قصص و روايات - قصص رائعة :

رواية رحل همي حين عرفتك للكاتبة زهراء أمجد الفصل الحادي والثلاثون

رواية رحل همي حين عرفتك للكاتبة زهراء أمجد الفصل الحادي والثلاثون

رواية رحل همي حين عرفتك للكاتبة زهراء أمجد الفصل الحادي والثلاثون

غسلت وكملت وصعدنا اني وجوري لغرفتي...
فتحت الباب وجان اشوف...
وحدة نايمة على جربايتي بغرفتي إلى بعدني ما داخلة الها لا والأحلى ماخذة راحتها ونازعة الحجاب...

شلون تدخل للغرفة بدون أذني...
باوعت على جوري وحجيت...
منو هاي شلون تدخل للغرفة...
جوري: - هاي سعاد بنت عمي بس شصعدها وليش نايمه هنا...
ازل: - باوعت على جفنها بؤبؤ عينها يتحرك معناها ما نايمه
اهوووو اني دراما البارحة كوة خلصتها حتى
اليوم هاي جاي تكمل عليه...
كتلها يااا خطية جوري عوفيها تنام خاف نعسانة وماكدرت تنام جوة...

بعدني احجي وعطست من صدك ضحكتني غبية ماكو نايم يعطس اي شخص يعطس وهو نايم كولو جذاب ما نايم...
بس شنو معناة هذا تصرفها وقلة الذوق...
غلست عنها وجوري تسألني شلوني اني وشهاب
كتلها فدوة لعينة ليش هو اكو رجال مثل اخوج
لج ميت علية رحنا للأمام زرنا بليل ولو تشوفينة شلون مجلب بية...
جوري: - لج هو غير عاف كل الكرايب لخاطر عيونج والشامات الخابصني بيهن...

ازل: - أضحك على روحي اااخ تعالي وشوفي البارحة غير جرني مثل الصخلة جر بس ميخالف هاي أسرار حبايب منطلعها احجي بكلبي...

جوري: - بسبس وين صافنة...
ازل: - أريد أبدل بس ماندل وين...
جوري: - ازل ترى هذا الطابق بي كلشي الحمام كبال غرفتج عدل اخذي هدومج وطبي سبحي...

ازل: - ماكدر أسبح دنيا راح تصير غروب...
جوري: - خلي اكعد سعاد صدك جذب مو غرفتي فارغة شكو نايمه بغرفتكم بلة راد يجي شهاب...

ازل: - جوري بعدها تحجي ودخل شهاب
كال شكو
شاف سعاد بنت عمه نايمه على الجرباية
كال هاي شدخلها للغرفة
لزمت أيده وكتلة يمكن حابة تشوف العرسان شيسون وغمزتلة
هو لكطها على الطاير
سحبني عليه...
وكالها جوري بعد اخوج سدي عيونج
ضحكت ضحكتة عواهر ههههههههههه بصوت عالي
خلت شهاب يسد حلكي...
شهاب: - غضب الله عليج على هذا الصوت فضحتينا
ازل: - لا كافي باباتي خنكتني...
سعاد: - كافي يعني شنو هالصوت.

ازل: - اسفين حبيبتي بس هاي غرفتنا واحنا عرسان جدد شتردين منا طبعا نضحك ونتشاقة...

تحجي وهي تلم بكفشتها جان استحيتوا جوري كبالكم وانتم تحاضنون...
لو ابن العم راح حيائك من خذت البغدادية...
جوري: - عادي ترى انتي إلى متعدية على خصوصياتهم
هاي غرفتهم مرة ورجال كلشي يصير بينهم...
شهاب: - من رخصتج سعاد أريد أخذ راحتي وي مرتي برة بدون زحمة...
ازل: - طكتني بخزرة مرتبة اتذكرت ايناس
جانت من واحدة تخزرها تهزهلة جتف...
والله يا الله ازل كلما تكول ابدي من جديد يجي واحد يطيح حظها...

