رواية رحل همي حين عرفتك للكاتبة زهراء أمجد الفصل الخامس والعشرون

رواية رحل همي حين عرفتك للكاتبة زهراء أمجد الفصل الخامس والعشرون

شهاب: - يلا ازل اتحركي
ازل: -اخذت شهاب ورحت هستوني دخلت للغرفة وما حسيت إلا، جرني اله
- تعالي تعالي والله وكعتي بين ادية...
اليوم شيخلصج مني...
- اكلك شوف حيطان الغرفة وعوفني قربة لوجه الله مو يردوك تشوف غرفتي شوف...
- اني مو كتلج أريد التراك الرصاصي تلبسيه، وينه...
- وداعة جهال امي كلهم شمرت التراك يم التنور من ايناس جانت تخبز بيه...
- سحبتها عليه يالله شكد ناعمة
نسيت بهل الوقت...

ايد حاوطت خصرها وسحبتها الي، وأيدي الثانية صرت امشيها على خدودها احلى شي بالموضوع تحاول تفلت نفسها مني
وهي عبالك طفلة بيدي
حبيت صغر حجمها وي حجمي احب عنادها وغرورها...
أحبها وهي متنرفزة وتحاول تبين قوتها
رفعتها الي
احلى ما بيج شعرج كصير...
- جنت اقاومه بكل قوتي اريدة يعوفني
من كال شعرج كصير حزت بية الكلمه
كل ذني دا ينتقص مني...
رديت
هييي ترى شعري جان يوصل لرجلي بس بس غير لمن اتمرضت كصوا...

- اباوع على عيونها تلقائيا تحولت للحزن
رديتها
واني احط راسي بركبتها
اني أكره الشعر الطويل ما يخلي نحرج ينفس
ما يخلني أخذ راحتي وي هل نحر
صرت اشم بعطرها
واني متخدر
رفعت بدي التراك وهي تدفع بيدي
ااااخ غير غايتي ذني شامات الخصر مبتغاي، ما بقن عقل بيه بيوم الشفتهن...
دنكت وعضيتها من خصرها خرب بعشيرتج
خصرج منحوت نحت
انتي وين تودين الاكل نزلت تراكها وعفتها...

ازل: - مو صوجك صوج إلى دخلك بغرفتي اشو عافني وراح للكنتور...
- طاح حظج هذا كنتور بنية لو مصارين دجاجة...
جريت شال من ملابسها
وأخذت عطرها رشيتة على الشال وهي واكفة تباوع عليه
مررت الشال على ركبتها اريدة يلمس ترافتها...
اخذته وطلعت...
ازل: - بله هذا انسان طبيعي لا ويكولون ازل مخبلة تهي بهي...
ايناس: - جنت بالمطبخ مخبوصين اني وعمتي وهبة اليوم عيال ازل يمنا اجوي
وحايرين بالغدة اجاني
علي ابني كالي بابا يريدج.

عفت كلشي ورحتلة
عيسى: - تعالي انوستي فدوة لعينج طلعلي الفلوس مستعجل...
ايناس: - شبيك مستعجل وين تريد
عيسى: - لج بابا غير اشتريت بيت وهذا الرجال كلي جيب فلوس وتعالي بساع
ما عرف شعندة...
ايناس: - لحظة بيت شنو إلى تحجي عنه...
عيسى: - شبيج ابوي انتي شو انطيني المفتاح
أخذت المفتاح يبووو ايناس ابد مو وكتج...
ايناس: - عمه عمه تعالي شوية اريدج...
امل: - ها ايناس عزة ولج شبيج تبجين شكو شصاير...

ايناس: - عمه الحكيلي عيسى أخذ الفلوس ايكلي بيت مدري شنو
شسوي...
امل: -سواها صدك عيسى ولج شكو تنوحين فلك الله عليج ترى هو مشتري بيت أريد يطلع انتي شكو تبجين...

ايناس: - عمة والله ماريد اطلع انتم اهلي وعزوتي وين يريد ياخذني اني والجهال وهو يروح للدوام ابقى وحدي...

امل: - ولج بنتي استهدي بالرحمن ترى مو هسة تنتقلون لا ورة زواج ازل
وبنتي قابل اني طاردتكم والله معزتج من معزة بناتي...
وعيسى جبيري بس هاي سنة الحياة بنيتي
اليوم انتي تطلعين وتستقرين ويصير عندج بيت واجي واكعد يمج
وباجر هبة تطلع...
هاي دينة مرت رياض شوفيها كاعدة بيتها ونروح ونزورها
قابل نتكاطع وانتي جاي تبجين...
ازل: - هاااااي شكو ولج عزززة بعيني ايناس شبيج تبجين...
ايناس: - ابجي أريد واحد مثل شهاب.

