رواية رحل همي حين عرفتك للكاتبة زهراء أمجد الفصل الرابع عشر
احمد: - جنت كلي آمل ازل راح تصير زينة
هو كال بعد ما تتخربط...
صليت ركعتين شكر رب العالمين
كعدت ارتل قران مطمن كلها نايمة...
دخلت للغرفة وحطيت راسي وغفيت...
امل: - نايمة واشم ريحة دخان بالبيت
اهوووو بس لا هبة حركت
الجاي هاي ما تتعلم تعوف الجاي على النار وتروح لابنها لحد ما يحترك القوري
من يوم أخذتها لليوم وهي تحركلي قواري جاي...
طلعت واني الف شالي على رأسي.
دخلت المطبخ ماكو شي على الطباخ شنو لعد منين هذا الدخان التارس البيت...
كبل عطت ازل ركضت للغرفة إلى تنام بيها هي واخوتها...
كلهم نايمين بس هي ماكو...
اجتي عيني على غرفتها (الي جانت تنام بيها هي واية)
اشوف الدخان يطلع من الباب يبوووووووووو احتركت بنتي...
صرختي جانت كفيلة تكعد كل الموجودين بالبيت...
ركضت قبلهم واني أريد اطب للغرفة...
شفت ازل كاعدة
بالنص
وملازمها وكتبها ملابسها
كلها دائر مدايرها تشتعل نار.
الجرباية ماخذة نار وهي كاعدة وسط النيران
طغوا النار أخواتها...
وطلعوها من الغرفة
نعمان: - ماضل عقل براسي شنو يلعب علينا هالكشاف كال
راح ترجع مثل الورد مكال راح تحرك نفسها...
نعمان: - أخذت سيارتي وطلعت لبيت الكشاف
لزمت كسرتة تكسر واحد جذاب خنكها وطلع روحها...
بالنار عودك هو يطلع الجن منها ماتت بيدة وهو يكول...
طلع منها المس
تالي جان حركت روحها من ورة.
شوهت وجه بالضرب والله جنت ناوي اشتكي عليه واشوفة الله حق...
لو ما امي تخابرني ارجع أختك مو زين
احكوا عليها...
جانوا حاطين ازل على الجرباية
وكلها موجودة...
ماكدرت اتحمل منظرها
شسوي يا اللهي والله طفلة بريئة...
مو حمل اختبارك ياللهي رحمتك وسعت كلشي
اشملها برحمتك يارب العالمين...
أحمد: - ما بقى بيدي حل وما سويتة
اليوم
ازل ماتت بالحياة بس النفس يصعد وينزل
خابرت على أخواني يجون
وخواتي...
متوقع بأي ساعة تسلم امانتها.
جسدها عبارة عن عظام
آثار بكل جسمها
كل ساع تتقيء دم نصبت العزاء بروحي عليها
إذا قرينا قرآن تنتهي من الصريخ وتتخبل
اخذها سيد محد فادها...
دكتور علاج مافاد وياها أخذتها كشافين وماخليت مكان يعتب علي
سادة بكربلاء وبالنجف ماكو اي فايدة
خليتها على القبلة واني أنتظر
رب العالمين يرحمها...
دخل علي اخوي سالم
هواي لواء بديالى عايش...
سالم: - أحمد أريد ازل اني اعرف علاجها وين...
احمد: - ياخوي لاتجيبلي طاري صاحبك الروحاني هسة هم ترى اني ماخليت أحد ما وديتها...
سالم: - أبو عيسى بالله لا يضربها ولا يخنكها
خلي اجيبة إلها بعد هو احنا شعدنا ونخسرة شوفت عينك هي جثة...
احمد: - هاي هية سالم جيبة بس اني ما أودي ازل لهناك خلي هو يجي...
سالم: - لا طبعا وين نوديها هي شباقي بيها
وهو هنا هنا طريق بعيد...
بس هو منتسب يمي وهاي شغلتة وشكد ضباط يرحوله الله شاهد كلها تحمد بي
حتى فلوس ما يأخذ ايعالج لوجه الله...
احمد: - خابرة خوية خلي يجي الله يجعل شفاءها على ايدة...
