قصص و روايات - قصص رائعة :

رواية رحل همي حين عرفتك للكاتبة زهراء أمجد الفصل الثالث والثلاثون

رواية رحل همي حين عرفتك للكاتبة زهراء أمجد الفصل الثالث والثلاثون

رواية رحل همي حين عرفتك للكاتبة زهراء أمجد الفصل الثالث والثلاثون

ازل: - جنت أريد اكله اي اني بديت أحبك بديت لتعلق بيك...
بديت اغار عليك...
ردت أعبر عن احساسي...
بس ماكدرت احجي واني اشوف سعاد فوك راسنا...
ردنا نطلع من الصالة وجان شهاب فجأة
يشيلني
ازل: - عزززة شهاب نزلني...
شهاب: - دلعي هيي خلي نضحك على سعاد شوية...
ازل: - اخ حقارة اني اكيف، هههههه
اوووووي شهوووبي حوووبي نزلني لا اوكع...
شهاب: - كتلج دلعي مو عوجي حلكج...
سعاد: - شنوووو هاي شهاب ما تستحي نزلها...

شهاب: - ليش يعني استحي منزعها كبالج واستحي...
سعاد: - عشتووو عليش مكيف بيها
ترى عدها رجلين وتمشي...
ازل: - سعودية ترى انتي إلى اجيتي علينا هو من إلى يدخل الصالة
بهل الوقت...
واحنا حتى كبال عمتي هيج عادي
غير عرسان...
سعاد: - سعودية بعينج
عرسان بغرفتكم
شهل الخفة...
ازل: - بلة هاي حالة شهاب شايلني وهاي المجعوصة كطعت عليه الاعتراف...
وجاية تعلمنا الأخلاق...
بس هي عدها وجه نظر...

عرسان بغرفتنا ههههه ولو احنا بغرفتنا
نشوف افلام يلا ميخالف...
زين هسة شنو شون راح ينتهي الموقف
لا شهاب منزليني ولا هاي رايحة وناس تباوع بوجه ناس
ادري شكو فلم هندي...

اكلك عيوني بلة ما تنزلي شنو خذاك الواهس...
شهاب: - هااا اي نزلي
ازل: - عيني جبل أحد اني شون أنزل اجيت مثلا نزلني...
شهاب: - نزلتها وسعاد راحت من يمنا
وازل راحت وراها
طلعت...
الحوش سامي بيدي الصوندة يسكي الزرع
كالعادة صافن اني أشك امي ماكلة بي لحم حمار، على كد ما يصفن...
فهد بشغل...
ازل: - رحت ادور على جوري باب غرفتها مفتوح على النص وهي ديرة ضهرها وتخابر
سمعتها تكلة...

يمكن بديت انعجب بيك بس هذا مو معناها تتعلم تتمادى مرة ثانية...
اكول لشهاب عليك والله...
فتحت الباب وارتجيت على الحائط...
ايييي اييي لا تعيدها انصحك لأن جوري راح تبدي تسوي مصائب من وراك...
جوري: - شهكت من الخوف واني اسمع ازل وراي...

ازل: - اااااخ يابة الخيانة اااااااخ
ولج منو هذا...
جوري باارتباك: - عبد الله بعدين احاجيك...
ازل: - امممممم عبد الله عبد الله
منو منو يا ازل وين سامعة هالاسم عبد الله
ياربي وين اني متأكدة سامعة
هالاسم...
جوري: - والله ابن خالي...
ازل: - شوفي جوري اني جنت وياج بعلاقة صداقة حتى اضحك عليج واتقرب لشهاب واتزوجة...
بعد ما تزوجت شهاب ماكو داعي امثل وياج دور الصديقة الحنونة...
جيبي موبايلج...

جريت الموبايل من ايدها...
لهنا وانتهت لعبتج جورية هالكلام راح او صلة لشهاب...
وأضيف شوية بهارات عليه حتى شنو
طن...
تنكتلين بس اطمني راح اخلي يزوجج حبيب الكلب
المهم أخلص منج...

جوري بكاء: - ليش ليش هيج ازل حتى انتي جنتي تضحكين عليه وتجذبين...
ازل بخبث: - اي نعم لأن انتي وحدة مضحكة ضحكت عليج...
يلا يحلوة اني رايحة لشهاب وانتي بلشي حضري امورج
اكيد بأي ساعة يعلسج شهاب...
اجيت اطلع والموبايل بيدي
التفت وراي اشوف جوري كاعدة بالكاع وتشهك من البجي...
منظرها يبجي...

