رواية رحل همي حين عرفتك للكاتبة زهراء أمجد الفصل الثاني والثلاثون
ازل: - طلعت كلادة على شكل قران ولبستني إياها...
اتمنى أكون عند حسن ظنج
نحجي اني وياها
ونسولف
اباوع عمتي تباوع وراي وتضحك درت وجهي حتى اشوف شكو...
اباوع هذا شهاب واكف ومبتسم
جان يكول...
شهاب: - ازل بعد كلام امي اني ما كعد أوصي بيج بشي هاي امي كبالج
اعتبريها امج...
جوري صديقتج بعد سامي شوفت عينج صامت طول اليوم و فهد...
يشاقة ويضحك صح شقى مرات ثكيل بس لا تزعلين...
ادري بيج طيبة قلب واحترامج مراح ينقص بيوم.
من قبل فرد من هذا البيت ما طولج محترمة
العائلة...
تبقين معززة مكرمة...
ازل: - ان شاء الله أكون فرد من هل عائلة وابقى محافظة عليها...
ربيعة: - اكوول يمه شدعواك ما تحملت تبقى، بالصالة كاعد لو اجتي البزون تدور شحم، يمي...
شهاب: - ههههههههه شلج بهل السالفة يمه بس شسمه ماكو حس الجن بالبيت واجيت ادور عليجن...
ربيعة: - سودة عليه ما تدرين نقفلت علينا مغارة علي بابا و نسينا كلمه السر، واجه يدور علينه...
يا كلاوجي...
شهاب: - ارتاحي يمه لا ادور ولا شي مريتي واريدها عندج مانع...
ربيعة: - يا يا فلك طرك شسوي بالمانع ابوك صارلة كومة من توفى...
ازل: - شسمه مع السلامة اني أروح وأنتم كملوا...
شهاب: - هههههههههه تعاي تعاي شكو شردتي
قابل الوالدة شكالت...
ربيعة: - ازل خاتون خوما تفكرين تشربين مانع أريد جهال لشهاب كومة...
شهاب: - لا يمه مانع طبيعي الله وكيلج...
ازل: - شهكت على كلامة وشردت منهم
وأسمع ضحكهم وراي...
صعدت فوك أريد احجي وي اهلي...
اوووف لازم انزل أخذ الرمز من جوري...
أريد...
اخابرهم كامرة نزلت ادور جوري...
لكيتها نايمه على القنفه بالمكلوب رأسها على الكاع...
ورجليها على التخم الدشداشة مرفوعة وطالعة افخاذها...
خوش بيها صورة ابقى استغلها بيها...
اخذتلها صورة وهي نايمة...
استخطيتها...
ما كعدتها...
كلت اشوف شهاب يحطلي الرمز اي هسة
مو شبكتنا بدون رمز وعادي كلنا نفتح انترنيت
بس هنا شهاب أفندي إلا يحطلها رمز...
يا رحمة الله...
لكيت شهاب
شهاب حباب أريد الرمز مال الإنترنيت...
شهاب: - شتنطيني وانطي الج...
ازل: - اتعبرعلك بكلياتي...
شهاب: - من حورهن كلياتج كلهن رمل وحصو ماريدهن...
ازل: - عزة بعينج ايناس هو رمز شدعواك ما تنطي...
شهاب: - جريتها لصدري.
كولي شتردين بطريقة رومانسية...
ازل: - بداعة العباس انطيني الرمز
شهاب: - ترى ما ماخذج تحلفين بكربلاء رومانسية رومانسية أريد...
ازل: - رفعت أيدي وصرت ألمس بلحيتة غمض عيونة...
جريت اسمه بحلكي بصوت ناصي شهاااب...
شهاب: - هممم
ازل: - عفية أريد الرمز مشتاقة لأهلي...
شهاب: - وين موبايلج...
ازل بعفوية: - بصدري اوكف...
شهاب: - جتفت أديها وحجيت اني اطلعة يحلوة.
كبل تخربطت علومها وبدت تدفع مديت أيدي بصدرها طلعت الجهاز...
دخلت الرمز الشبكه وهي تدفع بية اوكفي اوكفي خلي ارجعة بمكانة...
عضت أيدي وسحبت الموبايل وشردت...
ازل: - واحد منحرف أخذت الجهاز وصعدت كبل دكيت على بابا...
رد عليه...
الووو باباتي...
احمد: - هلا وكل الهلا بحبيتة أبوها شلونج بنتي
ازل: - بخير اني بابا انت شونك ماما
احمد: - كلنا زينين مكانج خالي باباتي
ازل: - فدوة حبيبي أفتح كامرة اشوفكم.
