قصص و روايات - قصص رائعة :

رواية رحل همي حين عرفتك للكاتبة زهراء أمجد الفصل الثاني والعشرون

رواية رحل همي حين عرفتك للكاتبة زهراء أمجد الفصل الثاني والعشرون

رواية رحل همي حين عرفتك للكاتبة زهراء أمجد الفصل الثاني والعشرون

ازل: - بعد مكالو انو شهاب يريد يدخل ويشوفني
صارن البنات يتطافرن يلبسن بحجاباتهن...
خالة ربيعة لازمة ايدة ودخلتة
وطكت الهلاهل صارت من كل جانب عبالك بينهن مزاود النسوان
منو هلهولتها أعلى...
كعد بصفي وهوسات علكت
النسوان إلى اجن وياهم
شغلن دي جي
صارن يدبكن الدبكة الكردية
حتى خالة ربيعة شاركتهن
صافنة اباوع على ركصهن شكد حلو يركصن ما حسيت غير نكرصت من خصري شهكت بصوت عالي خلت
النسوان تنتبهلي.

اجتي خالة ربيعة وأمي عليه...
امي: - ولج ازيلة شبيج يمه...
ربيعة: - يا خالة شجاج شبيج...
ازل: - من فشلتي شحجي خنزرت عليه وهو مسوي روحة خايف عليه...
شهاب: - صدك جذب انطوها مي خطية خاف اختنكت...
ازل: - لا ماختنكت ماريد مي بس اكو زنبور كرصني...
ربيعة: - منين اجة زنبور هسة ولج...
ازل: - لا يضل بالج خالة تمام ماكو شي...
نرجع بالوقت...
شهاب: - بيوم الجمعة كلها التمت ابيتنا اني من البارحة رحت زينت
وحضرت نفسي...

مستعجل عليها والعباس أبو فاضل مستعجل
طلعنا كلنا ورة الغدة عليهم...
استقبلونا
عمامها وأبوها وأخواتها
جنت جايب السيد وياي مو مصدك راح تصير الي
بعد ما عمي حجة وطلبها...
كالوا نعقد
طول الكعدة واني متوتر وأدعي الله يتممها على خير
عقدنا شوية وأبوها كال أمك اتكول خلي يطب يبارك لعروستة
صدددك جذذب اشبعها مباركات...
بس طببوني، وخل اشوفها...
دخلت وامي وياي كلها دك وتركص صوت الهلاهل عالي...

بس اني كمت لا أسمع ولا أنطق فكيت عيني
عليها...
امشي بخطواتي أتقدم عليها وعيوني أتريد تاكلها
ذهبية تضوي من كل مكان
تفاصيل جسمها وي الفستان كارثية...
وصلت يمها وكعدت اباوع صافنة على خالتي ونسوان خالي شلون يركصن كردي
وكعت عيني على جتفها...

اااااااااخ هو اني شلعب بحالي غير ذني الشامات
أربع شامات خلني اشوفج انتي أربع النسوان إلى حللهن الله الي...
كرصت من خصرها أريد أشد انتباها الي
كمزت كمزة مرتبة حيل تستاهلين
شلعتي كلبي وانتي صافنة
خنزرت عليه...

بعيونها والحاجب المعقوج
اجني امي وامها على طفرتها
كالتلهن زنبور...
من صدك ضحكتني
جوري تريد تاخذلنا صور وكلساع وكالت شهاب ألزم ايدها
شهاب بوسها
شهاب سوي هيج حركة
خرررب دكولي اخذها للغرفة بعد عليمن...
بعدنا مشغولين بالخطبه وما حس إلا وحدة من البنات وكعت من طولها...
كمزت ازل وهي تصيح عزة أسيل
التمن عليها البنات يردنها تصحى ما صحت
طلعت صحت على اخوانها كتلهم وحدة اسمها اسيل وكعت...
طفر حسن من مكان.

نعمان فدوة شغل السيارة
دخل شوية وطلع
شايلها ولفها بعباية اخذها هو ونعمان
قدموا الكيك والببسي واني كلشي ما مفتهم من خطبتي...

حسن: - شهاب طلع كال ترى اسيل اغمة عليها
كمزت أريد اروحلها هستوها يمي كلشي ما بيها تعاركنا اني وياها تريدني أكل جكليت وياها واني ماقبلت...

