رواية رحل همي حين عرفتك للكاتبة زهراء أمجد الفصل التاسع
ازل: - اوووي تفطيم خاتون هسة اني كتلهم لحد يكعدني ونمت انتي شجاج دكومي
جنت احجي واني الم بشعري الصاير كفشة
بس شو بيبي ماردت علي صرت احرك بيها ماكوو اي جواب شعجب بيبي بسرعه تكعد من اقل حركه تمر من يمها...
احجي يلا بيبي كومي بيبي ليش مجاوبين احرك ماكووو، وماحسيت غير...
على صوتي واني اكعد بيها ما كامت صرخت بكل صوتي أحس...
الصرخة طلعت من روحي مو من حلكي على عيطتي...
دخل نعمان يركض وأمي
كبل طفروا
على بيبي.
بابا ما موجود بينهم امي كامت تعيط
هبة وايناس...
شنوووو
شنو يحجون بيبي ماتت
ليش تجذبون اتقربت واني ارجف هسة جنت نايمه بحضنها، لا لجذبوون كلش بمابيها هسه دكووووم هيه نومتني بحضنها وكالت بس نكعد نروح معقوله حتروح وحدها وتعوفني لا لا شوفوها تأكدوو بيبي مو ميته...
باجر انروح لكربلاء هي مشتاقة اتزور
جريت الجرجف من وجها واني اعيط كومي بيبي كومي غاليتي...
وين تروح بدونج
كومي...
يلا الوي اذاني قابلة بعقابج كومي حبيبتي
هسة يجي بابا شكلة من يكلي بيبتج وين...
جنت ابجي واني اشوف الكل التم علينا...
ماكو هي نص ساعة وانكلب البيت
كلب...
اسمع صوت ابوي وهو ينادي
إذا ماتت أمك انقطعت رحمة الله عليك
اليوم اني انكطعت عليه رحمة ربي يالله رحمتك عليناا.
عماتي التمن كلهن.
والطم والبجي كله بيتنا...
جنت امشي بينهم جسد بلا روح...
وصلت لبابا وهو كاعد باب البيت وحالة يرثى لها.
بابا بيبي تاخذونها لكربلاء وتزورونها جانت مشتاقة تزور...
كلت هالكلمات وعفت كلشي وراي ودخلت لغرفته
الي صرت انام بيها اني وياها...
أحس بغربة بروحي برد ترس جسمي
قفلت الغرفة
وفتحت كنتورها...
كعدت بداخل الكنتور
الغرفة ضلمه
ما بيها اي ضوء عدا ضوا الشباك الخافت
الدنيا غروب...
حطيت ملابس بيبي على صدري وغفيت.
أحس أحد حاضني ويمسد على شعري...
صوت بذاني ازززل ازززل
جان اسمي يتكرر
فقط بهل الصوت وعيت لروحي اني بالكنتور نايمه يبست اطرافي واني أريد اشوف منو هذا الحاضني...
شلون اني قافلة الباب
رفعت راسي
واني اشوف ولد شاب ماشافت عيوني بجمالة
فتحت عيوني بصدمتي اني شكاعد اتخيل
شنو هاي لون العيون...
خليط بين الزراك والخضار عيون شدتني بشكل مو طبيعي
عطت
وبجيت
وصرخت
بس هيهات منو يسمعني الباب خشب مقفول
واني كاعدة بكنتور
أريد اتحرك ماكدرت...
صرت اضرب على رأسي واني اكول
وهم وهم وهم وهم
مو حقيقى مو حقيقي...
كررت الكلمات واني أحس نفسي فقدت كلش
اغمة علي من الخوف ما حسيت بشئ...
خوف ورعب وحزن
صحيت راسي يوجعني
اتقدمت، بخطواتي للمراية، أخذت مشط
وبديت امشط،
بيبي شفتي شكد صلفة اني
وعرمه
عيوني ما تبجي عليج بطلت
شفتي شكد خائنة عيوني ما خزرت بيها بوساتج
ما تبجي عليج بيبي...
