رواية رحل همي حين عرفتك للكاتبة زهراء أمجد الفصل السادس والعشرون
أخذنا عشاء ويانة ورجعت للبيت
متكسرين تكسر
تعشينا والبنات يشوفن بنيشاني
اني من التعب ما وصلت حتى للغرفة نمت على وجهي بالهول
وجوري سحلتني للغرفة
نمنا اني وياها للصبح
ما صحيت إلا على صوت حسن يصيح و...
ااااززززززل اااااززززل كومي بلة شوكت تكعدين...
- كمت مفزوعة شكوووو حسن ولك منو مات ابوي وين امي بيها شي...
عزززة بس لا ايناس وكعت ادري بيها عووبة
ولك بس لا رياض بي شي يمه دخيلك ربي ولك ما تحجي شكوووو...
- وسم حتى سم انكرصتي شبيج انطيني مجال احجي الأول...
-كول يخوي صياحك وكف كلبي شكو...
- اسيل مريضة كلش من البارحة بس تتقيى ومصخنة
وإبراهيم بالدوام مايدري بيها...
وأمها تتوسل بيها تأخذها اتكلها ماكدر اكوم ولا أتحرك
البارحة الليل كله اتصل عليها ماردت تالي خابرت عمتي وكالتي مريضه...
كومي ازولة فدوة خلي نروح ناخذها للمستشفى
امي بالسوك...
-حسن لعد جوري وخالتي وين...
- ازل صدك تحجين وصلوا لبيتهم هسة.
يلا بدلي فدوة...
- يلا بس ألبس جبة وشال واطلع
اني وابدل اتصلت على شهاب...
شهاب: - ها بنوتي صح النوم...
-يصح بدنك عيني
اكولك شهاب اني رايحة وي حسن لبيت اسيل مريضة وناخذها للمستشفى نريد...
- روحي بنتي روحي وي اخوج
وطمنيني عنج اي شي تحتاجونة اني بالخدمة...
- تسلم ما تقصر في امان الله...
شهاب: - الله وياج حبيبتي
- سديت الخط وابتسمت على هالكلمه
طلعت لحسن ورحنالها...
اسيل من النوع إلى المرض يبين بوجه راسن.
عيونها تعبانه
مغطاية بطانية وترجف خالة يمها ماتدري شتسوي...
صحت حسن يدخل يشيلها اسيل تعبانة كلش
وجسمها ثلج وهي تصيح بردانة مو مصخنة...
عزززة هاي اسيل مزوركة ونفسها ضعيف
شالها حسن وطلعنا كبل للمستشفى
دخلنا للطوارئ...
الدكتور...
فحصها اخذوها من عدنا ركض ركض الدكتور تخبل
كال
الدكتور: - هل البنية ملدوغة السم مالي جسمها...
- حسن تخبل عليها
مادري شسولها الدكاترة
وأشوف حسن يلوب عليها خطية.
شكد انقهرت عليهم هي بيد الدكاترة وهو برة يلوب عليها
والعيون حمر
خالة بقت بالبيت وي حنوشة وسويدة ماتكدر تعوفهم وحدهم...
ساعة وطلع علينا الدكتور وطمنة عليها كال حمدلله على سلامتها بس خلوها ساعة زمان يلا تطلعونها
ترى كوة لحكنا عليها...
حسن حضن الدكتور خطية صرت احمد الله على سلامتها...
راح حسن يجيبلها عصير طبيعي
الدكتور كال شربوها سوائل هواي...
الدكتور كال عادي دخلي يمها
دخلت عليها
مشكليلها مغذي.
فتحت عيونها وابتسمت بوجهي...
اسيل بضعف: - شبيج وجهج مصوفر ترى ما أموت قبل ما أحضر عرسج...
وكفت كبالها ونزلت دموعي اسولة اني اسفة لهيت عنج صار يومين بس والله مو بالقصد أخيتي اعذرني
والنبي انشغلت بالجهاز وأهل شهاب يمي...
- يا نبي منهم بلة احلفي عدل
ازل: - وداعة النبي سام مو قصدي
-بوسي ايدي يلا اسامحج...
ازل: - جريت ايدها وبستها انتي اختي حالج حال أية حبيبتي انتي والله خفت افقدج حبيبة روحي وصديقة عمري...
اسيل بكاء: - كافي ولج والله بعد ماكدر ما ابجي
حسن: - احلى منظر شفتة بحياتي اختي وزوجتي وهن وحدة تعترف الثانية بااهميتهن
بالفعل خفت أفقد اسيل اليوم
دخلت عليهن محمل غراض وأكل
ازل جبتها بدون لا ريوك ولا شي وهاي الثانية اكووو وحدة تنلدغ وما تحس
أريد اصخم وجهة وين احساسها معقولة...
