رواية رحل همي حين عرفتك للكاتبة زهراء أمجد الفصل الثالث
بعدها كتب على أطراف أصابعي...
بقلم احمر كلش مو جاف أعتقد زعفران مو حبر
أسماء غريبة جدا...
اصابع
خمس أسماء
( اسامي ماكدر اذكرهن )
مستحيل انسى هل كتابات كد ماكررت اقرايتهن على اصابيعي
الكشاف باسم: هاي الكتابة ممنوع تمسحينهم من ايدج لمدة يومين.
ازل: - ليش...
الكشاف باسم: - بدوون ليش لصيرين فضوليه كتلج لتمسحيهن هاهيه ماااااشي
ازل: - خفت منه وكتله، اوك.
وراها سلم عليه عمي و طلعنا من عندة رجعنا للبيت بدأت المشاكل...
زوج عمتي تعارك وي سعدون...
وصارت مشاكل بين العائليتن واتهمو سعدون البايك
ادخلوا بيها عمامي وخوالي...
سعدون كان مصر انو هو ما دخل للبيت بالفاتحه
واتخبل كلهم صح اني واحد مسقط عربدجي بس ما توصل بية أمد ايدي على ذهب وأبوك من ناس بيتهم مصيبة...
البيت كله نسوان شلون اطب اصلا فهمووني مو جايين تتهموني...
بس الكل جان الهم رأي ثاني تماما.
محد صدك هل شخص...
ولا أحد استمعلة...
واصروا انو سعدون يقدم تعويض لسارة واصلا يطلع من المنطقة كلها بعد ميجي
وفعلا هذا الصار...
اوووه اصلا اني شعلي خلي اصعد فوك واطفر من الحايط لسطحنا صار هواي...
ما طافرة اشتاقيت لهل الطفرة...
وحتى اذا تكسرت هههههه عااادي خلي افزز إيناس مرة اخوي هسة اكيد بغرفتها...
طبعا جنت كل مرة اطفر من سطح بيت عمة لسطح بيتنا غرفة اخوي نعمان فوك هو وزوجة ايناس.
جنت دائما افززها لو اخوفها، للن بيت عمي بصف بيتنه فسطحهم عله سطحنا...
اليوم صعدت...
من ردت اطفر سمعت صوت حجي...
انصدمت ومادريت شسوي...
بقيت اتسمع صوتمن هذا اي هذا صوت ساره ويامن دتحجي...
سارة: ها سعدون تستاهل هسة مووو؟
وهاي الفلوس عرفت شلون ارجعهن منك...
فوكاها طردتك من المنطقة كلها، حته تعرف ساره شحسوي هههههههاي...
ازل: - جانت تضحك بجنون واني صافنة عليها هاي شتحجي واصلا ليش تخابر سعدون.
هو مو باك ذهبها، وليش ددكله انو احسله ورجعت فلوسها منه فلوسيش، يووو شعليه...
عفتهم وطفرت لبيتنا...
ايناس: - ولج ازل شلون بيج مو عيب انتي زغيره وتطفرين من السطوح كااافي شهل وكاحه الشايلتها بسيطه اله اكول لبيبيتج عليج...
: - لا حبابه كلشي ولا بيبي شبيج هسه شسويت اني هوه اطفر هههههه
ايناس: - لا ولشكول ولج كبرتي عيب فوكاها السانج شطوله...
ازل: - بيومها ايناس شهدت علي يم بيبي
وبيبي لوت اذاني...
بيبية ازل: - ولج اثكلي وبطلي تطفر انتي بنية هسه يصير بيج شي شني جنج ولد تطفرين استجني وبطلي سوالف مزعطه بيبي انتي كبرتي مو زغيره صرتي 12، واي تصرف غلط محسوب عليج لان محد يكول طفله لا صرتي مره...
ازل: - ماشي بيبي حبابه عوفي اذاني والله توجعني هاهيه بعد مااعيدها...
بيبي: - نشوف هاي تنبيها، ثاني مرة إلى غير تصرف مو احبج ليش تخليني ااذيج، فصيري حبابه وسمعي كلام...