ما كدر اوكف بعزة وهم يكولون هذا عزة ام أحمد
عذرني بيبي
ماكدر اسمع كلمه الله يرحمها
انتي ما ميتة بييي
بيبي...
خايفة والله بيبي وحيدة اني بدونج ماكدر على فراكج
بيبي شلون افارك عطرج.
اني من أخاف انام يمج وهسة اني خايفة محد بحالي...
جنتي تعوفين كلشي وتجين عليه
ليش بيبي والله كلبي يوجعني عليج
يعني بعد ما شوف عيونج الحلوات
يعني بعد ما ترزليني على طفرتي من السطح
ولا راح تجيبلي أكل بالختل من أزعل
بيبي...
منو راح يعارك امي علمودي
جنت اعاتبها لو أذكرها بكلامها وياي ما اقتنعت عافتني...
الباب تكسر تكسر وتهاني أختي تصيح ازل اطلعي كافي...
ازل امي دور عليج كومي طلعي لعزة بيبي.
اسمع كلامها بس ما رد اكو شي يمنعني اطلع او أرد عليها...
صوت تهاني زاد وياة صوت امي وهي تكلي لا تاذين بيبتج اطلعي ولج
خوفتيني عليج يمه اطلعي...
ماجنت أرد جنت كاعدة على الجرباية بمكانها شعري مفتوح شكلي مبهذل اني بملابس المدرسة
ماخلتني أبدل من دخلت عليها
نمت بحضنها بهدومي...
حسيت يدت الباب انكسرت
دخلن سهى وتهاني وأمي ونعمان
ماباوعت عليهم
جانت عيني على فراغ...
ما احجي شي نعمان تقدم حضني وهو ايكول.
كومي ازل الموت بيد ربج كلنا على هذا الطريق
اليوم هي وباجر انتي لو اني شمدريج
شيصير بيبي عاشت عمرها مرة مومنة
صايمه ومصلية...
لا تعذبينها بهذا منضرج
غالية علينا كلنا بيبي افراكهة ضلم البيت
كومي...
يلا
انتي من الصبح بلاية أكل...
رغم كلامه جان هادئ بس أحس شرار بداخلي
كارهة اهلي...
كارهة نفسي دفعت نعمان من صدرة اتفاجى بقوتي وبالدفعة
ضليت اعيط اطلعوووو برررا لحد يجي يمي
عووووفوني بحالي...
اتهسرت واني اريدهم ايعوفوني وحدي نعمان
طلع كال اني رايح لبوي
هاي اتخبلت عوفنها ترتاح وحدها...
أصرخ بدون دموع ماكو شي يطفئ نار كلبي
أحس حزني وحدتي مو بس على فراك بييي
احساسي متعب حيل
ما طلعت
اتلاث أيام الفاتحة خلصت الختمة والضاهر عماتي هنا...
اسمع امي وهي
تحضر بالغدة وتوصي بهبة تخلي عماتي ياكلن...
دخل ابوي الهنا
واسمعهم يبجون
دخلت اية عليه...
اية: - ازل كافي صارلج اتلاث أيام كل شي ما ماكلة بس مي تشربين...
كومي شوفي هاي الشباب إلى بعمر الورد تندفن جوة التراب كومي بيبي شافت وربت وكبرت
والحمد لله لا تمرضت ولا اتعلعلت ماتت وهي نايمة...
استغفري ربج صار اتلاث أيام ما مصلية انتي
ترى بيبي ما راح تفيدها هاي حالتج
راح اتعذبها...
كومي سمعنا أشكال حجي من وراج من عماتج
كلهن يحجن عليج...
ماغزر بيها تعب أمنا حتى فاتحتها ما حضرتها
اشكال الحجي ونسمع من وراج كومي يلا...
ازل: -كل حجبها ماهمني اكتفيت
بجيبلي ملابس سود...
راح جابتهن ورحت للحمام
سبحت ورجعت لغرفة بيبي...
عيوني وارمه ما نايمه ارق صايبني شكد حاولت انام ماكدرت...
سمعت صوت ابوي وهو يسأل امي عليه...
احمد: - امل وين ازل ماشفناها من يوم الفاتحة
امل: - أحمد والله ازل بدون أكل من يوم ماتت بيبتها حتى ما تطلع من غرفتها...
