قصص و روايات - روايات صعيدية :

رواية دماء العشق للكاتبة أسماء صلاح الفصل الأول

رواية دماء العشق للكاتبة أسماء صلاح الفصل الأول

رواية دماء العشق للكاتبة أسماء صلاح الفصل الأول

الحياة مجرد مجموعه من التجارب و المواقف الصعبة و لكن ما علينا هو تعلم الدروس جيدا فالخطأ يبقى كذلك مهما حدث.
مسحت وجهها بكفيها و داعت ربها قائلة:
يارب وفقني و نجح حبيبه و اشفي ابويا
قامت حور و طبقت السجادة و وضعتها على طرف الفراش و نظرت على حبيبه و قالت:
يا بت بطلي كسل عاد، انا معرفاش عتتجوزي ازاي و انتي أكده
زفرت حبيبه بحنق و وضعت الوسادة على وجهها
تنهدت حور باستياء و قالت:.

يا مُري منك يا بت، انا هحضر الفطور جومي عشان تتحممي
حبيبه بسئم فهي تريد أن تحصل على بعض الراحة و النوم و قالت بنعاس:
طيب يا حور جايمه اهو
خرجت حور من غرفتها و بدأت تعديل صالة منزلهم المتواضعة و التي تتكون من ثلث كنبات و طاوله صغيرة، كنست الأرض و بعد ذلك وضعت الطبلية المستديرة و دخلت إلى المطبخ التي تأكلت جدرانه
حضرت فطارهم الذي اعتادت عليه منذ أن ماتت والدتها و هي في سن الحادية عشر.

و وضعته على الطاولة و بعد ذلك طرقت باب غرفة والدها و دخلت لتفتح الشرفة و قالت:
صباح النور يا حج
قام سالم و ابتسم فرؤيتها بالنسبة له ترد إليه الحياة و قال:
صباح الجمر، صحيتي اختك
ايوه جوم اتوضي و صلى الصبح و الفطار جاهز و انا هلبس و انزل عشان اروح الوحدة
تنهد سالم بحزن و قال:
والله يا بنتي مش عارف اقولك ايه من بعد ما تعبت و انتي شيلنا
أمسكت حور بكفيه و قبلته قائلة:.

وجودك معانا بالدنيا، أنا هعدي على ام شبل اشوفها
يا بنتي بلاش تخرجي و تدخلي كتير عِنديهم (عندهم) انتي لسه خطيبته
متجلجش عاد يا ابوه حور بنتك بميت راجل
خابر زين
ذهبت حور من المنزل و تماشت إلى منزل شبل، طرقت الباب و فتحت لها نعميه و قالت:
ادخل يا حور
خير يا خاله اتوغوشت
تنهدت نعميه و قالت:
مش هنتحدد على الباب يا بنتي، ادخلي عاد
دخلت حور و جلست على الكنبة و انتظرت حديثها و قد شعرت بالقلق.

انتي خابرة زين اننا قطعنا مع عيله الجبالي
خابرة يا خاله
عاصي الجبالي مجوي السلخ على شبل
حور باستغراب:
كيف يعني؟
في الشغل يا بنتي، عاصي مفتري و ايده طايل و ابوه ربنا يسامحه هو اللي راكبه علينا
رتبت حور على يدها و قالت:
طب انا اساعدكم ازاي؟
شبل هيأجل الدخلة و هو محروج يقول لابوكي كلام زي دي
عيب يا خاله أكده مفهاش حاجه، انا هستني و بعدين هيفرق ايه شهر من أتنين
ابتسمت نعميه فهي بذلك ارحت قلبها و قالت:.

سلمتي من كل شر يا بنتي
انا هجوم امشي على الشغل
بالتوفيق يا ضكتورة
خرجت حور من عندها و تماشت إلى الوحدة و لكنها أثناء طريقها، توقفت سيارة أمامها فجأة
تعجبت حور و انفعلت فهو كان يصدمها، نزل عاصي من السيارة و قال ببرود:
حور اتوحشتك قوي
نظرت له حور بدهشة و قالت:
مخبول في عقلك و لا ايه إياك؟
أسند ظهره على السيارة و عقد ساعديهبجي مترضيش تتجوزي عاصي الجبالي و تروح لشبل النكد و أمه الحيزبون دي.

حور بحدة و نبرة جادة:
بجولك ايه؟ امشي من قدامي بدل ما أفرج البلد عليك
ابتسم ساخرا:
عجبك المرمطة دي؟
والله مفيش سبب يخليني اتجوز واحد اتجوز تلت مرات قبل أكده و كل مرة يطلق مراته تفتكر إيه السبب؟
هترمي لايه يا بنت سالم
اللي فهمته يا ابن الجبالي
متجلجيش انا كيف الاسد و بعدين هتجربي بنفسك و هسيبك تحكمي يا عسلية
أحمرت وجنتها و قالت بتوتر:
كفاية قلة أدب عاد
و ماله.

زفرت حور بحنق و ذهبت من أمامه فهو دايماً يفقدها صوابها، وصلت إلى الوحدة الصحية الخاصة بالنجع و التي تعمل بها
دخلت دنيا صديقتها إلى عيادتها الخاصة و قالت:
اكدة يا حور اتاخرتي قوي
تنهدت حور باقتضاب و قالت:
ونبي يا دنيا اسكتي كفايه اني اصطبحت بوش اللي ميتسماش دي
ضحكت دنيا و قالت:
عاصي الجبالي والله الراجل جمر انتي اللي غاوية نكد و فقر يا حور
لوت حور شفتيها و قالت باستهجان:
دي جمر بلا خيبة.

