قصص و روايات - قصص رائعة :

رواية رحل همي حين عرفتك للكاتبة زهراء أمجد الفصل الخامس عشر

رواية رحل همي حين عرفتك للكاتبة زهراء أمجد الفصل الخامس عشر

رواية رحل همي حين عرفتك للكاتبة زهراء أمجد الفصل الخامس عشر

ملا انور: - الحجي هواي لازم كلكم تعرفونه
الي صار وي بنتكم مو قليل...
صح احنا اتعدينا مرحلة الخطر هسة
بس بعد علاج ازل يستمر أربعين يوم
وبعدها نحكم هي تشافت تمامًا
هواي هواجس وخوف راح يلاحكها...
نفسيتها اهم عامل ممنوع منعا باتا تبجي على اي شي اريدكم تحيطونها بنفس الحب والاهتمام
الي شفتة بوجوهكم قبل قليل...
وهسة لازم ازل تحجيلنا كلشي صار وياها
بدون ما تضم اي شي أريدها تكون صريحة لازم اهلها يعرفون كلشي.

بعد إلى صار
انتم الكم حق عليها تحجي الحقيقة كلها...
بس قبل كلامها فضولكم
كاتلكم حتى تعرفون شنو إلى صار بيها وليش وصلت لهل الحالة
وهذا واجبي اني اشرحة...
أولا ازل انحكمت من قبل خمس من عشيرة الجن
والجن ما اجاها عن عبث لا
البنية مستخدمينها بعمل كشف وتنويم مغناطيسي
لكن بعد عملية الكشف إلى دخل بيها الخدام
ما تمت بشكل صحيح
الطفلة ضعيفة ورقيقة ما تتحمل الطاقة الروحانية للاستدعاء الجن.

اتفتحت كل ابواب جسمها الروحانية...
تلبس لا ماكو شي اسمه يتلبسها
مس الأصح مس لأن الجن طبيعة خلقا من نار
والإنسان من تراب
ميجتمعون بجسد واحد
للاستحواذ كلة تم لعقلها...
ثانيا البنية متعرضة لسحر اسود يعني السبب ماجان واحد ولا اثنين
سحر الأسود...
ماكدر احجي الشخص إلى عملة إلها بسوء نية
اكتفي بكلامي واكللكم
ملابسها كلها تحركونها ما تنطونهن لأحد ولا تذبونهن لا تحركونهن
كذلك فراشها وغرفتها كلهن تبدلونهن...

تعرض البنية لبزون اسود وقت مغرب كذلك ساعدها توصل لهل الحالة
كذلك الحزن والنفسية
البكاء وحدها كل ليلة فعلا كل هالشي إلها
لكن اني مستغرب البنية شلوووون عاشت كل ها لفترة...
ترى الإنسان شخص واحد من الجن قادر انو يموتة
البنية عدها طاقة تحمل عجيبة وقوة إيمان وصبر خلها تحمل كل هالشي خلال ست سنوات
وتحملت خمس خوادم من الجن اليهودي لمدة ست سنوات شي عجيب بعالم الروحانية
شنو عادتها جانت تسوي...
ازل: - سورة الرحمن.

وحرز ستين اية كل يوم
ملا انور: - ابتسمت
منو علمج هالعادة ومن شوكت مستمرة عليها
وليش تركتيها...
ازل: - سورة الرحمن احب سورة من القرآن على قلبي
أما حرز الستين اية بابا علمني اياه...
ما تركتها ابد لكن...
بعد وفاة بيبي صرت اختنكت كلش من القرآن لدرجة ماكدر حتى المسة
وإذا جبرت نفسي وحاولت جنت ماكدر أقرأ وارتل قرآن...
ولفترة جنت مشغولة بامتحاناتي
دنكت راسي وبجيت واني أتذكر امتحاناتي...
ملا انور: - سورة الرحمن.

إلها طاقة روحانية ونورانية عجيبة
تنطي للبشر قوة
هذا إلى خلاج تقاومين
ايمانج جان كفيل يخليج عائشة كل ها لفترة
مجرد ضعفتي على موت بيبتج
تركتي فرض الله سبحانه
استغل الشيطان ضعفج واستحوذ عليج...
امسحي دموعج تذكرتي مدرستج بس ميخالف
انتي قوية...
ورب العالمين ضاملج مستقبل حلو فوك ما تتصورين
لكن حاليا عدنا فترة علاجج...
السحر إلى تشبع بي جسمج لازم نتخلص منه
والعلاج يمي بس احجي لاهلج كلشي عشتي خلال الفترة هاي.

ازل: - حجيت لأهلي كلشي من ساعتة إلى اخذوني لبيت الكشاف باسم للي سمعتة من كلام سارة وامها...

وبراءة سعدون
واتهامة باطل
والقسم الكاذب كلشي حجيتلهم اياة لكل احساس عشتة
واني اسمع الأصوات إلى برأسي واشوف هالاشكال المرعبة إلى خلتني ما أوعي على شي...

عشت بظلام وعذاب وتعذيب روحي حسيت نفسي بعالم البرزخ وكاعد اتعاقب
اوصل للموت
بسسسس دائما وبكل مأساتي ومعاناتي
وبكل ظلام الروحي إلى اني بي
وبكل موقف اقتنع اني ميت جان ذاك الفارس
النور الأبيض دائما هو إلى يوكف حد فاصل بيني وبين الموت خيال شخص واحد...
أبا الفضل بكل مرة يحاول الضلال الأسود يخيم علي جان الفارس ينور الي
بجيت واني احجي الصار بابا
وكف شعر راسة بعد ما عرف الحقيقة
لأن سعدون نظلم بسبب جذبة.

