رواية دماء العشق للكاتبة أسماء صلاح الفصل التاسع
من الاخر اكدة يا حج سالم، ابني متجوز بنتك عشان يخلف منها لأن مراته اللي في مصر مبتخلفش
وقع الكلام على مسمعه كالسوط يطرق جسده بشده و قال:
مش فاهم يعني ايه؟
يعني الجوازه دا أساسها و اول ما ربنا يكرم بنتك هتكتب تنازل عن الطفل و تاخد المقابل
بدأ سالم يلتقط انفاسه بصعوبة لا يستوعب ما يقوله و لكن حتما تلك الحقيقة
خرجت حبيبه و ركضت على والدها و قالت بقلق:
مالك يابا.
نظر منصور إليه و قام قلقا من أن يكون حدث له شي و قال:
استني يا بنتي هطلب الإسعاف
خرجت حور على صوت حبيبه و قالت بخوف:
ماله يا حبيبه
كان بياخد نفسه بصعوبة و بعدين اغمى عليه
اقتربت حور منه بخوف من أن يكون حدث لوالدها شي و اقتربت منه و قالت:
بابا، تحسست حور نبضه و قالت ببكاءهاتي الدوا من جوه يا حبيبي بسرعة
نظرت حور إلى منصور و قالت بغضب:
انت قولت ايه لأبويا؟
تبرجل منصور فلم يتوقع بأنه سيحدث له شي و قال:.
و لا حاجه يا بنتي، الدكتور علي وصول
حور بعصبية:
قسما بربي لو ابويا حصلي حاجه لأسجنك
حاولت حور تفيقه و زاد بكائهاونبي يا بابا رد عليا
وصل يزيد إليهم و معه الإسعاف لكي و قال:
الإسعاف هتخده و ان شاء الله خير يا دكتورة حور
بكت حور بشده فحالته لا تبشر بالخير، رتبت عليها حبيبه و قالت:
اهدي يا حور
ذهبوا جميعهم إلى المستشفى و كانت حور منهارة و كذلك حبيبه التي لم تقل عن حالتها.
اتصل يزيد بعاصي و أخبره بم حدث، ترك عاصي ما بيده و ذهب إليهم
اقترب منها و ضمها إليه، اجهشت بالبكاء و هي تعانقه و قالت:
كل دا جوه يا عاصي، انا خايفه يكون حصله حاجه
رتب عليها و قال:
اهدي بس ان شاء الله خير
و بعد ذلك تركها و ذهب إلى والده الذي كان يقف بعيدا عنهم و قال بشك:
انت كنت هناك ليه؟
ارتكب منصور و قال:
عادي مش بقينا نسايب، كنت رايح ازوره و مكنتش اعرف ان مراتك هناك
عاصي بضيق:
و الراجل تعب كدا من نفسه.
ما انت عارف انه صحته على قده من فترة و لا انت جاي تتهم أبوك
عاصي بعدم اقتناع:
تمام يا حج بس انا مش هسمح بحاجة تحصل ليها متنساش انها مراتي
منصور بحدة:
و انت متنساش انك متجوزها لسبب و اظن انها لو عرفته هتسيبك يا ابن الجبالي
نظر عاصي له و صمت فهو لا يريد افتعال المشاكل خصوصا في ذلك الوقت
خرج الطبيب و على وجه ملامح الحزن و قال:
البقاء لله
رمشت حور بعيناها لتستوعب ما قاله و قالت بصوت مرتجف و بكاء:.
يعني مات؟ لا اكيد لا...
رتبت حبيبه عليها و قالت باكية:
خلاص يا حور
أبعدت حور يدها و قالت بعصبية:
مش عايزة اسمع صوتك...
دخل عاصي إليها فبعد انتهاء العزا، جلست حور في غرفتها تبكي على فراق والدها
حور مش كفاية كدا
حور ببكاء:
مكنتش متوقعه انه يمشي بسرعة كدا
احتضنها عاصي و رتب عليها بحنان و قال:
ادعيله يا حبيبتي، دا قضاء ربنا
ابتعدت حور عنه و نظرت له فهي تشك بأن والده هو السبب و قالت:
اتمنى انه يكون قضاء ربنا يا عاصي
صمت عاصي فهو الآخر لديه شك في ذلك و قال:
انا قولت لحبيبه تيجي تعيش معاكي هنا؟، مش هينفع تقعد لوحدها
شكرا.
رتب على يدها برقه و خرج من الغرفة، نزل أسفل و اتجه ناحية حبيبه الجالسة، جلس بجوارها و قال:
البقاء لله
و نعم بالله، حور عملت ايه؟
اتمنى انها تكون كويسه، اطلعي ارتاحي
مسحت حبيبه دموعها و قالت بحزن:
طيب.