طلكوني من عيسى...
ازل: يا يا فلك اي والله وعيونج انطي الج بس كومي يلا اني اصير محامية واطلكج من عيسى.

امل: -من هل المال حمل جمال كبور الماتلفجن لا زغيرة ولا بعيرة...
ازل: - عليج الله انوسة شبيج تبجين.
ايناس: - ولج تعاركنا اني وعيسى...
ازل: - أول تالي تتعاركون على شنو بلة...
ايناس: - راد ينام وياي وماخليتة اررررتاحيتي أوف من ملحتج...
ايناس: - اني مرت الاخ الجبير لعائلة أحمد
اني اصير من كرايبهم البعيدين
عندي خوات اثنين وأخ واحد
اني يتيمه الأب...
صارت عدنا فاتحة واجتمعت الاقارب كلها يمنا.

هناك وشفتة ايي شفت فارس أحلامي ما عرف هو ابن منو ولا بصفة شنو واكف بنص الحوش وي الولد...

لابس تراك اسود نص ردن ولف الشماغ على رأسه
جنت اباوع علي واكفة...
فاتت وحدة من بناتنا سألتها منو هذا
كالت عيسى ابن عمو أحمد رجل امل
عرفتهم...
شافني اباوع عليه خزرني
واني من هل خزرة علنت انتمائي اله...
اني بطبعي جريئة ونبها على كل أمور الحياة
محد علمني شي بس اني بطبيعتي اعرف اتصرف
رغم كلشي موجود ومحيط بي ومتوفرلي كلشي
لكن يبقى فراغ الأب جبير بحياتي...
واكفة بالباب الخارجي وصافنة عليهم يشتغلون.

ويطببون غراض للبيت لخاطر الفاتحة
وكلساع عيني تجي بعينة
خلصت الفاتحة...
ورة تقريبا شهرين دك بابنا
وشفت عمتي امل وياها عمه رباب دخلن للبيت
بين السلام عرفت من أختي هم جايين يطلبوني لعيسى...
فرحتي ما وسعتني وفعلا تم كلشي على خير
وتزوجنا اني وعيسى عيشني بالجوء العائلي إلى جنت اتمنى...
عمي أحمد عمرة ما فرق بينا جان بالنسبة إلى والد...
وعمتي امل صح حازمه بعض الأمور بس الله شاهد عمرها ما قصرت وياي.

لذلك احبهم واعتبرهم اهلي...
البنات كلهن من يجني
مستحيل ينسن صوغتي اني وجهالي
وحتى نسوان حماي هبة ودينة...
صح يصير بينا خلاف لو على عركة جهال لو على شغل
بس ما نطول بالزعل ابد
اليوم من بلغني عيسى هو يريدنا نعزل
فعلا استهضمت...
حسيت راح أفقد هل عائلة وأجواء البنات
هاي ازل إلى دائما تصيحني الزريكة
اني وياها نصير مالخ بالحجي
بس تجي تشبك وتبوس ابد ما حط بالي وي حجيها ولا أزعل
هم عائلتي إلى أحبهم...

ازل: - كعدنا نتغدة كلنا بس هبة وايناس المطبخ ماقبلن يجن ويانة
الاخ ماخلني أكل كلساع مسوي حركة وماخلني أكل...
تالي عفته ورحت كعدت بالمطبخ
أكلنا
اني وهبة وايناس ونسولف وهن ينطني نصايح شنو اشتري وشنو احتاج
صبيت الجاي وديتة الهم ورة الغدة...
غسلنا المواعين وجوري منطلقة ويانة...
ازل: - عزززززة بعين الزريكه تف تف على هل حجي أروح يم جوري أحسن...
اخواني اجوي وابوي كلهم بالاستقبال وي شهاب
خلصنا شغل.

وكعدنا يم امي وخالة ربيعة
بين السوالف والضحك اشرتلي ايناس
كمت وراها
للغرفة
ها انوسة شتردين...
ايناس: - تعالي كعدي خية خليني احجي وياج...
ازل: - كولي ولج شكو...
ايناس: - شوفي يحلوة
راح تطلعين وي رجلج وعمتج شغليلي عقلج وافهميني...
اي كلمه بشارع ما تحجين إذا حجوا شي جاوبي على كد السؤال...
مو تبقين تلغين انتي وجوري وعبالك بالبيت
خبالات البيت عوفيهن بالبيت شيكولج رجلج
لا تعاندينة...

