رواية رحل همي حين عرفتك للكاتبة زهراء أمجد الفصل الثالث والعشرون
احمد: - شهاب ينتضرج تطلعين
يله بابا اذا كملتي تعالي ورايه...
ازل: - بعد مااجه بابا وصاحني طلعت وشفته جان واكف بصف بابا
التشيرت ابيض و بنطرون كابوي الساعة والمحبس والعطر عبالك سابح بي بحيث على مسافة تشتمة ادري شدعواك...
احمد: - يلا بابا اطلعي بالسيارة الولد ينتظرج ترى
واخوج هناك قبل لا توصلون خابروا عليه مو تنسين...
شهاب: - روحي لبسي عباية ازل ما تطلعين هيج...
ازل: - شوف عيني ماطول اني بعدني بيت ابوي انت مالك حق تدخل بشئ خوش
أجي يمك وعود ساعتها لبسني عباية بوشيه شتريد سوي براحتك بس هسه لبسي ما بي شي...
احمد: - ازل بابا شنو هل حجي مو عيب اكو وحدة هيج تحجي بوجه زوجها...
شهاب: - لا عمي عوفها براحتها تدلل
احمد: - يله عمي لعد توكلو بالله وراكم طريق...
شهاب: - في امان الله عمي
ازل: - شكد اتنرفزت من هذا اسلوبة شنو عبالة يحرجني كبال ابوي
كلهم نفس الطينة ايحكمون على الوحدة من لبسها
شايفني طالعة مصلخة ما عندي مشكلة بالعباية بس أكره أسلوب التآمر وما اطيقة
حيدر إلى جنت عود احبة وانخطبنا عن حب.
من نوصل لهذا الموضوع ما اطيعة
مو انوب شهاب
بعدنا هسة كلنا يالله كل أوامر وحجي والله يالله...
عفت وصعدت بالسيارة
كعد بصدر وكام يسوق وساكت واني كذلك ساكتة ودايرة وجهي للجامه...
كلشي اتحملة بحياتي أخذ ملابسي إلى عليه بس اطلب الشئ مني بااسلوب حلو...
اشمئز من إلى يتآمر على رأسي
بذات الله لو كايلي بدلي لبسج
لو كايلي بااسلوب وبدون نتر لبسي عباية البسها...
بس هو مدري على شنو شايف روحة بس شسوي شكل الفأس وكع بالرأس...
شهاب: - انتي هييي مرة الثانية من اكلج شي وتردين بوجهي والله اكسر راسج مو عبالج تستغفليني
وتصعدين فوكاي، وتمشين حجايتج، تستقوين بأبوج...
ازل: - بابا شبيك ماخذا ورث أهلك اني ترى اني خطيبتك شنوووو هذا الأسلوب الهمجي
ترى احنا ما صار لنا يومين من عقدنا
اني عندي اسم مو هييي
ترى كاااافي سكتتلك هواي
ازل اني احجي وماحس إلا أذني صفرت من ضربت الراشدي.
افتر راسي ونعاد على موقف الضربة بمرضي انجنيت وما بقى عقل برأسي...
اني إلى عمري ما انمس اضفري هذا يضربني
بعدني ما مستوعبة الصدمة
جسمي كله يرجف وهو يصيح...
شهاب: - كوواد اني
طالع وياج هيج رجليج طالع وجسمج مخصر تخصر ولج تمشين وجسمج كله يهتز
ولج ابوج خوش رجال ما اكدر اسبة من وراج شايفة التنورة شلون محددتج تحدد
ولج شترديني امشي وياج والزلم تباوع على عرضي مكرن شايفتني مو رجل
هو هذا لبس وحق ربج.
لو ما احنا بشارع لكون شاكهن عليج واعلمج الله حق...
بنت الناس لزمت أعصابي منج وكتلج ألبسي صخام بوجهي
لبسي عباية...
توكفين بطولي وتعانديني احرجتيني كدام ابوج شنو معنى هل تصرف...
الله يطيح حظ كلبي إلى أختار وحدة مثلج
شفتج ملاك طاهر بس والله كلجن عقارب ما تستاهلين عبالي تختلفين طلعتي بس وجه...
ازل: - كملت لو بعد عندك شي تضيفة صرت أصرخ بكل صوتي وماهمني لا المكان ولا الوقت
انتتتتتتت واحددددد حقييييير وهمجي وحق الله يا شهاااااب إلا اندمك على هل ضربة إلى ضربتني إياها...
والقران إلا اخلي اخواني يكسرون رأسك فهمت
انعل الساعة إلى شفتك بيها...
طول الطريق اني ابجي خرب المكياج والشهكة ضلت بصدري
عمري محد عاملني بهل الحقارة
وكف السيارة وما رد عليه اصلا...
شوية واجة بيدة علاكة وبطالت مي
شمرهن عليه
شهاب: - هاج غسلي وجهج...
