رواية رحل همي حين عرفتك للكاتبة زهراء أمجد الفصل الرابع والعشرون

رواية رحل همي حين عرفتك للكاتبة زهراء أمجد الفصل الرابع والعشرون

ازل: - يمه الغراض اشتريهن وجددي نيشانج انتي وابوي...
وحق شواربي المالحكت اتهنى بحفتهن تعبانه ورايحة انام
أكل ماريد اكلت وشبعت
أريد انطمر...
امل: - ازلية الخايبة اني كل خواتج اجهزهن نيشان كامل من عندي من عدا نيشانها
بنتي من تطلع البنية من بيتي ماريد أحد يكول جبتها وكل شي ماعدها...
كل ام تحب ما تقصر على بنتها
وانتي يا يمه كلها ايام ورايحة مو مال تخلصين ايامج كلها نوم يمنا...

ازل: - عزززة امل صدك جذب شنو هل مشاعر ادميتي قلبي بمشاعرك اهىء اهىء سوف ابكي يااماه
اوك يلا بطلت ما تزوج رايحة انام...
امل: - ولج غمه التغمج صار ساعة اتحايل عليج واحجي براسج وتالي اتكليلي ما تزوج أريد انام
عسى شهاب ياخذج ويكعدج ب 6 وياخذج للحصاد
ويطلع أبو النوم من خشمج ولج تنمبل خوما تنمبل
ازل: - مع السلامة يمه راح اشتاقلج إلى يوصل يم غرفتي ما يلوم إلا نفسة...

ايناس: - خايبة ما تولين تنطمرين وتخلصينا منج
ازل: - عفتهن وطبيت لغرفتي شمرت الجنطة وانسدحت
(الحجي بيناتنا الراشدي يسطر بعد إذا أريد مخدر موضعي اخلي شهاب يركعني خرب صدك غول ).

ازل ملاحظة نفسج انتي معلوسة وماكلة راشدي معدل انجبي وانطمري
نمت
وما حسيت على روحي غير دنيا الليل والبيت هدوء
جريت الموبايل الساعة ب 3: 43 دقيقة
مكالمات فائتة من شهاب...
امممم خوش خوش خلي شوية نلعب عليه...
كعدت وتحظرت للفكرة البراسي
اتصلت على شهاب
دك مرة و فصل
دكيت مرة ثانية اجاني صوتة وهو نايمه...
شهاب: - الووو
ازل: - سويت روحي ابجي اني بس اسد خشمي واحجي متقطع عبالك ابجي صدك
شهاااب شهاااب...

شهاب: - كمزت ولج ازل شبيج بنتي شكو تبجين انتي وين هسة احجي ازوليتي شبيج...
ازل: - أهه أهه شهاب خايفة راح أموت من الخوف...
شهاب: - ياستار ياربي لج باباتي شكووو شبيج خايفة وين انتي جايج...
ازل: - عزززة هذا سواها صدك كافي ازل انجبي.
لا لا تجي بس شسمه هذا اني لأن نمت مقهورة منك...
حلمت بعشاير مال تجن تعذب بيك وتحرك ايدك وطيح حظك...
شهاب: - الله يطيح حظج خليتني دربي ما اشوفة
عشائر جن تعذبني...

ليش ما تكولين عقلج الخبل هو إلى يرد يحركني هي هاي اسواية ازيلة...
أزل: - بكلبي ههههههه طبك حمس تستاهل وبعد وبعد هاي دراما زغيرة والله إلا اخرب كل نومة تنامها واقلق راحتك يا غول...

شهاب: - اكول يحلوة شكعدج بهل الليل وجاية علي معقولة اشتاقيتي ترى الصبح جنة سوى...

ازل: - يااا فدوة على شنو اشتاق بلة فدوة لعين امك شكول شكول ورد الباقلاء انوب اشتاق...

