رواية رحل همي حين عرفتك للكاتبة زهراء أمجد الفصل الرابع والثلاثون

رواية رحل همي حين عرفتك للكاتبة زهراء أمجد الفصل الرابع والثلاثون

ازل: - انت مريض عقلك بيه شي شنو ارجعله افتهم اني ماحيته من حياتي...
شي انتهى...
شهاب: - وحق كل ذرة حب بكلبي الج بعد إلى شفتة لو يصبونج ذهب ماريدج...
بس لا تحلمين اعوفج واطلكج...
مو اني إلى تضحك عليه زعطوطه...
كل هل مدة مستغفلتني ياحقيره...
وين كلامج اصونك ومااصونك ولج انتي بعدج باول اسبوع كلامج كله انحراف وصور بس اني اعلمج الا امشيج عله سراط المستقيم...
وراويج الله حق...

ازل: - ابقى انت اللغي براحتك اني هسة اخابر اهلي يجون يرودنك ويردون هذا الادبسسز
حيدر وين كلامك اني الج سند واني واني وبالنهايه انته شنووو انته حالك حاله...
شلت التلفون أريد اتصل عله ابوية
جر الموبايل من أيدي وركعة بالكاع...
شهاب: - بذات الله لو كلمة وحدة طلعت من لسانج وصلت لاهلج لكون دافنج ابيدي
وهذا ابن خالج السكط اني اعرف اربي بعد ما تاخذين حق ضحكج عليه
لج مستغفلتني انتي لو مو رجال كبالج...

بس اني اعلمج ياحقيرة...
ازل: - اني واثقة من نفسي ماعندي غلط سمعت زين...
وهذا إلى سويتة بحلامك اغفرلك اياه
انت وحيدر...
وجهان لعملة وحدة...
هو مو رجال جبااااااان باعني وما واجه شي لخاطري، بس تمرضت تخله عني وهذا مستحيل اسميه رجال مو نوب تريدني ارجعله...

وانت واحد عربانة تجيبك كلمة وترجعك كلمة
مجرد كلام وصور خبلتك وخلتك تخسر احترامك بعيني، ومادام شكيت بيه. فهذا هوع
لهنا وانت انتهيت من حياتي حالك حالة...
شهاب: - ادبسسسسسز حقيره لسااااانج لزمي لا تقارنيني بهذاك الكلب ابن خالج السافل
لج شترديني اسوي امسح على راسج...
وصورج تارسة...
محادثة انتي وياة...
لزمتها موتتها كتل، هل ساقطه اني الها اذا ماعيد تربيتها ماطلع شهاب...

كسرت الغرفة كلها لا خليت مزهرية ولا كنتور ولا ميز امراية امي ادك بالباب
وفهد يصيح عليه...
وهي وجهة كله أثار ولا مهتمة ولا نزلت دمعة من عينها
صلفة وكوية عين
انطيها كلمة تردني بعشرة...
فهد: - لك شهاااب شبيك اتخبلت افتح الباب لا بالقران اكسره شسالفه...
ربيعة: - ولك يمه افتح الباب اليوم عين صابتكم استهده بالرحمن عوف البنيه...
ازل: - بعد كل الصار اجة فهد وطلعة برة الغرفة
هههههههه غرفه عرسي صارت عبارة عن حطام.

تماما مثل أحلامي وامنياتي بحياة جديدة
وجهي مخربط بسبب ضربة الي...
بعدني صامدة وقوية...
لو ضعفت كبالة يستجلب عليه...
خذلان ثاني...
وللمرة الثاني من قبل جنس آدم...
جنت أظنك تختلف عن البقية...
لكن جنت غلطانة...
ماكو شي بيك يفرق...
نشرت الحطام بعالمي والسبب تافه
وما بي اي قناعة، محادثة...
من حساب اله نفس اسم حسابي
ونفس صورتي...
وي حساب ثاني بسم حيدر وصورتة
المفروض يعرف اني مستحيل أنطق بهيج عبارات بذيئة...

وكلام منحط ومنحرف...
جان يكلي ما شفت بنقائج ولا بصفى روحج
هههههه طلع بس كلام...
واحد بلا عقل...
عمتي وجوري بالغرفة وياي جوري تمسح وجهي بكلنكس ومي...
وعمتي تبجي وتكلي...
ربيعة: - يمه شجاكم عين وصابتكم شصاير...
ازل: - ههههه لا عمة يا عين تحجين عليها هذا خبال ابنج...
ربيعة: - يمه استهدي بالله خل يهدأ واهدأي ونزلي جوه خل نشوف شنو سالفتكم...
ازل: - نزلت عمتي جوه هيه وجوري ضليت بوحدي بالغرفه...

بيومها شهاب مارجع للبيت بات برة
وي عليك وتغرب وإذا ما رجعت...
كمت على غرفتي...
شلت الكزاز وعزلتها اوووف ضربت وجهي ما وجعت كلبي كد كسرت الكنتور
يا أخي والله حرامات الغراض هههه دافعين بيهن فلوس وهيج يتكسرن خب حضي، المزنجر ولايوم كعد...