طلعت وضحكنا اتلاثتنا عليها أخذت هدومي ورحت بدلت
دشداشة حمرة قماشها فانيل
بيها تطريز ذهبي بصدرها مصبوبة عليه صب
شال ذهبي وحطيت شوية مكياج وعطر
أريد اطلع اجة شهاب
صرنا وجه
بوجه باب الغرفة...
شهاب: - تؤ تؤ وين رايحة جمارتي...
ازل: - أنزل جوة أني ماكدر اكعد وحدي...
شهاب: - شكو جوة اني اكعد وياج مو وحدج...
ازل: - راح يصير وقت عشاء بليل عود نكعد سوة خلي ننزل...

شهاب: - ادللي ننزل ننزل بس بعد ما تغيرين اللون الأحمر يحلوة...
ازل: - حاضر هسة اغيرها
شهاب: هههههههههه اموت على المطيعة اني فديييت، التسمع الكلام...
حبيبي من يرحون الخطار امشي بالمايو بالبيت ميهمني.
بس هسة خوالي ولدهم كلها هنا والأحمر يأكل ويشرب على تفاصيل الجسم والخصر...
ازل: - رحت طلعت كلابية ثانية ولبستها نزلنا جوة
جانت عمتي والبنات يحضرن بالعشاء
دخلت للمطبخ
جوري تسوي زلاطة.

كعدت بصفها وضلينا نسولف دخل اخو شهاب عليه (فهد)
جان ايكول وين مرت اخوي وين هيبتنا الجديدة وين الاستخبارات
وين إلى راح تقنع شهاب بأي شي اريدة...
ازل: - هههههههههه كمتله هلا يابة يعني حسن ثاني رايح يصير عندي
بالخبلات...
فهد: - شوفي جنتي عد اهلج مدلله راح زمن دلالج
اني راح أشد وياج وافتن عليج وخبث لأن جوري فاهية مابراسها خير تأخذ دور حماية...

ازل: - اكلك انت منو وازك عليه وجاي تريد تشد وياي بعدنا ما كلنا حلال...
فهد: - خايبة وين لكاج اخوي شلون شافج ههههههه وانتي هالطولج
خرب بقميص جوري الازرك...
ازل: -ها ها ها متضحك يالماصخ
فهد: - هلا بيج نورتي بيتنا ان شاء الله كل ايامج سعادة تكضي يمنا
مرت الغالي...
ازل: - كافي الله عليك تأثرت...
شهاب: - لك فهد شتسوي يم مرتي منو سمحلك تحجي وياها...
فهد: - طول عمري معتبرك اخوي وابوي بنفس الوقت...

بس سالفة تخربنا مرة لا حرام عليك ازل تقبل اسحلها مثل ما اسحل جوري واطيح صبغها...
بعد اني صرت اخوها...
شهاب: - اخوتها عيطة ميعيطون بيها مو يطيحون حظها...
فهد: - اااااخ ولج عد يا ام عباس مشتغلتهم
أريد اروحلها اسوي كتم صوت لشهاب...
ازل: - أضحك على سوالف جان يجرة شهاب من البدي ويطلعه من المطبخ...
- الضاهر هاي عادة شهاب يسحل الناس
مثل الصخل...
صبينا عشاء وتعشينا خالتي ما قبلت اساعد بشئ.

كالت إلا ورة السبعة يلا تشتغلين بالبيت
خوالهم باجر الفجر يرجعون لا ربيل
عمهم
أخذ مرتة وبنتة وراح
صارت تقريبا ب 10 بليل اشرلي شهاب
نصعد...
كام وكمت وراه استأذنا منهم وصعدنا
للطابق الفوك...
كالي حضرلي ملابس عافني ودخل للحمام
زين اني شحضر؟ اصلا هدومة وين؟
مادري والله
حتى ما ندل الملابس
صرت أفتح بالكنتور وادور بالخانات اشو كل الخانات الي...
زين هذا وين شامرين هدومة
فتحت الخانة الأخيرة جانت بيها ملابس اخذتهم ورحتله.

دكيت الباب
شهاب هاي الملابس...
شهاب: - دزيتها على ملابسي أحاول اخليها تتاقلم أريدها تحبني...
وتتعود عليه...
داخلنا للغرفة أخذت تراك وراحت تسبح...
شغلت البلازما على فلم التايتنك حيل احب هالفلم...
ماكو نص ساعة ودخلت تنكت بشعرها
والتراك نص ردن وردي
والخصر منحوت
بقيت صافن عليها
وكفت على المراية مشطت شعرها
وحطت عطر
فتحت الثلاجة طلعت حلويات عبالك وحدها بالغرفة تتحرك
بترفة مثل الفراشة حاجتني...