ازل: - اي ماشي بيبي ماعديها بعد لتزعلين عليه يااحلى بيبي عهههههه
البيبيه: - اي اكلي براسي حلتة شكد فصعونه، تلعبين عله عقل اكبر واحد هههههه يله رووحي، ولتعيديها...
ازل: - ماشي مممممممواح
بعدها بأيام طلع اخوي عيسى من المستشفى والتهة الكل وياة، واجوي كل بيت عمي والكل خطار طالعه طابه، لسلامته.
سارة: - عمه اني رايحه للبيت مالي خلك وامي هم تريد تجيني...
عمة ساره: - براحتج يمه رجعي للبيت...
ازل: - ساره استأذن من عمتي لأن اصلا عمة اجتي يمنا علمود عيسى رادت تشوفة...
وعيسى بعدة ميدري بمحمد مات...
لذلك كل بيت عمتي اجوانا
بس سارة كالت امي راح تجي
علي للبيت أريد اشوفها فرجعت لبيت عمه...
صبوا غدة وبعدة عيسى ما واصل
صاحتني عمة
رباب: - أأزيله تعالي
ازل: - ها عمه رايده شي...
رباب: - ودي هاي الصينية.
لسارة وأمها عيب خلي يتغدن سويرة فاهية ما تسوي أكل وعيب من أمها
ازل: - فعلا أخذتها...
ورحت لا دكيت الباب ولا شي دخلت كبل للمطبخ اشو سارة مالها صوت
رحت أتمشى...
وصلت لحد غرفتها سمعتها تحجي وي أمها...
سارة: يمه والله مادري شسوي رغم سعدون انطاني خمس ملايين بدال الذهب إلى على اساس انباك...
بس أحس مراح يسكت ابد، لان السويناه وياه مو قليل، وخايفه لا يسوي عمله بعدين اندم عليها...
ام سارة: سويرة الخوثة لا تنسين سعدون هددج بصورج من جنتي وياة بعلاقة صخام وجهج
كوة طلعتج من السالفة...
تذكرين شكد انطيتة فلوس يلا خلصنا ومانفضحتي
خايبة امداج ماعرفتي تحبين واحد براسة خير وحظ ولج تدرين باسم السحار كشولني تكشول أخذ كوم فلوس يلا قبل يذبها براس سعدون...
ولج كوة قنعنا عمج يروحلة...
وتدرين باسم يكيف على السحور والفلوس.
انوب ماخذين ازيلة عود تشوف مو زين ما سوالها شي وطاحت براسنا من ورامن كل هذا مو من وراة حبج المصخم...
ازل: - اسمع واني صافنة شنو معنى كلامهن يعني سعدون ماله دخل بشي مو...
يعني اصلا ماكو ذهب انباك ولاشي زين ليش يجذبن هيج...
( سعدون هوه كرايب ساره جانت ساره عدها علاقه حب وياه قبل الزواج وعده صورها وهددها قبل بلصور واستمرت ساره بعلاقتها وياه جته بعد الزواج هوه واحد ساق، كوا، يحب المشاكل عركجي وكلشي وساااره حبته بعدين حتعرفون كلشي).
كل الأسئلة جانت برأسي...
تدور ما عرفت شنو اسوي اكول لبيبي لو اسكت.
لا عليمن اكول هي اصلا تموتني لو درت متسمعة لحجيهن...
عفتهن ورجعت لبيتنا...
شفت عيسى كاعد بالكاع ويصيح يا خوي يا محمد
عمتي تبجي وأمي كذلك...
الضاهر عيسى عرف بمحمد استشهد
بين البجي والنحيب
ساعة يلا كوموا عيسى للبيت
وضلوا يسولفون عن الانفجار والأحداث
مضت الأيام
الاسابيع وعيسى اتحسنت حالة
ومرته...
جابت ولد وسماه محمد
عمتي دائما تاخذا يمها...
مره، حمودي بقى يم عمه لل10بليل وماجابتة
دزتني علي أمه رحت اجيبة...
طلعت أردد باغنية افلام كارتون القناص جنت كلش احبة واردد اغنيتة...
طلعت من باب الكليدور
باب البيت كبالي صار شفت مرية ممبين منها شي بس عيونها مبينة تباوع عليه...