عزززززة ازل بس لا من تردين تطلكين وتطالبين بحقوقج ينطيج هذا الكنتور المكسور...
أوف يلا ميخالف أودي لأبو فاروق النجار واخلي يصلحة، ماحس الا فهد كبالي اجه للغرفه، وصوته...

فهد: - ايييي وذهبج من هسة دزي لامج وكوليلهم مشترولي شي...
وأريد حقي...
لا تنسين اخذي وياج فلفل اسود وحطي بعيونج بلكت تبجين...
وتقنعين القاضي...
لان عينج كويه ولا تدمع اكلتيلج طن كتل وانتي ولا كأنووو هههههههه ولسانج رشاشه ولج عله كيفج ويه شهاب...

ازل: - اسكت عني حتى حقوق ماريد منكم فهمت
نطوني موبايل خلي اخابر ابوي والله اخلي يطيح حظ أخوك وحظ حيدر على هاي السواية...

فهد بجدية: - ازل كملي الغرفه وتعالي نزلي احجيلي بتفصيل كل إلى صار بينكم واخذيها من الركبة الهاي وعد مني اشوووفلج منو سبب كل الصار وياج...

ازل: - كملت تنضيف الغرفه ونزلت جوه لفهد كعدت لكيته بلاستقبال كاعد...
فهد كل ما بالموضوع انو بيوم الخطوبة صارر كذا وكذا حجيتلة السالفة بالتفصيل الممل...
وكل شي حجالياه شهاب...
فهد: - ازل خوية اخذيها مني ما يمر عليه أسبوع إلا واني حال مشكلتج بس انطيني صفحتج...
لان هاي سالفه ماينسكت عنها وترا حقه اخويه اذا سوه هيج غير مرته ويغار عليج، وانتي شرفه...

ازل: - فهد شسالفه كلشي يحجي ويفهمني شصار مو اجاني اعصاب ودك كتل ادري حيوان جواه ويعرف اني طول عمري مدللهه يجي يمد ايده عليه بس بالقران بعمري مراح انسه هل يووم، ابد ماعده شي اسمه تفاهم، صاير شي يجي يحاجيني وافهمه كلشي واذا غلطانه ومسويه شي اكله مو بلا سبب يجيني يتهمني ويمد ايده عليه، او ها موبايل شهاب بي الصور المحادثة ولا شخص الدزهن اكيد تستفاد منه...
كتبت الرمز والايميل مالتي وانطيتهن اله...

فهد: - هاهيه خويه راح اشوووفهن الج...
ازل: - بين مجنت انطي الرمز وحجه فهد ماحس الا...
اجة واحنا كاعدين دخل شهاب فندي
جان يصيح...
شهاب: - هااااااا ازززززززل خاتووووووون ما كفاج ابن خالج
انوووووب فهد...
ازل: - ولا عترفت بي الحائط رد واني ما رديت
هسة اني ادبسسز أخوك شكو، شكد شكوكي بس الا اندمك يا شهاب، ضليت ساكته جان حجه فهد...

فهد: - استغفر الله شهاب شجاك شنو هالحجي تشك بية يعني ترى اني اخوك موعيب هل كلام...

شهاب: - فهد اطلع برة الموضوع كلامي مو وياك وي الخاتون...
ازل: - خاتون ونص وشتريد يعني اني إلى عندي كلتة عجبك وصدكت أهلا وسهلا
ما صدكتني سهلا واهلا...
مونوب فوك ماشكك وضربك إلى تتهمني نوب ويه اخوووك بس مريض عقلي وليس على المريض حرج...

شهاب: - شلت دولكة المي وركعتها بالكاع
بداخلي شرار عليها لو الزمها افصم رأسها
على هالاسلوب المستفز، برودها راح يموتني لهل كلبة...
ردت اضربها...
لو ما فهد حماها...
صار بوجهي، تالي عافتنه وصعدت...

ربيعة: - شوووف يمه شهاب هواي خربطت بالحجي انت لدكلي ليش وياها بس تره حجيك ماينسكت عنه افتهم السالفه ولتشك كبل...

ترى هذا أخوك شجاك تسودنت ولك يمه هاي
الي ثبرتني عليها ولك هاي حبيبتك شجاك
شعندك عليها وهيج نكلبت...
ولك طكتكم عين ابني استهدي برحمانك...
وخلي ابالك شغله لتتسرع بأي قرار تره تالي تعض اصابيعك ندم...
شهاب: - يمة لخاطر محمد عوفوني اني أعرف أتصرف وياها...
فهد: - عفت وطلعت ادري اخوي قفل بعد ما يقنع إلا برائتها و ان شاء الله اسوي كل إلى اكدر عليه...

جوري: - بعد إلى صار بين شهاب وازل الاجواء متوترة
كلش...
امي كالت صعدي جيبها لا تبقى وحدها
صعدت...
مالكيتها بالغرفة...
رحت للسطح واسمعها تدعي...
وتحجي العبرة تارسة صوتها بس ما تبجي
حجيت وياها ونزلتها...
ازل: - عفتة وطلعت خلي شيسوي يسوي انيييي ما غلطانة...
بشئ ومادخلني بخبالة يريد يقنع او لا
اني أدري بروحي مخاينة ولا مسوية غلط
شكو اهتم صعدت على السطح...
فول أوبشن خنكة...

