رواية دماء العشق للكاتبة أسماء صلاح الفصل الخامس
و لكن قطعهم طرق الباب و جعل الجميع التوتر بسبب قوته العنيفة
استأذن شبل و قام ليفتح و لكنه تفاجأ بوجود الشرطة امامه، تسأل باندهاش:
خير يا باشا؟
شبل الجبالي مطلوب القبض عليك
شبل بدهشة:
نعم؟ ليه عاد انا عملت ايه؟
خرجت حور و شهقت بصدمة و قالت:
هو في ايه؟
الظابط بيقول ان مطلوب القبض عليا
اتفضل معايا
نظر شبل إلى حور و قال:
انا هروح معاهم و فهمي امي يا حور
دخلت حور و قالت:.
اسفين يا شيخ بس حصل مشكلة هناجلها بإذن الله
ذهب المأذون تسألت نعيمة بقلق و قالت:
شبل ماله يا بنتي؟
تنهدت حور و قالت باستياء:
الشرطة خدوه
صرخت نعيمة بقوة و قالت بندب:
ازاي اكدة، اها يا ابني، انا لازم اروحله
خرجت مسرعة فذهبت لها أمنية و كذلك سالم و قبلها حدث حورروحي يا بنتي هاتي جوز عمتك هو محامي و يفهم في الأمور دي و انا رايح معاهم
بعد أن ذهب الجميع نظرت حور إلى حبيبة و قالت:
اياكي تعتبي باب البيت فاهمة.
خرجت حور و بعد أن سارت عدة خطوات، سحبها هو و الصق ظهرها على جذع الشجرة و قال بغضب:
هتتجوزي؟ بتتضحكي عليا
حور بنرفزة:
بعد عني يا عاصي
سحبها عاصي خلف و وضعها في سيارته و توقف أمام منزل يتكون من طابق واحد و يتوسط الأرض الزراعية و دخلوا إليه
حور بقلق:
انت عايز ايه؟
يا تخرجي منه مراتي يا تخرجي من غير شرفك يا حور
رمشت عيناها لتستوعب ما قاله و نظرت له بصدمة و قالت:
انت مجنون صح
قبض على ساعدها بعنف و قال بحدة:.
اختاري يا حور
هبطت دموعها انا مش عايزة، يا عاصي هملني بالله عليك
بحبك يا حور و حبك زي التار مش هيخلص غير بالدم
خلصت حور ذراعها منه و قالت بعصبية:
أقسم بالله أصوت و ألم البلد عليك
محدش هيسمعك يا حور و عقبال ما صوتك يوصل لبرا هيكون الأوان فات اتجوزيني برضاكي
حور ببكاء:
و حياة أغلى حاجة عندك خليني امشي يا عاصي
مفيش أغلى منك
صمتت حور و نظرت له متعجبة لما يقوله خلاص اعمل اللي تعمله بس انا مستحيل اتجوزك.
اصدم عندما استمع إلى جملتها و قال:
رافضة ليه؟
هتجوزك ليه؟ يا عاصي، انا مش بحبك و لا عايزك دا غير حاجات تانية كتير تمنع
تمام يا حور شبل هيقضي عمره في السجن و ابقى وريني هتتجوزي ازاي؟ و اختك كل حاجه عملتها هتبقي عند ابوكي و طبعا انتي عارفه وقتها انه صحته متستحملش
خليني امشي
هجيب المأذون عشان نكتب كتابنا
أمسكت حور يده و قالت:
هقول لأبويا و بعدها هنتجوز
نظر لها و قال بتحذير:
لو فكرتي بس تضحكي عليا...