بطلن مشاعر يلا وازل كومي من مرتي يلا.
ازل: - ادلل خيي انطيني علاكة الاكل وهاك العصير انطمر انت ومرتك اني بالباب أريد أكل مرتك وجه يسد النفس...
حسن: - ازحلكي بعد اخوج
طلعت ازل واقتربت يمها
خصلات من شعرها طالعة من الشال
صرت أضم بشعرها بالحجاب
زعطوطتي عبالي بس يمي تفقدين احساسج
اثاري حتى اللدغة ما تحسين بيها حبيبي...
اسيل: - لا مو ماحسيت بس اني نايمه الضهر وحسيت شي بدشداشتي
نكتت ملابسي وكع شي عبالي سلبوح
كتلتة
ولليل كمت ما حس بجسمي...
-حبيبتي روحي انتي اسولتي عدت على خير الدكتور كال
لدغة صل حية مو سلبوح
يمسودنة...
- حسن اني احبك.
- اويلي على كلبك حسن يروح حسن انتي بستها من كصتها
خلص المغذي وطلعناها
ما خليتها تمشي شايلها على صدري وانفاسها بركبتي
هاي حبيبة روحي...
رجعنا للبيت وانطيتها العلاج خطية عمتي خايفة عليها
كلت لازل تبقى يمها اليوم
بس علمى تشد حيلها شوية
عفتهن وطلعت...
اسيل: - مادري شنو مسوية حسنة وربي رزقني بحسن
أحمد الله علي فدوة لعينة ولحنيتة
ربي يتيمه وجازيتني بي
ازل: - اكلج يحلوة وين صافنة ترى حسن وصل اهلي.
- انجبي ماصافنة اكلج أريد أسبح
- كلوووووووووش وأخيرا حنيتي لج منج من الشيطان راح تسبحين
ولج وتلفين وتذبين الوصخ
ولكم أنطوني وصلة أريد اركص...
- لا راح انطيج انعال يعدل يتضاريس وجهج
انتي خاتون كلت لرجلج راح ابات يم اسيل.
- لا والله خية ما كتلة
-دكومي انطيني ملابسي وروحي خابري
-ادللي خية تردين تراك لو دشداشة
- لا انطيني دشداشة خفيفة
أخذت الملابس وعفتها ورحت اسبح.
شهاب: - شكد حبيت تصرفها وهي تاخذ أذني حتى تطلع وي أخوها
خلي اخابرها اطمن عليها...
شلت الجهاز أريد اتصل هي دكت
ياربي الكلوب سواجي...
ازل: -الووو
شهاب: - يفدوة لل الووو وراعيتها، فدوة لهل صووت...
ازل بخجل: - شلونك شهاب...
- بخير اني إذا الحلوة بخير
شلونج بنوتي خطيبته حسن شلونها...
- لا صارت احسن الحمد لله
بس شسمه شهاب اني راح أبقى ابات يم اسيل اليوم...
-هسة انتي جاي تكليلي لو تاخذين رأيي.
-بكيفك شتعتبرها اعتبرها...
-زين لعد ارجعي للبيت ماكو مبيت...
- اوك تامر هسة اخابر حسن يرجعني...
-دخيل ربج بنوتي اشاقة وياج يالمطيعة ابقي وي صاحبتج لا ترجعين
بس جوابج فاجئني
ردتج تعانديني حتى نتعارك شوية...
-طاك عقلك على عركة؟
- يلا يحلوة بلشي خبال...
-بربك لو ماخذتلي دكتور عاقل مو احسن من هل
لخبال...
-طاح حظج ولج دكتور بعينج
لازم اليوم عيونج بقت على الدكاترة...
-اوووف لو تشوف شلون دكاترة حبابين فدوة.
انوب ابد ما عافونة كلساع دكتور يجي يطمن...
شهاب بغيرة: - لعد حسن وين عنجن هيي...
-حسن يم اسيل واني برة جنت أكل اجة الدكتور كالي علمود الحلوات الجوعانات راح أفتح محل كبال كل غرفة...
-اليوم انعل أبو لأبو الخلفة ولو مو صوجج صوج الخلاج تطلعين، وضل بلغرفه ويه خطيبته...
- ههههههههههه بطل بطل مسبة دا اشاقة وداعة بيبيتي سعدة
لا شافني دكتور ولا شفت دكتور بس مو انت ردت عركة وحرك أعصاب اكلها...
-خبيثة هو هيج كالوها غير نتفق بالبداية...
- لا هيج ونص تونست شكرا الك...