عملتي ايه مع شبل هتتجوزوا ميته
معرفاش كل شوية الجوازه تتأجل مش باينلها جواز واصل
نفسي اعرف انتي رفضتي عاصي ليه؟
لاني مش رايدها يا دنيا و مش عحبه
نظرت لها دنيا بتعجب و قالت:
يعني عتحبي شبل يا حور و بعدين اتجوزي جوازة تخليكي ملكة بدل شبل اللي مش يخلص الشقة اللي في بيت أمه
حور بضيق:
كفاية الأخلاق يا دنيا إنما عاصي دا يجول لقلة التربية جومي و انا اقعد مكانك
تنهدت دنيا و قالت:
فقرية طول عمرك يا اختي...

نزلت حبيبه من الميكروباص و بعد ذلك تماشت لتصل إلى جامعتها، اوقفها شخص قائلا:
انسه حبيبه
التفتت حبيبه إليه و قالت:
انت مين؟
انا معاكي في الكلية
حبيبة باستغراب:
نفس القسم
لا انا كلية هندسة قسم طيران بس بشوفك كتير و عرفت اسمك
حبيبة بحدة:
اممم تمام ماشي عن اذنك بجا
انا بلال الجبالي
نظرت إليه حبيبه و قالت:
تشرفنا، ممكن تسيبني ادخل الجامعه لاني عندي محاضرات
ممكن اعزمك على الفطار و نتكلم مع بعض
حبيبة بضيق:.

لا مينفعش
عادي يا حبيبه انتي كبيرة كفاية يعني مش طفلة
ايوه عايز ايه؟
نتكلم مع بعض بس، انا براقبك بقالي فترة ما ساعه ما شوفتك مع أمنية اختي
تنهدت حبيبه و قالت:
اها انا و أمنية صحاب من فترة قصيرة
طب تعالى نروح ايه كافية أو مطعم، مش هنقضي اليوم في الشارع.

صمتت حبيبه لوهلة و نظرت إليه فهو وسيم، يبدو و كأنه فارس أحلامها من جمال و غني، عيناه الزرقتان الهادئة و ملامحه الجذابة و شعره المهندم المرفوع للأعلى و لحيته الخفيف و ملابسه العصرية و قررت أن تجرب تلك المرة فهي لم تصبح مثل شقيقتها الكبرى و ترتبط بشخص فقير أو متوسط الحال حتى
تمام لما نشوف اخرتها بس دي اول و آخر مرة
تمام اتفضلي
و أشار على سيارته الحمراء الفارهة، ابتلعت ريقها و قالت:.

مينفعش اركب معاك عاد؟
مفهاش حاجه، بظبط دقيقتين و نوصل.

طرق عاصي مكتب والده و دخل قائلا:
كيفك يا حج؟
زين طالما ما انا شايفك قدامي
ابتسم عاصي و جلس على المقعد المجاور و قال:
خليت بلال يرجع ليه عاد؟ ما كان خلص دراسته كلها برا
تنهد منصور و قال:
كفاية اكدة دا بقاله سنتين برا و بعدين اهو يبجي معاك و يشيل عنك شوية
اللي تشوفه يا حج
هو اخوك اتجوز حور بنت سالم الغفير و لا لسه؟
قطبت ملامحه و رد بضيق:
لا لسه و الجوازه مش هتم عاد.

فيها ايه؟ و بعدين مالك مصمم عليها أكدة ليه؟
انا اللي أتقدمت ليها من خمس سنين و بعدها بشوية يروح هو يتجوزها
الجواز قسمة و نصيب و بعدين دي بنت غفير و انت اتقدمت ليها لسبب و لا ناسي
و انا اللي هتجوزها بجي انا اترفض عشان شبل الكحيان دي
منصور بضيق:
متنساش انه اخوك يا عاصي
اخويا يحترم نفسه و حور هتجوزها غصبن عنها.

ضحكت حبيبه و قالت:
دا بجد
ايوه و بعدين انا مش طالب اصلا
كنت بتضحك عليا؟
لا بس قولت ممكن تبجي سبب مثلا و بعدين محصلش حاجه اهو
ابتسمت حبيبه و قالت:
ايوه بس انا هجوم امشي دوك
طب مش هاخد رقمك عشان نتكلم
حبيبه بتردد:
ميصحش عاد
اطمن عليكي بس و بعدين مفهاش حاجه لما نبجي أصحاب
تنهدت حبيبه و أعطيت له هاتفها ليكتب رقمه ليها...

كانت حور تلملم أغراضها لكي تذهب، فهي تغادر في العاشر مساءا
دخل عاصي إلى غرفتها و قفل الباب خلفه
التفت حور و نظرت له بدهشة فكيف يتجرا على اقتحام عيادتها بتلك الطريقة و من سمح له بالدخول من الأساس و لكن ذلك جعلها تشعر بالتوتر فالجميع غادروا الوحدة و معنى ذلك بأنها بمفرده معه، تغفلت عن ذلك و قالت بضيق:
عايز ايه؟ و ازاي تدخل بالطريقة دي؟!
اقترب عاصي منها و قال بخبث: ...!

الفصل التالي
جميع الفصول
روايات الكاتب
روايات مشابهة