رواية رحل همي حين عرفتك للكاتبة زهراء أمجد الفصل التاسع عشر

رواية رحل همي حين عرفتك للكاتبة زهراء أمجد الفصل التاسع عشر

اخذتلها مشية زلم تترس عين اهلها
وعمامها
هاي حبيبة روحي زعطوطتي
شكد فرحان واني أوفي بوعدي وياها...
دخلنا للبيت ما شاء الله عمامها كلهم موجودين
استقبلنا برهومي بالباب معناها
اسولتي جاية من الصالون
كعدنا بالاستقبال
وبدأ والدي يحجي وياهم باامور عادية بعدها حجة بخطوبتنا...
احمد: - اني اليوم جايب اهلي وناسي
خاطر أخذ ابنتكم لابني طالبها
على سنة الله ورسوله...

واحنا أهل ان شاء الله اني رايدها بنت إلى قبل ما تكون جنة
طامع بنسبكم
وحسن اخوكم وتعرفونة...
حسن: - بكلبي دفضها ياحجي هسة هي مال حجي
والعباس خلص صبري...
عمامهم: - نتشرف بيك ابو حسن ونعم من اصلكم ونسبكم، ان شاء الله كل خير...
حسن: - خلص كلام الشيوخ وعمامها
برهومي
كال تدخلون
للغرفة تعقدون كمنا من الإستقبال اني والدي والسيد
دخلنا للغرفة...
شفتها كاعدة على الجرباية لابسة حرام الصلاة ابيض.

فعلا متغيرة اسولتي وي المكياج الجريء
صرت متحمس أكثر لخطبتها
غير يكطعون مهر ويفضوني
أمها
واكفة وياها
كعدت بصفها وبدأ السيد يردد...
آيات الزواج
سألها الموافق وافقت ووافقت
وخلص العقد أمها كامت تهلهل وعلى هلهولتها
علت هلالها ازل وسهى
اعرف اميزهن...
هذني جنهن مصريات بهلاهلهن خرب بغيرتهن
دخلن علينا والجكليت صار طلق علينا
الحمد لله ما رحت شهيد أثر ضربت جكليتة...
تقدم
ابوي وباسها من رأسها واخوها جرها لحظنة.

صدك جذب ترى خلصتوا مرتي
سهى وازل ذبن عنها حرام الصلاة
وطلع المضموم...
عركت واني اشوف الزنود والسيقان لو الركبه
اللون إلى لابستة يجنن عليها لا هو وردي ولا هو ابيض...
انتن البنات مدري شتسمنى كلش حلو طالع عليها
صدك ضحكتني
واني اشوفها تاخذ جكليت وتحط بحلكها
ازل وياها على الواهس اتكلها
ازل: - اكلج هذا الجكليت طيب اضملج بعد من
اسيل: - دنجبي شكو ضامينة خلي ناكلة
وإلا اكلج انطيني اضمهن بصدري خاف نفسيتي تطلب
حلا.

اليوم ما ماكلة ولا مصاصة لهسة...
ازل: - دهاج هذني ضميهن بصدرج لعد
كافي راح اطلعهم
خلي اخوي
يأخذ راحته...
اسيل: - دنجبي اني طالعة وياج كافي عقد وعقدنا
فستان ولبسنا جكليت واكلنا، شعندي باقيه. لا والنوب ياخذ راحته تهي بهي امشيناا خل افلللت يمعوده...

ازل: - ابوي أخذ إبراهيم وطلع هو والسيد
طردت أمها وأمي وخواتي
عفتهم ورحنا نركص اني وخواتي بالهول
خالتها كالن هاي خطوبة وهي هوستهن لعد لو عرس شلون...
نص ساعة وطلعت اسيل وحسن من الغرفة
اسيل وجه احمر ضحكت وهلهلت
دخل للهول وكعد بصفها
امي هوست...
موش بعازة النسوان جينا انجدد الخوة وموش بعازة النسوان
عاد اني وخواتي كلنا صلينا نهوس وياها
ازل: - جبنا النادرة هي وشهادتها وهو الرادهة وأمي تمنتها...