ياربي كلما اكول هاي هية ازل ابدي من جديد
يطلع حيدر بوجهي...
ربي انت شاهد عليه لا غلطت ولا سويت ذنب...
مراهقة وحبيتة وانت شاهد عليه ليش هيج كاعد أضيع...
ربي بعيدة عن اهلي ولا اكدر اوصللهم
مختنكة يا اللهي...
يارب اني استمد قوتي منك لا تخليني اضعف
اني عندي يقين وإيمان انو الحقيقة لازم تضهر
وما عندي شك حبل الكذب قصير والي سوى الشغلة هاي وطعن بية راح ينكشف...
شكد خابت ظنوني بيك شهاب...

ليش هيج طلع حبك جذاب ااااااااااخ يكلبي...
ليش من حبيتة يبعدني عنة غمرني بحنانة
وعيشني بجنتة...
ليييييش يبعدني عنة بهل الطريقة الحقيرة
ليشششش يشك بية يالله شكد اتصالف وصديته وصرت صلفه، وياة
ابقى محتاجة يصدكني يبقى الضعف بداخلي
ايد انحطت على كتفي...
التفت جوري...
حظنتها جوري هماتين خربت من حياتي للمرة الثانية...
جوري: - راح تعدي والي كان السبب ربج يعاقبة
صلي ركعتين لام البنين تقضي حاجتج...

وابعدي عن شهاب ها لفترة...
يلا خلي ننزل كافي مو زين عليج تبقين وحدج.
ازل: - نزلنا اني وجوري دنيا الغروب
صليت وقريت قرآن...
ما أكلت رغم ملحت جوري وعمتي
رحت أريد انام بغرفة جوري فرشت افراش بالكاع ونمت...

شهاب: - بعد الصار طلعت من البيت خابرت صديقي هشام صديق كلش مقرب إلى دوم اروحله فخابرته كتله راح اجي جنت طافره روحي ماعرف السويته صح لو غلط او هيه بريئه مثل مدكول لو متقصده تسوي هيج بيه المهم وراها رحت لهشام ابيته كعدنه بلاستقبال ضلينه نسمع موواويل حزينه واحس روحي مخنوك ماعرف احس بدوامه وتأنيب ضمير لان هيج كتلتها كتله بس بعين اكول لا تستاهل الا اربيها، وراها لل1 اترخصت من هشام رجعت للبيت طبيت للغرفة...

ماكو هيه...
طلعت للحمام ماكو...
القاطع الفوك كلة دورتة وهي ماكو خفت لا تكون على السطح وحدها...
صعدت وهم خابت آمالي ماكو ياربي وينها
لا بترك ولا بغرفة امي...
ولا بالمطبخ...
ما بقى بس غرفة جوري طبيت نايمة بالكاع هييي مخدة جوة راسها ومخدة فوك راسها...

نايمة على وجه ورجليها مرفوعة...
عود شنو معنى تصرفها زعلانة ههههه...
لفيتها بالدوشك إلى نايمة عليه وشلتها...
صعدت لغرفتنا ونزلتها بالكاع...
خلي تنطمر هنا...
وطبها مرض وإذا زعلت ما تطلع من هالغرفة
نمت على السرير...
تعبان والله...
فهد: - بعد ما ازل حجتلي كلشي
أخذت موبايل شهاب وره مارجع ب1 بليل بحجة أريد اخابر وما عندي رصيد...
أخذت كل الصور والمحادثات...
واسم الحساب الدزهن...

لل3 الفجر اني بحوشت بالفيس تبحوش
بعد عناء يلا لكيت الصفحة إلى دزت المحادثة...
حفظت الصفحة بالحاسبة ونمت من التعب...
ازل: - كعدت فتحت عيوني هاي اني وين
فركت عيوني
ياااااا هاي غرفتي اني مو جنت بغرفة جوري
شجابني هنا معقولة طرت...
باوعت على اكتافي ما عندي جناحات شون صعدت
جنت أفكر بصوت عالي...
معقولة اني انتقلت عبر الزمن
لا يمكن الملائكة جابتني...

شهاب: - بطلللللللللللييييي لغوة من صباحيتة الله وكومي سويلييييي زقنبوت...
ازل: - اوك زوجي المصون ادلل طبعا بعد ما أسبح...
شهاب: - ماكو سبح ما نايمة وي ابليس ووتردين تسبحين كومي سوي ريوك...
ازل: - استخلفت الله (سلمت امري لله ) وكمت نزلت غسلت ورحت للمطبخ سويتلة أكل...

وصلت لباب الغرفة واشوفة راجع ينام...
لويت رجلي وكعت الصينية بالكاع...
خليت كلشي بيها يتكسر كمز هو...
شهاب: - وعممممممى شبيج انتي ما تكولين اكو حمار نايم، ثول الثولج ولا دبرين تسوين شي...

ازل بصوت ناصي: - رحم الله أمراء عرف قدر نفسة...
شهاب: - شكللللللتيييييي...
ازل: - كلت...