عطت...
ازل: - يمه يمهههههه الحكيلي بابا تعال
على عيطتي اجة ابوي يركض
احمد: - شبيج ازولة ليش تعيطين اسم الله
ازل: - جنت ارجف وخاتلة وره بابا، اااااا اكو مرأة تباوع علينا من فوك البيت، بابا.
ابوي أستغرب طلع برة جان حسام ابن عمتي كاعد برة سمعت ابوي حاجة...
احمد: - خالو حسام اكو أحد جان بابنا انت من شوكت كاعد هنا...
حسام: - لا خالو ماكو أحد
اني كاعد صالي هواي تقريبااا من 8 هنا جان يمي سعد وراح...
ليش شكو...
احمد: - والله أزل اتكلي اكو مرأة تباوع على البيت
قلقتني تدري الأوضاع مو أمان...
حسام: خالو شسالفة اني هنا كلشي ماكو منين دتتخيل هاي جنها مباوعتلها شي فلم رعب وجاي تطبقه عليكم هههههههه.
احمد: - فلك صابك كاعد تحشش علينه دروح طب شعدك ضاال، كاعد جنك انته العجوز ههههه...
احمد: - ردت اطمن لأن فعلا أزل جانت خايفة واني ادري بازل متخاف سباعية مو مال تتخيل
بس بعد كلام حسام وتأكدت ماكو شي
من ها ليوم وبدت معاناتنا وي ازولة...
أزل صارت هواي تخاف
ودائما بليل تجي
بابا اسمع صوت طفل يبجي
لو تكعد تصرخ اكو عقرب بالغرفه...
هالطفلة حيرتني
اخذتها
مرة من المرات...
لدكتور نفسي بعقوبة كان لأن اني أصلي من ديالى فااعرف كلشي بيها وهذا الدكتور جبير واله سمعتة من زمان...
طلب مني أزل وحدها
حتى يحجي وياها ويكشف عن حالها
رحنا
ودخلت اله ضلت تقريبا ساعة وراها طلعت تضحك هي والدكتور...
سألت الدكتور
شنو إلى بيها
دكتور مصطفى: - البنية ما بيها اي مرض مجرد اكو شي طابع بدماغها وهي من النوع إلى عقلها يخزن الأشياء كلشي تشوفة تتأثر بية...
يعني إذا تشوف...
فلم رعب...
ورة فترة معينة راح تعيش أحداث هذا الفلم بالواقع...
عدها رغبة بالتقمص الشخصيات والتأثير بالمحيط
كعلاج مااكتبلها شي انتم علاجها ابعدوها عن كل الأمور السيئة...
عوالم الخيال ابتعدوا عنها خصوصا القصص الرعب الروحانيات والواسطات
خلوها تشوف عالم الاميرات والسعادة ترى طفلة هاي
احمد: - بعد كلام الدكتور صرنا نحرص عليها أكثر.
دائما أزل بعهدتنا اني واخوانها وأخواتها وبيبيتها وحتى والدتها بدت تتهتم بيها
اني رجال ملتزم بالدين بس مو متعصب
كلشي بالمعقول ربيت ست بنات عدة أزل واربع ولد واني مرتاح...
ولدي كلها تشهدلهم بااخلاقهم بالمنطقة
بناتي كذلك...
اني احببهن بالدنيا والعفة ومدللهن ما منعت اي وحدة من دراسة...
ولا من اي شي...
صح كنت اخليهن يلبسن العباية بس مو غصب ابد لا والله، الله شاهد بأرادتهن
بس اني اشوف...
شباب هالوكت شلون يلعبون على البنات ويضحكون عليهن واشوف...
شلون نظراتهم للطالبات شلون ياكلونهن بعيونهن
واني ماريد بناتي بهيج موقف...
اميراتي هنه وتعب سنين عمري
علمتهن البيت هو عالمهن الخاص يضحكن يشاقن يلعب...
ما عندي اي مشكلة
بس الشارع هن راح يمثلني ويمثلن اخوانهن
الهدوء والعفة وحسن الخلق اهم شي
ما جنت أصلي إلا وهن وراية...