كوووومي ولج عوووبة كووومي والعباس اشاقة وياج...
حتى مرت الثانية ما تعوفيني وحدي ومن اسالج شبيج تكليلي معليج...
جوري بشهكة: - ازل، ازل، والله والله ما مسوية شي هو باسني...

ازل: - ههههههههههههه هي هم حظوظ اني أتزوج وجوري تنباس...
شبكتها واني أضحك عليها كومي مخبلة سولفيلي شسالفة البوسة بلة...
بعدين انتي شنو متعرفيني
جنت ما طيق اخوج بعد شون انقريلج علمودة...
كومي حبيبتي يلا خلي نخابر اسيل تكعدين تسولفينا سالفة البوسة...
شنو و عبد الله شنو موضوعة...
جوري: - يعني انتي مراح تحقرين وياي...

ازل: - لا حبيبتي راح انطيج براشدي أطير حواجبج بي كافي بلة هسة تشاقين وياج شوية بطلي نوح ودراما...

تصالنا على اسيل كامرة
فتحت اتصال ويانة
هلووو اسولة...
اسيل: - هلو بنات شونجن...
ازل: - هلا بسورها وبنورها وهلا بحفار كبورها...

جوري: - هلا سيلو...
ازل: - لج عززة اسيل جوري باسوها...
جوري: - ولججججج صوتج فضحتينا...
اسيل: - منو ومنو ولجن منو نباس فهمني...
جوري: - مو صوجن اسكتن خلي احجي وافهمجن السالفة...
ازل واسيل: - اوك سكتنا...
جوري: - شوفن لمن خطبنا لشهاب وخوالي كلهم اجوي...
عبد الله ابن خالي جان مسافر يعني بأربع سنوات هو بروسيا يدرس مشايفني...
اجة قبل خطبة شهاب بأسبوع واجة وياهم الخطوبة...

شافني وضل يتغزل هاي شنووو وصايرة تفاحة
وفدوة الخدود مادري بعمتي عدها بنية هيج وكبرانة...
زعجني بنظراتة جدا جري...
اسيل: - ياااا زاعجها ام الوصخة فوك ما جاي ينطيج واهس للحياة
ويغازلج...
جوري: - بلة نجبي خلي اكمل
اي فمن رحنا للخطوبة واجينا احنا بسيارة
أمه كالتلة يوم إلى اخطبلك بي ومثل هالجمعة تكون الك شنو رايك...
كالها يوم الله وايدج بس انتظري انتظري اتأكد من شغلة ان شاء الله
تكون الفرحة مو بعيدة.

يحجي ويباوع عليه...
غلست عنة اجانة ورة للخطوبة هم مرتين...
بس ابد ما حتكيت بي لحد يوم الحنة...
جانوا الولد كلها تدك وتركص بليل محتفلين بشهاب...
وقسم منهم مخبوصين وي امي بالخطار
هو جان كال البنات طفن ضوء الإستقبال
وباوعن منه...
اني كلشي ما شوف عفت يحجي وتسحبت من ورة...
ورحت للدرج بدون محد يشوفني
عدنا فتحة بالستارة مال السطح يعني اكدر اشوف كلشي براحتي وبدون إزعاج
وفعلا صعدت فوك كعدت اباوع مندمجة
اشوف...

الولد شون يركصون يالله شون حلوين...
والرادود يقرأ قصائد جنن انوب كام يجر موال
مخصوص لشهاب...
صافنة ونجريت من كصيبتي
شهكت واني اشوف عبد الله واكف ورأي...
عبدالله: - شعندج فوك اني مو كلت باوعن من الاستقبال...
جوري: - محد يشوفني هنا وعادي إذا صعدت
بالاستقبال ما شوف...
عبد الله: - جورية دنيا ليل وانتي بنية وحدج على السطح ممكن تخوفج بزون
لو تكببج فأرة وساعتها ما تفيد الشجاعة...
جوري: - اني ما خاف...

عبد الله: - اها صدكتج بالشهكة...
جوري: - معليك حتى لو أخاف...
عبد الله: - جريتها من زندها ما يلوكلج الوكاحة
ملامحج فاهية...
سبحان إلى خلة على خدج نجمة...
جوري: - هاا شنو...
عبد الله: - اوووف ما قاوم الفهاوة اني
انثاريت
سحبتها إلى وحاوطتها بذراعي
جريت شفتها...
وهي ولا حركة جامدة بس فاتحة عيونها عليه
ما حسيت إلا بضربة من جوري على بطني ودفعتني...
جوري: - واحد حقير تافهه ادبسز
عفتة ومشيت جسمي يرجف حقير خيسيس نذل.