عفية عليج ام عيسى حمامة وبالقفص بس انتي طلعتيها...
تهاني: - اازززل بربج هوسيلنا بعد
اووه عيني عيني ولوما الكحلة بعيني جا لعبتك جوز ولوز اللعب لولا لولا...
خواتي صاحن ولك حسن اللعب...
أوه رجلي رجلي لوما الحجل برجلي جا لعبتك جوز ولوز اللعب لو لا لولا...
حسن صاح شوفن هاي لخاطرجن عض اسيل من خدها...
ازل: - اووه أيدي أيدي لو ما المعضد بيدي جا لعبتك جوز ولوز اللعب لو لا لو لا...

حسن: - ازل والعباس راح اخذها واطلع كافي
ولج...
ازل: - هو الرادهة وهو انعجب بيها وهو الكال لأمي روحي خطبيها...
كلوووووووش
بعد الهوسات العائلية
حسن طلع من الهول برة
واحنا ما بطلنا دك وركص
انوب سحبنا جوري ويانة وكومنا اسيل
صارت حفلة المهر كلش حلوة
شكد فرحنة...
بعدها
اهلي كلهم راحوا
اني ما رحت بقيت يم اسيل اني وجوري
لزمناها لزمة خير
انريد نعرف حسن شسوالها...
اسيل: - انجبن بعدجن زغار تزوجن وتعرفن...

جوري: - بداعة الغوالي ليش طلعتي حمرة من الغرفة سولفينا...
ازل: - والعباس الج عليه كارتون مصاص إذا كتيلنا شسوالج...
اسيل: - ولج ازل عرضج مغري
راح اسولفجن...
حسن: - طلعوا كلهم
وهي مستمرة تأكل جكليت إلى وكع على الجرباية
مبروك عليج يحلوة...
اسيل: - الله يبارك بيك خوية اشو هذا طكها بضحكة...
حسن: - ولج جنت اخوج قبل لا اعقد عليج هسة انتي مرتي
اخوية شنو خرب بيج وبغيرتج خربتي ام الرومانسيه...

كافي تاكلين جكليت انفجعتي...
اسيل: -كافي بطلت ما أكل كول شتريد...
حسن: - والله إلى اريدة هواي بس راح أكتفي بالقليل هسة...
جريتها عليه حضنتها
جريت شفايفها بين شفايفي
طعمهن جكليت على حالة...
بلة إلى يغازل مرتة يكلها بوستج عسل اني شكلها
بوستج جكليت
بستها...
فقدت بيدي لا يالله اسيل مو وكتج تخدرين
والعباس ما قاومج بعدتها عني كوة...
ادري إذا بوسة هيج خدرتج كولي طريقي أخضر ليلة العرس...
ضحكت على دفعتها الي.

طلعت وطلعت وراها...
ازل: - والله اخوي مستعجل
جوري: - كان عصفور على الشجرة
صو صو صو
صاير ينادي على الفراخ
صو صو صو...
اتخيلنا شهاب يسمعنا هيج نحجي ااااخ يصير قتلنا
وذبحنا
وصلخنا حلال...
ازل: - ههههههههه لا والحلوى من ذلك كلها تعلم امل
اني سمعت البوسة وكرايبها من الاحضان والاعناق وغير ذالك مما يبعث فسادا في العقل
أقسم بعيسى المسيح
وكذلك بالعباس
تعلكنا بالبنكة...
جوري: - كومي خية كومي شهاب راح يجي يأخذنا.

اخوانج ملتهين بالناس
الي يمكم وامج وامي كالن تعالي...
ازل: - عزززة جبتي ماكووو
ولا شالي مادري بيهن...
اسيل: - معودة هذا الكنتور واخذي
ازل: - أخذت منها
الشال والجبة
لابستهن
جوري طلعت قبلي
واني طلعت ومدنكة أسد
الطبقات مال الجبة...
ماحس غير انجريت من أيدي واندفعت للبيت
تفاجات هذا شبي...
شهاب: - هييي انستري جوة واطلعي عود
شكو مسوية عرض للشارع
غطي صدرج طالع شنو هالخركة إلى لابستها...