للعصر اجة الرجال طلب ندخله عليها شافها
وكال دنيا العصر ماكدر لعلاجها هسة...
باجر من 6 ابدي جلسة علاجها
أريد أبوها واخوانها كلهم يجون هسة أريد احجي وياهم...
سالم: - كول ملأ أنور احجي هذا والدها
وهذا أخوها الجبير
اخوانها البقية بالشغل
ملا انور: - خلي يجتمعون وعندي كلام وياهم.
أحمد: - كاعد بالاستقبال وكعدنا كلنا وياة
ننتظر نعمان وحسن ورياض يجون.
رياض اصلا جان مسافر قبل يومين وصل من شاف حالة ازل طلع كبل كربلاء ما بقى بالبيت.
خابرتهم كلهم يجون...
لليل اجتمعنا كلنا بالاستقبال يم ملا أنور
ملأ انور: - انتم بشر فهموني انتم ناس مصلين صايمين تخافوووون الله بنتكم هيج يصير بيها من وراكم...
ناااااااس جهلة
الغيب ما يعمله إلا ألله...
انت يا أبوها شلون تخلي طفلة هيج يسووون بيها
وأنتم خوووانها كلكم مسؤولين عن هي بية
فهموني منو إلى أستخدمها بهل الطريقة
وين ماخذينها...
احمد: - كلنا انصدمنا من كلام الملأ
شنو احنا السبب شنو مستخدمينها.
قاطعة كلامه...
العفو ملا شنو احنا السبب فهمنا
ترى البنية هذا حالها من ست أشهر احنا ما خلينا مكان ما ودينا إلها
ماقصرنا بحقها لا اني ولا اخوتها...
ملا انور: - حجي الله يخليك البنية مستخدمة باعمال شعوذة وسحر لا عمل ولا عملين
البنية ممسوسة لا واحد ولا اثنين خمس خدام من العالم السفلي هم إلى يتحكمون بيها
وبلي عايشته...
احمد: - انصدمت من كلامه الله شاهد لا يوم مشيت بطريق شعوذة ولا سحر.
لا اني ولا أ فرد من عائلتي
ازل منو إلى سوى هيج بيها...
ملا انور: - الله كريم الصباح رباح لازم ب6 ابدي وياها بس اريدكم موجودين...
ثاني يوم ب6 الصبح تماما كعدنا كلنا حتى أخواتي كلهن موجودات ملا أنور طلب
ندخل ازل للاستقبال
ونلبسها إحرام صلاة ابيض ماريد اي لون اسود بهدومها...
اي شي حديد فضة ذهب ذبو منها
أريد أربع قرآين كبار واحد من أخواتها خلي يجبلي شمع احمر...
ورق سدر
أريد مي حار كون يفور وملح خشن
حرمل
وبخور.
وفحم جيبولي
كلكم اطلعوا أريد بس حسن اخوها
قفلوا الباب والشباك
طفوا البلازما
احمد: - طلعنا كلنا
امل والبنات كلهن واكفات بالباب ينتظرن
عيونهن علي يردن يعرفن شصار جوة...
نعمان راح يجيب الشغلات إلى طلبهن الملاء
سالم راح لبيت رباب واكفين
كلنا نترقب وندعي الله يجعل شفاءها على ايدة...
حسن: - بعد ما طلع الكل بقيت بس اني بطلب من الملأ استغربت ليش اني بالأخص اني
اصلا ما آمن بهاي السوالف كلها.
بقيت كاعد كبالة وازل مددينها بالفراش
حط القرائين واحد عن يمنتها واحد عن يسرتها
واحد بقى يم رأسها...
بعد ما نعمان جاب كل الشغلات إلى طلبهن هو
بدأ يشعل بالبخور تلقائيا ازل بدت تكح
الغرفة صارت تخنك
الشمع الأحمر سواهم على شكل دائرة وشعلهن
بدء يحجي بلغة مو مفهومة لكن كان يكرر كلمة
يا خدام العالم السفلي أقسم عليكم بحق الله
أقسم عليكم بحق إلا اله إلا الله أن تطيعوني
أن تطيعوني...
