رواية رحل همي حين عرفتك للكاتبة زهراء أمجد الفصل السادس عشر
ازل: - شسميتها...
ايناس: - أيلول سماها عيسى
ازل: يااااا على اسم حبيبة السابقة
ايناس: - ولج قزيمه ارجعي نامي احسلج عيسى ما عندة غيري اني الأول والأخيرة
صحيتي ورجعنا لدوختج...
ازل: - هسة شنو ارجع انطمر علمودج
ايناس: ازولة الف الحمد لله على رجعتج النا قابلة اتصيحلي زروك.
ازل: - جيبي لولو خلي اشيلها
ايناس: - تفداج لولو وام لولو هاج إياها
ازل: - اللهم صلي على الحبيب محمد فدوة
حبيبتة عمتج نورتي الدنيا يروحي.
بستها من خدودها
ناعمة وطرية
انطيتها لايناس كتلهم أريد أسبح...
امل: - اوكفي يمه لا تسبحين خلي اجيبلج أتراك جديد
تمشين بي
حالج لحد ما اشتريلج ملابس...
رايحة لأم أحمد هسة الكه عدها
ازل: - كلهم موجودين يمي أحس بروحي اليوم ولدت
اني جنت اشوفهم وأحس بكل شي يحسون بي
بس ماكدر لألم الروح وعذاب الجسد يخليني انجن
واذيهم واذي نفسي
حمدت ربي وشكرتة على كل حال
شو نعمان ماكو
تهاني: - ولج نعمان هد على بيت عمتي ولعب لعب بيهم.
وفضح سارة وحجة لرجلها كلشي
وبابا طلع وراه
ما قبل على تصرفة كال مو هيج تفضحها عيب
ازل: - لا تستاهل الله لا يوفقهم بجاه سيد الأوصياء سارة وامها
يدرن بي سحار وما خافن الله بية خلي
شيسوي بيهن يسوي...
اصلا اني عمري ما راح اسامحهم وراح أروح واشكيهم لسيدي ومولاي أبو الفضل العباس
هن وكل وحدة تمشي بهذا الطريق
الله لا يوفق كل سحار وكل
عمل شيطاني
تهاني: - اللهم أمين حبيبتي
كومي يلا اجتي امي حتى تسبحين.
ازل: - اكولج امولة شو ضعفانة شنو سالفتج...
بعدين مالكيتي لون غير البرتقالي صدك جذب امل
امل: - ولج بنت حميد ولي من وجهي مو شبعتيني قهر وضيم صار ست أشهر
وتالي تكليلي ضعفانة...
ولج شسوي ام أحمد ماعدها غير هل تراك دبري حالج بي...
ازل: - فدوة لعمرج سلطانة كلبي انتي
أخذت الملابس ودخلت للحمام
سبحت وأحس جبال ونشال عني
طلعت من الحمام
إجت عيني على المراية
اخترعت من منظري جوة عيوني ازرك
عظام وجهي مبينة.
شعري واصل لركبتي...
منظري مرعب بس لازم اتقوة وأرجع مثل قبل
وأحسن بابا كال اهم شي صحتج كلشي يتعوض
مشتاقة لحيدر
شنو السالفة كلما اتخربط ما الكة يمي
أروح اشوف
موبايل وين أريد ارزلة وتعارك وياة
سهى سهى سهى
سهى: - ها ازل تصيحيني...
ازل: - سهوة الحبيبة وين موبايل أريد اخابر حيدر
ولج ليش لهسة ما اجة علي...
سهى: - ولج ازل وين الكه موبايلج هسة
يمكن بمجر غرفتج والملا
ما قبل نفتح غرفتج ابد لحد ما نحرك الأخشاب.
حيدر اكيد بشغل...
ازل: - اوووف والله كارثة يعني هالغبي مايكول ازل مشتاقتلي
ويجي
سهى: - شكد انكسر خاطري عليها حيدر خطب جيهان وسوة حفلة المهر
واصلا بعد أسبوعين عرسة
وهي كلشي ماتدري
ااااخ يا ازل شكلج حيدر طلع جبان وماقاوم وياج
اكلج خاان وراح يتزوج وانتي على فراش الموت.
خلي يجي نعمان بس هو يعرف يحجي وياها بطريقة ما تصدمها.
ازل: - حسن حسوني أبو الحب بعد شرايين أختك.