قطعته حور و قالت:
خرج شبل، و انا دلوقتي هتكلم مع ابويا
شبل هيخرج يوم دخلتنا يا حور يوم ما اتأكد انك بقيتي مراتي و ملكي
بكت حور و قالت:
تمام، انا همشي
حاوط وجهها بين كفيه بحنان و رفع ذقنها ليلتقي بعيناها الدامعة و قال:
انتي السبب يا حور
انا اللي كنت كدابه برضو، اعرف انك غصبني على الجوازه دي و حور لو اتغصبت على حاجه بتاخد حقها كويس قوي و بعد يدك دي عني
هتحبي شبل يعني؟
ملكش صالح يا عاصي، احب محبش بكيفي.
تنهد عاصي بحنق و قال بضيق:
انتي ازاي اكدة؟ انا سجنت اخويا عشانك...
قطعته حور بحدة و قالت بجدية:
بلاش تضحك على نفسك، انت متكرهش في حياتك قد اخوك شبل و رايد تطلعه وحش قدام ابوه و اتحرقت قوي لما وافقت عليه و رفضتك
انا اقدر اسود ايامك كلها يا حور و انتي عارفه اكدة زين فحاولي تلمي نفسك و لسانك
بكرهك يا عاصي و من كل قلبي
كل مشاعرك من ناحيتي خلصت
نظرت له بجمود و قالت:.
مكنش في مشاعر أصلا، و يوم ما قلبي يحب واحد زيك هكون جاتله نفسي
و بعد ذلك أدارت ظهرها له و خرجت مسرعة و ذهبت إلى القسم و طلبت منهم رؤية شبل
اتجهت إليه و قالت بحزن:
شبل انا لازم افسخ الخطوبة دي؟
شبل بدهشة:
ليه؟ دا خطأ يا حور و كلها ساعات و اطلع، انا عمري ما اخد رشوة ابدا
تنهدت حرة بقهر و ترقرقت عيناها بالدموع و قالت:
عارفه والله بس عشان انت تطلع لازم نسيب بعض
شبل بتساؤل:
عاصي
أومأت برأسها و قالت:.
كل شي نصيب يا شبل
أدارت حور ظهرها لتذهب و لكنها استمعت إلى صوته القوى يصيح قائلالا با حور، انا هتسجن بس متقربيش من عاصي.
عندما دخلوا إلى المنزل، سألها والدها قائلا:
مالك يا بنتي
ألقت بنفسها بين أحضانه و قالت ببكاء:
انا اسفه يابا بس مضطرة والله
تعجب سالم و شعر بالقلق على ابنته و قال:
مالك يا بنتي
ابتعدت حور عنه و مسحت دموعها قائلة:
هتجوز عاصي الجبالي
سالم بدهشة:
كيف يا بنتي و شبل
عاصي هو السبب في اللي حصل و انا لازم اتجوزه
سالم بصدمة:
لا يا بنتي مستحيل اسيبك تروحي للنار برجلك
تنهدت حور و رتبت على يده و قالت:.
انت ديما كنت بتديني حرية الاختيار
سالم بغضب:
لا يا حور مش موافق و لو عاصي آخر راجل في الدنيا مش هتتجوزي فاهمة، انا معنديش غيرك انتي و اختك
تساقطت دموعها بغزارة و قالت برجاء:
ارجوك يابا خليني بإرادتي ونبي
ازاي يا بنتي عايزاني اوفق، لو على شبل فهما بالنهاية اخوات لكن انتي لا
انا راضية به
دا متجوز يا بنتي، عارفه يعني ايه اتجوز قبل اكدة ياما!
عارفه يابا و موافقة.
و انا مش موافق و لو اتجوزتي فاعرفي انك خرجتي عن طوعي
تركها سالم و دلف إلى غرفته، انهارت حور جاثية على الأرض و اخذت تبكي بشدة...