يعجبة شي وايكلج عليه اخذي انتي اخذي بدون العناد، والمرة المليون اكلج بدون عناد
ماكو رجال يحب مرتة تعاندة بشارع...
عندج بيت وعاندي وادللي براحتج
بس برة احفظي احترام رجلج وشخصيته وي الناس...
ازولة اخيتي الزغيرة انتي
خليج يوم هادئة وحبابة ويوم عيشي بجنون
ترى الرجال هم يبزع...
وملابسج خليها بالي يرضيج ويرضي ماطول هو ما منعج غير من الابس الضيك عوفي انتي بغنة عن المشاكل
هاي ايام ما تتعوض عيشوها...

ازل: - هي تحجي وتسولف كمت حضنتها انوسة ربي يحفظلي اياج من كل شر ويديمج إلى يا حنينة...

ايناس: - كبر خنكتني شو وخري مني وتعالي نشوفلج شي مناسب تلبسينة...
ازل: - رحنا لغرفتي وصارت ايناس تشمر بهدومي اجتي جوري...
جوري: - خاينات شجاي تسون...
ايناس: - اجيتي والله جابج تعالي بما انو انتي أخت شهاب اكيد تعرفين شيحب بالبس وشنو يكره...

جوري: - شهاب يحب الألوان الغامقة بالطلعة خصوصا للبنية اني من يأخذني يشتريلي ملابس على ذوقة
دائما يبتعد عن الألوان الفاقعة
الي تجذب النظر...
ايناس: - همممم اني عرفت لعد شراح نلبسها
جريت قاط بنطرون اسود قماش عدها وياة سترة سودة تغطي الورك بطولها
وقميص ابيض أبو الطبكات من كدام
السترة بيها فيكة تور بردانها وبالضهر
كلش مرتبة...

حذاء وردي وصخ والشال ودري وبي وردة ناعمة سودة والجنطة بين الوردي والأسود كذلك...

شنو رايجن هيي...
ازل: - مو عبالك رسمي زيادة عن اللزوم...
جوري: - لا اصلا شهاب يموت على هيج لبس ايكول أنيق أكثر من البقية...
ازل: - اممممم خلينا نجرب نلبس إلى يحبة اخوج وانشوف يرضى لو لا...
ايناس: - كومي اسبحي وتعالي بدلي حتى نحطلج مكياج مرتب...
ازل: - اوك يلا لعد اني كايمه...
طبعا احنا عدنا حمام خارجي بالترك يصير يعني من الحوش واروح عليه...
هل حمام لأن بارد بكل وقت احب أسبح بي.

دخلت للحمام سبحت وطلعت واكفه بالحوش وصرت انكت بالمي إلى بشعري ابد ما حب
انشف بخاولي او منشفه...
رغم امي شكد ترزلني على هل عادة بس عادي عادي عسل على كلبي الرزالة
حتى بالشتة اطلع الملابس لازكة عليه من المي...
احرك بشعري حتى ينشف مادري ليش خطرت على بالي اغنية هزي هزي
دمت ادندن واهز وانوب اكمز
أضحك ومتونسة وي نفسي اجاني صوته...
شهاب: - قسم برب العباد إذا ما دخلتي جوة يا ازل لكون مطيح حظج شهل الخبال...

ازل: - لا يالله بس لا شافني خررررب بحظج ازل
كل موقف أسوء من الثاني تصخمت
رسمت بسمه جذبية على وجهي
ودرت عليه
هلو هاي شوشة هنا شلونك حب مشتاقيلك
يلا بأي رايحة...
شهاب: - اتحركي خطوة وخلي اكسر رجليج...
ازل: - ترى حيرتني مو هسة تكلي طبي جوة
شهاب: - اكلج طبي لأن أخاف أحد يشوفج من الجيران البيوت داير مداير بيتكم
وانت ناكعة مي والأسود مبين واني ما حب أحد يباوع على شي يخصني...

ازل: - شهكت على تفكيره الادبسسز واني اعرف شيقصد دفعت أريد أدخل
جرني عليه وما عافني...
شهاب: - ريحتة وي قطرات المي إلى غازي جسمها وشعرها كتلة من الإغراء
واكف وتدندن وي روحها وساعة تهز بخصرها
وساعة تنثر شعرها...
عفويتها مغرية بالنسبة الي...
اغتاضيت منها...
ملابسها طابعة وكل شي مبين...
صح دنيا الضهر بس خاف واحد من الجيران يشوفها، سحبتها الي
احب ارتباكها وهي بقربي تنثول كلش وتبقى بس تريد تشرد...