سوتلي امي طريق ودخلت طلعتها
أخت الجلب
لبسها فضيحة شسوي أخذت عباية وطلعت كبل للمستشفى
طول الطريق أريدها تصحى ماكو لا تشيل ايد ولا رجل
وصلنا اني ونعمان للمستشفى كبل للطوارئ
الدكتور سأل شبيها يعني هو اني لو ادري شبيها شكو جايبها هنا...
قاس ضغطها البنية ضغطها مصفر لهل السبب فاقده...
راح اشدلها مغذي مالح وممنوع تأكل اي شي بي حلى
على الأقل لباجر...

نعمان: - هههههههههههه روح بعد أخوك تهنيت تأكل مصاص وجكليت وتعال يا حسن شد مغذيات...

حسن: - يمعود والعباس وكعت كلبي ادري شسوي اني امنعها وهي ما تأخذ حجي ابتليت خوما ابتليت...

أريد اشوف أمها ذابة مسرها
بمعمل مصاص...

نعمان: - يلا يخوي الحمد لله على سلامتها هاي ولا غيرها
ههههههه...
حسن: - اضحك اضحك شعليك قابل
نعمان: - هههههه لا يابوي قابل مرتي توكع من ورة جكليتة...
حسن: - خلص المغذي ورجعنا للبيت شهاب واكف بالباب وجه ينكط سم وينتر
يلا معودين ورانا طريق خلي نطلع
شافنا اتقدم علينا...
شهاب: - ها حسن ان شاء الله ماكو شي سلامتها...
حسن: - لا يضل بالك ضغطها مصفر...
شهاب: - الحمدلله على سلامتها لعد احنا هم نتوكل بعد...

حسن: - ادري وين رايح على الأقل ابقى انت شلون الوالد تركك تروح...
شهاب: - والله يا حسن وياي الأهل وخوالي ماكدر ابقى...
ان شاء الله غير مرة
الله شاهد عمي ما قبل بس ماكدر خيرها بغيرها...
ازل: - ورة ما تخربطت اسيل
طلع شهاب
طول يلا رجع بس شنو رجع عبارة عن شرارة متحركة...
مزاجة مكلوب ويصيح يلا اتاخرنا ورنا طريق...
ربيعة: - ابني هسة ما طايرين اكعد وي خطيبتك شوفها احجي وياها...

شهاب: - يمة ما طايرة خطيبتي اني ادري شوكت احجي وياها اطلعن قبلي يلا
ازل تعالي هنا...
ازل: - اتقربت واني احجي بداخلي معقولة تورطت شنو هذا اسلوب بالحجي...
شهاب: - جيبلي موبايلج وتعالي...
ازل: - بأستفهام ليش عود...
شهاب: - ماريد اعتراض منا العالم جيبي الجهاز وتعالي
ازل: - جبت الجهاز انطيته اله...
طلع من جيبية موبايل وانطاني اياه و حجة...
شهاب: - هذا جهازي الثاني مخلي بس لأمي وجوري واخواني...

يعني بااختصار للأهل فقط
محد يعرف الرقم ولا بي اي شي بي كل البرامج ومفتوحة يمي
راح يبقى عندج...
بس قسم بمن رفع السماء بلا عمد إذا اتصلت فد يوم ولكيته مشغول ما راح تلومين إلا نفسج.

ازل: - هو يحجي واني مصدومة
شنو الاسلوب هذا ليش هيج يعاملني صح يحجي بصوت ناصي بس طريقة كلامة مزعجة...
ما اعترضت على شي
سكتت وهم طلعوا راحوا دخل حسن
وكبت العركة هو واسيل على الحلويات
هي تكلى إذا ماكل حلاة أحس روحي ضايعة
وهو ايكلها اكلي بس مو هيج...
يعني شكد ماكلة وهيج صفر ضغطج
عفتهم وصعدت لغرفتي
لفيت راسي ونمت تعبانة كلش...
ومالي خلك واحد يطخني مو يحاجيني نمت من قبل صلاة المغرب ما حسيت
إلا امي تكعدني.

ولج ازل ادري هاي خطبة نمتي هلكد عزة بعينج لو عرس شكد تبقين نايمة...
ولج كومي صار أذان الضهر
ازل: - كمت منزعجة يمة بيش الساعة...
امل: - خاتون الساعة ب11 ونص الضهر كومي
هي نومه لو نومه أهل الكهف غضب الله عليج لا أكل ولا شرب ولا حتى مبدلة لا صلاة كووومي ولج...