عاد عاصي إلى المنزل و كانت والدته تجلس تشاهد التلفاز، ذهب عاصي ناحيه والدته و قبل كفها قائلا:
جاعدة ليه لحد دوك عاد؟
بسمع المسلسل
انا هتجوز حور
غضبت مديحة و قالت:
يا دي الحور اللي بوظت نفخوك دي
عايزها ياما
تنهدت مديحة بضيق و قالت:
يا ضي عيني حور دي مش من توبك و بعدين ابوك موافق عليها عشان سبب زيها زي اللي كانوا قبلها
عاصي بضيق:.
بس انا بحبها و مخابرش أيه المشكله في إني اتجوز واحدة بحبها، نفذت اللي هو طلبه و اتجوزت بنت شريكه بس خلاص مش جادر
مراتك زي الفل يا عاصي بنت ناس و متعلمة
عاصي باستياء:
محدش هيفهمني عارف
رتبت والدته على كتفه و قالت:
دي و لا حب و لا حاجه يا ابني و اديك هتتجوزها و اتمنى انها تطلع بتخلف و نخلص بجي
زفر عاصي بحنق و قام متجها إلى غرفته...
استيقظت حور في الصباح على طرق باب المنزل و كانت حبيبه مازالت نائمة
خرجت لتفتح و وجدت شخص أعطاه فستان زفاف و ذهب
زفرت بحنق فالطبع علمت بأنه هو من أرسله، ألقت بالفستان على الاريكة و لكن عادت إلى الباب و تلك المرة كان هو
عجبك الفستان
حور باقتضاب:
مشوفتهوش و لا عايزة اشوفه
مش مهم انا عايز اشوفك به، ايه صحيح هنتجوز انهاردة
مش عايزاك.
بس انا عايزك، حضري نفسك لأن على المغرب اكدة هكون عندك انا و المأذون عشان نكتب الكتاب و نروح على بيتنا يا عروسة
عاصي هو انت عايز تتجوزيني ليه؟
عشان بحبك
لا في سبب تاني و دا اللي خلى اهلك يوافقوا
سيبك من اهلي يا حور و خليكي فيا انا، همشي دوك
قفلت حور الباب خلفه و وجدت والدها يقف أمامها و اشاح نظره عنها، اقتربت حور منه و قالت:
انا محتاجك يابا بلاش تتخلى عني اكدة
كيف يا بنتي عايزاني اوفق.
عشاني انا يابا وافق انا موافقة...
نظر لها سالم و قال باستياء:
ماشي يا حور مع اني مش هقبل بجوازك منه ابدا.
بعد انتهاء أذان المغرب، ذهب عاصي بصحبة والده إلى منزل حور و معاهم المأذون، استقبلهم سالم ببرود مفرط به و كانت حور بالداخل تنتهي من ارتداء الفستان
حبيبة بابتسامة:
الفستان حلو اوي
نظرت له حور بحدة و قالت:
مليكش صالح عاد و خدي بالك من تصرفاتك مش معنى اني ماشية من اهني هسيبك على راحتك و اول عريس هيدق الباب هنوافق عليه
حبيبه بضيق:
انا حره يا حور و لو تقدري تقولي حاجه لأبويا قوليها.
قطع حديثهم طرق الباب، فخرجت حور لكي توقع على عقد زواجهم و بعد ذلك ودعت والدها بحزن و دموع حارة و ذهبت مع عاصي إلى المنزل
عندما قفل الباب انتفض جسدها و نظرت له و قالت:
فين الاوضه؟
فوق يا جلبي
نظرت حور اليه بضيق و قالت:
ياكش يقف جلبك
اقترب منها و حملها من الأرض، شهقت حور بصدمة و قالت:
انت ازاي تعمل اكدة نزلني؟
لازم العريس يشيل مراته ليله دخلتهم.
نظرت حور له و صممت، دخل إلى الغرفة التي كانت مزينة بالورود نظرت عليها بسخرية و قالت:
بكرهك برضو و اعرف اني هنا غصبن عني
زفر عاصي بحنق فهي تتعمد إفساد مزاجه و أغاضبه حتى ليله عرسهم و قال بحدة: ...!