر...
وإذا لسان فهي شقاوجية مو وكحة...
ام حيدر: - اني كلت إلى كلتة البنية هاي متدخل بيتي...
حيدر: - رد فعل الوالدة صدمني
ضجت انقهرت...
رفضت الانسانة إلى اعشكها.
ازل صح صاحبة صوت عالي وشقاوة وضحك بس وحدة جبانة...
وخويفة امي ماخذة عليها نضرة غلط
ولزكت جيهان الي...
بس اني رحت
لجدي وحجيتلة كلشي
وكال عوفها عليه
وفعلا...
جدي حاجة والدي وكيف بالموضوع
مسامع لأمي نهائيا
قررنا...
الخميس نروح لبيت عمتي ونطلبها
اريد كلشي رسمي يصير
كنت خايف...
لا عمي أبو عيسى يرفض بحجة الدراسة
لأن ازل شاطرة وهي تدرس علمي
اصلا دائما...
اسمعة يكول ازل ماريد شي يأثر على دراستها.
وهي تحب المدرسة على محبة أبوها واني اصلا
مقرر اعوفها تدرس...
بس أريد اضمنها الي
جدو
كالي هو راح يتعهد لعمي
أبو عيسى على موضوع...