احمد: - نترت بيها امل صدك تحجين انتي ليش محد كلي يعني مو تدرين بنتج روحها معلكة ببيتها شلون تعرفونها وحدها...
امل: - أحمد هو اني بحالها ما تشوفني قايمة بالفاتحة كلها ناس طابة طالعة وانت بيا حال واكلك عليها...
اجاها نعمان واتخبلت وطردتهة متريد أحد
خواتها كلهن حاجنها مترد
احمد: - عفت امل تحجي ورحت ازل والله مادري شلون راح اطب غرفة امي وهي ما بيها...
هاي شنووو بابا ازل اتقربت منها سمعت طاردة اخوج واخواتج ما تردين أحد اني هم ما تريدني.
ازل: - رفعت راسي عيوني اجتي بعيون بابا
دنكت راسي ما حجيت
رفع شعري من وجهي
جاب مشط وكعد وياي على الجرباية يمشطلي
وهو يكول...
احمد: - كل نفس ذائقة الموت
تعزي بعزا الله بابا
الأنبياء ماتوا
والاوصياء ماتوا
وين النبي محمد (ص) وين الامام علي
وين الزهراء
بنوتي
اتذكري حالة مولاتنا زينب يوم العاشر وهي تشوف اخوانها خمس انقتلوا وهي تشوف كل عشيرتها تنقتلت ونسائهم تنسبي...
ازول بابا ترى هذا إلى تسوي قلة إيمان
امي عاشت طول عمرها مؤمنة بقضاء الله وقدرة
اني ما اسمحلج اتاذين امي بهاي حالتج
كومي...
اقريلها قران وصلي يا بابا اكو وحدة مؤمنة تترك الصلاة اتلاث أيام...
ازل: - جنت اسمع لبابا والسكينة حلت بروحي
وأحس أعصابي هدأت...
احمد: - املللللللل امللللللل دزينا أكل اني وازل هنا نأكل وصحي البنات كلهن خلي يجن.
ازل: - بس بابا ما أشتهي
احمد مو بكيفج
ازل إذا ما تكلين ما أكل وهسة خواتج راح يجن تكعدن تاكلن كلجن وتقرين الفاتحة لبيبتج كافي ترى ما عيد كلامي مفهوووووم...
ازل: - حاضر بابا
دخلت امي بيدها صينية أكل وهي تصيح
تهاني سهى نسرين ميادة يمامة اية
تعالن وصيحن ايناس وهبة يلا تعالن كلجن
خلي نتعشه...
اجتمعن البنات كلهن
ويكلن
الهدوء سيد الموقف
محد اله نفس يأكل كلهن يلعبن بالأكل...
مرت
أيام لحد يوم السابع
ها ليوم امي جبرتني أحضر السابع
كالت
عماتج يكولون ماغزر بيها تعب أمنا
بنتي الناس الها ضاهر
بيبتج عاشت وكبرت
هي بيت ابوج وهو المسؤؤل عنها
محد من عمامج وعماتج حار بيها غيرة.
وهسة طلعنا ماغزر بينا تعبها...
ازل انتي مو زغيرة
عمرج18 سنة حزنج يا يمه ضمي لكلبج واطلعي اوكفي وي بنات عمج
اليوم حتى خوالج يجون...
كومي يلا
وشدي حيلج ورانا شغل وتحضير البيت انترس نسوان وراح تجي ملاية تقرأ القرآن
وتحيي السبعة...
خواتج كل وحدة لازمة شغلة وبنات عمج ماقصرن كومي وياهن
ازل: - حاضر امي كايمه بس خلي ابدل ملابسي واطلع...
عافتني امي وطلعت
طلعت ملابسي أريد ابدل هستوني نزعت بدي للتراك قشعر جسمي.
لمسة امتدت على طول ضهري فشعرت كل بدني ما اهتميت...
صارت الهمسات يم أذني ازززل ازززل
كلشي ماجانت اسمع غير اسمي حجيت منو هنا
محد رد عليه...