دائما اذكرهن بقول الرسول( إنما الدين معاملة ).
هواي تعبت عليهن لحد ما زوجتهن واستقرن ببيوت ازواجهن...
ما يوم اجتني وحدة منهن زعلانة
ولا يوم اشتكن من ازواجهن...
رغم الأم هي الأقرب للبنت بس الاب هو إلى ينطي للقوة البنتة...
دائما جنت اكول لأمل علميهن أسس الحياة الزوجية
حتى الشغل البيت...
جنت اكلها حببيهن بي ماريد واحد يشتكي منهن
جنت اسويلهم مسابقات
برمضان الكريم هن واخوانهن
على حفظ القرآن
ومرات على قصص النبياء
ومرات لا العبهم محبيس
دائما انوع وياهم.
أولادي اربعتهم من يوصلون للثالث متوسط اشيل أيدي منه
اخلي يطلع يشتغل وايوفر لنفسة قوتة
اخلي يعتمد على نفسة الولد مو مثل البنية الدلال يمحي رجولتة ويخلي يعتمد على غيرة
الولد إذا ما تضرب حرورة شمس وما يسومر وجه منها ما يصير رجال...
رغم هالشي ما أتركهم دائما عيني عليهم
اعرف اصحابهم طباتهم وطلعاتهم...
معلمهم ولد وبنات الصلاة هي عمود الدين إذا سقط العمود يتهدم الدين كله.
القرآن لازم باليوم يقرون ستين أية تحفظهم وتصونهم وتوفقهم...
ازولة ازغر وحدة بيهم
اجتني بوقت متاخر...
ازل: - مرت ايام وحياتنا ماشية
ماكو شي بحياتي جديد فقط دراسة وأكل ونوم
صح التخايلات ماراحت...
من رأسي بس اني كمت ما أخاف من شي دائما الجأ للقرآن...
اتكررت عندي حالات الكوابيس
بس اني تجاهلت الموضوع
ما صار شي جديد وياي لحد الثالث متوسط
جنت راجعة من الدوام
والدنيا شتاء الجو بي شوية برودة.
وصلت للفرع واتمشى على كيفي
شفت سيارة بابنا
ومنتجي عليها شاب...
ماعرفتة عبالي صديق واحد من اخواني
ضليت أفكر شلون افوت وهو كاطع الطريق
تقربت من بيتنا وبانت ملامح الشاب
يا سبحان الله شنو هذا ليش هيج
صفنت علي بدافع الفضول
شاب طويل شعرة أشقر لحية شكرة
عيونة خضر وساع
لون بشرتة ابيض كلش
طولة وجسمه عبالك عارض ازياء كوري
باوعت الشاب يباوع علي ويبتسم
وحجة
حيدر: - ها بنت عمتي صفتني بوجهي مضيعة شي يحلوة.
ازل: - العفو منو انت وبعدين ممكن تنطيني طريق أدخل للبيت
حيدر: - فديت المؤدبة اني حيدر علي اصير ابن خالج علي
ازل: - أهلا وسهلا بيك بس اعذرني اني ما شايفتكم بيت خالي علي لذلك ماعرفكم
هذا
جان أول لقاء بينا
ابد ما راح شكله من بالي
حلو فعلا خصوصا ضحكتة واسنانة المتراصفة
خالي علي
كان بعيد عنا لذلك ما بينا اي لقاء وفقط يكتفي مرات يجي هو وحدة يشوف امي ويروح
زوجه غريبة وشوية شرانية...
لذلك هو ايكول ماخليها تلتقي بيكم لأن أعرفها تحب المشاكل وتضل علي أختك هيج كالت
وهيج سوت واني مالي مزاج نكد نسوان...
هي من النوع المسيطرة ما خلت خلفتها تلتقي بينا نهائيا لذلك ما عرف حيدر
هي عدها
حيدر ونور ورضا وفلة
حيدر الجبير
بعد ها ليوم اتكررت ازيارات حيدر النا
هواي أفرح بجيتة
جان دائما يكعد يسمعني شعر او نكت
نشاقة ونضحك
مرت سنة كاملة على صداقتنا اني وياة.