سنون كلبي انت كالوا كلما اتخربط انت تشيلني ممكن تسوي فضل وتشيلني هسة أريد اطلع برة البيت...
حسن: - شوفي ازيلة خاتون انتي عبالك مقسومة توكعين بس من حسن موجود
وتعال يا حسن شيلي ازل ودي ازل
صرت حمال من رواج
طلعتيش هسة هيدي...
ازل: - احم اليوم اسولة اجتني فدوة لعينها صايرة تخبل
تكول اني ما ارتبط إلا من الكلية
سهى شفتيها شصايرة...
حسن: - انننننجبببببي انتي وام المصاص قبل كم يوم اجتج وطردتيها بخبالج
هسة صارت فدوة لعينها
ترتبط كال دخلي تبطل تكرط مصاص يلا عودك واحد يكلبها...
ازل: - عاد أسيل تخبل وكلها تحبها بس عاد اكو ناس راح تروح عليهم وهم
كاعدين يمي...
حسن: - بصوت منخفض اكلج ازيلة بعد ما صحيتي من نومة الكهف...
ممكن لاتفاولين عليه تصيرين واسطة خير
وتخلين صديقتج تجي يمج يحلوة
انتي مو تحبين أسيل
هي سادس وخلصت
واني اتعهدلكم تكمل دراسة بس اريدج تجيسيلي نبضها...
ازل: - اوووي فدوة لاخوي للعاشق الوهان
سالفة جيسي نبضها عوفها خلي تولي
هي هم تفتح الحلك مترين من جانت تشوفك...
مرة كالت.
مستعدة اتنازل عن كل مصاصاتي خاطر اشوف وجه اخوج الحلو...
حسن: - بغرور الجن الفخر انتي وياها اني اكلبجن بعد على بس الخبلة وام المصاص
بس ماكدر أخطب وانتي جنج مومياء
خلصي علاج وانشالله اجيبلج إياها...
ازل: - دكافي لا تلح أروح اشوف نعمان
مدري وين أريد اليوم آخذة من هبة خلي طك.
دخلت للغرفة نعمان يلعب بالموبايل وهبة تمشط
ممكن ادخل
نعمان: - تعالي يا روح اخوج
هبة: - والله اني أشك بيج جني مؤدب جنت.
دفرين الباب وتفوتين
عبالك هجوم المغول...
ازل: - اهووو حجة ألعوبة اسكتي لا أشد وياج واشوفج نجوم العصر...
هبة: - هههههههه تعالي دخلي لاتضلين بالباب
واسمهن نجوم الضهر
ازل: - غصب عنج ادخل ماعوزج بعد تطرديني...
نعمان: - اكول ممكن تنجبن وتجين انتي يمي خلي نسولف شوية
عندي سالفة وياج...
هباوي حبيبي فدوة لعينج أريد جاي...
هبة: - عرفت راح يبلغها بخطوبة حيدر لأن سهى طلبت من عندة...
لذلك عفتهم وطلعت.
خطية كثرت الصدمات عليها
نعمان: - تعالي ازولتي مددي بحظني مثل قبل جني اليوم
اطرد هبة وابقيج بإمكانها...
ازل: - عزة غير تفضحنا هاي ألعوبة هسة تبجي
نعمان: - عوفج من ألعوبة اسمعيني
انت مريتي بشئ صعب
بس الوكعة يا أخيتي المفروض تقويج ما توكعج
وبعد إلى شفتي عرفتي الحياة ما تنطيني كلشي نريدة
ومن كلها فرح وسعادة
مو صدك
ازل: - خلي تسحلني الدنيا سحل المهم
اني عندي
اسود مو أخوة يطلعوني من حلك الموت.
سولفولي شلون كاتل باسم السحار ومتعارك
وي بيت عمتي...
أنتم عواميد وبابا خيمتنا الله لا يحرمني بيوم من حبكم وحنانكم...
نعمان: - ازولة وقت الشدة ينعرف معدن الإنسان ويبين الحب
المواقف هي إلى تحكم مو الحجي مو صح كلامي...
ازل: - اي والله صدك
بس أحس ورة كلامك مصيبة ههههه احجي ترة كلشي سهل صار عندي...
نعمان: - بجدي ازل حيدر خطب جيهان
ازل: - ها شنو حيدر خطب جيهان شنو ليش اني شنو محلي من الأعراب...