ازل: - عزززة بعينك دير وجهك شكاعد تحجي...
عفت وشردت للبيت يبوووو تفشلت الله ياخذج ازل
والقرآن عبالي الشال مغطي...
ياربي ماكو موقف ابيخ من هذا الموقف تحطني بي وياة...
من خجلي شمرت الجبة وأخذت عباية خاله
لبستها وخليت الشال على وجهي مثل البوشي
والله من الفشلة ماكدر اباوع بعد
طلعت
جوري كاعدة بالصدر
فتحت السيارة من ورة وكعدت
كلساع...
أشيل الشال شوية من الأطراف واباوع عليه
بالكعبة هذا شكو صار جنة جمرة قابل متقصدة.

يبوووو يا فضيحتج يا ازل لا انوب يكول لابوي...
جوري: - ازل شكو لابسة هيج ومغطية وجهج
شهاب: - انجبي عوفيها خلي تغطي جهرتها ما عوزني حركان أعصاب...
ازل: - هييي ترى اني من كيفي لبست هيج انت شكو تصيح ولا تغلط على جوري ما اسمحلك...

شهاب: - ورب العزة وجلالة إذا عليتي صوتج مرة ثانية
لكون شادج فوك السيارة اسكتي
فوكاها ما تسمحلي...
حيري
بملابسج الفضيحة بدلة نوم ما اخليج تلبسي شلون عمي ساكتلج على
هذآ الخزي الابستة...
ازل: - وانت شكو حارك حمامك عيني رجعني لاهلي ومالك شغل خوش...
شهاب: - زعطوطة ماعليج عتب والله
ازل: - كبرت عقلي وماريدت علي اصلا
كرصت خدودي من جوة الشال فدوة لأم عقل
حسيت نفسي مسوية إنجاز
وصلنا للبيت
نزلت وركعت الباب.

اااااه كم يسعد فوادي من اركع باب السيارات
أحس براحة نفسية، هههههه نذله موبيدي
بلكي يحترك دمه لهل ابو خشم اليابس الغووول
دخلنا اني وجوري للبيت
الوقت غروب
سبحت وكملت
صلينا بعدها اتعشوا الخطار كلها راحت
بقت بس خالتي ربيعة وجوري
كاعدين اني وياها
ونسولف ل2 بليل...
جوري نامت واني كمت أريد أشم هوة أحس البيت حار
طلعت للحوش
وي طلعتي طفت الكهرباء صارت ضلمه
اختنكت...
ضليت أقرأ آيات اني من يوم مرضي لهسة الظلمة تكبت نفسي.

صرت اتخيل أشياء
لا ياربي ساعدني
حيل كلة كام يرجف...
أريد ضوء الموبايل بالبيت كلشي مابيدي
صارت
طكطكة وراي
تشاهدت على روحي
انطخ جتفي من الرعبة اغمى علي وماحسيت ألا
صوت ابوي يمي
صحصحت
وحضنت بابا واني خايفة...
أحمد: - يا روح بابا شطلعج بهل الليل إني مو كايلج لو شوكت ما تردين شي تجين عليه وما تطلعين وحدج...

ازل: - بكاء بابا جنت محتره وطلعت طفت الكهرباء فجأة...
خفت يا بابا عبالي حرجع مثل قبل
سمعت صوت وراية وماحسيت بشئ بعد...
احمد: - اسم الله يا بابا لا تخافين ماكو شي
أمني هذا شهاب جان برة كاعد ايكول وشفتها وكعت ورحت عليها...
كومي بنيتي نامي لا تخافين
شهاب: شنو هل عيارة هي كهرباء طفت
يعني...
أكثر من جوري تخاف ماكو بس مو هيج توصل حتى اغمة ينغمي عليها
صدك جذب...
وشدعوة عمي هيج خايف عليها
شوراج يا ازل.

ساعاتج مو سوة ليش كل الاهتمام الج من اهلج
شنو سرج...
طمنها عمي وهي ترجف لا خوفها مصطنع ولا بجيها جذبي بس شدعوة
هل خوفة...
اني لازم اسأل عمي أحمد عليها
كومها نامت...
شهاب: - عمي ليش هيج خايفة وتبجي معقولة من الظلمه
ابو عيسى: - والله يا شهاب هل بنية شافت الضيم لهل السبب تخاف لا عبالك دلع بنات وغيرة
بس ازل.