شهاب: - لازم حنيتي لراشدي يعدل تفاصيلج...
ازل: - اصلا مو رجال إلى يضرب يا باشا هههه
شهاب: - عاجبج اشوفج بهل الليل الرجال شلون يصير وحق الله ماعندي كل مشكلة شغلة ساعة أكون يمج...

ازل: - امشي من عقلك كله أشياء محرمه العياذ بالله منك عوذة عوذة...
شهاب: - بعد هاللون إذا تلبسي اشكة عليج انتي كلج على بعضج الي
مو انوب مطلعة الزرور...
ازل: - هيييييييي عيني سلامات ترى التنورة نص يا زرور هاي تتبلى عليه...
شهاب: - كلتيلي نص
ولج خليها هاي تفيدج تمسحين بيها الطباخ من نتزوج...
ازل: - اكلك شوف اني خابرت حتى اخرب نومتك لا تضل تسولف بطلت روح نام واشبع نوم
أروح أكل اني...

شهاب: - هو لأن خربتي نومتي غصبن عليج تبقين وياي لحد ما ارجع انام
حتى وانتي تاكلين تحجين وياي...
ازل: - اصلا راح أسد الجهاز بأي...
شهاب: - إذا انتي مرة سدي
ازل: - ابقى لعد خلي اجيب أكل.
شهاب: - اعلفي بنيتي اعلفي
ازل: - مو صخلة الخلفوك واعلف...
شهاب: - لا انتي تشبهين صخلة جدي جان دائما يكعد هيج وقت يعلفها...
ازل: - اتجاوزك بأخلاقي انت وجدك
والمفروض يأخذك وياة تتونس بالمكبرة...
شهاب: - ازل هاي شكو وراج.

ازل بخوف: - شكو شنوو
شهاب: - ديري بالج تباوعين وراج ترى ياخذج كاعد يباوع عليج...
ازل: - يوووومة ولج يووومة لحكيلي
شهاب: - وكرص حتى كرص ولج ثولة هو اني شمدريني شكو وراج ومنين شفتة يباوع عليج كبر، خوافه...

ازل: - الله يكطع نسلك الزفت ليش هيج موتتني بدمي...
شهاب: - عادي حبيبتي تستاهلين
ازل: - ها شكلت
شهاب: - انجبي كولي شراح تاكلين...
ازل: - جاي احمي المركة الفاصوليا والتمن...
شهاب: - وفجع حتى فجع الساعة ب4 الفجر تاكلين تمن ومرك شنو القابلية العندج، ونوب يصير كرشج شكبره...

ازل: - شهاب ابقى وياي اكو حركة بالحوش...
شهاب: - انجبي واكعدي لا اطلعين...
ازل: - من كل عقلك يمكن اكو جريمه قتل راح تصير او حرامي كاعد يخطط يبوكنا...
شهاب: - شهل العقل المزنجر انتي وجوري متأثرة بالأفلام لا اطلعين...
ازل: - انت بس اسكت
بقى شهاب يمنع بية مااطلع بس اف اني ازيلة الفضولية...
فضولي يتغلب على خوفي
طلعت أتمشى على رواس اصابعي وشهاب يحجي بذني طلعت وطاب
انصدمت بواحد وعطت يووووومه...

حسن: - وسم حتى سم اي والله شكو فضحتينا شكعدج مو جنتي مخمودة...
ازل: - عزة بعين اسيل ولك خوفتني
جاي احجي وي شهاب وكعدت جوعانة...
حسن: - دخيلك ربي نفس الزبالة انتي وصاحبتج صار ساعة اغازل بيها...
تالي طلعت تمصص مصاصة وكاضيتها
عليه
همممم إلا ما هممم واني عبالي تخجل
اثاري المصاص تارس حلكها...
شهاب: - طلعت ازل تشوف منو واني على الخط اسمع وياها
متت ضحك على حسن
بسبب خطيبتة خطية هواي تأكل حلا.