ازل: - شهاب مشتهي تأكل شي
شهاب: - باوعت عليها وكتلها شعندج تنطيني
ازل: - ها
شهاب: - نزلت من الجرباية وتقدمت عليها
شتنطيني...
ازل: - كلشي عدنا بالثلاجة
شتريد
شهاب: - شفة ركبة نهد لووووو
بعدني احجي حطتي تفاح بحلكي...
ازل: - تفاح تفاح أكل وسكت خوش فلم تعال نباوع
شهاب: - كرطت التفاح واني أضحك يلا ميخالف نأكل تفاح...
اسمعي زين إذا تاخذين الجرباية كلها والعباس، اشمرج برة الغرفة خاتون...

مو جربايتة الخلفج وهيج تنامين عرض بطول...
ازل: - هاك هاك جبس لا تكبر الأمور خلي نفهم الفلم...
شهاب: - كعدنا على الجرباية نباوع اثنينة...
بعد روز هسة حبت جاك اباوع ازل نايمه والجبسة بيدها
يا ربي شهل البراءة...
أخذت الجبس من ايدها
وجريتها عليها خليت أيدي جوة رأسها والعب بشعرها...
امشي أيدي على تفاصيل وجه شفايفها...
احلى شي بيها ما تحس بسهولة...
رايدج شاهد الله رايدج...
بس برضاتج وبهواج...

لزمت ايدها أصابعها زغيرونات...
بستهن إصبع إصبع...
حضنتها ونمت هذا يكفيني...
الليل كله دفر عبالك عدها حب جتفت أديها ورجليها يلا كدرت انام عدل موتتني...
ازل: - اوووف كلها تشكي من نومي يابة والله مو بيدي اصلا ما أحس بروحي...
مرات انام بالغرفة الكه روحي الصبح بالمطبخ شلون مادري...
كعدت عطشان أريد اتحرك ماكدر أحس نفسي مجتفة...
اني أول ما أصح من النوم ما استوعب لا مكاني ولا الشخص المقابيلي...
كمزت يمه...

هذا منو...
اجاني صوتة ازل انخمدي تتحركين حركة وحدة اموتج نعلتي اهلي بدفراتج...
ازل: - شهاب أريد مي عطشانة
فلت رجلية من رجلي
كمت شربت مي الساعة ب 5 الفجر معناها مآذن
رحت اكعد شهاب حتى يصلي
شهاب شهاب كوم ب5...
شهاب: - ازل اني مو عمال ولا عندي سفر
واذا ب5 شكو مكعدتني
ازل: - كوم صلي اذن...
شهاب: - كولي ولله ترى من زمان اذن وصليت
بس اويلي على التنمبل ألما يحس...
كم مرة كعدتج وانتي هسة وهسة...

ازل: - وافشلتي في غرفتي
عفتة ورحت صليت اصلا غلست ما رديت...
رجعت نمت اكو جزء بداخلي كلش مطمن للحياة الجديدة...
بس اكو خوفة بكلبي أحس اكو شي راح يصير
كعدني شهاب كال الساعة ب 8 ونص خلي ننزل نتريك
كمت غسلت وبدلت ونزلنا...
الشخص الوحيد إلى متواجد هي خالة ربيعة الضاهر خوالة رايحين
البيت هدوء...
عجيب لا جوري ولا حتى فهد ولا سامي
وينهم
سألت خالة على جوري...
خالة وين جوري؟
ربيعة: - جهزت الريوك وأخذت لفة طبت لغرفتها.

ازل: - ليش شنو متكعد ويانة...
ربيعة: -لا يمه هي هاي عادتها هيج
ازل: -زين فهد سامي وين...
ربيعة: - بعد امج هذولي ل 12 يلا يكعدون
ازل: - عفت شهاب وخالتي ورحت على جوري
موتتها تموت يلا كامت وقبلت تشاركنا الاكل
احنا الصبح كلها تكعد سوة وتاكل واني الشخص الوحيد إلى جنت اتأخر بالنومة
ابوي يكول
جمعة السفرة
بركت الأكل...
بعد الولد شلون اكعدهم استحي
يلا هم مثل إخوتي ادك الباب والله كريم.