من زغرها اخذها عمها لكشاف. وهناك مدري شمسوييها ومخليها مس جن لحن ماقبل فترة نتهت اله شويه تموت، وهاي ضيمها خلال 5 سنين كلشي منعرف احنه بس برحمة ربك الله نجاها...

شهاب: - قشعر بدني وجعني كلبي عليها
هاي المرحة الوكحية والي كل ما شفتها تضحك عاشت كل هذا...
شكد نقهرت ضلمتها
واني إلى بالي هي دلوعه شكلها ساحلتها الدنيا سابقا هسة...
فهمت اهتمام اهلها بيها هالكد ليش
بغض النظر كونها الزغيرة
هم يخافون ترجع حالتها...
خطية الله يساعدج يا حبيبة روحي على الشفتي وعانيتي...
قررت اخطبها بس لازم ارجع وي امي لديالى احاجيها كول لعمي...
اني أريدها إلى على شنو بعد باقي شمتاني.

ماعندي شي ينقصني...
نمت واين التفكير شاغل بالي وعله قسوتي وياها وماعرف انو كل هذا هيه متحملته الله يساعدها...

وماحسيت اله غافي كعدت ب7 الصبح كعدت امي وجوري حته هم ياله نطلع ما قبلو اله نتريك كعدة احنه و عائلتهم سوو اشكال لريوك كيمر عله اجبان وبيض ومربه وكلشي، همه عادتهم علاكل الكل يجتمع نسوان وزلم حته لو خطار باوعت عله ازل شلون تاكل، واخذتني صفنه هيج وتصير إلى واعوضها عن كل حزن شافته بحياتها، ان شاء الله ربي يقسمها الي...

احمد: - ها وليدي شهاب وين صافن اتريك...
شهاب: - لا عمي ماكو شي شبعت الحمد لله هم ياله نروح ورانه درب وشغل...
رحنه لديالى والطريق تعب وراها ارتاحيت سبحت ونمت وكعدت العصريه، كلت لازم احاجي امي بموضوعها...

شهاب: - يمه رايدج بموضوع
ربيعة: - خير يمه شكو...
شهاب: - يمه رايدها كافي قررت أستقر واتزوج...
ربيعة: - كلووووووووش يمة وأخيرا اقتنعت
وقررت تفرحني بيك
ان شاء الله يا يمه عمك أحمد ينطيها...
شهاب: - ادري حجية شمدريج رايد بنت عمي أحمد...
ربيعة: - لا افه عليك اني أمك ولك من سحلتنا
بهذيج الصبحية...
بس حتى نحضر خطبة حسن عبالك عبرت عليه سالفة صديقات جوري
مو اني اعرفك تربيتي انت...

شهاب: - بعد استخبارات شخليتي عليج الله يمه
شلونها شفتيها انتي وكعدتي وياها...
ربيعة: - والله يا يمه البنية على لاهيتها حبابة
وخبلة مثل أختك هل تشوفهن توالمن
وبعدين انت قانع بيها وهذا اهم شي
يا يمه...
ما طولك هويتها خلي رأيك هو الأهم انت إلى راح تعيش وياها...
والمرأة يا يمه مثل العجينة بيد رجلها
هو إلى يمشي ويصونها
ويمشيها على مايه...
شوفت عينك جابني ابوك من أربيل وكعدني بنص عرب وقرية...

لا عيشتي مثلهم ولا لبسي لبسهم
لكن اني اتأقلمت لخاطر عيونة
أبوك...
من اغلط يعاقبني
ولو احد غلط عليه يدفنة وهو عايش...
المرأة يا ابني سندها رجالها
خليك خيال حوك
لا تفهى وياها تسترجل عليك
ولا تقسى عليها
تنكسر بيك...
وان شاء الله بجاه الزهراء يجعلها من نصيبك
عمك أحمد اني أحاجي معليك عوفها عليه...
شهاب: - يلا حجية اتوكل اني لعد بعد الشغلة صارت بيدج جيسيلي نبضهم حتى أحاجي عمامي واخطبها...