بس كلشي ما مستفاد منها...
ازل: - دكافي يلا أكل واكلت هسة أريد انام شلون بلة...
شهاب: - عوفي الخط مفتوح وانطمري
ازل: - عفتة ونمت اوي هذا يريد خلك خرب خطتي كعدت الصبح الخط مفصول...
امل: - ولج صخمانه أريد اوديج لدكتور شنو هذا النوم...
ازل: - اكلكم عسيى وينه
ايناس: - نايم بالغرفة ليش
ازل: - وانتي شعليج بلة شهل الحشرية
اخوي وأسأل عليه لو ماتقبلين حضرتج...
ايناس: - مال اللطم هسة شكتلج...

ازل: - من تحجي الكبار الزعاطيط تنلطم لا تتدخل...
هبة: - ايناس تردين الماسحة اشوفج محتاجه دعم لو جستي...
ازل: - خفت لهل الحياية عوذة جاية يمجن اني
عفتهن ورحت...
لغرفة ايناس عيسى نايم على وجهة
وخرت ايدة ونمت يمه...
صرت أجر برموشة وبحواجبة
أسد خشمه...
عيسى: - ازل إذا ما وخرتي مني اخلي عصا بيبي تلعب عليج...
ازل: - وين اخوي أبو الغيرة السبع عامود بيتنا وابويه الثاني...

عيسى: - متفيدج لا لواكتج ولا تمسلتج شتردين...
ازل: - كوم اخوي وحبيبي واحزم ضهري المكطوع
خلي نتريك اني وياك حباب ماريد أكل وي هذن الحياية...
عيسى: - هههههههه عرضج حلو بس كملي معروفج وجيبي الاكل لهنا بين ما أغسل...
ازل: - سويت الريوك وكعدت على الجرباية انتظر عيسى يجي
كعدنا اني وياة تريكنا وتشاقينة وضحكنا
راسلني شهاب جايب غرفة العرس
كالي شنو رايج بيها هاي هدية من خالي وإذا ما عجبتج انبدلها ورة العرس...

كتله لا حلوة عوفها كال الطابق الفوك كله النا
حمام ومطبخ وغرفة وصاله
حتى المطبخ كال اجهزة الج بكل شي بس مو معناها نأكل ونشرب وحدنا...
هو احنا بس اتلاث ولد وبنية عليمن عازلة
من امي مثلا
صراحة اني هاي السوالف كلها ما تهمني ولا بالي...
كال الجمعة نجي اني وامي تحضري نروح نشتري نيشان وذهب...
شهاب: - ازل عليج النبي سام ملابسج خليهن عريضات لا تلبسين مخصر...
ازل: - هاي هية تامر...

شهاب: - منج من الشيطان شنو هالهدوء
ازل: - ترى حرت وياك عاندتك اصابعك طبعت بخدي سمعت كلامك اتكلي شعجب شسوي بله...

شهاب: - لا عمي خلف الله عليج براسج مكان محدد نروحلة لو نطلع نفتر وتختارين...
ازل: - اكلك حباب خلي جوري تجي ويانة أريدها وياي
شهاب: - غير تبقى بالبيت علمود أخواني.
ازل: - خليهم ادري راح تنكلب الأمه وإذا بقوا وحدهم قابل زغار...
إذا ما اجتي جوري ما أروح
شهاب: - ترى نيشانج مو نيشان جوري شنو امي وامج مو بعينج...
ازل: لا مو قصة بعيني على رأسي بس جوري وياي...

شهاب: - دكافي لغوة اجيبها وياي واسكتي صرعتيني...
ازل: - يس فالتعيش ازل نيييييياااااهااااااا غلبت عناد الغول
عزززة ازل بعدة على الخط...
شهاب: - الحمد لله والشكر ربي على نعمة العقل
ازل: - من فشلتي سديت الخط بوجه
بعد هو اليوم اثنين ويني وين الجمعة خلي اتونس بأيامي بيت اهلي...
اسيل: - اني صديقة ازل المقربة واحنا من نفس المنطقة مواليد 1996 مثل مواليد ازل اني وياها نفس الشهر.

