رواية دماء العشق للكاتبة أسماء صلاح الفصل الحادي والعشرون
دخل منصور إلى المنزل و هدر غاضبا:
يا ممدوح...
أتى شقيقه على صوته و كذلك زوجته عايدة التي اتفزعت هي الأخرى
ممدوح بقلق:
مالك يا اخويا؟ ايه اللي حوصل
الخزينة بتاعت المصنع فضيت و كل الاتفاقات اللي كنت متعاقد عليها من الناس اتلغيت و بيجول أن حد خد الفلوس المقدمة
ممدوح بدهشة:
الكلام دا حصل كيف يعني مفيش حد غير
مديحة بضيق:
ما شبل الغريب اللي بينا
منصور بغضب:
مش عايز اسمع حسك عاد، فين وليد؟
نزل الباقية و كان وليد و بلال و أمنية و تقي
بلال باستغراب:
انت بتزعق ليه يا حج؟
اتجه منصور ناحية وليد و قال بعصبية:
انت عملت اكدة عايز تخرب بيتي
نظر له وليد بملامح مندهشة لا يفهم ما يقصده و قال بتساؤل:
عملت ايه يا حج؟
سرقتني
اصدم وليد من اتهام عمه لها فكيف أن بأن يظن به بأنه سارق فهو يعمل معه منذ أن كان طالب بالكلية و لكن لم. يتعجب كثيرا فهو جعل ابنه يرحل و قام بقتل حفيده.
انا مش حرامي يا عمي لان دا مالنا كلنا اللي انت كلته على ابويا بس اقولك على حاجه احسن
منصور بحدة:
انت اتجننت
لا بس اللي عمل كدا شبل مش انت مسكته كل حاجه و كتبتله توكيل اشرب بقا
بلال بضيق:
بس يا وليد مش وقته و خلينا نحل المصيبة دي
تحلوا المصيبة انا مليش علاقة بحاجه، طول عمري كنت مجرد موظف و انا هتعامل دلوقتي على كدا بعد اذنكم
صعد وليد إلى غرفته و تابعته أمنية و قالت بعد أغلقت البابوليد.
أمنية من فضلك قفلي على الحوار دا لاني مش عايز اتكلم في حاجه كفاية اتهام ابوكي
تفتكر شبل هو اللي عمل كدا؟
هو الوحيد اللي مش موجود يا أمنية، و بكدا ابوكي هيروح في داهية.
قطع لحظتهم رنين هاتفه فابتعد عنها لكي و قال:
استنى ارد على التليفون
رد على الهاتف و قال:
ايه يا بلال؟
مصيبة يا عاصي
عاصي بقلق:
في ايه يا بلال؟
أبوك وكل شبل علي حاجه في شغله و هو سرقه و هرب
و انا مالي؟
انت مش هتتصرف
علاقتي بالعيلة دي اتقطعت يا بلال و انا مليش علاقه هو استغني عن خدماتي اللي اقدر اعمله انكم لو احتاجتوا فلوس ماشي غير كدا لا
تنهد بلال و قال:
سلام
قفل عاصي معه و لاحظت حور تغير ملامحه و قالت:.
في حاجه و لا إيه يا عاصي؟
لا مفيش بس حصل مشكلة كدا في البيت و بلال بيقولي
و ايه هي؟
حاجه ملناش علاقة بيها
نظرت حور له و قالت بتعجب:
اكيد بالبيت، بس احتمال يكونوا محتاجنك بكدا
هما اللي اتخلوا عني و مهما حاولت أرضيهم منفعش
امسكت حور بكفه و رتبت عليه قائلة:
مش عارفه اقول ايه بس دا كله بسببي
ابتسم عاصي و رفع كفها الممسك بيده و وضعه على موضع قلبه و قال:
السبب في دا؟ ما انا برضو مكنش ينفع احبك كدا.
ابتسمت حور و لمعت عيناها فرحا و قالت:
مكنش ينفع خالص فعلا
طب بالمناسبة الحلوة دي مش ناوية تقبليني
ابتسمت حور و قالت:
لا ملناش في الحاجات دي
دا ليه؟
انا هروح عشان اشوف حبيبة
لا معنديش حريم تبات برا البيت، انتي اللي دخلتي بمزاجك
حور بضيق:
عاصي انا مبهزرش، عايزة امشي
حملها على كتفه كالشوال و قال:
و لا أنا بهزر مش هيبقى اتنكد عليا و كمان تمشي دا حرام
رفست حور بقدميها و قالت:
طب نزلني و بلاش الحركات دي.
دا انا بموت في الحركات دي
عندما دخل الغرفة، انزلها على الفراش برفق و قال:
ايه رايك في ذوقي
حلو، امشي بقا
سيبتك اربع شهور، خلاص بقا الاجازة خلصت
حور باستغراب:
اجازة إيه؟
جلس عاصي بجوارها و قال:
يعني اعتبري انك كنتي في اجازة و خلصت
قبل شفتيها بنعومة و همس لها قائلا:
و دا وقت العمل الصراحة
احمر وجهها خجلا و قالت:
عاصي بطل قلة أدب عشان مبحبهاش
بس انا بحبها
قطعهم رنين هاتفها، ابتعدت حور قليلا لكي تجيب و قالت:
الو.
انا شبل
حور بدهشة و نظرت إلى عاصي و قالت:
عايز ايه يا شبل و بعدين جيبت رقمي ازاي؟
مش دا المهم يا حور، المهم اني خلاص خدتلك حقك من منصور الجبالي
حور بتعجب:
عملت ايه يعني؟!
مش مهم المهم أننا نبقى مع بعض من جديد، انا عايز ابدا معاكي كل حاجه من الاول و دا رقمي فكري في كلامي و قوليلي
و بعد ذلك أغلق معها، نظرت حور إلى عاصي و قالت:
هو شبل عمل ايه؟
سرق أبويا بمعنى أن ابويا بيته اتخرب
شهقت حور بصدمة و قالت:.
مش معقول بجد؟!
ابويا هو اللي يستاهل و بعدين دا أقل واجب منه
و انت مش زعلان على ابوك؟
بصراحة لا، لأني ديما مكنتش بشوف منه غير القسوة و بس
أدمعت عيناها و رتبت عليه و قالت:
بس أكيد مش هتتخلي عنهم و...
قطعها عاصي و قال:
هنفضل نتكلم؟!
لا خلاص
التهم شفتيها في قبلة عميقة، و استسلم كل منهم على مشاعره، ابتعد عنها عاصي على صوت رنين هاتفه و زفر بحنق قائلا:
ليلة منحوسة...
ابتسمت حور و قالت:.
رد على التليفون يا عاصي يمكن حاجه مهمة
رد عاصي على هاتفه و قال:
خير يا بلال عايز ايه؟ حصل ايه تاني؟
ابوك مات يا عاصي، تعب من شوية و عقبال ما الدكتور جي كان مات بسكته قلبية...