احمد: - هو اني شعرف ولج اوكفي اصيح حسن يجي...
حسسسسسن حسسسسن...
حسن: - ها بوية
احمد: - هاي أختك على الموبايل افتحلها كامرة تشوفنا...
حسن: - أختي؟ منو منهن...
احمد: - ازل منو يعني...
حسن: - هاي صار لها يومين من تزوجت شكو تتصل علينا ماصدكنا كلعناها...
ازل: - كلعة التكلعك أبو حلك...
افتح الكامرة اشوف وجهك الزفر...
فتح الكامرة ابوي وحسن امي...
اجتي حجيت وياها...
ايناس وهبة...
خلصت وياهم ياربي ملل.
كلشي ماكو لليل واني افتر بعدني بالبداية ومليت الهدوء...
لل10 ونص شهاب كال شكو تحوسين...
ازل: - شهاب ملل
شهاب: - ليش بنوتي شبيج...
ازل: - مادري ما متعودة على الهدوء شسوي
وهاي جوري الثولة كله نايمه...
شهاب: - تعاي اسولفلج قصة
ازل: - اوكف خلي اجيب شي لعد ناكلة وسولفي...
شهاب: - اكو شامية جيبيها...
ازل: - حطيت الشامية بالكاسة وصعدت عل الجرباية جرني عليه حاوطني بذراعة
رغم أخجل منه بس ماريد امنعة من شي
هذا حقة...
شهاب: - اسمعي يا بنوتي
كان يا مكان وتحديدا بغداد
جانت اكو بنية بغدادية دراسة ومثقفه
وبشهادة دكتورة...
ازل: - هاك هاك شامية
شهاب: - اممم بنوتي هل بنيه نقلوها للعمارة
بمستشفى...
ازل: - ايي كمل
شهاب: - بنت الاوادم خليلي انتي بس تلفين بطنج حطي بحلكي...
ازل: - يااا والله نسيت هاك...
وكمل...
شهاب: - اي حبيبي راحت للعمارة ومرة طلعتهم المستشفى بجولة تلقيح...
على القرى بالعمارة...
هناك وشافت إلى اخذ كلبها بس اتوقعي يا ازل شلون حالة جان...
ازل: - كول بابي شبي...
شهاب: - جان كاعد على كرسي مكسورة رجلي
وشعره اشقر من الشمس...
ولبس تشيرت اخضر...
ازل بغباء: - فدوة اكيد حبتة...
شهاب بضحكة: - ماتت عليه مو بس حبتة
اي اكملج وكليني يلا...
ازل: - دكل انت يا عيني وكملي...
شهاب: - اي ازولتي حبتة وبقيت تروح وترجع القرية علمود حبيبها الاشقر من الشمس، لحد ما هو هم حبها وتزوجها...
وجابها عاشت وياة بالقرية...
عاش وياها لحد ما صار الحصار على العراق...
والناس جاعت...
مرت ايام وهي وياة تعاني من الجوع لحد ما يوم من الأيام...
طكت بيهم الجوع كلش...
ازل: - يا عيني خطية وتالي...
شهاب: - الله العالي مرة من المرات كالهة روحي لجيرانة عدهم
حلال بلكت تنطيج لحم وتسوينة علي سوب
كامت الدكتورة البغدادية...
وراحت على الجيران...
وطلبت اللحم...
بنت الجيران جانت تحب رجل الدكتورة
فمن حقارتها.
لزمت الفارات وكطعت رؤوسهن وانطتهن
لدكتورتنا البغدادية...
سالتها هذا لحم شنو...
جاوبتها بنت الجيران هذا لحم بقر زغيرونات ما كبرن بسبب الحصار...
ودكتورتنا الفاهية صدكت...
كومي واطبخيهن
واجة رجلها يأكل حط اللحم بحلكة و صار يلوج باللكمة واللحم
ما ينوكل...
تالي سألها
ولج هذا لحمج ما طابخ
كالتله لا اصلا هذا تازه يكولون...
سألها بلة مال شنو هذا اللحم
كالتله ما بقرات زغار
سألها منين
كالتلة من حميدة انطتني اياة.
وجان صاحبنا يطلع السوب من خشمه
درة حميدة موكلتة فأرة...
مطبوخة كله بسبب فهاوة بغداديتة
رجع يعلس بالفأرة هيج هيج...
ااااااااخ خرررب بيج ازل هاي شسويتي هههههههههههههه
ازل طلعت الشامية من عيونها وهي تتقيى
رغم الموقف متت ضحك عليها...
لعبت روحها واني اقلدها شلون يأكل بالفارة
اخذتها غسلتلها...