مرة صارت عركة وياي بالمدرسة جنت هستوني داخلة للأول متوسط...
علاقتي باازل زميلات دراسة فقط يعني علاقة سطحية
تعاركن بنات وياي علمود الرحلة اني طويلة وما عرف إلا اكعد أول رحلة متعودة...
وهنه ما يشوفن زعاطيط وكبت العيطة
هنه التمن علي اني ما جان عندي صديقة
ضربني بس ازل صارت وياي ونفشناهن نفش
وبيومها دزوا على ولي أمرنا...
اني رجعت للبيت جبت امي
واجيت للمدرسة شوية ودخلت ازل وياها ولد شاب...

يووومة مو ولد ينكرط مثل المصاص
طبعا أكلنا رزالة معدلة من المديرة ومن أهلنا
بعد هذا الموقف صرنا صديقات اني و ازل نروح ونجي سوة نكعد
نأكل و نشرب كل سوة
حتى ملابسنا نتشارك بيها...
اني وياها هواي مختلفين بس إلى جمعتنا الصداقة
مرت الأيام واني اشوف حسن دائما من أروح لازل لو من يجيبها عليه...
اني بية عادة سيئة هي الحلويات
اني إذا ما أكل حلى أحس نفسي ضايعة فما اكدر متعودة اكرط مصاص...
ولو أكل جكليت.

خوب إذا امي سوت حلاوة تمر نصير ركع اني وسويدة اخوي عليها...
هو يحبها مثلي
طبعا اني البنية الجبيرة بعد اخوي إبراهيم
وعندي حنوشة وسويدة
اني متعودة هيج اصيحلهم...
امتحنت سادس وطلعي جامعة بغداد قسم علوم حياة...
بالفترة إلى ازل اتمرضت بيها جنت دائما أروح وأسأل عليها...
بس كل مرة تتخبل وتطردني...
هل شي ابد ما قلل من حب ازل بكلبي دائما جانت وياي بكل موقف ومستحيل اعوفها بمرضها...

ورة ما الله رأف بحالها وطابت اتقدملي حسن واني مو مصدكة...
احبه حيل حنين والبسمة ما تفارك وجه
خطبنا والله تممها على خير
عرسنا تحدد ورة عرس ازل...
لأن اني وحسن انريد نعيش فترة خطوبتنا
مانريد كبل زواج
عكس شهاب إلى مستعجل على العرس
اليوم كاعدة اتحظر راح يجي حسن علي
اليوم عيد ميلادي وكوة يلا قبل إبراهيم
نطلع وحدنا دك عليه وطلعتلة...
حسن: - دخيل الله شنو هالجمال هذا ولج شنو هالخدود بلة اكلج...

اسيل: - اووي حسن ترى احنا بشارع كلي وين ماخذني...
حسن: - حبيبتي ام بطن كل عام وانتي بخير يروحي كل عام وانتي نور بحياتي
كل عام وعيونج الحلوة تضوي بروحي
كل عام واصبح بوجهج
الله يقدرني واسعدج يا حبيبة حسن...
اسيل: - اني ما راح اخرب اللحظة عليك وراح اكلك
كل عام وانت أول رجال وآخر رجل بحياتي
وربي يديمك إلى كل يوم وكل لحظة
وتشتريلي مصاص يومية...
حسن: - الله هاي شلون معايدة حلوة بيها مصاصة.

بلة هسة من الطخج اكو أحد ايكولي ليش...
اسيل: - قربتلة خدي هاك اضرب يلا محد يكولك ليش...
حسن: - عضيت من خدها لج بابا التفاح ينوكل ما ينضرب
اسولة راح اخذج الزوراء...
اسيل: - حسن راح ابجي...
حسن: - اسم الله حبيبي شكو تبجين شبيج...
اسيل: - طول عمري أريد أروح للألعاب بس إبراهيم ما يقبل ايكول شنو بنية وحدج ومن أكله اخذني ايكلي مشغول...