بقسم عليكم بعلي بعلي أن تطيعوني...
هذا كلام يحجي وبعدها يبدي يحجي بلغة ماعرفها
صرت اباوع على النار إلى بالشمع ارتفعت تقريبا نص متر...
وهو طلع محبس من حديد عريض لابسة بالبنصر
وصار يقرأ سورة يس هنا انتفضت ازل من فراشها وصارت تحاول تكوم
بس عبالك اكو شي يمنعها بدت تصرخ بعلوا صوتها...
وهو مستمر يقرأ بصوت يشرح الصدر
تقدم عليها
وحط ايدة على رأسها
وهو يرتل سورة الرحمن
ويكول يارب بحق فضل هذا السورة
اشفع لها، بدت تتقيى دم، وهو مستمر يقرأ.
طلع سرنجة من العلاكة مالتها وصار يقرأ عليها
قرآن...
لازم اصابع ايدها
إصبع إصبع وهو يجكة بالسرنجة صارن أصابعها ينزفن دم...
أتوجه الأصابع رجليها كذلك خلهن ينزفن...
وهو يقرأ جوء الغرفة صار يخنك
باوع علي وكالي تحمل
لازم تتستمر الجلسة
صارنة على هالحالة من ال6 الصبح وهسة ب11 الضحى
صار خمس ساعات...
هي تعيط وهو يقرأ قرآن ويشتغل وياها حتى مي ماشرب...
ذب الملح الخشن بالمي الحار وأوراق السدر.
وكام يتمتم بكلمات بصوت منخفض
حط رجلين ازل بالمي...
وهو يفور عاط ازل عيطة خلت ابوي يكسر الباب حتى افتحة اله ويدخل...
ملا أنور رفض ماخلاني
كلي يخرب كل علاجها إذا فتحتة
ما اهتميت لدكهم كل هدفي تطيب ازل خلي تتألم هسة ولا تموت...
صار لون المي احمر بسواد من دمها
أديها كذلك حطهم بالمي الحار
فجأة بدت ازل تهدأ...
أبتسم وهو رجع يقرأ قرآن يم رأسها لمن يوصل لكلمة مبين يقرأ 11 مرة اية الكرسي
هيج لحد ما خلص سورة يس...
طفة كل الشمع وكذلك البخور
طلعة لزكات مال جروح ضمد أصابعها
فتح الشباك دخل ضوء النهار من الشباك
الجوء بي برودة
الساعة ب 12 الا ربع
التفتلي كال خلي يحضرون غدة
بس اريدة عبارة عن خضراوات ماريد اي لحوم بي
وإذا اكو شوربة عدس يكون أفضل
شافني اباوع على ازل...
كالي ترى نامت اطمن
ملا شنو إلى بيها فهمني
ملا انور: - بعد اقل الربع ساعة تصحى بنوتتكم وهي تسولفلكم شبيها...
حسن: - من كال هيج اجيت اطلع صاح عليه اوكف...
ملا انور: - إلى صار بهل الغرفة انت شاهد علي
وراح يجون أهلك واخوانكم...
وتشهد اني لا سحار ولا كشاف القرآن الكريم هو العالجها...
اكو أمور لازم تعرفونها راح حجيهن وماكو أمور
اتركهن لأن ضررهن اكبر من نفعهن
بس لازم تتعهدون انو إلى كان سبب بحالة ازل يتعاقب حتى لا يكون اكو ضحية ثانية لاعمالة...
حسن: - ملا خلي ازل تشفى وساعتها كل إلى تامر بي احنا حاضرين
تركت وخبرت امي على الغدة
اهلي كلهم دخلوا للاستقبال حتى أخواتي
كلها تنتظر ازل...
إلا الملأ جان مرتاح ومطمن
وي ما كال الله اكبر الله اكبر
بدأ صوت الأذان يعلى...
الجامع كلش قريب على بيتنا لهل السبب صوت حيل عالي الأذان...
جانت وقت الأذان ازل تسطرنا بصريخها وخبالها
شفتها رفعت إصبع السبابة وبدت تتشاهد وي الأذان حجة الملأ...