واكفة ادك باب غرفة فهد واني اصيح بسمه
فهد فهد ممكن تكعد
انفتح الباب وطلع هو وكفشتة عليه...

فهد: - خير شايفتني بحلمج متيهة درب غرفتج
اكو أحد كايلج غرفتي قرية السنافر...
شكو من الصبح...
ازل: - اخوي العزيز ممكن تلم هاي الكفشة وتتفضل ويانة على الاكل
السفرة
ناقصة وجودك ينورها...
فهد: - ها لواكه عرايس...
ازل: - تقريبا هيج شي هههه
فهد: - انتي مسوية الريوك؟
ازل: - لا والحسين أبو عبد لله
فهد: - شتنطيني إذا نزلت
ازل: - أشفق عليك واخليك تبوس أيدي
فهد: - لا بلة عوزنا سنافر بعد.

ازل: - يلا حباب حباب الله عليك
لخاطري
فهد: - ديلا جاي لا تنوحين...
أزل: - أكل وأرجع نام عادي...
عفت فهد اوووف بعد سامي
هذا الولد صامت كلش
لا تسمعلة حس ولا نفس.
حتى بخطوبتنا ويعرسنا جان حضورة رسمي...

هادئ بشكل مبالغ بي
تقربت على الغرفة إلى بصف غرفة فهد
دكيت الباب واني أردد يا ملين الحديد لداود
لين كلب سامي علي ولا تفشلني
اجاني صوتة الهادئ اتفضل
ازل: - ممكن ادخل إذا متصير زحمة؟
سامي: - تفضلي محتاجة شي خويه...
ازل: - يفرك بعيونة حمر ياربي شون احجي
اسفة إذا ازعجتك بس ممكن تجي تكعد ويانة على السفرة إذا ماكو إزعاج شهاب وجوري وفهد وخالتي كلهم برة
ممكن تشاركنا الكعدة
حباب...

سامي: - على كيفج يا عيني شكو مستعجلة بالحجي شوية شوية...
ازل: - ههههه شوف والقران إذا ما اجيت ابدي اخربط وافصل...
سامي: - ادللي تكدرين تطلعين بين ما أبدل واجي
ازل: - عفتة
واني احجي مو عبالك طردني بس بخلاق
يلا مو مهم المهم يشاركنا الاكل...
فعلا ورة دقائق كعدنا كلنا وخالتي تباوع علينا وتبتسم
تريكنا بشقة وضحك
فهد كال ارجع اكمل نومتي
وسامي دخل للغرفة
شهاب كاعد بالصالة جوري تغسل مواعين.

صاحتني خالتي تعالي وياي للغرفة
دخلت ها خالة أمري
ربيعة: - أولا أنسي كلمة خالة كولي يمه
انتي حالج من حال جوري هاي أولا
اليوم سويتي شي كلش عجبني بقصدج او بعفويتج...
مادري
بس خلي اكلج شغلة
اني مرة ارملة
عاف علي رجلي اتلاث ولد وبنية
والولد مسويلة كبرتهم وتعبت عليهم
وسويتهم زلم
بنتي ماريد بيوم يخربون بسبب مرة
اريدج...
تعتبرينهم اخوتج ولا تفرقين بينهم بيوم ولا توزين شهاب على شغلة بيوم...

بنتي البيوت أسرار واريدج تحافظين على سر بيتج...
راح تواجهج مشاكل يلا تتعودين على الحياة الجديدة
اني هنا
مثل امج لو غلطتي اعلمج الصح
ولو سويتي شي زين امدحج
خليج مثل حبة هيل بطيبتج...
شغل ما عدنة شي وتعبين ولا عدنا شي تتعاجزين منة عليج برجلج وبس...
وهاي صباحيت عرسج ما نطيتها الج...
ازل: - طلعت كلادة على شكل قران ولبستني إياها...
اتمنى أكون عند حسن ظنج
نحجي اني وياها
ونسولف.

اباوع عمتي تباوع وراي وتضحك درت وجهي حتى اشوف شكو...
اباوع هذا شهاب واكف ومبتسم
جان يكول...

الفصل التالي
جميع الفصول
روايات الكاتب
روايات مشابهة