شلت الفراشات شمرتهن برة...
نزعت البدي شمرتة وغسلت...
شغلت المعطر للغرفة...
بية هووس عطور اني من غير شي بس والله ضحكتني ردة فعلها...
انكلبت ليمونة هههههه...
جريت بطانية قريبة على الكنتور فرشتها...
بالكاع ومخاد...
كومي كومي ولج انتي مو مال قصص...
ازل: - تعتبر هاي قصة شهاب
شهل اللعبان الروح...
شهاب: - ترافت بغدادية يابة
تعالي نامي...
ازل: - ما يرجع الحصار إذا ما اوكلك فأرة...
شهاب: - هههههههه عودك الزميها بالأول
دتعالي كافي دلع ونامي.
بعدني اسولف وياها وغفت عجيب هاي البنية سبحان الله بس تذكر اسم النوم...
هي تنام بغض النظر عن الحالة إلى هي بيها
او المكان...
مجرد تكلها نامي تغفى زين هاي ماكو شي يشغل تفكيرها...
يخليها متنام...
زين هي ما تتحرك مشاعرها كا انثى وهي بحضني هيج
هههههههه سلامات شهاب...
منو إلى تتحرك مشاعرها هي غاطة بالنوم...
يلا لابد يلين الحجر...
حظنتها لصدري بكل قوتي ونمت...
ازل: - ماكو شي جديد بأيامي...
غير نكعد الصبح اني وجوري نسوي الريوك ونكعد الولد يتريكون ويرجعون ينامون...
فهد لازم شبكات الانترنيت الموبايلات ب 3 يلا يفتح لل11 يلا يجي...
سامي راح لخواله اربيل
شهاب يطلع وي اصدقاء ويبقى لل10 يلا يجي ومرت لا ما يطلع
نبقى اني وعمتي وجوري
مساعدتي جدا بسيطة بالشغل عمتي ما تقبل إلا تطلع السبعة يلا واصلا
ماعدنة شي
لا طفل يوصخ ولا جبير يهجم...
هل ايام جوري هواي مشغولة بالموبايل
هالبنية وراها شي والله...
عايفتها براحتها بالوقت المناسب تحجيلي من كيفها...
حياتي هادئة بس أحس هذا الهدوء إلى يسبق العاصفة...
احساس بداخلي يخوفني...
علاقتنا اني وشهاب عبالك أصدقاء وهسة يتعرفون
شقة وضحك وسوالف...
اكتشفت شخصية الغول اللطيفة...
ما حاول يتقربلي ابد حابة حيل تصرفاته وياي
يعاملني مثل بابا بالحب والدلال...
الصراحة اتعودت خلال هالخمس ايام اغفى على صدرة...
وعطرة...
حجيت وي اهلي كلهم كالوا يجون...
وحتى عماتي...
امي تكول نسوان خوالج هم يجن...
ابد ما مطمئنة لهل الشي...
ياربي والله خاف شهاب ما يقبل على جيتهن
شون خليها على الله وهي تصفى...
قابل يطردهن شكو خايفة...
عمتي دزت على وحدة من أخواتها تجي تساعدها على العزيمة السبعة
واكيد سعاد وامها موجودات
ياربي هسة شهاب وتزوج بعد شكو عينها علي
والله عجيبة
رجال متزوج عيونج تلحكة وتتلوكين ليش
يمكن غيرة المرة على زوجها فطرة...
اضوج اشوفها قريبة عليه.
كون لو بيدي اكوم اطحن كزاز وامشيها عليه
وأحط على جروحها ليمون وفلفل وملح...
وادعبلها على نفط واحركها واكلها هذا زوجي لا تتقريين منه...
(طبعاا ازل كارثه بالغيره عله شهاب اغلب عركاتهم الغيره هنهههه وكارثه بلنوم اكوللها انطيني احداث تروح تناملي ).
يابة عبالك صار سنة ماشايفة اهلي متشوقتلهم
شوكت يجي باجر ياربي...
شهاب: - شتريد من باجر بزونتي ومستعجلة عليه...
ازل: - غير يجون اهلي
شهاب: - ولج حبني مثل ما تحبينهم...
عشكيني ولج اني طالب عشكج...
ذوبي بية مثل ما اني أذوب بتفاصيلج...
ازل: - جنت أريد اكله اي اني بديت أحبك بديت لتعلق بيك...
بديت اغار عليك...
ردت أعبر عن احساسي...
بس ماكدرت احجي واني اشوف سعاد فوك راسنا...
ردنا نطلع من الصالة وجان شهاب فجأة...