ملا انور: - كومي بنتي طولتي النومة صار الأذان مالج نية تصلين...
ازل: - بابا وين ماكدر اكوم جسمي يوجعني منو انت عمو...
احمد: - اللهم صل على محمد وآل محمد
الف الحمد لله والشكر ربي يارحمتك يا مولاي
ما قصرت ياربي العالمين
محمود مشكور...
سجدت سجدة الشكر واني ابجي هذا حس
ازل رجع للدنيا...
هاي ازل تصيح بابا من جديد
رحمتك ياربي شملتني بيها
امل كامت تبجي هي وبناتها
سهى هلهلت وصوتها طلع بيناتنا...
الفرحة ما شالتنا.
نعمان كعد بالكاع وهو مدنك راسة اييي هاي دموع الفرح...
بعد ما رب العالمين شملنا بعطفة ورحمته
هاي ازل رجعت للحياة والله ضلمت الدنيا بعينا
على حالها...
الملأ أنور يبتسم على حالنا
اتقرب عليها...
كومي يلة كولي يا الله
وكومي جسمج يوجعج حقج بس انتي أسطورة يلا كومي...
قوية ومؤمنة يلا سباعية نادي يا علي وكومي
ازل: - رغم كل الوجع إلى أحس بي بجسمي عندي رغبة قوية اكوم اي أريد امشي
ناديت يااااااعلي ادررركني وكمت.
على طولي...
ركض علي حسن سندني نعمان العيون حمر صايرة اتقرب علي وطبع شفته على كصتي
وحضني...
عيسى واكف كبالي والبسمة تارسة وجه
خواتي كلهن موجودات ايناس شايلة طفل بيدها.
اية سهى وتهاني ويمامة
ماما وبابا هذا رجال غريب موجود
دارت عيوني رياض ماكو...
بابا وين رياض بس ذكرت اسمة دخل عليه
جان شايل علك أخضر بيدة
أتقدم وحطة على اكتافي...
رياض: - بعد اخوج وروحة موجود اني يمج بس تدرين بيه...
كلبي رجيج وياجن ما اتحمل اشوف وحدة منج بيها شي كبالي...
عيوني صارت على بابا مشتاقة الك كومة
أحس نفسي صار هواي ماشايفته
مشتاقة الهم كلهم...
بس أحس نفسي حيل تعبانة
كوة تحركت وصلت يمه بعدة واكف والدموع تجري...
تقربت علي بينا مسافة كلش قليلة دنكت بست ايدة وحظنت ضمني لصدرة الدافئ
وهو يبجي هديتي حيلي يا بعد شيب ابوج
من عمري على عمرج يا حبيبة ابوج
انتي فرحة روحي وضحكة شيبي
عساها بحظ وبخت السوة بيج هيج...
ازل: - بابا ترى خنكتني واريد أكل
أحمد: - بضحكه ولج جنج على أكل والله لصيرلج مطعم كولي وامري...
ملا انور: - حجينا أبو المطعم مو زين عليها اللحوم
ماكو ترى هههه...
حسن ضحكنا كلنا وهذا اليوم رجع البسمة على وجوه الكل بس الملأ
كال بعد ما تأكل ازل وتصلي لازم نحجي
هواي أمور...
كعدت الملأ يأكل شوربة العدس بخبزة
وخيار وطماطة ازل تباوع علي
كلها بنت حواء تعاي اكلي راح اغص من ورة عينج
ما كالت لا ابد كبالت وكعدت تأكل.
طلعت البنات كلهن بقينا بس احنا
حجة الملأ
ملا انور: - الحجي هواي لازم كلكم تعرفونه
الي صار وي بنتكم مو قليل...
صح احنا اتعدينا مرحلة الخطر هسة
بس بعد علاج ازل يستمر أربعين يوم
وبعدها نحكم هي تشافت تماما
هواي هواجس وخوف راح يلاحكها...
نفسيتها اهم عامل ممنوع منعا باتا تبجي على اي شي اريد كم تحيطونها بنفس الحب والاهتمام
الي شفتة بوجوهكم قبل قليل...