أمنية بحزن:
والله زعلانه قوي على حور و حبيبه
نعيمة بسئم:
منهم لله تلاقي الواد و ابوه هما اللي عملوا في الراجل كدا
قطعها حديثهم طرق الباب، قامت نعيمة لتفتح قائلة:
مين اللي هيخبط اكدة
و عندما فتحت الباب و وجدت وليد و بلال، تسالت بقلق خير يا ولاد الجبالي
نظر لها بلال ببرود و دخل متخطيا اياها و قال إلى أمنيةادخلي البسي و تعالى معايا ابوكي عايزاك
أمنية بجدية:
اطلعوا برا و انا مش همشي من بيتي.
صاح بها بانفعال:
كلامي يتسمع و انجزي ما تعقلي بنتك يا ام شبل
نعيمة ببكاء:
عايزين من بنتي إيه؟
زفر بلال بحنق و قال:
بصي الكلام مع ابويا و هو عايزها
وليد ببرود:
ما تنجزوا يا جماعه و بلاش نخلي الحج منصور يزعل
نظرت نعيمة إلى ابنتها و قالت بحزن:
أسمعي كلام اخوكي يا بنتي
أمنية بغضب:
انا مش خايفه منهم و اللي عنده يعمله
صفعها بلال بقوة لتهتز بجسدها و قالت بصدمة:
انت اتجننت.
رفع يده في وجهها ليحذرها من إكمال الحديث و قال:
كلمة منك تاني و هوديكي البيت زاحفة على الأرض.
كان عاصي يجلس مع يزيد بحديقة المنزل و قال:
متأكد أن ابويا قاله حاجه و الراجل مستحملش و مات
يزيد بحيرة:
وانا نفس الكلام بس اكيد مش هتقول حاجه قدام حور و بصراحة يا عاصي اصرارك عليها هو اللي هيوديها في داهية و ابوك مش هيسكت
زفر عاصي بحنق و قال:
مكنتش هقدر اشوفها بتتجوز واحد غيري
عاصي انت على ذمتك واحدة و حور متعرفش لا و كمان لو خلفت هتخدوا منها الواد
و مين قالك انها هتخلف
يزيد باستغراب:.
كمان بتديها حبوب منع حمل من وراها
تنهد عاصي و قال:
اومال استنى لو تخلف و تكتشف كل حاجه، ما ابويا مش هيسكت و لا أنت مش عارف خالك
عارفه بس حور دكتورة و بتحليل واحد هتفهم كل حاجه
عاصي بضيق:
مش عارف بس انا زهقت فعلا و عايزها معايا بأي طريقه و مكنتش لاقي غير كدا
و مراتك اللي في مصر دي؟
هبقي اقول لحور اني عندي شغل و انزل و بعدين بسمة انا مش همها في حاجه
ضرب يزيد كفا على آخر و قال باستياء:.
لا حول ولا قوة الا بالله، طب انا همشي و اطلع انت لي مراتك
تمام
صعد عاصي إليها فكانت متكورة على نفسها و تهبط منها دموعها بغزارة، تمدد بجوارها و ضمها إلى صدره بهدوء ليرتب عليها بحنان.
مرت ايام على وفاة والدها و بدات حور تعود إلى حياتها الطبيعة و كذلك حبيبه التي توقفت عن الذهاب إلى جامعتها
هتروحي كليتك انهاردة؟
ايوه عشان اجيب الملازم و هرجع بسرعة
حور بحزم:
ياريت تكوني عقلتي لأني خلاص مش قادرة استحمل بلاوي تانية
طأطأت حبيبه رأسها بحزن و قالت:
حاضر يا حور
ذهبت حور إلى الوحدة، احتضنها دنيا و قالت:
الحمد الله انك جيتي يا حبيبتي
ابتسمت حور و قالت:
زهقت من القعدة.
جلست حور و جلست دنيا أمامها و قالت:
مالك يا حور
معرفش يا دنيا عندي شك في كل اللي حواليا و مش مستحملة حد
دنيا باستغراب:
مش مرتاحة مع عاصي
عاصي كويس معايا بطريقة تخوف و دي اكتر حاجه مضايقني، بس عايزة اعرف ليه كل دا؟
دنيا بدهشة:
بس دا جوزك
نظرت لها و قالت:
دنيا انا عايزة اعمل تحليل
لايه
عايزة اشوف الحمل اتأخر ليه؟ متجوزه بقالي تلت شهرين
دنيا بتعجب:
انتي شاكة في حاجه و لا إيه؟
زي ما بقولك عايزة اعمل التحاليل و اشوف اذا كان عندي حاجه و لا؟..