نعمان: - وقت مرضج يا ازل صار الحجي أشكال الألوان
ناس كالت سحر ونكلب عليها وناس كالت تخبلت
وحيدر كال اني ما مستعد
أكمل وياها
وأمه خطبتلة بنت اخوها...
ازل: - يعني تخلى عني مووو
تركني خاطر عبالة اني مخبلة
كل الكلام الحجى جان جذب وخداع يعني بااول وكعة تركني وراح يتزوج...
نعمان: - ازل ما يستاهلج مو رجال إلى ما يوافي بوعده
جريتها لحظني م اريدها تبجي صح صعب علي.
واني اخوها اشوفها تبجي على إنسان ما قدر قيمتها بس كلشي لعيونهة يهون...
ازل: - بعد هالصدمة
المرتبة من الشخص الاحبه
من حب طفولتي ومراهقتي شكد جان يكلي لو اموت ما اعوفج
بعدك ما متت يا حيدر وعفتني
الالتزمت بالعلاج
اني ازل أحمد
اني إلى شفت الضيم والقهر وكل عمري 18سنة
مادري شضامتلي الحياة...
اني مؤمنة بكلام رب العالمين
(عسى أن تكرهوا شي وهو خير لكم)
بدلت كلشي يخصني من ملابس وغراض وغرفة
كلشي جديد بحياتي...
خلال هل اسبوعين بدأ جسمي يتعافى
الآثار كلها راحت
وجهي رجع ورد
لأن ملأ أنور كلي بيج وما تاكلين عسل دبس
زيتون...
كل هالاكلات ترجعج وردية وتوخر الصفار من وجهج
اليوم جنت
نايمه
بفراشي
اجتي امي من السوك دخلت كبال علي للغرفة...
امل: - ازل كومي ماماتي شوفي شجبتلج
ازل: - شنو ماما
طلعت فستان قصير
من فوك اسود لحد الخصر تول ومبطن
الادين ميظهر الجسم منه
ومن جوة
جان منفوش وبي خطوط اسود وأبيض
بي كرستال من الصدر
كلش حلو.
فدوة ماما يخبل بس شنو المناسبة...
امل: - باجر حنة حيدر واريدج تروحين...
ازل: شمرت الفستان من أيدي ابد يوم لا تفكرين بالموضوع...
امل: - كومي ولج كومي
ام حيدر خابرت وعزمت بكل عين صلفة
عبالها راح تكسرج وتكسرني بيج
كومي...
يا ازل اني أخذت إذن ابوج وبالكوة قنعته
اريدج تنكتين عنج كل آثار المرض والتعب
بنت أحمد انتي
لا تدنكين راسج بيوم لا لحيدر ولا غيرة
روحي وخلي هو يشوف خسارتة
هالمرة...
حتى مكياج اكلج حطي وشعرج العصر نروح لأم الصالون تعدلج كصتة
ماريد اشوف ضعف بعينج
صخرة اريدج
دوسي على لكليبج وعيشي بكرامة
لا يذلج حب ولا غيرة
اكيد ربج ضاملج إلى يستاهلج كومي هسة...
ازل: - بعد كلام امي
خابرت على البنات
وكتلهن
كلهن كالن روحي واثبتي نفسج وخلي يموت بقهرة...
مادري إلى راح اسوي صح لو غلط
لكن
اني أريد هالشي
أريد إحساسه اني انخسر ما اخسر
هبة وايناس هم شجعني...
رحت الصالون وعدلتي كصتة شعري
صار كلش مرتب.
نعمان كلي رجعتي طفلة بهل الكصة يرادلج
ستوتات
ايناس
حطتلي مكياج كلش حلو وهادئ
بعد الزريكة وطرقها الرهيبة...
لبست الفستان
وهبة تكرص بخصري اني خصري منحوت من الأساس وانوب ضعفت بزايد
صار عبالك مرسوم رسم
حذاء كعب واكسسوارت وعطر وكذا
طلعت فد شي
لابست جبتي...
ونزلت الشال شوية على وجهي تهاني كالت أجي وياج مناك زوجها يجيبها
لان بالخير والبركة عازمينهن كلهن
حسن وصلنا وراح ما نزل.
امي دخلت من باب الإستقبال واني دخلت من باب المطبخ أريد
انزع الشال والجبة
أول ما دخلت
صارت بوجهي مرت خالي
نزعت الحجاب والجبة وهي صافنة عليه
ضحكت واني اتقدمت بستها من رأسها
وكتلها
الله يتمملكم على خير ووترسين حظنج بجهال حيدر...