أزل: - أخذت البطل غسلت
جر الكلينكس وسحب وجهي فرك شفتي من الحمرة فرك
حتى اذاني...
شهاب: - هذا الصخام ماريدة بوجهج وهاي جبة تلبسينها من تنزلين.
و سالفة التنعوص بطليها فهمتي أكل لاخواني وأكل الابوي شيلها من بالج...
انتي ززززوجتي بالشرع وراح نوصل للمحكمة وتصيرين شرعا وقانونا
ازل: - اطلك وما بقى وياك...
شهاب: - اممم اطلك ام حلك مو هي كلمة وتكولينها...
اكسر راسج وامشيج مثل ما أريد وما اطلكج فهمتي هاي الكلمة شيلها من راسج...
ازل: - وحق أبو فاضل إلا اكرهك عيشتك وداعة النبي سام...
شهاب: - هيي هذا منيلج شو ما سامع بي...
ازل بغباء: - لا هذا ابن النبي نوح واني احبه لأن اسمه سام...
شهاب: - ها كلتيلي مو اكول منين كافي بجي يلا هاج لبسي الجبة راح نوصل
عيونج صارن حمر وجهج...
ازل: - لله لا ينطيك عسى إيدك بالكسر وتتعلك بركبتك وتنكسر ركبتك وتروح للنجف، كول امين...
شهاب: - أمين انفعلت تره بكلامج مو قصدي الطخج، راشدي...
كافي مسحي دموعج يلا راح نوصل...
ازل: - لو تبوس ايدي وتكعد على ركبك وتعتذر وهم ما اسامحك طول عمري على هل ضربة يا متخلف وهاي الجبه مالابسسسسسسها خوووووش
اني لابسة أصفر جايبهة خضرة شنو قرقوز...
شهاب: - اززززل تعوذي من إبليس وكافي ترى
نطب نعقد ونطلع يوم الاكشر ان شاء الله ولج بابا انتي شنو هل راس اليابس، كافي طلعتيها لروحي...
ازل: - ترى والله انت مصختها مو حالة والقرآن اني راجعة لاهلي...
شهاب: - جريتها ولبستها الجبه غصب عنها بالكعبة والله بيها راشدي ثاني على هالخد ينطي واهس
شبكت اصابعها باصابيعي...
حتى لو غلطتي ما اعوفج ياازل كلش مرخيلج الحبل اهلج...
بس انتي وكعتي شهاب بحبج واني ماتخلى عن شي اريدة لو شتسوين، وصلنه
للمحكمة تلكانة نعمان
نعمان: - يلا ترى القاضي ينتظركم وين صارلكم هواي ومنتظركم...
ازل: - مجلب بيدي ويسحل بية صخلة الخلفوا اني...
شهاب: - دخلنا على القاضي وكعدنا واحد كبال الثاني كللها باوعي بوجه زوجج وكولي موافقة...
ضحكت واني اشوفها مخنزرة غمزتلها واضحك وهي متتنرفزة...
خلصنا عقد وطلعنا
اشو هاي رجعت تبجي بالسيارة
يلا خليها تبجي شوية اتونس بيها
نزعت الجبة وشمرتها بالسيارة...
استغفر الله بعدين اني شلون وي الرجلين...
خليها سهلة يا ازل سهلة اجيتج بالطيب وطلبتج
بس لعبتي عليه...
ذبيتها بيت اهلها واني مابقيت شكد راد عمي وعمتي ابقى ما رضيت وامي تلح علي
اخذها وطلعوا مطعم صخام ابد
يمه يا مطعم احنا غير صرنا السبع يطلع دم...
ازل: - ياربي اني بية طبع إذا صار شي بجاني وقهرني ما انسى بساع صح اسكت بس ارجع فترة وابجي...
يعني والله كارثة اكول لابوي ضربني اتصير مشاكل وماترهم والنبي صارلنا يومين من خطبنا والله عيب...
اكليها ازل بالعافية عليج تستاهلين شكو وافقتي
طبج مرض تحملي حتى واكفة شتكولين افسخ خطوبة طبج طوب...
إيناس: - امممم اشو مكياج ماكو وين راح التعبت بي كعدت من الصبح حتى اضبطلج مكياج وين راح...
ازل: - ايناس بلا تفاهتج شوفي وجهي مال وحدة إلها مزاج يعني...
ايناس: - لا والنبي وجهج مال وحدة جاي من المكبرة بعد ما دفنت ابنها وحيدها...
ازل: - عفية والي تدفن ابنها يعوفونهة وحدها أتريد تنام خوووش...
ايناس: - نامت عليج طابوكة حبيبتي انطمري...
امل: - ازززل يمه ماكو نوم فهمتي ترحين تاكلين والعصر اخذج ونروح اشتريلج غراض...