تكرر صوت ضحكتة مرآة بصوت مقرف وطريقة تخوف...
اهتز كياني من ضحكتها
صارت الأصوات تكثر برأسي
الوجع إلى صار برأسي ما ينحمل...
صرت اضرب راسي بالحايط واحاول اتماسك وماعيط أقاوم وجعي ماريد أحد يشوفني هيج
اهلي تعبانين مو بحالي هسة...
حسيت الدم نزل من رأسي غطة عيوني.
تلمست كصتي انجرحت الصوت مايروح من أذني أحس نفسي بجهاد...
كوة وصلت للباب
فتحتة وطلعت من الغرفة
كوة وصلت للحمام باوعت أريد اعالج كصتي من الجرح...
ماكو اي جرح ولا دم
شهكت من خوفي اني متأكدة الدم غطة حتى على عيوني...
مجان اكو اي أثر لجرح بية
ابتسمت بتعب واني اكول...
شكل الوهم راح يخبلني شبيج ازل كلشي ماكو
لا اكو احد ولا اكو مرآة تضحك ولا صوت اطفال
ماكو شي كلها خيال براسج كااافي اصحي
طلعت كبل للمطبخ الكل مشغول بالشغل...
هاي إلى تلف دولمه وهي إلى تحضر برياني تهاني وآية ينضفن دجاج
عمتي
اتصيح جيبن جاي للصالة...
كلها موجودة وكلها تشتغل اتقربت أخذت الصينية
وصرت أرتب مواعين الجاي بيها...
أفنان بنت عمي كالت
عفية ازل اني كملت الجاي بس صبي انتي والله
تعبت وصادق أبني مصخن اوكفي انتي على الجاي...
ازل: - روحي حبيبتي اني هنا
بقيت واكفة على الطباخ كلساع اصب وجبة جاي...
دخلت عمه ام حيدر للمطبخ.
أم حيدر: - الله يساعدجن حبايب محتاجات شي أمانة
امل: - لا خية تسلمين البنات كلهن خطية يشتغلن ارتاحي انتي...
ام حيدر: - ها ازيلة خاتون وأخيرا طلعتي من حجرج
لعد هاي مو فاتحتة بيبتج إلى خابصة الدنيا بيج...
ازل: - خالة الله إلى يعرف الحزن إلى بالكلب مو إلى بالضاهر...
ام حيدر: - يا كلب خايبة هو انتي طلعتي عازيتي مثل البنات كل بناتكم شفتهم إلا انتي ما تعرفين الأصول...
ازل: - خالة ام حيدر إلى ماتت هي امي مو ببيتي هي الحضن الدافئ إلى رباني وكبرني لا تعتقدين راح أقصر بحق ترباتها يوم...
ام حيدر: - دومج عرمة وكحة وصلفة وما تنكسرلج عين...
امل: - خية شجاج على البنية ازل لحد يوم الثالث هي لكمة ما بحلكها...
لو أبوها يجبرها تأكل لو لا ماتطلع من غرفة بيبتها...
شتردين تسوي تحرك روحها هذا قضى الله وقدرة خية...
ام حيدر: - وشكلنا عيوني هسة سبينا العنب الأسود
غير كاعد أعلمها من ايصير عزة بيت لازم تطلعة
باجر عكبة احطها بيتي غير اريدلي جنة تلزم ضهري...
واعتمد عليها.
هذا دلعها وعودك حزينة وما تاكل تخلي بيت أبوها مو تجي تتنعوص على رأسي...
ازل: - كلام خالة ام حيدر جان يضرب بكلبي
اني مو دلوعة ولا أدعي الحزن اني جمعت كل قوتي يلا طلعت بهل الشكل...
الإنسان من يصيبة هم يلجة الوحدتة
مارديت عليها
احتراما لحيدر
مهما يكون
تبقى أمه ولو رديتها راح يكولون هي ازل ما تحترم
ضليت مدنكة وساكتة
مالي قوة أرد
هزت ايدها وطلعت
امي كالت لا تهتمين...
ايناس: ازل حيدر بالهول يسأل عليج.
عوفي كلشي وروحيلة يريدج...