- ولو ادللي بنوتي خادم بكل وقت عاجبج تتعاركين تعالي عليه شعندي غيرج
بس مو تكعدين تنوصين وتبجين...
- لا اصلا اني هم راح أبدي اللعب حديد حتى نتعارك والسبع يطلع دم...
شهاب بمكر: - امممم بنوتي مستعجلة.
- اي والنبي أكون اكسر سنونك واطلع دمك
-هههههههه كومي ولج تكسر سنوني تردين راشدي...
- اقسم عليك بهارون وبااخيه موسى
لا تستخدم وياي الراشدي بس بالحالات الطارئ
لأن والعباس أبو فاضل أسمك واموتك
ما اتحمل أحد يطخني والحمزة افتن عليك يم ابوي واخرب كلشي عليك...
-بطلي دراما حبيبتي وصيري عاقله...
-يلا عيني أروح لاسيل...
شهاب: -اشررردي يحلوة
ازل: - هههه في امان الله باشا، بااي.
سديت الخط يارب تمم علي نعمتك واسعدني وياة
بدأ كلبي يميل اله...
صارت دنيا العصر وكعدنا اني واسيل وخالة بالحوش
جنة مسوين طماطة بالدهن
وجاي وناكل وحنوشة وسويدة متعاركين على الكوب
اثنيهن يردون بي
لأن جبير
متونسة وياهم وكلش احب الطماطه من تلجع بالطاوه اكله يحبوها اغلب العراقيين...
: : : في بيت احمد
احمد: - اشو ازولة مالها حس، وينها من الصبح ليهسه...
ايناس: - عمي اسيل تخربطت وحسن اخذها ازل الصبح وراحو اخذو اسيل للمستشفه وبقت هناك يم اسيل...
احمد: - لعد هذا الاثول ما نطاني خبر شبيها اسولة...
ايناس: - ياا خطية عمو غير ملدوغة وماحسة بنفسها لحد ما متخربطة كلش
وراحوا ازل وحسن خذوها للمستشفى...
احمد: - كومي بعد عمج صيحي عمتج وخابري عيسى خلي نروحلها...
ايناس: - عمو خليها ورة العشاء كلنا نروح مو مال نطلع هسة...
احمد: - هاي هية لعد ورة العشاء كلنا نروحلها هم بنيتنا اسولة...
ايناس: - عمه بليل نروح لاسيل
عمي ايكول...
امل: - اي والله اني هم ردت نروحلها
صيحي هبة
كليلها خلي نستعجل بالعشاء لعد...
هبة هبه وينج ولج يمعودة...
هبة: - تعالي هنا ولج بالمخزن
ايناس: - شسوين ولج هنا
هبة: - ولج أريد ادور على ملابس مال نعمان مادري بيهن وين
باجر يطلع يساعد صديقة يردون يصبغون بيت ولد يريد يزوج وهم متكفلين يرممون بيته...
ايناس: - ولج عمتي تكول استعجلن بالعشاء انروح لاسيل...
هبة: - هسة خية جاية اييي واخيرا لكيتهن
ايناس: هههههه دمشي يلا
حسن: -أول ما دخلت للبيت استلمني ابوي اكس مربع حجي لأن ما بلغت أحد منهم
اصلا كيفت من كال نروح لاسيل
هلا هلا
نشوف الحب الصبح ما شبعت منها...
اسيل: - كاعدة اتعشة واجتني رسالة من حسن كال راح اهلي يجون عليج...
بلغت امي وكمنا اني وازل عزلنا البيت
وامي ويانة
شوية ودك الباب طلعت حنوشة تركض.
كالت اجة حسن
طلعتلهم امي
دخلتهم للهول كلهم جايين يالله شكد فرحت بيهم
حسن دخل وبيدة علاكة غمزلي تعاي اخذيها
اسيل بصوت ناصي شنو هاي
حسن: - حبيبتي مصاصات تعيدين نشاطج بيهن
اسيل: - ياااااي فدوة...
حسن: - وياهن فستان اريدج تلبسنة وتجين...
اسيل: - ادلل حبيب الروح...
اخذتة ورحت لبست الفستان وحطيت الشال على رأسي اجيت اطلع بس كلبي ما انطاني اخذتلي
مصاصة كرطتها على السريع وطلعت
كعدوا
يسألون شبية وكذا.
وخذنا الواهس بالسوالف انتبهت الكل كاعد إلا ازل ماكوووو
رحت ادور عليها بالبيت كلة ماكو ازل شنو وين
ارتكبت ازل ماكووو فجأة طفت الكهرباء لا يالله
سمعت صرختها بس مادري وين
شفتها...
وجانت...