لا حجة ولا نطقت عيونهة علي
شمرت الغراض
على الكاونتر وطلعت
جيس جكليت من جنطتي
طبيت وهلهلات بكل صوتي
اني مشهورة
بهلهولتي الفضيحة كلهن كرايب ملتمة احسهن عيونهن عليه...
اي اني هيج قوية ما انكسر
طبيت ولكيت تهاني موجودة
اباوع امي تباوع علي واابتسامة على وجه...
بنات خوالي مشغلات الدي جي
ويركصن
كعدت اني على كرسي وحطيت رجل على رجل
غمضت عيوني واني اشوف
نزل مخبوص ويصيح علي أمه خرب بالعرس انعل أبو اليزوج...
لابس قاط
وشعرة مغير تسريحتة
وهو يناكت
اني كاعدة مقابيل الدرج تمام
رفع عين
اجتي بعينة...
انصدم من شافني أمه تحجي وياه وهو ولا عبالك
أحد يمه صافن يباوع علي والعيون دم
ايييي.
تتهنى بيها وتتهنى بيك
انت جنت حلم عمري
واني ادوس على كل حلم يذلني
شوفني قوية مثل العاج
ما انكسر
حتى بعد
ما اتحطم داخلي واني اشوفك تتحظر تروح تحني جيهان
الصخلة هه...
هذا جان اسمها يمك
هسة راح تصير مرررتك
درت وجهي ورحت للمطبخ
وما اهتميت
راحوا حنوها واجوا كمنا نركص
شبعت ركص
لحد ما وحدة من بنات خالي كالت تعالي
نصعد بس نعدل مكياجي ماريد أصعد وحدي
صدك صعدت وياها
كالت اهووو...
نسيت جنطة المكياج جوة انتظري أجيبها واجي.
واكفة على المراية أرتب بشعري
دنيا بربج أريد
حمرة لونها فاتحة
هاي ايناس حيل بارزة شفايفي
الالتفت واشوف حيدر
واكف وراي
كبل جريت عباية
جانت مشمورة على الجرباية
ولبستها
اطلععععع برة
شلون توكف هيح وتباوع هسة ماعندك وفه مو مشكلة
بس لا تصير عديم غيرة وناموس...
جنت احجي ومنفعلة
اني حتى قبل شوية ما شافني هيج الشال جان على رأسي...
والبنات مغطيات علي اتنرفزت من تصرفة
وهو واكف يباوع ولا عبالك احجي وياة.
ردت اطلع وهو جرني من العباية
حيدر: - للللللللج شللللللللوووون طلعتي هيج
شافووووووج تغازلوا بيج
متعو نظرهم بشفايفج
وبجسمج...
ازل: - ضحكت بستهزا
اف اف شنو دا تغار مثلا
بابا اني وراي ززززززززلللللم فهمت
صاينة نفسي
لخاطر إلى يستاهلني
الزبالة إلى مثلك
ميحقلهم يحاسبوني...
انت مجرد صفر على اليسار بحياتي بددددددووون أهمية
مو انت إلى تحاسب فهمت...
اممممم الطيور على أشكالها تقع
جنت تكلي جيهان صخلة
زين هسة انت شنووو.
تؤ تؤ اعذرني ما عرف زوج الصخلة شيسمونة...
واحد خاين ابتعد عن طريقي
دفعته
وطلعت
ماريد حتى يبرر من اللحظة هاي
مات شي اسمه حيدر بحياتي
انطوت هاي الصفحة وانتهى
ماكو إنسان ميكدر يعيش بدون إنسان ولا اكو
أحد يموت ورة أحد
كل شي اله وقت محدد وينتهي
الحزن
والفرح
والمشاعر
كلشي آلة وقت وينتهي بي مهما قست ويانة الحياة
لازم اكو شعاع امل
يضوي ظلامها طلعت واجة بليل حسن اخذنا.
هالايام كلما اشرب الحرمل بطني تكوم تتكطع من الألم
خابر نعمان على ملأ أنور وكلة...
ملا هاي أثر السحر المشروب
لازم تتقيى
لحد الآن ما تقيت...
اني مو كتلكم اخذوها لزيارة
بابا هاي هية
باجر نطلع لزيارة لعد كبل كربلاء وبعدها النجف...