حسن: - ههههههه ادللي يا حلوة شعدنا هسة ننصب خيمة جوة ديلاب الهوة ونكعد ما نكوم إلا لمن تبزعين من الزوراء شعندي غيرج كلبي...

اسيل: - طلعنا ولعبنا وتونسنا اشترالي كيكه واحتفلنا
هديتة جانت كلادة على شكل ايه الكرسي...
حسن: - رايد كلمات رب العالمين تحفظج إلى من كل شر حبيبة روحي...
اسيل: - بداعتي حسن فد مصاصة والقرآن ما اكدر بعد...
حسن: - ههههههه كومي والله لاشتريلج باكيت مصاص ونوميه على كلبج، اكلي لما تشبعين.

اسيل: - فعلا اشترالي وتونسه وخلصنا لعب صارت دنيا ليل رجعنا
ومن وصلنا اهلي كلهم نايمين أريد ادخل
سحبني بالحديقة وصار يهمس بذني...
حسن: - وين يحلوة مستعجلة على البيت قابل.
اسيل: - عززة حسن لا يكعد إبراهيم...
حسن: - صرت امشي خشمي على خدودها
خرب باابراهيم أخت إبراهيم ما ناوية تفتح عليه الحصار شوية...
اسيل: - اممم أخت إبراهيم طوع ايدك حسن بيك
حسن: - أسيل لا تفقدين بيدي عليج العباس.

اسيل: - برطمت شفايفي وحجيت شسوي يعني
غير وجودك يمي يخلني أفصل عن العالم غير أحبك بلة إذا بيك ما أتأثر ويامن اتأثر...

حسن: - هي تحجي واني ماتحملت بعد هجمت على شفايفها اكلتهم أكل...
أديها حاوطت ركبتي وهي تبادلني
فتحت حجابها ودنكت اشم بنحرها بشرتها رقيقة كلش...
أريد اعضها
بس ادري أمها ما تعوفها وتبقى تلوم بيها
بس هالشي ما يمنعني...
سحبت البدي من يم صدرها وعضيتها
طبعت سنوني بصدرها...
وهي توجعت اباوع سنوني طبعت بدايت صدرها بستها من مكان العضة
اسيل طبي جوة بسرعة...
اسيل: - عزة بيومج اسيل هم راح تترزلين.

دائما ايكلي من تشوفني أفقد وياج امنعيني
هههههههه مايدري اني أفقد على قربة
يلا اسولة بالعافية عليج الرزالة...
، في مكان اخر،
احمد: - اااخ ولج امل سمعتي عيسى شيريد...
امل: -شكو أحمد شبي عيسى...
احمد: - يريد يعزل ايكول الجهال كبروا و حسن يريد يزوج...
ودوامي بعيد عن البيت...
لكي بيت قريب على دوامه ومشتري...
امل: - يااااااا صدك يحجي هذا منو يخلي يطلع شنو بكيفة قابل...

احمد: -خلي يا امل رغم يعز عليه فراك واحد منهم بس خلي يستقر ويكون نفسة يأخذ راحتة وي زوجتة هم حقه...

بعدين هو مو بعيد شغلة ساعة انكون يمهم
وشوكت ما تردين نروح نبقى
بس لا تعرضين للولد...
امل: - بس ما يطلع هسة على الأقل خلي تتزوج ازل مو تدري بيها تتخبل على عيسى، وتعتبرة ابوها الثاني...