شون يتجرأ
من ها ليوم وهو بقى ملاحكني
دائما يتصل...
من رقم مرت خالي بقى مهتم بية بكل الطرق
لحد ما اليوم اتصال من مرت خالي جانت أفراح تريد تحجي وياي...
حاجيتها
وهم طلع عبد الله...
جوري: - نعممممم شرايد...
عبدالله: - اف اف مشتاق والله...
جوري: - شتريد...
عبدالله: - إذا ممكن نجمه سودة بنص فضاء ابيض...
جوري: - وين اكو نجمة سودة وفضاء ابيض انت مصخن...
عبدالله: - خدج فضائي الناصع والنجمة شامه...

جوري: - دخيلك ربي زلم ما يستحون يحبون الشام
انت واخوي انجلبتوا على الشام...
عبد الله بهيائم: - ايييييي بالله خبلتنا شامات
جورية نطيني فرصة وحبيبني وإذا تفاهمنا
اتقدملج...
جوري: - شوف هو بصراحة اني عاجبني
الموضوع ملحتك عليه...
عبد الله: - والبوسة
جوري: - يمكن بديت انعجب بيك بس هذا مو معناها تبدي تتمادى أكثر
ترى اكول لشهاب عليك...
لهنا ودخلت علي الخاتون ازل ورعبتني...

اسيل: - الله جوري انتي باسج قبل الخبوطه...
ازل: - يااااعييييني احنا نخبطنا وتزوجنا وكل شي ماكو...
اسيل: - دنجبن واسمعن...
اززززل باجر اني وامي هم نجي للسبعة...
جوري وازل: - يااااااي وأخيرا راح نجتمع سوة
شهاب: - والله إلى يسمعجن ما يكول قبل ايام هن سوى...

ازل وجوري: - عزززة شهاب شوكت اجيت...
شهاب: - هسة اجيت شكلتن وتحجن سوة
هلو خوية اسيل
اسيل: - أهلا وسهلا صهري شونك ان شاء الله بخير...
شهاب: - الحمد لله من رخصتج اني راح ابوك مريتي، منج
اسيل: - مرخوص خوية...
جوري: - ازل اخذها شهاب وصعد واني يومة أصفر وجهي بس لا سمع بية...
اسيل شتكولين سمع...
لا ما أعتقد...
لو سمع جان دفنة كلنا...
ازل: - مرة اليوم على خير ماكو حدث مميز بي
نمنا اني وشهاب...

وهو يوصي بية علمود باجر كلي حتى لو يجون بيت خالج ماريد احتكاك زايد بيهم
وأي كلام تسمعي غلسي...
الصبح كعدت سبحت وشسورت شعري على صوت الشسوار كعد...
شهاب
صباح الخير يحلوة...
ازل: - صباح الياسمين على عيونك...
شهاب: - شهل الصباح الحلو...
ازل: - يلا اكعد اسبح حتى ننزل...
شهاب: - يلا كايم إذا خلصتي نزلي...
ازل: - ايي أريد أروح يم عمتي...
شهاب: - روحي معليج بية...
ازل: - عفت ونزلت...

عمة وجوري بالمطبخ سعاد كاعدة ورجل على رجل، عودك جاي تساعد بشغل...
صبحت عليهم...
حضرت ريوك لشهاب...
والي...
جوري كالت حسبي حسابي ما متريكة...
نزل شهاب...
المنشفة على راسة ويعاطس...
منظرة يضحك...
كعدنا تريكنا هو كال اني رايح لصديقي من يجون اهلج...
دكي علي لأن حسن وابوج ونعمان هم يجون...
ازل: - صار
صعدنا اني وجوري لغرفتي...
طبعا عمتي كالت تحضرين سبع فساتين
لازم تبدلين...
سبع مرات وكذا...

جوري برمتلي شعري وحطينا مكياج لبست فستان...
فضي طويل كصة السمجة من جوة...
باوعت الساعة ب 10 إلا ربع
اتوجهت للكنتور طلعت الذهبي وجاي ألبس بي
اجاني صوتها من وراي...
ولج اااااززززل...
كمزت ياااااي اسيل وصلتوا...
شبكتها...
وجوري سلمت عليها...
نزلت أركض على الدرج...
وهن يضحكن عليه مستعجلة على اهلي لهفة عروس بعد لهلها سلمت عليهم...
وامي تسأل بية على عيالي
طمنتها كلشي تمام
إيناس وهبة ودينة.