رفعت ايدها وصرت امشي شفايفي على اوردتها
صافنة بوجهي بدون اي ردة فعل...
مجرد جسمها مقشعر ضحكت على تاثيري عليها
يحلوة طبي جوة لا ياخذج الواهس
اعوضج غير وكت...
ازل: من سحبني كل ضني راح يضربني
بس فاجأني وهو يخلي شفتة على اوردة ايدي
شعور غريب راودني قشعر كل جسمي
بس نرفزني كلمه...
دفعته ودخلت للغرفة
قلبي يدك بسرعة من أثر الشردة صدك جذب ازل أهدي أخذت ملابس الطلعة بدلت...

واجتي ايناس خلتلي مكياج يتوالم وي بشرتي احب مكياجها بسيط وبنفس الوقت مرتب...
امي وخالتي مكملات ويشربن جاي يخلصن ونطلع طلعت واني ادور على العطر اني احب عطر شاليز دائما استخدمه...

بس هذا الخبيث حسن يرش منه للمبردة او للاستقبال يكره معطرات البيت الا عطري يحط منه ويخلصة...
كلما أضيع عطري الكاه بالاستقبال لو بغرفة حسن...
رحت دورت بغرفتة ماكو
يعني بالاستقبال دخت وصوت الكعب يطك شفته عطري على الميز صرنة نتناكر اني وحسن
على العطر دخل شهاب...
- لا تحطين من هل عطر...
- شهاب حباب كله خلي ينطني عطري والله مو حالة...
- عوفي وتعالي وياي للسيارة خلي انطيج شغلة...

- اصبرلي يا حسن افندي والله إلا اكول لبوي عليك
حسن: - دولي كافي دوختني...
-جريتها من ايدها وطلعت ادري بيها إذا اعوفها
تبقى تتعارك ويه حسن...
طلعنا فتحت السيارة وطلعت عطري
وكفتها كبالي
جريت ايدها رشيت على معاصمها
رشيت على شالها
غركتها بعطري
عطرج نسائي ماريدج تفوتين من يم رجال ويشم عطرج بقي إلى وبس...
- شسمه هذا خلي ندخل عيب احنا بشارع
-ااااااخ لو اعرف هو الشسمه شنووو.

طبي يابة طبي يلا كليلهن كافي خلي يطلعن هم ورانا فرة بعد...
- يييي ادلل هسة اكلهن
-فدوة للعقل أروح
- ابتسمت وطبيت
يلا ماما خالة جوري شهاب ايكول يلا
طلعنا كلنا
خالة كعدت بالصدر
واني وجوري وامي ليورة كبل عكس المراية علي
طول الطريق
تجي عيني بعينة يبتسم
وصلنا وسحبني وخلة اصابيعية تتوسط أصابعي
صرنا نفتر من مكان لمكان ماخلينا مول يعتب علينا...
ولا سوك اشترينا كلشي
هو مكاود أيدي واني لأزمة جوري بيدي الثانية.

امي وخالة يمشن كدامنا
عاجبني شعور وجود شخص وياي هيج ماعاندت ابد...
خصوصا من صرنا نختار ملابس
شفت جانب مختلف تماما عن شهاب
ملابس البيت كلشي يعوفه براحتي بس ملابس الطلعة...
هو اختارهن ذوقة هادئ كلش
عطور ومكياج
وكل شي اختارينا سوى
وكت كمنا نشتري بدلات نوم العرس
وبدت الفضائح...
هو وخالتي يتشاقون على بدلات النوم خزونا
ما قبل يشتري بدلة النوم طويلة
ايكلها الله اني احب أفخاذ الدجاج
والله انطاني دجاجة...

البسها طويل ليش
يختارون بلا خجل هو وامي واني وجوري شاردين
ذهب كله على ذوقة الله يشهد ما قصر وياي بأي شي...
حتى مكص وبكرة وابر اخذلي
مناشف وخواليات وجراجف ما بقى شي
حتى جوري اشترينالها ويانة وامي وخالتي...
أخذنا عشاء ويانة ورجعت للبيت
متكسرين تكسر
تعشينا والبنات يشوفن بنيشاني
اني من التعب ما وصلت حتى للغرفة نمت على وجهي بالهول
وجوري سحلتني للغرفة
نمنا اني وياها للصبح
ما صحيت إلا على صوت حسن يصيح و...