ازل: - كمت يمه كمت اطلعي خلي ابدل
طلعت امي ورحت اباوع على جهرتي بالمراية
رموشي ملزكات من أثر المسكارا المكياج صاير فلم
التسريحة أحلف على نفسي ما راح اكدر أفل شعري إلا ازين صفر...
ناس داخلة بناس شعراتي
استغفر الله
نزعت الفستان ولبست الأتراك
طلعت غسلت وجهي...
ورحت يم ايناس صحتهن هي وهبة وأمي يلا كدرن يفلن شعري المهوس
كمت صليت صلاة المغرب والفجر قضاء
بعدني أصلي وإذن الضهر
صليت وكملت...

بقيت بالمطبخ وي هبة وايناس اني متعودة
حتى لو ما اشتغل من هن بالمطبخ ابقى وياهن نسولف...
حتى الشغل ما يصير ممل هم الإنسان يضوج وحدة...
يشوف اهلي البيت يسولفون وهو يشتغل ظلم
فااحنا نبقى سوة صبينا غدة وتغدينا
اخواني بالشغل محد بالبيت بس احنا
دخلت لغرفتي...
أريد أحاجي اسيل واتذكرت الموبايل
يبووو هسة شلون احاجيها حسن ما جاي للبيت
واني م احافظة رقمها...
ايناس نامت شسوي
كلت خلي اخابر جوري وهي تنطي الي.

لزمت الجهاز وهذا طن إلا ما طن
كمزني بحيث وكع من أيدي ادري صدك جذب شنو هاي...
رجعت شلتة 13 مكالمة من رقمي 2
مكالمتين من جوريتي...
رسائل على الفايبر رجعت اتصلت على رقمي 2 اكيد هذا شهاب
دك دك وفصل...
رجع هو دك عليه عفية عاشت ايدك مو مثل اسيل حتى من نتعارك دزلي رسالة خابريني واني اصالحج...

حتى على الفايبر ترمش
فتحت خط واجاني صوتة...
شهاب: - اني شحذرتج قبل ما أطلع مو كتلج ماريد ادك على الجهاز وما تردين...
ازل: - وعليكم السلام اني زينة انت شلونك...
شهاب: - بطلي لغوة و جاوبي وين جنتي حضرتج...
ازل: - والله جنت بين أحضان المخدة نايمه...
شهاب: - نايمه من البارحة مثلا...
ازل: - اي وحق العباس وداعة عيسى المسيح...

شهاب: - شوفي خطبة ما راح أجر واعر بيها اليوم سبت باجر من الصبح اني يمج حضري روحج نعقد محكمة، ماريد اطول الخطبة كلشي كامل وجاهز...

ازل: - ادري شبساع والله تعبانة...
شهاب: - ما جنتي تحصدين ترى كلمه لكلتها ما تصير اثنين...
واصلا اني متفق وي نعمان راح نعقد بمحكمة ديالى فهمتي
اجيج الكاج جاهزة
ماريد تاخريني...
ازل: - اي تمام ما تأخر هسة من رخصتك أروح انام...
شهاب: - منو سمحلج تنامين صارلج يومين نايمه
ازل: - ها اي شسمه أريد أروح اشوف جوري واسيل...
شهاب: - جوري نايمه
واسيل عوفيها مو وقتها عندي كم شغلة اريدهن منج وتنفذينهن...

ازل: - بكلبي اهوووو بدت سوالف التحكم يا طركاعة الماتخلص...
ايي أسمعك
شهاب: - أولا الصور إلى ماخذتهن بجهازج ماريد يتكررن فهمتي...
وهذني فساتينج المشخلعة ياريت تحركينهم
واله اكلج جيبيهم وياج يصلحن بدلات نوم على تشخلعهن...
ازل: - عزززززة بعيني ولك أخجل شوية بدلات نوم شنو ترى فساتين عادي
يعني عرس اختي شلبس حرام صلاة
لو خطوبة اخوي ألبس ملابس حج...

شهاب: - من احجي وياج لا تعلين صوتج خوش اني جاي احجي وياج حجي ماكو داعي تصيحين
وهذا جهازج شنو متردينة خاف عندج شي مهم بي ههههه...
ازل: - وشعندي قابل هو رقم اسيل ردلي اياه وخلي الجهاز الك...
مو اني إلى ارجع على حاجة انطيتها
بعدين هذا الجهاز
الي نطيتني اياه بي هواي برامج ما شايفتهن يسلن...
شهاب: - ترى كل البرامج عندي ومفتوحة بجهازي ومسجلة بااسمي يعني ديري بالج...