نسوان خوالي اليخلاني استغرب هي نور بنت خالي موجودة...
وكذلك مرت حيدر...
سلمت عليهم...
جيهان كالت ايييي خية بالعافية تزوجتي واحد
مال وجمال...
خليج لرجلج وبس...
غلست عنها وبقيت متونسة وي اهلي
شهاب هم...
اجة وكالي تعالي ابوج واخوج بالاستقبل تعالي عليهم...
صدك طلعت سلمت على ابوي ورجعت
ورة الغدة...
شغلن البنات الدي جي...
ودكن وركصن وأخذنا صور...
حتى مرت حيدر ونور...
هم ندمجن وي اسيل وجوري
تقريبا اطمئنت...

وارتاحيت إلا إيناس ابد ما حبت اقترابهن مني
صراحة إيناس عدها نظرة بالبشر بس هالمرة اني، ما سمعت كلامها...
بقيت اشاقة واضحك وياهن حتى صعدن بغرفتي
اخذن صور بيها لحد الساعة ب 4 اهلي راحوا وانتهت الحفلة...
والله بزعت روحي...
كلساع بدلي وعدلي للمكياج بطريقة تلام الملابس...
صعدت للغرفة...

أزل: - كاعدة انزع بالذهب بعد مخلصت حفلة السبعة مالتي جانت كلش حلوة اليوم صار هواي مافرحانة هيج نزعت ملابسي وبديت انزع بالترجية إلى بقت مجلبة بأذني...

بعدني بفكاري، وماحسيت غير على دفعت شهاب للباب الغرفة والشر يتطاير من عيونة
اتقرب وما حسيت غير وشة باذني...
من قوة الراشدي هاي ثاني مرة بحياتي انضرب ومن نفس الشخص مصدومة شمسوية حتى يضربني...

جرني من شعري وعيونة دم صايرة
اني نملة مقارنة بي وبضخامته ضرباته شهاب سحبت روحي من جسمي...
ما عبالك الواكفة كبالة مرة جان هيئته كانما ضابط ولقى القبض على المجرم جان شهاب بس بلاسم اما كهيئه هوه انسان ثاني، انسان انكلب بهيئه وحش...

مادري شنو ذنبي مارضيت بالذل ولا قبلت بالضرب رغم قوة شهاب وضخامته ما منعني أنهض بروحي وادافع عن نفسي...

دفعت وضليت اعيط علي...
انت مخبل والقرآن مخبل منو سمحلك تضربني ولك اني ابوي ما ضاربيني اني صوجي قبلت ازوج...
مو كاعدة ومجبوبة بيت اهلي شكو وافقت
ساعة السودة إلى رضيت بيك...
شهاب: - انجبي أدبسسز فوك شينها كوة عينها
لو واحد بدالي يذبحج مو بس يضربج عله هاي سوايتج مو حلفتيلي بلقرآن
انت إنسان مريض بالشك والله العظيم.

لو ما قبل أسبوع اني وياك وقسمتلك يمين يم الإمام موسى ابن جعفر انو مابينه شي وبعد الصار اعتبرة اخ ومااله اهميه عندي صدك تحجي انت...

شهاب: - لاتخبليني انتي لا تخبليني ولج منين اجن صورج واليوم سبعتج ونفس شكلج عده الصور شوداهن ها فهميني شوداهن، ماصار ساعه من كملت سبعتج وصورج يمه.

أزل: - لاتحجي وياي ولا توصل يمي فهمت انت إنسان متخلف همجي، شمدريني اني
شوف آثار إيدك طبعت بوجهي وبكل جسمي وين اكو عروس هيج تنضرب، شنو الاذنبته مو هاي يمكم حته تلفون ملازمه ولا طاكه صور...

شهاب: - بابا اني لو علي والقرآن اذبحج بس شكول لابوج وادري بي انتي روحة من الدنيا ادبسسز والقرآن موتج على أيدي واني اعرف اتصرف وي حضرت جنابج، بكد القندرة السانج زفر شطوله، احجيلي كلمه تلعلعيلي بألف بس اعرف شلون اتصرف وياج بعد نسوان متجي الا بلعين الحمره...

طلكني ورجعني لهلي، مااريدك مو تشك بيه هاي باول اسبوع زواج هيج اذا بقيت يمك اكثر شسوي بيه كل كلمه يوصلولكياها تصدك وتجي تضرب، اني انسانه مو حيوان حته تمد ايدك عليه...

شهاب: - بحلامج والقرآن هذا البيت وهاي الغرفة سجن الج اطلكج حتى ترجعين للكلب مو هو هذا اتفاقكم صدك يعني...

ازل: - انت مرض عقلك بيه شي شنو ارجعله افتهم اني ماحيته من حياتي...
شي انتهى...

الفصل التالي
جميع الفصول
روايات الكاتب
روايات مشابهة