احمد: - ام عيسى ترى هو هم كال البيت يحتاج ترميم ها لفترة
يعني ورة زواجها يلا ينتقل وانتي لا تحجين بشئ ترى حتى انوسة ماتدري...
امل: - باجر يجون شهاب وامه نطلع نجهز ازل...
احمد: - حبيبة خلي كلشي بالمعقول ولا تبذرين ولو انتي ما تحتاجين توصية
شهاب هم وليدج...
واخذي فلوس من الكنتور اشتري لاسيل شي وياج فرحيها بي...
منا لمن يخلص عرس ازل يلا نسوي نيشانهم
اني كلت لحسن تريد اسوي نيشانكم هسة ما قبل.

كتلة براحتكم...

امل: - هاي هية لعد هم الصبح يجون بعد...
ازل: - كاعدة اتراسل وي جوري واشاقة واضحك
انجر الموبايل منها واجاني صوت الغول...
شهاب: - اكول يحلوة بدال ماصارلج ساعة تلغين وي جوري كولي عندي رجال اسأل عليه أشوف اخبارة...

ازل: - شكو اسال عليك يأكل بيك السبع شهر ما تخلص ترى لا عبالك ناسية شسويت...
شهاب: - يمعودة شسويت هو راشدي تتزوجين وتاكلين غيرة...
ازل: - بحلامك يا حباب ايدك إذا مديتها عليه والعباس احركلك إياها ورجع الجهاز لجوري يلا.

شهاب: - خاتون باجر الصبح اني يمج أريد التراك الرصاصي تلبسينة...
ازل: - هم زين كتلي إيناس جاي تخبز مازال حاب التراك أروح اخليها
تسوي وصلة للتنور...
شهاب: - خلي أجي والكاج مالابستة اخ يا كلبي شسوي بيج...
ازل: - شوف اديدناتي دا يرجفن خوفتني شتسوي بلة...
شهاب: - اسوي أشياء عقلج البرئ ما يتخيلها...
ازل: - اي خوش شكرا ادلل تامر مع السلامه سعيدة بمعرفتك إلى ازفر من السمج بأي.

سديت الخط واتنفست أوف ياه متت...
شهاب: - كون خبال الخبلج اي والله ماتصيرلج كل جارة...
ازل: - مر الوقت واجة صباح يوم الجمعة
امي والبنات يعزلن بالبيت راح يجون على الغدة والعصر نطلع للسوك...
أخذت التراك الرصاصي وشمرتة يم التنور
وطلعت اتراك شوية ادبسسز
ههههه مخصر ومدلع...
شعري اصلا اني ما اشدة من يوم الكصيتة
عطر وكذا
خلي شوية نلعب بشقاوة
هبة كالت خلي بس حمرة وردية وكافي...
سمعت صوتهم اجوي.

حطيت رجل على رجل بغرفتي وكعدت امي صاحت تعالي ازل...
كتلها اي ماما هسة اجي دا أساعد ايناس
وهو جذب اصلا ايناس بغرفتها
دخلت علي جوري...
جوري: - ولج جذابة وحقيرة ماتطلعين عليه.
ازل: - كمزت ياااااي اجيتي...
جوري: - ليش ما تجين تسلمين...
ازل: - اسكتي عود ردت أبيع ثكل واصير شخصية وكذا...
جوري: - لا حباب خلي نطلع يلا ولا تلبسين حجاب خلي يحترك اخوي شوية...
ازل: - اوك طالعة يلا.

مشيت وجوري بصفي دخلت اسلم واني اعوج بحلكي عود صوتي ناعم وكذا
هلوووووو شهاب شلونك
شهاب: - هلو بيج
باوعت لأمي وغمزتلها
ربيعة: - يمه ازل اخذي شهاب يشوف غرفتج...
ازل: - ها خالة يشوف غرفتي.
امل: - كووومي امي اخذي رجلج
ازل: - يلا شسمه جوري تعالي ويانة نشوف شهاب غرفتي...
ربيعة: - لا جوري راح تجيبلي ملح صار عندي هبوط
شهاب: - يلا ازل اتحركي
ازل: -اخذت شهاب ورحت هستوني دخلت للغرفة وما حسيت إلا...