انطرد من اهلة وناسة
وانبذ من الكل
وهو برية والله سبحان راد يكشف الحق...
بابا كال تكمل الجلسة واني أتصرف
اخواني كلهم مفهين مايدرون عن شنو احجي محد يعرف بتفاصيل روحتي ولا إلى سوة إلى السحار باسم.

ملا انور: - هسة اكو أمور بعد لازم نسويها
وي هالاحواء
عاش من سماج هالاسم تماما ينطبق عليج أزلية بقوتج وصلابتج مهمتنا الجاية صعبة بس مو مستحيل أريد قوتج وتحملج
استمرارج...
اول شي هذا بطل مي بداخلة آيات قرآنية مخطوطة بالزعفران
استكان واحد
وي صلاة الفجر واستكان واحد بعد ما تحطين راسج على المخدة
هذا تشربينة لمدة أربعين يوم...
ثانيا: - أريد تفورين الحرمل وتشربينة يوميا لمدة 15 يوم تمام ماريد تخلفين بي.

ثالثا: - واحد من اخوانج يحط اصبعة بكلاص مي ويقرأ سورة يس من يوصل لكلمة مبين يقرأ 11مرة اية الكرسي وايخلج تشربينة مدة أربعين يوم.

مسك وسذاب وزيت الزيتون
يومية كل جسمج يندهن بي والفجر تسبحين وتصلين...
بيتكم ينغسل بملح خشن ويتطهر
زنجبيل وليمون وخمس فصوص ثوم
كل جمعة على الريق تسوينهن عصير وتشربينهن ضروري...
أكل السمج ضروري أريد قوة جسمج ترجع
خضروات فواكة كلها اكلي
زيتون وبيض خلي وجهج يرجع يورد
كل شغلنا
يخرب إذا
يوم واحد ما سويت الأمور هاي
راح تجيج هواجس وأحلام ماريدج تضعفين
هذا حجاب تبقين شايلة متنزعي مهما صار.

من تحسين بخوف حطي ايدج اليمنى على كلبج واقري سورة الفاتحة اتلاث مرات
بعدها رددي إلا بذكر الله تطمن القلوب...
ازل: - هو يحجي واني عيني على ايدة جان لابس محبس...
ملا انور: - بطلي تصفنين ودققين إذا عاجبج محبسي كولي...
ازل: - تماما مثل الشمس ينطي طابع الدفو حبيت الحجر الأصفر...
ملا أنور: - اوعدج اصيغلج كلادة بنفس هذا الحجر وادزها الج وي عمج
وفعلا هذا الحجر اسمه
عين الشمس
بس كافي شيلي عيونج عنة لا ينكسر...

ترى كثرت الأحجار بالبيت تسوي مشاكل
لا تخلون اي خرزة بالبيت
وهسة بعد ما عدنا شي وياكم نرفع الزحمة
ولو ما ينشبع من كعدتكم الحلوة
انشالله ربي يجعل الشفاء لهل الوكحة وأم لسان
وترجع البسمة لبيتكم
واني كل فترة راح اطمن عليها وابقى على اتصال وي لواء سالم
ما تستاهل هالحليوة إلا كل خير
أحمد: - أشرت لنعمان ايحضر مبلغ مالي
الملأ
ولو لو انطي عيوني ما اوفي حق تعبة وي ازولة...
وصل للباب ملا أنور.

اجيت اخلي الفلوس بجيبة دفع أيدي...
ملا انور: - لا حجي لا تزعلني منك
اني عالجتها لوجه الله تعالى
درست الروحانية حتى اساعد الناس وافيدهم مو حتى أخذ فلوس من العالم خليهن بجيبك وأخذ ازل تزور...

وديها
لكل المراقد
واخذها كربلاء خلي تروح لفارسها أزور أبو الفضل
واني اترخص...
احمد: - الله ينور طريقك بحق ضلع الزهراء
دخلت للبيت
شفت ازل تبجي ونازعة إحرام الصلاة
أخواتها
لازماتها كلهن...
شبيها تبجي أميرة أبوها
ازل: - بابا شعراتي الاحبهم ماكو شوف كلهم مكصوصين...
إديني لونهم ازرك يا بابا صرت محلوة جني ولد...
احمد: - احترك كلبي لبجيها
كومي يا باباتي كومي مو الحمد لله رجعتي للحياة يا بابا الشعر يطول...

والزراك يروح
وهالوجه الحلو يرجع لطبعة وتردلج عافيتج يا بابا
كلشي يتعوض إلا الصحة...
بنوتي يلا كومي اسبحي ادفعي عنج أوجاع المرض انهضي يحلوة...
ازل: - سهاوي شو حيدر ماكو؟
سهى: - اوووو ازولة هستوج صحيتي هي مال حيدر
ما مشتاقة النا
كوووومي شوفي ولج ايناس جابت...
ازل: - ولج الزريكه جبتي ادري ارنب خوما ارنب
اية: - إذا اجتني بنية اسمها ازل والله...
ازل: - تف من حلكج انوب هم يطيح حظها...

ولج زروك انوستي الحبيبة جيبلي بنوتج
شسميتها...
ايناس: - أيلول سماها عيسى
ازل: يااااا على اسم حبيبة السابقة
ايناس: - ولج قزيمه ارجعي نامي احسلج عيسى ما عندة غيري اني الأول والأخيرة
صحيتي ورجعنا لدوختج...
ازل: - هسة شنو ارجع انطمر علمودج
ايناس: ازولة الف الحمد لله على رجعتج النا قابلة اتصيحلي زروك.

الفصل التالي
جميع الفصول
روايات الكاتب
روايات مشابهة