ازل: - عفية شو انت بس تهدد ديري بالج لا تسوين هيج لا تلبسين هيج
ادري هاي أول يوم وهيج تنتر بية
لعد لو تزوجنا شتسوي...
شهاب: - لا بعدين اكلج شسوي خليني لحد الآن النفس طيبة عليج...
ازل: - من رخصتك اني ما حب احجي هواي بالنقال أروح أكل جوعانة...
شهاب: - اييي صدكتج لذلك انتي وجوري ما تسولفن ابد ولا تحجن خلي بالج
طلعة حلك الباب ما تطلعين بدون اذني فهمتي
خلي يكون عندي علم انتي وين وبعدها وين تردين تولين ولي...

ازل: - اي مع السلامه
سديت الخط
وكعدت اووووووف يا ازل يمكن ورطتي روحج
هذا يختلف إختلاف جذري عن يوم إلى اجة وحجيت وياه...
يارب والله ما عندي قوة اتحمل خذلان ثاني
ولا عندي طاقة اتحمل مزاجيتة
ربي قانعة بقضائك وقدرك بس إذا شهاب بي أذية لروحي ابعدة عني يا ربي
ماريد اتورط...
احمد: - ازل ازل تعالي
ازل: - هلو بابا شلونك...
احمد: - هلا بنتي اكلج شهاب كال انطيتها خبر باجر يجي ياخذج تعقدون.

اني ماروح اخوج بالمحكمة وياج بعد...
امل: - ادري شدعوة هيج مستعجل البارحة عقدو ترى شبساع...
احمد: - اصلا كال العرس نهاية الشهر مخلص كلشي
امل: - ادري خلي على اقل نزوج حسن مو عبالك مستعجل...
احمد: - بعد المرة مرتة براحتة غير هو يريدها...
ازل: - ادري بابا شوكت الحك هو عرس لو ركض ركض...
احمد: - والله هذا الموضوع تفاهمي بي
انتي وشهاب بكيفكم بعد بس باجر كعدي من وقت حتى تروحون...
ازل: - اي بابا ان شاء الله.

ياربي هاي مو حالة من أولها شلعان كلب
ايناس: - شبيج دردمين وحدج
ازل: - ايناس يعني مو حالة والله كون اتشوفينة البارحة شلون يحجي
وينتر
يعني هاي اولها هيج وانوب ايريد عقد محكمة باجر...
خبصني ما عندي شي شكو متأخر
زين ما يفكر ويكول هاي تتعب
يعني هم
لازم أطلع اشتري نيشان وخبصة وين الحك بشهر واحد...
ايناس: - ميخالف حبيبتي احنا وياج ونساعدج بس لا تنعقجين ولا تضوجين...
روحي حضري ملابس تروحين بيهن باجر.

واطلعي مرتبة وشوية شوية حاولي وياة واتفاهموا لا تضلين
معصبة ترى الرجال يكره المرة إلى توكف وياه طول بطول بكلامها...
ازل: - أمري لله شسوي لعد
عبالك الوقت يركض ركض بساع إجه الليل...
حضرت ملابسي واني اخابر بااسيل
حجيت شوية وياها وسديته
حتى عشه ما مشتهية
مددت على الجرباية وعيوني للسكف
عقلي ايكلي تورطتي
وقلبي ايكلي اطمني واني ما بين هذا وهذا دايخة
دك جهازي شهاب
فتحت خط
كالعادة بدون سلام...

شهاب: - لل 11 اذا لكيتج على الانترنيت ما تلومين الا نفسج...
واجي ب 8 اريدج جاهزة خوش سهر ماكو
حتى جوري بلغتها ما ترد عليج فهمتي...
ازل: - حاضر اوامر ثانية اكو...
شهاب: - السانج لزمي كاعد انبهج مو اامرج
ازل: - اي خوش...
شهاب: - ازل خوالج ليش ماحضروا مهرج؟
ازل: - عدنا مشاكل وياهم وما حب احجي بيهم رجاء...
شهاب: - يصير خير نامي يلا
ازل: - تصبح على خير عفت ونمت
الصبح كعدتني امي من 6 كعدت اتريكت وكملت.

انوسة هم كاعدة
طبيت لغرفتي بدلت لبست تنورة نص
وقميص أصفر باهت وفوكه يلك
هو قاط كامل
اجتي ايناس حطتلي مكياج مرتب
وهي مستمرة توصي بية...
ايناس: - حبابة احفظي لسانج اليوم
عقدج لا تبقين تكمزين وياه اسمعي شيريد وسوي
ازل: - كتلها ميخالف
اجة بابا كال...
احمد: - شهاب ينتضرج تطلعين
و...

الفصل التالي
جميع الفصول
روايات الكاتب
روايات مشابهة